靚媽彭羚愛執平貨利嘉兒狂掃「芭蕉扇」
1 :
GS(14)@2016-10-28 06:24:14慳儉係一種美德，好似熊黛琳咁，老公郭可頌身家億億聲，不過都仲係咁慳家，鐘意行平價家品店，其實唔止佢，都仲有唔少女星鍾意執平貨。彭羚同老公林海峰結婚之後就專心做人妻，生咗兩位千金林泳、林清。話晒都係全職人妻，梗係要慳啦！佢不時被影到送咗囡囡返學之後，佢自己一個人行渣甸坊掃平貨，仲會去莎莎買化妝品，貼地到爆。利嘉兒喺2010年再婚嘅利嘉兒，雖然老公係隱形富豪，佢仲話老公畀咗幾層樓佢揸手，又畀信用卡佢任碌，得閒仲有小禮物收，不過佢都一樣keep住貼地，早前仲畀《蘋果》見到佢一個人去雜貨鋪，仲狂掃「芭蕉扇（小型手提電風扇）」，一買仲買咗十幾部！葉璇葉璇同「小默先生」拍拖年幾，非常之sweet，早前佢同男友去咗銅鑼灣拍拖，唔好以為佢哋一定係行時代廣場啲名店，其實佢哋行大家都會去嘅金百利同銅鑼灣地帶等嘅平民商場。
來源:
http://hk.apple.nextmedia.com/entertainment/art/20161028/19815018