法拉爆母割胸硬塊
1 :
GS(14)@2016-09-27 07:14:49陳法拉應邀為香港癌症基金會擔任「粉紅大使」，今年已是連續第三年獲邀請，她將關注乳癌的健康訊息帶給全港婦女。法拉早前趁留港期間，聯同癌症基金會義工們與一班乳癌康復者相聚，一邊細聽她們的抗癌經歷，一邊製作手工書籤，互相交流健康生活心得。在聚會其間，法拉透露母親也一度發現乳房有異常狀況：「我4、5歲時，媽咪自己檢查到胸部疑有硬塊，經醫生檢查後要進行切除手術，手術後一直定期監察，至今冇復發。我哋都十分慶幸發現得早，硬塊屬良性瘤，唔係惡性。」但經此一役後，法拉經常提醒女性除了要自我檢查外，亦要定期進行全身檢查。撰文：鍾國仁
來源:
http://hk.apple.nextmedia.com/entertainment/art/20160926/19781780
【馮仁昭四圍超】法拉畫眼袋扮阿婆
1 :
GS(14)@2016-09-30 08:09:04互聯網圖片
陳法拉離開無綫去咗紐約茱莉亞學院（The Juilliard School）修讀戲劇碩士課程，轉眼已經3年，啱啱個暑假受黃子華邀請，返咗香港開24場舞台劇《前度》，男神女神同台演出，場場爆滿。佢上個月底已返去紐約繼續進修，噚日喺Instagram上載咗張新相，見佢戴咗個白色假髮，仲化咗個老妝，留言話：「我自己畫的舞台老妝，點個讚給我吧，哈哈哈！」相片所見法拉呢個妝有個好大嘅眼袋，兩邊面瘦晒，仲有少少老人斑，但係依然皮光玉滑，睇嚟佢好享受呢個學習過程。撰文：馮仁昭
來源:
http://hk.apple.nextmedia.com/entertainment/art/20160930/19785924
陳法拉化歪鼻妝逼真
1 :
GS(14)@2016-11-16 04:54:26■陳法拉昨日在Ig貼歪鼻相，傷痕纍纍，十分逼真。
陳法拉2013年與Neway太子爺薛世恆離婚及約滿無綫後，到美國紐約修讀戲劇碩士課程，月前法拉專程返港與黃子華演出35場舞台劇《前度》，並於8月返回紐約繼續Year3課程。其實法拉除學習演戲外，更學習舞台化妝技巧，日前她便於Instagram上載一張老人妝相片，留言：「我自己畫的舞台老妝，點個讚給我吧！」至昨日法拉再於Ig上載另一張滿佈傷痕照片，留言：「傷痕纍纍，鼻樑歪歪」，望落十分逼真，連陳敏之看罷亦留言說：「令我想起我們拍東西時一起化傷妝。」而有網民就指法拉受傷look有點似日本動畫《街頭霸王》角色阿Ken。撰文：魯吉
來源:
http://hk.apple.nextmedia.com/entertainment/art/20161115/19833574
稱前妻法拉係「朋友」薛世恆想搵個伴生仔
1 :
GS(14)@2016-11-16 05:47:56陳法拉大前年同Neway太子爺薛世恆離婚，仲離開埋大台，今年喺事業同愛情都有新發展，好似之前佢就同黃子華合演咗舞台劇《前度》，今年8月仲傳佢有新戀情，話佢同法國駐日外交官Emmanuel Straschnov拍拖。法拉發展如意，薛世恆亦唔輸蝕，先後同梁雨恩、廖碧兒同朱璇傳緋聞，而一直唔願回應嘅薛家大少爺，最近接受周刊訪問，講到前妻，佢依然冇正面回應二人嘅關係，只話唔想影響到朋友，佢用朋友來形容陳法拉。薛世恆同陳法拉一直都冇釐清過二人嘅關係，但外界一般都會話佢哋係離婚，專訪中，薛世恆依然冇正面回應，只係一笑置之，仲話唔想提及，因為唔想影響朋友，口中嘅朋友就係法拉。但係薛家大少爺就講到，一段感情去到呢個地步，佢自己都有反省過自己，覺得自己唔識溝通，同埋太自我，當中佢學會揀對象時，係唔好要求人哋點點點，而係要求咗先。但薛世恆就話新戀情，就要隨緣，佢坦言經常一支公出席活動，都希望有個伴陪吓自己，亦都好想有小朋友，仔女都冇所謂。至於緋聞同爭產，薛世恆先後同梁雨恩、廖碧兒同朱璇傳緋聞，薛世恆解釋好多都係朋友，佢舉例，有次報道話佢同六十個女仔一齊過生日，但其實當時仲有六十個男仔，但報道就唔提；有次同女教友傾偈，就話佢媾中女，搞到佢好唔好意思。緋聞冇個真，咁爭產佢又點解畫呢？薛世恆重申自己同細佬薛嘉麟感情好，由細玩到大，仲話老竇係在生，點會爭產。至於失勢，佢自己13歲就移民去咗澳洲，讀完中學返香港，喺香港科技大學修讀電腦系學士及碩士課程，之後再取後特許金融分析師(CFA)資格，03年就開漿到爸爸嘅印刷廠同Neway工作，之後爸爸就話想到澳洲深造，所以就由佢暫幫手睇住間公司，08年，爸爸話有啲時間睇番盤生意，所以佢就發展自己嘅事業，創立咗一間投資公司，專做投資、股票同物業生意。佢仲笑話，唔知細佬做緊乜，咁講又好似真係如報道講，好不和咁，哈哈！
來源:
http://hk.apple.nextmedia.com/entertainment/art/20161116/19834952
慧嫻為學業暫別樂壇陳法拉棄大台到紐約讀戲劇
1 :
GS(14)@2016-12-10 03:45:29「民選港姐」朱千雪去年就同大台請假一年，去咗中大報讀企業傳播管理碩士，上月中千雪BB已經畢業喇！其實過往都有好多藝人，係佢事業方中嘅時候，毅然暫停五光十色嘅演藝事業，重拾書包，過回學子嘅生活。陳法拉法拉BB喺2013年，同大台約滿後，就走咗去紐約嘅茱莉亞學院（The Juilliard School）修讀戲劇碩士課程，呢間學校好巴閉㗎，已故喜劇巨匠羅賓威廉斯（Robin Williams）、金像影帝奇雲史帕西（Kevin Spacey）、已故「超人」基斯杜化李夫（Christopher Reeve）都係呢間名校嘅學生。今年法拉獲子華神召喚，返港演出舞台劇《前度》，之後法拉又返翻去讀書喇！徐子珊去年約滿大台後，子珊就話要專心供讀珠寶設計，去年年尾就為金星珠寶，設計其中一系列首飾，進軍設計師行例。今年佢就簽咗王祖藍嘅工作室，話工作室同佢傾緊啲電影、電視劇同真人騷節目喎！何超蓮貴為賭王千金嘅超蓮，除咗忙緊家族嘅澳洲搞酒店重建，前一排都見佢喺ig貼相「地盤妹」去視察酒店環境。日前仲俾《蘋果》見到超蓮BB，現身灣仔一間開辦會計課程嘅楷博教育(Kaplan)，據知超蓮在該處修讀ACCA，即係英國特許公認會計師公會嘅專業課程，一般都要花六、七年時間完成課程。陳慧嫻89年，慧嫻喺佢歌唱事業如日中天嘅時候，突然宣佈要暫別樂壇，到美國升到大學，95年完成學業後正式復出，推出大碟《Welcome Back》造出四白金（20萬張）的卓越成績。
來源:
http://hk.apple.nextmedia.com/entertainment/art/20161209/19860119
紐約法拉盛雞年遊行料萬二人參加破紀錄
1 :
GS(14)@2017-01-06 02:07:44金雞報喜、美國紐約最多華人聚區的法拉盛（Flushing），2月4日將舉辦一年一度農曆新年遊行，料超過12,000人參與，打破歷年紀錄。主辦巡遊的法拉盛華商會總幹事杜彼得指，為免活動變味，今年一律謝絕展示政治口號及標語，希望巡遊在美國政治動盪期間，讓社會看到「華人文化的價值」。駐紐約記者：鄭柏齡法拉盛華商會將於大年初一上午11時，舉行一年一度大型新春遊行，路線以37街為起點，途經法拉盛緬街（Main Street），約下午1時至飛越皇后大樓（Queens Crossing）結束。主辦單位法拉盛華商會估計，今年參加巡遊花車數量增至25架，總表演人數高達12,000人，較2016年增加兩成，打破歷年紀錄。自1996年起首次舉辦，法拉盛大遊行已成為美國東岸最大規模新春遊行，吸引大量華裔及韓裔居民參與。過去多年一直統籌巡遊的杜彼得指，今年表演團體增加，主要原因是2017年為紐約選舉年，各方皆希望爭取曝光機會；另外，去年巡遊當天僅得零下6度，成為「最冷一天」，但仍吸引近萬人參加，故今年表演人數增加不成問題。今年遊行最特別之處，為韓裔代表打頭陣出場，主辦單位先賣關子透露，計劃在巡遊隊伍內加入「K-Pop」元素，華裔表演團體則緊隨在後，並齊集在終點燃放鞭炮。杜彼得估計，如天氣良好及交通暢順，沿途觀看大遊行的旅客將超過10萬人，「（巡遊）在全世界已經稍具名氣，來的人不會少」，他呼籲更多表演團體在1月20日前向華商會報名參與活動，「新總統上任後，大家都不知道他會怎樣做，大遊行最能證明美國華人的文化價值」。為防止活動變味，杜彼得強調，今年巡遊一律謝絕展示政治口號或標語，同時嚴禁展示美國國旗以外國旗，如中國或中華民國國旗等，「我們都是美國公民，都愛這個國家」。據悉這是因為去年遊行期間，法輪功及反法輪功團體皆有參與，雙方在橫額上互有攻擊，所以主辦單位今年特別訂下規範。另外，雖然紐約市一直被列入恐襲襲擊高危名單內，但杜彼得指，兩岸三地華人在政治取態上較保守，遊行以中華文化為主題，「不會被捲入政治漩渦之中，（巡遊）沒有安全性顧慮」。據了解，紐約市警察局當日將派出約百名警察在遊行路線上維持秩序，數量遠遠少於過往在曼哈頓舉辦的大型活動。
來源:
http://hk.apple.nextmedia.com/international/art/20170105/19887315
Next Page