【惹火主持】傳得罪森美林海峰
1 :
GS(14)@2016-12-06 03:56:17陳強曾擔任叱咤903主持，入行時年輕氣盛的他，曾被指自閉、不合群及麻煩，有指當年陳強不服從森美的命令，拒絕對方要求半夜入長洲，當時他解釋說：「大家又有冇諗過我答應過一百次，只係拒絕咗一次，嗰次佢（森美）冇畀我揀，所以我咪揀走囉。如果你喺埃塞俄比亞，面前得樹根，你唔食就會死，呢啲先叫冇得揀，香港人從來唔會冇得揀。」另外，陳強又曾暗寸商台沒深度：「不談論李克強造訪港大事件，只談論藍精靈好不好看。」事後林海峰在《在晴朗的一天出發》節目內反駁陳強所言並非屬實，指商台於早上節目已有談論相關事情。
來源:
http://hk.apple.nextmedia.com/entertainment/art/20161205/19855318
新劇入雪櫃改行做主持江美儀鬧拍檔譏魚販犯眾憎
1 :
GS(14)@2016-12-07 08:00:59■江美儀昨日出席活動時回應被指不尊重拍檔及魚販是角色設定。
已屆45歲的烈女江美儀最近連環爆是非，有傳她篤走無綫高層曾勵珍愛將監製關永忠，珍姐一怒之下，將她由女主角打回原形變配角，擔正的新劇更無限期放入雪櫃。據聞江美儀向珍姐對家余詠珊投誠，但拍攝綜藝節目《街市遊樂團》時，又因經常鬧顧紀筠囝囝陳浚霆及貶低魚販，遭師奶網民圍插，她昨日出席活動時自辯說：「係角色設定，亦證明我好戲！」
江美儀最近猶如「烈火奶奶」上身，周圍辣火頭，先後向無綫新劇《親親我好媽》監製關永忠和舞台劇《嬉春酒店》監製朱仲銘開火。由亞視過檔無綫的江美儀，早前終於等到機會在《親》劇擔正做女一，但有指她對劇本諸多不滿，趁戲劇製作總監曾勵珍放大假時，單人匹馬向當時仍是助理總經理的杜之克，越級投訴珍姐下屬的《親》劇監製關永忠。結果劇集臨時煞停四日大執劇本，而在無綫任職三十年的關永忠就要「孭鑊」執包袱走人。
【辱魚販】■江美儀（左）一邊剝蝦殼，一邊說曬蝦乾工作是自甘墮落，被網民插說話難聽過粗口。電視圖片
【踩新人】■江美儀（右）在節目中鬧顧紀筠兒子Andrew（左），指他是「富二代，冇嘢叻」。電視圖片
■江美儀在新劇《親親我好媽》首次擔正做女一，傳向高層篤走監製關永忠。資料圖片
「而家個個識佢」
據知此舉令珍姐震怒，即時將她擔正的《親》劇無限期放入雪櫃，在新劇《同盟》又淪為大配角。近日「坐冷板」的江美儀棄珍姐，投誠對家余詠珊，與麥長青、滕麗名和顧紀筠兒子陳浚霆（Andrew）拍綜藝節目《街市遊樂團》。節目出街後，有師奶網民插她獨有的老牛沙啞聲，一開口煩厭兼勞嘈；但更多人指她恃老賣老，狂鬧做「下把位」的陳浚霆是「富二代，冇嘢叻」，令對方尷尬。大前晚播出的一集，江美儀更指魚檔劏魚「每日賺嗰260蚊一斤」，又說「剝蝦曬蝦乾真係自甘墮落」，被網民鬧爆她刻薄兼看低人。江美儀昨日在觀塘拍攝香港學生輔導會親善大使海報，明顯有備而來說：「都唔係咁大件事箒，自己平常心，係啲人拉埋啲嘢嚟講。」對於節目中狂鬧Andrew，她解釋說：「其實呢個係節目嘅風格，係角色設定，Andrew係下把位，俾我哋恰，俾我哋話，係設定嘅效果。」是否硬食做衰人？她說：「證明多人睇，亦證明我好戲！其實我哋幾個都好錫Andrew，佢又好有禮貌，好尊重人。我都幫咗佢㗎，而家個個都識佢啦。」被指貶低工人階級，江美儀又解釋說：「我唔係話佢哋，係話我哋幾個大食懶，如果我真係話佢哋，嗰啲檔口就唔會咁開心歡迎我哋去拍啦。」她又澄清與珍姐和關永忠關係不變，但承認有與杜之克傾過，她說：「第一次做女主角，人哋做女主角好順利，但自己就好似唔係咁開心，好擔心影響到人，但我冇帶隊上去投訴。杜生有問我拍成點，咁我當時叫佢放心，我哋會做好本身，但收唔收得唔係我哋控制。」
■顧紀筠認寵兒子Andrew，笑言要多謝美儀幫她教仔。互聯網圖片
■KellyJackie（後排左）昨表示有去過澳門探陀B吳若希，更逼對方進食。
顧紀筠：惡惡地
對於囝囝Andrew經常被鬧，顧紀筠認為「惡惡地」是美儀的風格，她前日在電話中說：「我平時唔會打唔會鬧Andrew，都多謝美儀幫我教吓個仔，鬧佢都係想袋錢入佢袋箒！」Andrew亦覺得自己有時說話未經大腦，他笑稱：「美儀係錫住嚟鬧，可能自己有啲被虐狂。」據悉《街》將於下周拍第二輯，由於角色設定，江美儀又可能成為箭靶！採訪：舒娜、王梓嫚、黃曉妍攝影﹕葉君海
來源:
http://hk.apple.nextmedia.com/entertainment/art/20161207/19857155
《閃電傳真機》主持去向譚玉瑛拍住鼎爺繼續上
1 :
GS(14)@2017-01-06 02:07:49《閃電傳真機》入面《殭屍爺孫》的殭屍爺爺個外孫女張沅薇，現已洗盡鉛華，轉行於一間菜館任職，而佢昔日嘅舊拍檔，發展又如何呢？譚玉瑛兒童節目始祖嘅譚玉瑛姐姐，自從離開兒童節目後，佢就轉咗去做主持，最近孖住李家鼎(鼎爺)主持嘅《阿爺廚房》。不過鼎爺大受歡迎，譚玉瑛姐姐就被殿堂烹飪主持方太(方任利莎)嫌佢說話多咗少少。麥長青上月麥包終於離開無綫，結束29年嘅賓主關係，但麥包話同大台係轉換另一個合作形式。朱茵朱茵自2012年10月為黃貫中（Paul）生咗愛女黃鶯（叉燒包）後，專心在家相夫教女，眼見囡囡開始大，朱茵就復出北上搵銀。黃智賢入行超過20年嘅黃智賢，由兒童節目《閃電傳真機》做起，之後加入處境劇《真情》，飾演容向海一角而備受注目，直至11年，憑《潛行狙擊》中飾演因臥底黑社會「辣薑」一角而人氣急升，成為大台嘅小生之一。
來源:
http://hk.apple.nextmedia.com/entertainment/art/20170105/19886553
選主席風波 梁耀忠：從政最大打擊 堅稱棄做主持抗議無錯
1 :
GS(14)@2017-02-07 05:08:17■梁耀忠坦言對選主席風波耿耿於懷，但始終認為須緊守從政原則。夏家朗攝
【本報訊】街工立法會議員梁耀忠去年10月於立法會主席選舉風波一役，被指主持會議失當而受千夫所指，他接受《蘋果》訪問時坦言是從政21年來最重大的政治打擊，除了受到網民狂轟，亦受街工成員指摘，最後辭去創立街工後一直擔任的執委職位，但他強調當日做法無錯，須緊守從政原則。記者：林俊謙
由新界西直選轉戰超級區議員並當選的街工梁耀忠，新一屆議會甫開局便老貓燒鬚，主持立法會主席選舉期間，因不滿立法會秘書處指游蕙禎、梁頌恆及姚松炎沒有進行有效宣誓，不准他們投票選舉立法會主席，決定離席抗議，不再主持選舉。梁耀忠除了受外界抨擊，亦被盟友批評未有把握機會，運用主席權力直接取消當時捲入國籍風波、經民聯梁君彥參選主席的資格，令梁終按中聯辦「劇本」當選。
辭任街工執委
事隔4個月，梁耀忠對此仍有點耿耿於懷，坦言至今仍有向市民解釋當時只是「傳菜員」，作出不准3名非建制議員參與投票的立法會秘書處才是「廚師」：「廚師煮乜嘢餸，啱與錯、甜與辣，我都冇權去質疑佢好唔好，我只能送出去畀客人。」梁解釋，根據會議規則，他只能在有足夠開會人數下進行選舉，候選人名單由秘書處提供，他無權核實資格，所以不存在他直接取消梁君彥參選資格的可能。對於最終決定離場不再主持會議，梁強調，知悉民主派不滿選舉安排，一定離席阻止選舉，「根據議事規則，我要趕佢哋（泛民）走，我唔想，所以唔做呢樣嘢（主持會議）」，他坦言事件是他從政21年來最大的政治打擊，令他飽受批評，除試過單獨面對40多名「鳩嗚團」成員狂轟，亦首次學會何謂網民洗版，透露當時連街工成員亦批評其做法，他為向因事件遭外界批評的街工同事致歉，去年11月辭去創立街工後一直擔任的執委職位。
■梁耀忠（右三）因去年主持會議失當受千夫所指。
「一定要守規矩」
雖然受盡千夫所指，但梁至今覺得做法無錯，認為必須緊守從政原則，「今日我哋鬧中共係人治唔係法治，就係佢唔守規矩……呢一關我一定守，否則我冇權再出嚟批評建制派同中共」。他又指，「人哋做小人，我就要做小人咩？我覺得我唔可以咁做，就算你話因此以後唔投我票，可以、冇問題，我覺得大家睇法唔同唔緊要，但呢個原則我無論如何都要守」。現年63歲的梁耀忠被問到會否再戰下屆立會選舉時只稱言之尚早，未有排除可能性：「我都期望如果可以繼續，都盡量可以繼續（參選）。」他指由於擁有議員身份，過去為弱勢社群發聲，包括爭取長者和殘疾人士可享巴士每程2元的優惠票價等，「呢啲都係以議員身份先達到嘅效果，如果你唔係議員，政府唔會理你」。
來源:
http://hk.apple.nextmedia.com/news/art/20170207/19920094
《閃電傳真機》消失的主持羅貫峰轉行做餐廳老闆
1 :
GS(14)@2017-04-04 08:56:00《閃電傳真機》呢個兒童節目陪伴唔少八、九十後成長，代表人物唔使問當然係譚玉瑛姐姐啦！除咗佢之外，仲有好多曾經喺節目做話主持嘅o依家喺圈中仲係中流砥柱，就好似黎芷珊、朱茵、麥長青、黃智賢等等。不過亦都有好多熟識嘅面孔已經慢慢消失咗口喺電視框入面。唐韋琪歌手出身嘅唐韋琪喺1991年出道，95年開始加入《閃電傳真機》做主持，之佢又再喺《至NET小人類》同《放學ICU》做主持，佢又被視為譚玉瑛接班人，直至2007年退出，o依家佢主力經營自己嘅才藝訓練中心。姚安娜喺九十年代初做代替張沅薇擔任《閃電傳真機》主持嘅姚安娜，曾以藝名姚琇齡出唱片，近年主力研究占卜星座等，不時會為清談節目做嘉賓，探討命理學說。羅貫峰1997年加入《閃電傳真機》嘅羅貫峰，喺05年退出兒童節目主持，07年仲做埋《都市閒情》，至2012年加入港視，不過3年後因為港視不獲發牌後離開，o依家就打理其食店生意。伍文生伍文生喺1999年開始主持過《閃電傳真機》、《至NET小人類》及《放學ICU》，不過喺2005年同圈外女友結婚後一度移民澳洲，喺2013年回流香港，同外父開蛋牛治外賣專門店。
來源:
http://hk.apple.nextmedia.com/entertainment/art/20170404/19979673
鄭中基反串主持金像獎
1 :
GS(14)@2017-04-08 20:44:36第36屆香港電影金像獎頒獎典禮將於明日舉行，頒獎禮司儀鄭中基、金像獎協會主席爾冬陞，昨日出席在尖沙嘴文化中心舉行的拜神儀式。鄭中基會有歌舞表演，他說：「表演部份會唱唔同嘅電影歌曲，有唔同造型，有扮女人，司儀部份盡量留多啲時間畀得獎嘉賓講，大家開過會，話司儀成日講嘢嘥晒啲時間。」完成金像獎後，鄭中基會開始製作其自編自導自演的劇情片《救贖》。爾冬陞表示看過綵排，呼籲觀眾勿錯過。另外，去年金像獎的政治風波，令到評委受壓，爾冬陞說：「舊年做委員壓力好大，今年搵莊文強幫手，減輕好多。」採訪：張俊銘攝影：陳順禎
來源:
http://hk.apple.nextmedia.com/entertainment/art/20170408/19983192
丈夫慘死 前男友死緩央視主持命運坎坷
1 :
GS(14)@2017-04-22 10:49:23央視美女主持劉芳菲（39歲）得悉丈夫劉希泳身亡後，曾在微博留言道：「痛到不能呼吸的感覺你們有過嗎？」（圖）劉命途多舛，現任丈夫離奇死亡，而前男友、國家開發銀行前副行長王益，2010年被裁受賄罪成判死緩。她曾受牽連，一度遭央視雪藏！
搭上貪官遭雪藏
劉芳菲，黑龍江省哈爾濱人，出生於內蒙古。出身書香門弟的她，18歲入讀吉林大學外語學院修讀日語，連續四年總成績全級第一名。畢業後，她先在遼寧衞視工作，其後加入央視，憑知性氣質嶄露頭角，更主持2006至08年春晚，被外界看好接棒央視當紅女主持周濤，更稱她為「央視三姐」。正當個人事業到達頂峯，2008年中，她卻被央視打入冷宮。皆因劉認識離婚後的國開行副行長王益，成其女友。王在39歲之年即官至中證監副主席，掌管發行、基金等核心業務，但他年少輕狂，在證監會的位子還沒坐熱，被調入國開行。王其後因受賄遭調查，但由於王曾讓港商李濤為女友償還200萬（人民幣．下同）房貸，劉也屢遭問訊。劉在王益案發後，驚慌之下將200萬如數歸還港商，並外加4萬利息。2010年，王因受賄1,196萬多元，一審被判處死刑，緩期2年執行。《蘋果》記者
來源:
http://hk.apple.nextmedia.com/international/art/20170422/19997781
范智廉主持最後會議 遇小股東投訴
1 :
GS(14)@2017-04-25 23:45:51【明報專訊】匯豐控股（0005）噚日喺香港舉行非正式股東會，主席范智廉最後一年主持會議，唔少股東發言時對佢表達感激，但更多係藉呢個機會投訴匯控嘅銀行服務，部分要求更相當特別。
有股東話，自己唔熟悉電腦，想透過網上理財處理銀行業務，雖然多次致電客戶服務熱線，但都係搞唔掂，因此希望網頁有中文版。范智廉聽完狀甚無奈，匯豐大中華區行政總裁黃碧娟表示，其實網頁係有中文版㗎！另有股東投訴，帶朋友去匯豐想買入一些結構產品，最終銀行沒有幫他朋友買。黃碧娟回應，銀行會根據客戶嘅風險評估，向客戶提出唔同建議。
建議在港設博物館
另有股東就話，自己持有匯控股票幾十年，希望集團可以送禮物畀長情嘅股東，當股東持有滿10年、20年或更耐，會收到不同嘅禮物。范智廉唯有笑說，每年出席股東會，都會收到不少有用的建議。但匯控行政總裁歐智華隨即補充，咁樣可能係犯法㗎！
仲有股東建議，匯豐銀行有400多年歷史，希望可在香港設立博物館，范智廉笑稱會考慮。不過，根據資料，匯豐成立於1865年，至今「只」有152年歷史。
[小琴密語]
來源:
http://www.mpfinance.com/fin/dai ... 9912&issue=20170425
Next Page