|
||||||
|
社交網絡蓬勃發展，已成為年輕人生活必需品。由facebook到Twitter、WeChat， 以至近期熱爆的17，都是幫用家擴闊社交圈子、識朋友，而且要即時回應。在澳洲回流的Philip（潘煒光），睇中現時社交網絡難以邀約陌生人結伴同遊， 創立PlanDo交友程式，只要一click，身邊陌生人就即時收到邀約通知，隨時開P唔憂無人到。今次請來StartupsHK創辦人兼總監蘇頌禮教 路，原來他曾是PlanDo用家，但不久就刪除，他更以「亂」來形容PlanDo，到底點解？我點sell老婆本搞Startup 我叫Philip，今次是我第三次做Startup。在澳洲讀完IT後，留下工作了七年，三年前回流香港，在國泰（293）繼續做IT，曾用工餘時間在網 上賣眼鏡，又試過設計網站，幫人比較強積金收費，但兩次都不成功。一年多前辭職，一個人即興去了英國旅行，去到曾用WeChat找附近的人出來玩，找到很 多中國人，但根本沒人理睬我，facebook又無這個功能，我覺得這是一個商機。之後，我就找了很多有關社交網站的資訊，還參加過初創課程，希望可以識 多些人，最後用了一年時間，用盡九十萬積蓄，設計了PlanDo。PlanDo用戶要用facebook登入，並開放手機GPS系統。上架半年，現有四千 多名用戶，舉辦了約二百次活動，例如心理測驗聚餐。用戶只需十五秒，就可以發起一個活動。除了顯示在app首頁外，發起人所在位置方圓一公里的其他用戶， 會收到即時通知。有興趣一齊玩的用戶，可以進入專屬的chatroom，先了解再決定去不去。活動結束，可以upload活動的相片。不過，與 facebook不同的是，PlanDo沒有追蹤功能，僅upload相片者所在位置附近的五十人，會收到有關通知。平時，可透過PlanDo找到附近用 戶的profile，功能同WeChat差不多，可看到對方曾經參加的活動及興趣，主動與對方聊天。 不買樓寧創業 我兩年前結婚，老婆是日本人，在澳洲讀大學時認識。結婚時，我告訴她，返來香港住一年就會返澳洲，後來說服她留在香港。那九十萬原想在香港買樓，但是愈睇 愈貴。最後想，如果買了樓，就什麼都做不到，只能打工，做一份自己不喜歡的工作，於是決定用筆錢來做app，好在老婆很支持我。現在，我們要住父母屋企， 老婆幫手做文書工作，希望這個app快些搵到錢，到時買間靚屋給老婆。 專家盤問：我曾是用家 蘇：蘇頌禮P：Philip蘇：我之前都有裝PlanDo，成日收到好多活動邀約通知，但大部分都冇興趣參加，呢個問題如何解決？P：我哋一直聽緊 user feedback。依家仲係試驗階段，我哋會收集及分析用戶參加活動嘅習慣，透過呢啲data，以後就可以按不同人嘅興趣，send活動通知俾佢哋。蘇： 你個app如何賺錢？P：依家可免費upload活動，下一步會推收費模式，如果有大型活動，想透過PlanDo令多啲人睇到通知，就要收錢。蘇：最近 「17」爆紅，但好多家長都擔心個app會教壞人，你驚唔驚你個app會有人搞不雅嘅meeting，損害個app形象？ P：「17」咁多人知，帶起咗「即興」潮流，對於我哋嚟講都係一件好事。我哋個app有嚴密嘅監控系統，色情嘅嘢一定入唔到。而且如果你突然間有個活動係 去自己屋企，依類活動九成九無人參加。我見有新嘅人發起活動，都會盡量抽時間去參加一、兩次，所以我相信用呢個app比你自己出街識人安全得多。 蘇：唔少報導講過有人在網上搞活動，收錢後就失蹤，你又點處理呢個問題？P：用我哋個app，第一步要用facebook login，已可以解決大部分假account嘅問題，暫時睇咗九成登記用家都係用真facebook賬號登入。另外，每個活動都會有個 chatroom，用戶經溝通之後先決定出唔出嚟。之後收費模式會用Paypal，佢哋有專俾網上搞活動嘅收費模式，我相信會俾到用家信心。其實依家啲人 都好醒，好似Airbnb係喺陌生人屋企住都無問題。蘇：當初點design個app？我見個app除咗約人，仲好似facebook咁，可以 update近況，點解有呢個諗法？P：我用咗三個月時間去睇市面上嘅社交app，覺得愈簡單愈好，例如用facebook去login，免卻一大堆登記 嘅麻煩，同埋用GPS搵附近嘅人，要㩒嘅掣好少。我參考過唔同嘅社交app，覺得有用嘅，就會將佢放落個app度，例如upload相、即時聊天，都係想 令到用家多啲嘢玩。蘇：你用咩方法推廣個app？以及如何令用家keep住用？P：我參加過teaching event，上過報紙雜誌，主要透過網上媒體宣傳。另外，同市面不同嘅活動搞手合作，如泡泡足球、室內射箭等，希望谷大使用率。 終極判決：要大執 十分滿分，我會給PlanDo六分。其實只是半年時間，能做到現在的成績已不容易，睇得出Philip好勤力，但是有些做法可能錯了。首先，沒有將「好快 約到人出嚟玩」的message表達出來，宣傳時應該放大這一點。其次，PlanDo又可以update近況又可以chat，焦點模糊，用家會好混亂，自 己亦難manage。另外，就是有太多同用家無關的通知，會令人產生厭惡。例如我不喜歡踢波，卻不斷send踢波的通知給我。PlanDo update得太慢，要盡快將用戶按興趣分類再發送通知，否則用家很快失去耐性，刪除個app。最後，一開始就要求用家提供GPS權限，即知道他的位置， 不提供就不可以進入個app，用家會質疑有沒有這個必要。其實PlanDo發展空間都幾大，我覺得可以同不同品牌合作。好似之前辦過泡泡足球，可以聯絡波 鞋公司，問他們有沒有興趣讓參加者穿著品牌的鞋拍片。另外應該主動出擊，發掘香港有什麼另類活動甚少人知，宣傳效果會大很多。 用家品評 八十後的Karma是Philip的朋友，數個月前成為PlanDo用家，平均每個月都搞一次活動。「由於我搞嘅活動都要幾多人，以前試過用 facebook約陌生人出席，開咗個group邀請啲人入去，但好多時過咗一排就不了了之。」她試過透過PlanDo搞唱K及熒光閃避球等活動，並多在 星期三及五舉辦，認為港人多喜歡靜態活動：「星期三就要早少少開始，試過魁地奇比賽，好少人嚟，可能哈利波特out咗！」她建議PlanDo加設行事曆功 能，令用家可以一次過看到將來所舉辦的活動。 撰文：梁延宇攝影：關永浩、廖健昌攝錄：廖健昌[email protected] | ||||||