華仔怕被發嫂打
1 :
GS(14)@2016-02-03 14:43:52周潤發、劉德華、張學友及劉嘉玲等，昨日在廣州出席《賭城風雲III》記者會，眾演員參與了一個小遊戲，讓他們重新選擇戲中的角色關係，嘉玲表示會選華仔做拍檔、發哥做對手、學友做伴侶。學友笑言也會選嘉玲：「如果畀多次機會我揀，我會希望係一萬年。」學友和華仔也一樣選了發哥做對手，華仔說：「發哥永遠係我前輩、榜樣，有幸成為發哥拍檔真係唔容易，同佢鬥智鬥勇機會更難得。」華仔又笑謂：「伴侶一定係嘉玲，得佢一個女性，本來想揀發哥，不過驚發嫂打我。」被眾人視為對手的發哥則選了學友做拍檔、華仔做對手，他笑說：「同嘉玲談戀愛，談幾次都唔夠，之前傷過佢心，下次會好好對佢。」撰文：陳以晴
來源:
http://hk.apple.nextmedia.com/entertainment/art/20160203/19476469
發哥發嫂鍾情魚蛋粉黎諾懿孖老婆平食車仔麵
1 :
GS(14)@2016-08-14 14:29:18明星拖友或夫婦如普通市民，開餐未必一定要去米芝蓮、五星級大酒店開餐，魚蛋粉、大牌檔等平民美食都可以見他們的足印。周潤發發哥與發嫂家住九龍塘，愛去九龍城買餸，常常幫襯德昌魚蛋粉，他愛該處的魚蛋彈牙爽口。黎諾懿貴為「五億駙馬」的黎諾懿日前便帶同有米落選港姐老婆李潔瑩結婚，拍拖去了西環食車仔麵，幫襯食賣36元的三餸車仔麵。黃德斌黃德斌常被影到與女友Joyce去中環歌賦街大牌檔的勝香園開餐，嘆番茄牛肉麵。鄭伊健、蒙嘉慧筲箕灣安利魚蛋粉是不是明星追捧的平民食點，當中鄭伊健夫婦、葛民輝夫婦，甚至過億身家的沈嘉偉都成日與老婆邱淑貞開餐。
來源:
http://hk.apple.nextmedia.com/entertainment/art/20160814/19735694
發哥冧招賀生日發嫂：下世再做夫妻
1 :
GS(14)@2016-12-31 01:06:32【恩愛慶祝】■發嫂前晚57歲牛一，發哥特別為太太搞生日宴慶祝。
發嫂陳薈蓮在婚後的每一個生日都是與老公周潤發一起歡度，前日是發嫂的57歲牛一，發哥沒有買任何名貴首飾，反而一早跑去花墟買了兩個紅色小蘿蔔盆栽給老婆做生日禮物，晚上又相約親友為她搞生日宴，發嫂收到盆栽後十分開心和感動，更表示：「上天送畀我最好嘅禮物就係嫁咗畀周潤發，希望下一世都可以同佢做夫妻。」
周潤發與陳薈蓮結婚三十年，夫妻恩愛如昔，前晚是發嫂的57歲生日，發哥特別在尖沙嘴夜上海餐廳為老婆慶祝，他兩夫妻都是愛低調的人，所以生日宴只是請了約二十位親朋好友來慶祝，圈中人就只有星皓公司老闆王海峰和郭富城經理人小美出席。發嫂前日在收到的眾多生日禮物當中，最喜歡就是老公送的紅色小蘿蔔盆栽，代表鴻運當頭的意思。在生日宴上，發嫂收到好多朋友的祝福，而發哥略嫌發嫂最近減肥減到過瘦，所以不斷叮囑她要多吃點東西，又特意點了很多發嫂愛吃的上海菜，席上更不斷夾菜給老婆，又餵老婆吃壽包和一起切生日蛋糕，現場好友紛紛都起哄叫兩人咀嘴，搞到發哥與發嫂尷尬笑不停。
【發嫂撒嬌】■親友起哄要發哥發嫂咀嘴，令二人尷尬笑不停。
■發哥前日到花墟選購了兩個紅色蘿蔔盆栽作發嫂的生日禮物。
■星皓公司老闆王海峰（左二）與弟弟王海平（左一）前晚亦有現身賀發嫂。
送蘿蔔食糖水
據悉發哥知道太太一向不愛名牌手袋或珠寶首飾，為了準備這份禮物，他前日一早去花墟選購，經過千挑萬選後，選了兩個紅色小蘿蔔盆栽給發嫂，發嫂昨日接受訪問時說：「今年收嘅禮物當中，梗係老公送嗰份，佢送咗兩個紅蘿蔔畀我，好cute呀！老公知我喜歡花草，所以專登一早去花墟買畀我，雖然兩個紅色蘿蔔唔值乜嘢錢，但最緊要係呢份心意，代表鴻運當頭，佢都知我唔係鍾意金銀珠寶，所以買畀我嘅禮物都係一啲啱我心水嘅嘢！佢真係一個好體貼嘅老公，其實上天送畀我最好嘅禮物就係嫁咗畀周潤發，希望下一世都可以同佢做夫妻。」一向喜歡行山的發哥，幾乎每朝都會去行山和做運動，但前日他就沒有去行山，一早去花墟買完禮物就立刻回家，陪太太吃完中午飯，又出去買番薯糖水給老婆享用，發嫂笑說：「佢知我好鍾意食番薯糖水，所以專登去買畀我食，而且成日留喺屋企陪我，連最愛嘅行山都冇去，夜晚又約咗一班朋友同我一齊食飯。」
■出名愛妻的發哥經常陪太太到街市買餸。資料圖片
■發哥與發嫂結婚三十年，是圈中的模範夫妻。資料圖片
讚絕世好男人
問發嫂為何下一世都要和發哥做夫妻？她笑言：「我哋兩個人都好夾，彼此都係好喜歡簡單同低調嘅生活，喺呢三十年嘅婚姻生活中，佢一直好體諒我，又好愛錫我嘅家人，佢無論做乜嘢都會先諗我感受，最令我欣賞係佢好孝順媽咪之餘，對其他唔識嘅老人家都會好尊重，可以幫到人佢一定幫，心地好好，呢啲絕世好男人好難搵，所以下一世我都希望做到佢老婆。」採訪：鍾國仁
來源:
http://hk.apple.nextmedia.com/entertainment/art/20161230/19880708
【紐約秘婚】用273蚊娶發嫂
1 :
GS(14)@2016-12-31 01:06:33娛圈模範夫妻周潤發和太太陳薈蓮，87年於新加坡擺酒（圖），但發嫂自爆二人其實早於86年10月已秘婚，兩人至今結婚三十年，發嫂昨說：「87年其實係我哋返新加坡擺酒，真正註冊係86年，當時我陪發哥喺紐約拍電影《秋天的童話》，有一日唔使開工，發哥同我講：『不如我哋去結婚囉！』我就答：『好呀！』跟住我哋就去咗當地婚姻註冊署結婚，全程好簡單，我哋都係着便服，只係花咗35蚊美金（約港幣273元）。」估不到發哥只花了二百多元便娶了位賢內助。
來源:
http://hk.apple.nextmedia.com/entertainment/art/20161230/19880710
【《蘋果》獨家直擊】發嫂片場搞百人宴城城領唱 賀發哥62歲生日
1 :
GS(14)@2017-05-19 05:43:43■發哥（左）昨在片場過62歲生日，城城猶如小粉絲一樣向偶像送吻。
周潤發（發哥）昨日62歲生日，他仍要在西貢蠔涌為電影《無雙》開工。發嫂陳薈蓮連同在場過百名工作人員，為發哥在片場舉行百人神秘生日派對，喜出望外的發哥，又獲同片的郭富城帶領工作人員唱生日歌，城城更作狀獻吻及送上生日卡，表明送給「我唯一嘅偶像」。
周潤發、郭富城、張靜初、孫佳君、方中信、馮文娟、張松枝、張建聲及吳嘉龍等，昨日在西貢成豐片場為莊文強執導的電影《無雙》開工，適逢昨日是發哥的62歲生日，原定在片廠靜靜過生日的發哥，上午照常進行拍攝，殊不知發嫂陳薈蓮事先已安排就緒。當放午飯時間，發哥踏出片廠，即發現廠外已預備了5個蛋糕為他慶生，同時發嫂亦幫襯銀杏館的到會，招呼現場過百名工作人員，喜出望外的發哥即攬實身旁的太太送吻。上月娶老婆的城城心情大靚，猶如小粉絲一樣，先代表全體劇組向發哥送上生日卡，又領唱生日歌祝賀，城城說：「偶像！送畀我唯一嘅偶像！」城城更向發哥扮咀嘴送吻，發哥亦交足戲嘟嘴，發哥說：「呢個（城城）係我運動師傅，佢教我跑步。」
■城城（右三）率領在場工作人員，向發哥唱生日歌。
■發嫂昨為發哥送上神秘派對，發哥直言好感動好開心。
■一班《無雙》演員齊齊祝賀發哥生日快樂。
盼身體健康
發哥接受訪問時表示非常感動，他說要多謝老婆：「開心到不得了，今朝佢（發嫂）問我『老公今晚想食咩』，我話求其，開工收工，食簡單啲，因為聽日又要開工，點知佢整咗咁大壇嘢，好感動開心。」發哥透露平時生日一般都是跟朋友食飯慶祝，難得在片場跟過百人一起過，他說：「已經好耐冇喺片場過生日，生日對我嚟講好平常，日日開心，日日都係生日，今日多啲人同我講生日快樂、身體健康。」談到生日願望，他笑言都是老套的「身體健康，世界和平」。
■發哥喜歡幫助弱勢社群，所以發嫂昨特別幫襯銀杏館的到會服務。
■發哥每次開工，都設「發記士多」供在場人員免費飲食。
冇機會騷肌
《無雙》故事講述偽鈔集團跟警方鬥智鬥力，發哥今次飾演偽鈔集團首腦，他表示角色沒有正邪之分，所以特別好玩，更難得與一班很出色的演員合作，他說：「非常好玩，班咁好嘅演員，包括城城好出色，同佢第二次合作，拍咗十幾日，佢狀態非常之好。城城今次由頭到尾黐實我，戲中我栽培、發掘佢，搵佢入嚟幫手，佢本身係一個畫家。」發哥指城城較上次演《寒戰》相比，更加成熟穩重。問到發哥有否恭喜即將為人父的城城？他說：「呢啲嘢後話啦！」發哥指今次主要有一場動作槍戰戲份，所以未必有機會展示早前他跟名師操練肌肉線條的成果：「今次主要文戲同槍戰，所以唔會騷肌。」他完成《無雙》於香港的戲份後，下月會到泰國清邁及加拿大繼續拍攝。採訪：張俊銘攝影：仇志德
來源:
http://hk.apple.nextmedia.com/entertainment/art/20170519/20025842
發哥遷就發嫂嗜辣
1 :
GS(14)@2017-05-19 05:43:43■發嫂昨揀選銀杏館到會服務，為發哥生日炮製驚喜。
周潤發一向對劇組飲食照顧周到，除在片場設置「發記士多」，昨日發嫂陳薈蓮為給發哥生日有驚喜，於片場安排到會自助餐予整個劇組，她特別揀選銀杏館的服務，更謂該機構喜歡照顧長者，與發哥意向一樣。銀杏館主廚昨提供十多款菜式，百多人份量，包括香草紅酒牛肋骨、焗田螺薯茸及蒜香白酒青口等。而「發記士多」的主廚準備靚湯及小炒，發嫂即場試食一款辣炒韭菜花，發嫂說：「我鍾意食辣，由細食到大，發哥冇我食得咁辣，但係佢好就我，成日帶我去食辣嘢。」
來源:
http://hk.apple.nextmedia.com/entertainment/art/20170519/20025843
Next Page