元祖o靚模去晒邊？浸大E神教瑜伽 E cup Baby趕嫁人
1 :
GS(14)@2016-09-27 08:02:18Janice Man(文詠珊)成功由MK o靚模，進化到「模Art」，再升呢成為電影新貴，事業路同昔日姊妹Angelababy有得揮！不過，我哋見到嘅都係o靚模界成功嘅例子，仲有唔少紅過吓嘅元祖o靚模變成「失蹤人口」。「邦民女」羅凱珊（Kama)：2009年，Kama食住「邦民女」個名，出寫真，同期仲有另一元祖o靚模周秀娜。之後Kama戀上模型大王之子袁紹恒，到10年又傳佢獲星爺周星馳支持，到外國讀書。Kama之後改名Amanda轉攻日本市場，但演藝事業依然未見起色，近年更消失喺幕前，成為「模影無縱」代表之一。「浸大E神」楊焉（前名楊梓瑤，Carol)：2010年挾寫真熱潮嘅Carol，喺書展推出寫真《Huge》，食住個勢拍葉念琛執導嘅電影《婚前試愛》，同羅仲謙有激烈床戰。不過，Carol近年已淡出幕前，並成為瑜伽導師開班授課，Carol不時喺社交網上分享瑜伽照。「E Cup Baby」劉欣宜：劉欣宜做過歌手，出過寫真，不過喺圈中浮浮沉沉，到2012年淡出娛圈，成功考入香港航空做空姐，但有指其他空姐投訴E Cup Baby形象差，損害公司形象。今年3月，佢嫁咗俾唱二創歌嘅窮飛龍組合成員陳子敏，成為人妻。鍾蕙芝（Lavina)：曾經喺大台節目《美女廚房》候選「美少女廚神」嘅Lavina，受到唔少網友歡迎。其後轉戰有線球彩台擔任主持。由於同前經理人合約鬧翻，Lavina之後轉做平面設計工作。2011年尾又忽然復出做模特兒工作，不過就無厘聲氣。胡心諾(Rainbow)：現年24嘅o靚模Rainbow，同Lavina同期出道，09年開始出寫真集，當時佢自爆被方力申狼媾而極速上位。 Rainbow2012年再出多本玩女僕feel嘅寫真。可惜後勁不繼，近年成為o靚模失蹤人口之一。
來源:
http://hk.apple.nextmedia.com/entertainment/art/20160927/19783002
水原送禮賀Baby有喜
1 :
GS(14)@2016-10-02 13:35:31■水原希子（左）和內地女星倪妮出席在巴黎舉行的時裝騷。
【巴黎直擊】水原希子、內地女星倪妮前晚在巴黎出席時裝品牌Dior的時裝騷，同場還有Rihanna、金像影后珍妮花羅倫絲（Jennifer Lawrence）。日前有指Angelababy與黃曉明造B成功，不過當事人未有正式承認，作為Baby好友的水原表示：「已經在微信恭喜了她，我還用國語說恭喜，非常替她高興，應該會在巴黎買禮物給她，不過Angelababy沒有透露BB是男或女。」另外，倪妮與井柏然公開戀情春風滿面，透露已第6次來睇此品牌時裝騷，她表示在巴黎要工作，之後回北京。問到她工作以外忙甚麼，她表示：「最近皮膚狀態一般，所以有時間便會睡覺，玩一下遊戲。」採訪：顏英儀攝影：葉君海
來源:
http://hk.apple.nextmedia.com/entertainment/art/20161002/19788106
傳有四個月身孕Baby鬆身裙遮肚
1 :
GS(14)@2016-10-10 00:43:52多次傳出有BB，但係一直都係食詐糊嘅黃曉明同Angelababy(楊穎)，上月終於傳嚟好消息！據Baby嘅閨蜜透露，目前Baby已經懷有4個月身孕，性別係仔，預產期係明年農曆新年後。雖然講到似層層，但消息暫時未得到黃氏伉儷證實，所以暫時都仲係估估吓。啱啱Baby喺社交網上載咗3張相：「假期最後一天，好好享受吧！」相中Baby依然面尖尖，四肢仲係好纖細，表徵又真係唔多似大肚婆，唯獨佢着嗰條鬆身裙，外加一件牛仔褸，雖然好鬆身，但望真啲，肚位置似乎有啲凸凸哋……睇嚟都就快遮唔到喇。
來源:
http://hk.apple.nextmedia.com/entertainment/art/20161008/19794601
結婚1周年紀念日Baby宣佈懷孕喜訊
1 :
GS(14)@2016-10-10 04:28:27昨日係黃曉明同楊穎（Angelababy）結婚一周年紀念，而佢哋自婚後，外界極度關注幾時真係成功造人，數度傳出Baby有咗，黃曉明昨晚update咗微博，相中見到佢同Baby出海，雖然只係得Baby個背影同黃曉明側面，但睇得出佢哋一臉幸福，黃曉明留言：「三個人的旅行，以後還要一起很多次，感恩，媳婦兒」。消息一經發出後，就收到好多網民嘅祝福，就連Baby自己都轉發老公個微博講「恭喜你呀！」而佢哋嘅經理人公司，都認咗佢哋有BB喇。喺結婚周年宣佈有B，雙喜臨門！恭喜恭喜！
來源:
http://hk.apple.nextmedia.com/entertainment/art/20161009/19795440
貓樣Hot！Baby着$13,500 DG貓貓裙
1 :
GS(14)@2016-10-10 04:28:31Angelababy為黃曉明懷了第一胎，當然要好好休息，Baby日前在微博貼相，透露已放完假:「假期最后一天，好好享受吧」。大肚人妻Baby著了牛仔褸、白色棉裙和牛仔帽，一派青春牛仔look。這條DG貓貓裙非常可愛，虎紋貓仔不同動靜，和Baby的甜美笑樣一樣吸引。2016秋冬時尚中，各類motifs中，貓貓圖案正是頂頭大熱。Gucci由初秋開始狂煲，貓面針織、長裙，煲到入2017早春；Loewe出的立體貓頭吊飾，似足大玩具，還有Marc Jacobs、DG等。至於Baby的貓仔印圖棉裙來自Dolce& Gabbana，索價過萬，短袖白tee亦要$8300，可愛有價！
來源:
http://hk.apple.nextmedia.com/entertainment/art/20161009/19795614
Baby曉明香港待產
1 :
GS(14)@2016-10-10 16:14:36早前本報率先踢爆楊穎（Angelababy）有了身孕，前晚Baby與老公黃曉明分別在微博證實有喜消息，首先曉明在微博發放了照片，相中見到他和Baby出海，他倆趁10.1假期去了美國度假，面對陽光與海灘，一臉幸福，曉明留言道：「三個人的旅行，以後還要一起很多次，感恩，媳婦兒。」隨後Baby自己都轉發老公微博，然後留言：「恭喜你呀！」而他倆的經理人公司，前晚都認了Baby確是有身孕。據悉胎兒已經超過四個月，據聞是陀仔。首胎會在香港分娩，當完成手頭上的工作，Baby會安心留在香港待產。撰文：鍾國仁
來源:
http://hk.apple.nextmedia.com/entertainment/art/20161010/19795983
FFx改名Sugar Baby
1 :
GS(14)@2016-10-17 08:09:30女子組合FFx早前爆不和，成員楊澤怡（Shirley）自爆遭性侵，又被其他三位成員李詩詠（Ceci）、潘穎琳（Mizaki）及周葆諭（Christy）指犯眾憎，拆夥收場。FFx宣佈改名，以歌曲《Sugar Baby》作為新組合名。
Christy和Ceci昨日分別接受本報訪問，Christy透露已沒有和前經理人Sam合作，轉了新公司及經理人，她說：「我而家喺台灣讀書，新公司有幫我哋安排訓練，之後會有新形象。」Ceci則謂會和Mizaki擔大旗在港發展：「轉咗新公司一排，Christy喺台灣公司安排受訓，我哋就喺香港，最快萬聖節有活動，又會返內地做啲event。」採訪：小米
來源:
http://hk.apple.nextmedia.com/entertainment/art/20161017/19802891
熊黛林拍《擺渡人》捱摑41巴懷孕Baby晒幸福
1 :
GS(14)@2016-10-24 06:12:22王家衛監製的喜劇電影《擺渡人》集合兩大型男梁朝偉和金城武演出，昨日與楊穎（Angelababy）、陳奕迅、熊黛林（Lynn）等在北京舉行首場發佈會。大會特別頒發「金牌擺渡人」獎牌，向來cool爆的偉仔突然高舉獎牌扮奧運選手得獎，全場哄笑。
咪牌放小腹遮肚
宣佈懷孕後首度亮相的Baby成為焦點，她穿上鬆身裙配兩吋高踭鞋示人。懷胎4個月的Baby，更有意無意將咪牌放在小腹中間，但向來的V煞面明顯飽滿了，散發陣陣孕味。被問到懷孕情況？她稱一切安好。發佈會上，三張首曝光的劇照，令男神女神形象破滅，其中Baby滿臉夾上夾子，她直言當時痛到受不了，但不想導演失望堅持下去，她說：「擺渡人就是要對自己狠一點，感同身受。」王家衛大讚Baby比劉德華更拼搏和努力：「Baby拍完這部戲之後，別人都不會覺得她是一個偶像，她是一個演員。」王家衛亦讚Lynn可塑性高，Lynn在戲中被人連摑41巴，她苦笑謂：「拍攝完我的臉腫了兩個星期，起初劇組打算借位，但我跟導演研究，不如來真的吧。」
■型男梁朝偉（左）和金城武再度合作，兩人在戲中有不少搞笑演出。
■王家衛監製的喜劇電影《擺渡人》昨日在北京舉行首場發佈會。
■熊黛林在拍攝時被打41巴致腫臉，幸獲導演王家衛讚可塑性高。
考起偉仔金城武
梁朝偉的劇照頭頂滿佈海草，他解釋為落海救人，故暫時要拋低形象。他說：「最難是要講普通話，還要每天改劇本，挑戰很大。」王家衛即爆偉仔永遠說不出「愛情就是犯二」這一句，笑說：「梁朝偉這種神級的演員每一處肌肉都可以控制，就是舌頭不太行。」而金城武亦自爆最初未能達到導演要求，他解釋：「導演（張嘉佳）一直說要18歲的眼神，可是我做了幾次都不對，但是當我找到那個方向之後，就拍得很快樂。」而金城武與張榕容亦被讚演出很有初戀感覺。採訪：鍾國仁
來源:
http://hk.apple.nextmedia.com/entertainment/art/20161024/19810167
Next Page