爆粗加大合唱 舉牌「藐視法官」撐警集會 退休公僕：打犯有理
1 :
GS(14)@2017-03-05 09:25:06■民間撐警燭光晚會昨高峯期約有400人參與。李家皓攝
【本報訊】七警暗角打人罪成判囚獲高層力撐，遭前警務處處長李明逵直斥，毆打疑犯不可接受，有錯更不應死撐；惟撐警大聯盟、正義聯盟黨等多個愛國團體，昨晚在一片粗口聲中於金鐘添馬公園舉行民間撐警燭光晚會。與會退休警長等揚言七警打犯有理，「係制止暴徒」，有人更稱過去捉犯「通櫃」也沒問題；會上續有人針對法官，舉牌挑釁「我藐視法官，因判案不公」。集會高峯期約400人參加，大會則宣稱約1,000人，惟較原估計少一半，歸咎天氣寒冷。記者：紀靜雯 潘柏林 蔡朗清撐警大聯盟、正義聯盟黨、香港政研會、愛港之聲等7個愛國團體，昨晚在金鐘政總外的添馬公園海濱長廊舉行「民間撐警燭光晚會」，要求設立辱警罪、特赦七警及為其籌款。集會晚上6時開始，最初有200人參與，高峯期約400人，與大會原先估計2,000人出席相差甚遠。一眾過去力撐七警的建制派立法會議員缺席，只有民建聯立法會議員柯創盛現身。
■七警案犯人白榮斌及黃祖成上月身穿囚衣登車轉倉。
佔旺申禁令律師發言
保衛香港運動發起人傅振中會上指稱，七警案屬冤獄，批評律政司未檢控佔中搞手，是道德淪亡，呼籲市民捐款支援七警家屬。曾代表的士業界就旺角佔領區申請禁制令的律師鄺家賢發言稱，法治不是法官治港，認為「香港法治受到前所未有嘅衝擊」，更指現時有藐視法庭罪，「點解唔可以有藐視警察罪？」不少集會人士手上拿着針對法官的抗議標語，「要我信司法，法官先問責」、「法官冇王管，市民爆血管」、「我尊重法庭，但我藐視法官，因判案不公」等。當大會播放遭七警毆打的曾健超片段時，全場不但發出噓聲，不少人更高呼「仆街」等粗口。曾參加4個警察協會舉行特別大會的馬先生表示，認為警員講粗口無問題，「上一次個集會係證明我哋團結，講粗口係咪一啲人嘅專利呢？點解差人講粗口會有問題？」60歲的退休馬警長揚言「佢（七警）唔係打人，佢係制止暴徒」，判七警入獄不公平。他又為七警開脫指，「當時黑孖孖，你點知佢（曾健超）有冇反抗？扣起咗手箒，佢身體會郁。咁黑環境，你點肯定係嗰7個同事（打曾）？」
與會者：支持幾個軍人
退休懲教署職員區先生更稱，70年代打犯非常普遍，自己亦有打犯，「英國佬年代，我哋打犯打到飛起，嗰啲英國佬（上司）隻眼開隻眼閉」。他形容香港警察猶如童子軍，七警是被挑釁才用過多武力，毋須判入獄兩年。他更繪形繪聲細說當年對付犯人方式，「我話懷疑佢（犯人）有毒品，我捉佢通櫃」，又用水淋犯人後，將其扣留在冷氣房，「當年就係咁做嘢，回歸中國好好多」。黃女士則坦言被通知出席集會，「支持嗰幾個軍人」，隨後改口說支持「嗰幾個警察」，更稱「好似話俾人屈佢話打人嗰啲」；被問到是否支持成立辱警罪，她沉默片刻後指不清楚辱警罪。晚會至8時許，已有一半集會人士提早離開，約9時大會合唱《男子漢》後，所有與會者和平散去；大會表示約有1,000人參與。
撐警者心聲
馬先生「佢（七警）唔係打人，佢係制止暴徒。」
黃女士「支持嗰幾個軍人……警察，好似話俾人屈打人嗰啲。」【七警案事件簿】
http://bit.ly/7police
來源:
http://hk.apple.nextmedia.com/news/art/20170305/19948225
馮盈盈爆粗罵特首蔡思貝虛報學歷最轟動
1 :
GS(14)@2017-03-22 00:31:31去年落選港姐單文柔，被《蘋果》踢爆佢同陳展鵬上山頂喺車廂食嘢兼傾偈後，就即刻被高層樂易玲召見，仲有可能隨時被foul出兒童節目《Think Big天地》，認真慘豬豬，而過去亦有唔少曾參加香港小姐嘅靚女，因為唔同理由，慘被大台高層召見。馮盈盈去年港姐冠軍馮盈盈，當選後被網民「翻舊帳」話佢曾經喺社交網站粗口橫飛鬧爆警察同特首，事後佢出席港姐領獎活動，馮盈盈直認有俾高層照肺，仲話自己會經一事長一智，但網民就封咗佢做「粗口港姐」。龐卓欣15年港姐龐卓欣，就同中學同學麥明詩一齊參加港姐，可惜佢就輸咗比麥明詩，只得亞軍，點知佢就玩小學雞，夾埋季軍郭嘉文杯葛麥明詩，唔約佢一齊去食雞蛋仔，搞到高層即刻要召見龐、郭二人照肺。蔡思貝13年港姐亞軍蔡思貝，於15年被《蘋果》踢爆佢虛報學歷，話佢透過國力書院報讀菲律賓一間大學學士課程，但佢只係用咗兩個月就極速畢業獲頒證書，事後佢急急被高層召見。後來當時仲係無綫企業傳訊部副總監嘅曾醒明就話事件唔會影響佢港姐嘅名次。張名雅12年港姐冠軍張名雅，喺13年俾傳媒影到佢同落選香港先生吳雲甫攬腰搭膊頭夜蒲蘭桂坊後，即被高層召見，雖然當時冇話唔俾佢拍拖，但就要佢注意言行囉，而好快佢同吳雲甫玩完。去年仲同圈外律師男友蔡錦豪結婚，婚後兩個月仲宣佈懷孕。
來源:
http://hk.apple.nextmedia.com/entertainment/art/20170320/19963815
投訴警察個案勁飆47.8%爆粗集會佔9宗 監警會密切關注
1 :
GS(14)@2017-03-23 06:18:33■四個警察協會上月舉行會員大會撐七警，被外界質疑為非法集會。
【本報訊】監警會及投訴警察課昨召開聯席會議，投訴警察課公佈最新投訴警方數字，今年首兩個月接獲269宗投訴，較去年同期升47.8%，當中最多屬投訴疏忽職守，佔139宗，較去年69宗急升1倍。另外，就上月警察3.3萬人集會一事，監警會指投訴警察課至今收到9宗須知會投訴，主要涉及非法集會及會上有警員說粗口，監警會稱會密切關注。記者：紀靜雯
根據投訴警察課公佈的最新數字，今年首兩個月接獲269宗投訴，較去年同期182宗升47.8%，其中疏忽職守的投訴佔最多，達139宗，較去年同期69宗急升1倍。另外，濫用職權的投訴亦由去年2宗激增至今年11宗，增幅450%。接獲有關行為不當/態度欠佳/粗言穢語的投訴亦上升49%，有76宗。另外，涉及恐嚇與揑造證據的投訴亦較去年同期上升，分別接獲9宗及3宗，但涉及毆打的投訴則由去年53宗下降至31宗，跌幅達41.5%。投訴及內部調查科總警司張建光解釋，由於去年同期所接獲的投訴數字異常地低，才令今年投訴數字顯著有升幅。他指警方過往平均一個月接獲約130宗投訴，屬正常水平，「同?家兩個月加埋269宗，個水平差唔多，所以投訴趨勢仍然屬正常水平」。至於四個警察協會上月舉行特別會員大會撐七警，逾3萬人出席。當晚現場設大台及發言時間，但大會卻無申請不反對通知書，事後被外界質疑為非法集會。監警會主席郭琳廣昨指，投訴警察課就當晚集會收到9宗須知會投訴，主要涉及粗言穢語及非法集會指控，他稱監警會密切關注投訴，現階段不便評論。民權觀察成員沈偉男指，對於投訴警察課處理有關投訴「唔會有好大期望」，根據過往情況，警方大多以無證據、不屬實等原因迅速完成處理。
議員：市民對警失信心
沈續指事件已破壞市民對警方信心，「警方強調係專業集會，但大家都有好大質疑，所以其實係需要警方高層出嚟解畫，多過只放喺投訴處理」。立法會議員毛孟靜稱，投訴警察課投訴數字大增不足為奇，主因是市民對警方失去信心，容易就警員舉動投訴，「加上近日警方咁高姿態撐七警，令警民關係更差」，冀警方盡快挽回公眾信心。
來源:
http://hk.apple.nextmedia.com/news/art/20170322/19966031
不滿罰過重 聲援者庭內爆粗
1 :
GS(14)@2017-04-12 07:32:39【本報訊】部份到庭聲援市民不滿被告楊家倫判刑過重，在法官離庭後大叫「X你老母」，其後繼續在庭外走廊高聲討論刑期，嘈吵聲一度影響隔鄰法庭要暫時休庭。其間有司法機構男職員與聲援被告的女市民互相指罵，男職員一度用手指着對方，聲稱聽到對方講粗口，警告「再嘈就報警」，女市民則稱被人恐嚇感驚慌。
檢控官問警：拉唔拉得？
事後司法機構回應《蘋果》查詢，不但拒絕透露男職員身份及職位，亦無正面回答有否報警，僅稱當時已散庭，職員只是向市民勸喻。昨有數十名市民到庭旁聽及聲援，佔據整個公眾席。不少市民感刑期過重，趁法官離庭後講粗口、拍打椅子以示不滿，並大叫「呢度係人治唔係法治」。保安聞言要求市民立即離開法庭，多名市民即反駁：「法庭係咪唔畀講嘢？」其間律政司檢控官一度詢問現場警員「呢啲（市民）拉唔拉得？」惟警員聞言後未有回應。旁聽市民步出法庭後繼續大聲批評刑期過重，叫囂指「六七暴動都冇咁重啦」，又以曾在入境處放火造成2死44傷的施君龍作比較，指施亦只是入獄8年。由於他們聲浪過高，一度影響鄰庭審訊，需暫時休庭。■記者蘇曉欣
來源:
http://hk.apple.nextmedia.com/news/art/20170411/19986825
惠英紅拍戲恨爆粗
1 :
GS(14)@2017-05-27 00:06:55Fox新劇《心冤》前晚在尖沙嘴舉行煞科宴，主角黃秋生發燒缺席，惠英紅帶領眾演員慶祝，小紅姐指新劇有突破：「40年第一次拍粗口戲，好爽，電影都未有，我覺得乜都要試下嘛，佢哋話我好型呀！我嗰場係嬲到用槍指住對手，講『信唔信我打X死你！』」
■何傲兒前晚透bra出席煞科宴。
小紅姐表示拍劇時間長，5集等如拍了5部戲的精力，最長試過連拍18個半鐘。問她如果再拍會否加人工？小紅姐說：「人哋肯加就加，自己就冇所謂，加畀我，其他要縮。」何傲兒新劇做小紅姐和秋生的小三，她說：「我好少做小三，今次角色媚態十足，出嚟效果幾好。」採訪：張俊銘攝影：陳俊強
來源:
http://hk.apple.nextmedia.com/entertainment/art/20170526/20033660
做陳展鵬緋聞女友被爆粗狂鬧單文柔IG變罵戰之地
1 :
GS(14)@2017-06-10 12:23:00儘管話家陣啲fans已經開通好多，對於偶像嘅私生活，包括食煙飲酒夜蒲等都比較睇得開，但一提到拍拖……都唔係咁易過關。好似大台視帝陳展鵬同師妹暨落選港姐單文柔咁，明明已經被《蘋果》影到夜遊山頂，又被《蘋果》讀者透過「爆相爆片」影到「鵬單」鬼祟撐枱腳，另加有周刊指佢哋已達同居階段，雖然表面證供成立，但奈何當事人唔肯企出嚟認，只係有指陳展鵬向公司認愛，仲話自己「一力承擔」，女方都有讚㗎，仲話覺得陳展鵬好慘……其實，慘嘅係邊個呢？單文柔喺被揭戀情後冇幾耐，已經被網民洗版咁去佢啲社交平台留言鬧爆，包括話佢係豬扒，所以單文柔一度關閉咗個留言功能避風頭，唔知佢係咪見已經唔係風頭火勢，最近又開番個留言，點知……喺單文柔近日嘅post中，無論佢講咩，都可以踩中網民嘅神經，「好聽」少少嘅最多話佢同陳展鵬唔襯，難聽嗰啲……其實出唔到街；然後，有啲護單文柔嘅人（包括fans及聲稱唔係fans嘅路人）就互鬧，掀罵戰，正所謂「相嗌唔好口」，啲人就越鬧越難聽，啲留言，唔打格出唔到街嗰種……唔知係咪屬於做「煎Pan嫂」嘅必經訓練，單文柔鬧不還口，佢有冇記喺心入面就唔知，但肯定睇到啲文字組合，個心點都有啲唔舒服……又話一力承擔嘅？學Saving哥話齋，做得到先講得出吖嘛！
來源:
http://hk.apple.nextmedia.com/entertainment/art/20170605/20045101
【強勢詠春】爆粗師傅教女仔 防胸襲自衞術
1 :
GS(14)@2017-06-10 12:23:28Master Wong的網上影頻道超過一百萬人訂閱。(互聯網)
在網上影片頻道有過百萬訂閱者的武術師傅Master Wong是越南華僑，爸爸是中國人，問及其中文全名，他竟笑說：「我都記唔起自己中文名係乜，大家叫返我Master Wong啦，易記嘛。」他在越南出生，11歲移居英國，廣東話竟如此流利，原來他於當地做廚師打工學懂，跟他聊天時份外有親切感。他上次來港已是五年前，這次是要跟徒弟去越南練武，中途停香港見朋友及粉絲。
雙手叠腹前看似簡單，這個動作可助你踏前一步打人，亦可頂手踭擊退敵人。
女生不幸被胸襲時，可伸直手捉緊對方的手腕向外扭。
別以為Master Wong自小骨格精奇，他學功夫的原因竟係：「細個讀書俾人蝦，好想保護自己。」達到呢個目的，他覺得要學些快狠準的功夫，便從自衞術學起，又學詠春及太極，研發一些剛柔並重的招式。7年前開網上影片頻道，不是為生計，而是想用最有效率的方法，幫助不同國家的人，有個免費渠道學武功，遇人不淑都有還擊之力。他的學生主要是警察、保鑣、保安等猛人，收徒弟是隨緣，亦會在世界各地辦講座及交流。他將在香港開訓練課程，結合女士keep fit及自衞術，這次他教一些簡單姿勢及動作，想學習便要睇片。記者：梁慧琳攝影：張志孟
來源:
http://hk.apple.nextmedia.com/su ... t/20170605/20044407
大AL威利開騷禁爆粗
1 :
GS(14)@2017-07-07 02:42:31李龍基、張武孝（大AL）及威利昨日到石門為下周六假麥花臣場館舉行演唱會進行排練，威利笑稱唱到聲沙。談到神秘嘉賓，他們表示是商業秘密要賣關子。問到演出時會否大展舞步？李龍基自言跳舞難倒他，但大AL笑說：「自己有個『武』字，個騷冇『武』咪做唔成。」威利覺得走近觀眾跳舞絕對樂意，最好觀眾起身一齊跳，他說：「玩乜都可以，只要唔好講粗口，我都好粗口，但喺鏡頭前就忍到。」今次獻唱近五十首歌，他們視作是新歌獻唱，大AL希望整個騷可以為觀眾帶來美好回憶，以及開心氣氛，為近年社會緊張情緒紓緩一下。採訪：馬建華攝影：葉君海
來源:
http://hk.apple.nextmedia.com/entertainment/art/20170705/20078811
【過年出雙糧】保安爆粗：利是背後付出好×多
1 :
GS(14)@2018-02-21 06:14:37特派員訪問了六十多歲的保安陳伯，盡訴行內新年生態。
一click免費下載《籽想去東京》旅遊指南：
http://bit.ly/2rSv4c4全新旅遊專頁，即like籽想旅行：
https://fb.com/travel.appleseed
陳伯指一位保安差不多可以賺得一萬多元利是錢。
未到新年，就連商場裝飾也未及更換之時，身邊就已經有群人會大大聲提醒你新年將至，他們就是「保安」、看更、security guard。每逢新年前夕，他們就會性情大變，變得特別殷勤，笑得特別燦爛，新年期間保安更會變得特別嚴密，未畀利是的你相信很難逃脫，其實利是真的有很這麼大的魔力嗎？究竟多少利是錢可以令他們有如此的巨變？於是，特派員訪問了六十多歲的保安員陳伯，盡訴行內新年生態。
陳伯就指一棟大廈約有九成住客會給予利是，而一位保安差不多可以賺得一萬多元利是錢，接近一個月的薪金，但非所有保安也能討得利是，惟有「座主」獨尊，即專門看守該大廈的保安，早晚更各一位，當他們被安排做「座主」之時，新年期間就絕不放假，緊守崗位，看透世事的陳伯慨嘆「人做到死為乜嘢吖？都係為咗錢咋嘛！」但他坦言利是錢的背後就要作出很大的犧牲，香港作為著名的「投訴之都」，所以「座主」這年來每天都招呼住客連番的世界級投訴，背負的壓力亦屬世界級，其實保安的笑容背後亦暗藏欷歔，所以各位謹記對保安帶多點尊重，畀利是後才投訴。製作：怪奇
來源:
https://hk.lifestyle.appledaily. ... e/20180221/20310431
Next Page