林作廁所稿累麥明詩
1 :
GS(14)@2017-02-26 13:24:05■林作自責敏感度不足，不應在專欄中提及。
林作昨日現身銅鑼灣時代廣場出席藝術展活動，問到他早前在專欄提及對麥明詩發表「七警」的睇法，卻被誤解借麥明詩幫自己增加知名度。林作再澄清：「嗰個專欄只係講教育，寫得唔係咁好，上廁所嘅時候趕稿解決，後來都知網上有啲惡毒評論，其實我唔係咁嘅意思，喺呢件事（七警）嘅立場上，我都係支持佢。」
麥明詩 資料圖片
由於專欄引起誤會，林作已再打一篇英文文章解釋，更自責敏感度不足，不應在文中提及麥明詩，問到被指他寫此文「呃like」，有否為此事聯絡麥明詩？他說：「如果係呃like仲有好多嘢可以做，有時有啲事實都唔係我自願。」採訪、攝影：王連連
來源:
http://hk.apple.nextmedia.com/entertainment/art/20170226/19940338
【唔做大律師2】林作爆麥明詩有新仔？想寫醜聞做狗仔隊
1 :
GS(14)@2017-03-23 06:51:16返工第一時間刨熟新聞。
有大律師唔做嘅林作，近排動作多多，除咗客串拍戲，無綫同ViuTV都間中見到佢個飛輪海頭，遲啲林作仲做埋補習天王開班教英文，曝光率幾乎多過佢個10A好友麥明詩。
見到麥明詩個廣告，林作打咗個凸，話唔知對方有呢個廣告。
對Photoshop一竅不通嘅林作，一臉懊惱。
日前林作踩入蘋果大樓獻身做動主播，新丁第一日開工，由最基本嘅寫稿到用Photoshop、砌相整即時新聞keyframe，都要從頭學起。咪睇少砌keyframe，篇新聞吸唔吸引，全靠張keyframe吸唔吸引到你眼球。一埋位，林作就講明自己唔識執相，坐喺度?緊頭之際，就發現佢好友麥明詩啱啱出咗過好飄逸嘅髮型用品廣告，放喺Ig段片仲好鬼誘人，最後林作敲定就整呢段新聞。(新聞連結：
http://bit.ly/2o3c3x5）
好茫然…
林作第一日返工仲識萬歲請飲嘢。
麥明詩最近拍咗個髮型用品廣告。
不過原來講到尾，林作原來最想做狗仔隊爆名人醜聞，實行向高難度挑戰。
林作人生第一次整keyframe，究竟整成點？
呢個就係林作嘅製成品。
記者：王梓嫚、懷鈺攝錄：馮峰、Neo攝影：林德雄撰稿：阿仙剪接：Roy編審：Kaman
來源:
http://hk.apple.nextmedia.com/entertainment/art/20170323/19967392
麥明詩窒鄭俊弘：TVB首席男歌手
1 :
GS(14)@2017-04-08 20:44:19■麥明詩自言今日與鄭俊弘出騷唱歌很大壓力。資料圖片
鄭俊弘今日下午3時與麥明詩出席在銅鑼灣皇室堡舉行的「奇妙冰極樂園」活動，據悉由於活動合約一早簽訂，所以有關方面未及換人。前晚麥明詩於facebook貼上活動宣傳海報，並留言說：「大家要嚟支持我呀，到時我會唱歌！同TVB首席男歌手同台，真係好大壓力，唱功必相形見絀，唯有誠意搭救！」麥明詩一句「TVB首席男歌手」，似抽水暗寸鄭俊弘。
■袁偉豪指鄭俊弘和何雁詩公開認愛值得讚。
此外，袁偉豪昨日在牛頭角拍廣告，對於鄭俊弘與何雁詩承認拍拖，他說：「我睇到佢哋拖手張相，覺得好值得讚許！」採訪：黃曉妍攝影：陳慧安
來源:
http://hk.apple.nextmedia.com/entertainment/art/20170408/19983213
林作無聲撐麥明詩
1 :
GS(14)@2017-04-13 22:40:28何超瓊、何超鳳、四太梁安琪、何猷亨及林作等，前晚在灣仔出席保良局董事會就職聯歡晚宴，有線電視面臨執笠危機，超瓊旗下永升有意收購，但據聞涉及2億元差額，超瓊說：「我唔知，呢個project我冇參與過。」四太透露猷亨做總理，猷君於上海創業，超欣即將入大學。問四太超盈做生意半年賺2,000萬，會否給她獎勵？四太笑說：「佢搵到錢應該佢孝順我㗎嘛！」
■四太開心兒子猷亨升任做總理。
剛除去大律師身份的林作，被問到是否獲舊愛麥明詩支持？他嘆謂：「唔講喇，費事惹負評。」問是否指鄭俊弘事件的負評？林作連「嘩」了六聲表示不評論，但強調撐麥明詩。採訪：羅慧敏攝影：陳慧安
來源:
http://hk.apple.nextmedia.com/entertainment/art/20170413/19988686
麥明詩抽水 薦阿媽掌教局
1 :
GS(14)@2017-04-30 15:22:14■麥明詩昨貼出全家福，狂推家人個個都掂。互聯網圖片
候任行政長官林鄭月娥一直被批離地，最近盛傳她準備邀請已在日本定居超過30年的陳美齡做教育局局長。網民熱烈討論，就連南區區議員羅健熙都抽水：「陳美齡有幾個仔入史丹福？咁不如唔爭在叫麥明詩阿媽嚟做……」
■麥明詩笑言父母有高薪厚職，自己可以在家好好享受。資料圖片
實戰教育經驗
麥明詩亦不放過抽水機會，昨午貼文：「其實我阿媽真OK㗎，後一屆諗諗佢啦！佢雖然冇PhD，不過都有個外國大學嘅Master of Education，同埋有一本賣得唔太差嘅著作。仔女都係讀政府津貼中學，個仔考香港AL入中大，個女考完會考之後去咗英國考高考，同時熟悉本地同埋外地嘅教育和考試制度。「佢自己仲要係職業治療師，治療有學習障礙、自閉症、過度活躍、讀寫障礙等兒童，所以佢掌握唔同背景、能力嘅兒童嘅教育方法。最最最正係佢老公（即係我阿爸啦）麥卓生喺津貼中學做咗副校長多年，有實戰經驗，搵埋佢做副局長就冇得頂喇！咁我就可以喺屋企un un腳唔使做喇。」麥太回覆：「阿女唔好發夢，諗住唔使畀家用~」昨日問麥明詩會否推薦媽媽做教育局局長？她回覆：「我父母有實戰教育經驗，唔等於鍾意做行政。」採訪：嵐山
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170430/20006133
對麥明詩抽水一笑置之陳美齡嚴對教育「唔講得笑」
1 :
GS(14)@2017-05-13 01:56:27■陳美齡前晚認與林鄭月娥見過很多次面。
陳美齡早前被指獲候任特首林鄭月娥邀請，接任吳克儉成為教育局局長，她已於周一在電台節目否認。前晚，她現身中環出席其新書宣傳活動，問到她是否已正式拒任時，她說：「係，原因唔可以講畀大家聽，家庭係一個原因，雖然仔都長大，但都要得到丈夫同意。」
「有人叫開學校」
是否與林鄭多次見面，陳美齡承認說：「係見咗好多次，都係傾吓啲教育問題，希望可以改善到，本書未印出嚟嘅版片有畀佢睇。」問到日後有副局長或顧問等官職，會否考慮，她坦言：「有好多人畀好多意見我，有啲叫我開學校，又叫我去參加一啲家長會，好多熱心嘅人，所以我都要作一個決定，一切都要同家人商量，睇吓自己適合乜嘢。」她自言加入政府做顧問機會低：「要有人問佢先會作選擇，錢唔係考慮因素，自己做咗好多研究、聽咗好多人嘅心聲同苦水，唔講出嚟對唔住同我講嘅人。」
■陳美齡表示三個兒子雖然長大，但做甚麼都要丈夫（左）同意。資料圖片
■麥明詩之前抽水，指母親（右）都可以做教育局長。資料圖片
「經過好多考慮」
之前有網民「創作」了藝人做局長的圖表，陳美齡表示有看過，笑言自己勝任做媽媽隊長。提到十優港姐麥明詩在facebook「抽水」，笑言有教育碩士學位，又出過教育主題書籍的麥媽媽也可勝任做局長，陳美齡說：「大家都好多意見，大家對教育好有興趣，係正面嘅反應。教育制度唔係講得笑，人哋邀請我做任何職位，都唔係講笑，係有經過好多考慮同想法，先有咁嘅行動，當然可以搞笑，但對學生教育制度就唔係咁，抽水係冇所謂，大家笑吓！」採訪：羅慧敏攝影：陳慧安
來源:
http://hk.apple.nextmedia.com/entertainment/art/20170512/20018320
林作呷醋單打麥明詩新歡
1 :
GS(14)@2017-05-13 01:56:2895歲的「時尚婆婆」Iris Apfel，昨晚6時許在中環置地廣場出席私人珍藏展覽活動，她由工作人員推着輪椅出場，並在展板前自行站起來拍照，而鄺文珣夫婦、林作及何培倩等亦應邀到場。林作被問到前度麥明詩跟一意大利籍教授傳緋聞時，他有點酸溜溜的說：「一睇就知個意大利男花心樣，唔係細水長流一心一意，唔及自己貼地同平實。?家興?遷就，即係把口?得、夠黐身同遷就，唔興高富帥。」又單打對方指教授亦有很多種：「你去到Oxford（牛津）至同我講啦。」另外，已有4個多月身孕的鄺文珣透露丈夫特地為自己學煮飯，並透露已知BB性別，但不便透露。採訪：曹家誠攝影：陳俊強
■首次來港的時尚婆婆Iris昨晚出席展覽活動。
■再懷孕的鄺文珣獲老公呵護備至。
來源:
http://hk.apple.nextmedia.com/entertainment/art/20170512/20018338
CoCo斷言拒猷啟女友合照靚仔教授捉實麥明詩手仔
1 :
GS(14)@2017-05-13 02:04:14■麥明詩昨日主動要求靚仔教授Pietro Boselli捉手砌畫。
麥明詩、梁詠琪（GiGi）、何猷啟女友Angelika Nikolaeva、何猷君女友袁紫僑（CoCo）及全球最靚仔數學教授Pietro Boselli昨日在尖沙嘴齊齊出席餐廳活動。最近忙於拍劇集《跨世代》的麥明詩，日前被影到與同劇拍檔余德丞一杯雪糕兩份吃，而且對戲時又主動依靠到男方心口，昨日她回應說：「冇乜嘢，平時同朋友食飯都一碟餸大家夾啦，而且我哋係用公羹，絕對唔會你一啖我一啖。」
■猷君女友CoCo（右）與猷啟女友Angelika同場，卻互相避開。
■GiGi透露母親節會帶囡囡去新加坡探楊采妮孖仔。
咖啡豆砌畫
至於為何挨落對方心口？麥明詩解釋：「冇計呀，佢質我個頭落佢心口㗎，係監製要求嘅。我冇心跳呀！但聽到佢有心跳囉，咁心係一定會跳嘅。」有報道指男方在等埋位時不停講笑話逗她開心？她說：「佢係幾搞笑幽默，做開主持轉數快。」問到兩人有否發展空間？她立刻落閘：「我睇唔到有，唔係我嗰type。」問到靚仔教授Pietro Boselli有否可能？麥明詩說：「咁唔加分都唔會減分，不過等佢嚟香港發展先得，異地戀好難維繫！」麥明詩與教授在活動上用咖啡豆砌畫時，更主動向司儀要求要教授幫她砌畫，於是教授就捉着她玉手砌畫。
GiGi探楊采妮
GiGi透露母親節會去新加坡，探望剛誕下雙胞胎兒子的好姊妹楊采妮，她說：「之前一路都冇機會探佢哋，趁住母親節今次就帶埋囡囡過去同佢慶祝，而且佢湊兩個仲要餵母乳，係辛苦啲。」問何時再追多一個？GiGi表示：「其實有嘅，不過要等工作完晒先。」另外，猷君女友CoCo與猷啟女友Angelika昨日同場，惟記者邀兩人合照時被CoCo拒絕，她解釋：「唔想訪問焦點出嚟去咗第二邊。」採訪：曹家誠攝影：陳順禎
來源:
http://hk.apple.nextmedia.com/entertainment/art/20170511/20017210
麥明詩輕鬆手法再薦母
1 :
GS(14)@2017-05-13 05:34:13早前盛傳林鄭月娥找陳美齡任教育局局長，麥明詩就戲言其碩士母親亦可任此要職，不過陳美齡指教育不是講笑。昨日麥明詩到淺水灣宣傳時提起此事：「冇乜話講唔講笑，我支持佢，絕對唔係講笑，佢有呢個能力，亦應該有呢個嘗試。」
■陳美齡昨日在跑馬地瑪利曼中學舉行講座。
對於陳美齡拒任，麥明詩建議下一屆政府可考慮其母：「到時媽咪啱啱退休，都要搵第二啲嘢做，但要問我媽咪ready未，不過絕對唔係收到邀請，作為一個idea件事幾有新意，我只係用輕鬆手法去表達。」另外，陳美齡昨日以校友身份在跑馬地舉行講座，但沒有接受訪問。採訪：張俊銘攝影：陳順禎、王連連
來源:
http://hk.apple.nextmedia.com/entertainment/art/20170513/20019502
Next Page