【選手限定】熊本熊嚟香港跑馬拉松 最想要熊部長披肩呀！
1 :
GS(14)@2017-10-29 23:59:08萌爆嘅熊本熊（Kumamon）一向大受歡迎，咪睇佢圓碌碌好似好笨重，熊本熊其實成日都做運動。嚟緊11月,熊部長就會駕臨香港，帶大家跳體操舞，再齊齊跑轉大埔海濱長廊。
「2017 KUMA Fun Run」香港賽事分計時賽同繽紛跑兩種。跑步好手可以挑戰5公里或3公里計時賽，唔想咁大壓力，就可以個人或親子3人組名義參加1.5公里繽紛跑。比賽為名，親近熊本熊為實，到時除咗可以現場參見熊部長，報名跑手仲可以帶走限定選手包。選手包包括紀念袋、紀念T恤、紀念毛巾、號碼布及熊本縣零食，親子3人組再額外追加小朋友背囊同披肩。完成賽事後，所有跑手都可領取熊本熊獎牌。記者就覺得披肩最實用，獎牌設計最精美，總之只要你係熊本熊粉絲，選手包一定足以令你尖叫。
粉絲的重點，熊本熊限定選手包。
熊本熊獎牌值得收藏。
紀念T恤正反面設計。
不過，報名費都唔平，單人報名港幣380元，3人家庭組每組港幣780元，名額限定3500個。比賽於10月25日上午10時正式接受網上報名，首日報名抵啲，會額外多送一隻熊本熊公仔。值唔值得花幾百蚊「追星」，就你諗你喇。
親子組才有的背囊，150cm高的記者揹啱啱好。
披肩最實用。首日報名額外多送一隻熊本熊公仔。
資料來源
facebook：2017 KUMA FUN RUN HK攝影：徐振國記者：李珮禎
來源:
https://hk.lifestyle.appledaily. ... e/20171025/20193428
【德國啤酒節】德國啤酒節開幕 限定小麥啤酒麥香重
1 :
GS(14)@2017-10-30 00:43:27全新旅遊專頁，即like籽想旅行：
https://fb.com/travel.appleseed十月、十一月可謂打工仔最苦悶的月份，放工後去玩才是最實際！話說馬哥孛羅德國啤酒節已踏入第26年，同樣以樂隊表演為重頭戲，配以德國啤酒及美食，實行要一眾酒鬼「醉着番屋企」。話明是啤酒節，重頸戲當然是各式的啤酒。是次將供應四款Erdinger啤酒，值得推介的是十月啤酒節限定版小麥啤酒，色澤金黃，麥香、果香較重，值得推介。當然不少得其小麥啤酒，以新鮮柑橘釀製，同樣果香濃郁。參加者可試玩以啤酒為題的遊戲，例如大力鎚機等，適合一班人放工去玩。
Erdinger將供應四款啤酒，以有啤酒節限定的Erdinger德國十月啤酒節限定版小麥啤酒最為特別。
德國樂隊The Notenhobler將於會場表演。
馬哥孛羅德國啤酒節詳情：日期：2017年10月20日至11月11日時間：歡樂時光（每日）晚上6時至7時(星期日、六，晚上6時至11時)地點：香港尖沙咀廣東道3號馬哥孛羅香港酒店6/F海景露天廣場票價：星期日至星期四成人 HK$160（包括啤酒乙杯）兒童* HK$120（包括汽水乙杯）星期五至星期六成人 HK$280（包括啤酒乙杯和限定啤酒杯乙隻）兒童* HK$160（包括汽水乙杯）*18歲以下記者：張欣頤
來源:
https://hk.lifestyle.appledaily. ... e/20171026/20194525
【爆紅茶室】大阪心齋橋宇治園首登香港 必試新店限定水菓子
1 :
GS(14)@2017-12-11 00:11:31「小佳女」抺茶生朱古力（左）、「火男」焙茶生朱古力各$168（70克）。
全新旅遊專頁，即like籽想旅行：
https://fb.com/travel.appleseed到底抹茶有何魅力，可以令香港女生持續着迷？這個謎題我也不知道答案，只知道家新到港的日本老茶室應該又會讓一眾抹茶控尖叫了。
來自大阪心齋橋的「宇治園」是當地長期爆紅的人氣店，單是生朱古力已年賣10萬盒，其一開即飲的極上嚴選玉露，更曾是日本國家外務省也用來招待外賓的飲品。宇治園於1869年在京都山城成立，自1941年遷店大阪心齋橋至今，最初以賣煎茶和焙茶起家，後來加入賣抹茶甜品，便成現今的大概形式。
GOTAS極上嚴選玉露$650（700毫升）。
（左）小佳女煎茶，茶色濃綠口感濃厚，$180（100克）；火男淺焙茶，茶色金黃帶撲鼻烘焙芳香，$68（40克）。
抹茶芭菲以碾茶加北海道牛乳製成，$88。
香港海港城開的旗艦店，有齊禮品部、外賣店和喫茶店三部份，禮品部有招牌的「小佳女」煎茶和「火男」焙茶的原茶和製品，送禮自用兩相宜，喫茶店則跟日本原店的餐牌大致一樣，更多加了香港新店限定的「天使之淚」，如果不想等位，亦可以直接在外賣部買支抹茶和焙茶雪糕，配上招牌的繪卷和樹葉餅一同享用。
香港新店期間限定，天使之淚配宇治園火男焙茶套餐$128。
禮品部擺放了不少日本茶具裝飾，和風味濃。
採訪：謝翠玲攝影：劉永發
來源:
https://hk.lifestyle.appledaily. ... e/20171209/20239099
Next Page