📖 ZKIZ Archives

畀英足總開年重罰停賽四場推球證雲格冇得鬥「車」

1 : GS(14)@2017-01-29 10:31:45

阿仙奴喺香港時間大年初一深夜就會出戰英足盃第四圈作客對修咸頓，但領隊雲格賽前就收到英格蘭足總送上「大利是」……呢位67歲領隊因為上周主場贏般尼2:1嘅聯賽不滿球證摩斯補時判罰12碼，喺場邊言語攻擊同推撞第四球證安東尼泰萊，就算佢事後即場耍冧都冇用，英足總周五宣佈雲格停賽四場並即時生效，兼罰款25,000鎊（約24.3萬港元），阿仙奴會方亦表示唔打算上訴。據英國《BBC》報道，嚟緊對修咸頓嘅英足盃，以及對屈福特同車路士嘅英超，雲爺爺都冇得喺場邊領軍；如果英足盃唔使重賽，佢就會缺席埋2月11日對侯城嘅英超。




來源: http://hk.apple.nextmedia.com/sports/art/20170129/19912301

---

後悔當年冇買樓？河畔租客：冇得話錯過嘅

1 : GS(14)@2017-03-03 00:57:06

■岑生



目前與家人同住的沙田街坊岑生表示：「對於目前樓價，不會考慮買樓。點買啫，儲到首期先講。如果以咁嘅價錢(河畔呎價1.7萬元)，去邊度買樓都得啦，例如日本買樓。如果投資，一定唔會喺香港買樓。香港樓隨時分分鐘可能唔知幾時跌得好傷，樓市有循環，上一次樓市下滑是2008年，距離而家差唔多十年，所以差唔多會冧，如果而家入市是好不智。」對於一眾經紀唱好樓市，預計樓價升兩至三成，岑生回應：「佢講乜都得，佢地識睇市場造勢，到時佢梗係走得甩，你班盲炳走去入貨，咪你食晒囉，好簡單常識。」



■莊太

河畔花園租客莊太表示：「樓市專家話樓價會升兩至三成，專家講未必嘅，市場一路變，好難講!」租樓3年多，被問會否覺得錯過入市時機，她回應：「如果當時有計劃買而無買到，而家先會覺得錯過，你未準備好，未必話錯過。自己準備好一筆買樓嘅錢，就算再高都會出手，睇個人情況。可能有一日，有足夠能力，一定會考慮買樓。」她目前單位月租九千多元，「3年前以九千幾蚊租，而家行情都是咁嘅價值，無乜點升。你無諗買樓，突然跌得好低，又話升好多，對我哋無太大影響，因為一路未準備好。」




來源: http://hk.apple.nextmedia.com/financeestate/art/20170302/19945005

---

689就UGL醜聞　四發律師信學者：擔心冇得做政協副主席

1 : GS(14)@2017-03-04 10:13:32

■梁振英連續兩周就UGL事件，先後向傳媒及立法會議員發律師信。資料圖片



【本報訊】特首梁振英涉收受澳洲財團UGL400萬英鎊酬金，貪腐疑雲至今未釋。梁振英前日、即立法會調查UGL事件的專責委員會開會前夕，向委員之一的會計界議員梁繼昌發律師信，針對其日前公開稱「梁特正接受香港及外國稅局調查」言論，揚言會採取法律行動。有學者分析，盛傳將獲委任為政協副主席的梁振英，可能擔心被UGL事件拖累，藉發律師信令各方「收口」避談其醜聞。記者：鄭啟源


■梁繼昌指議員在立會內發言受法律保障，對於特首針對議員言論發律師信是聞所未聞。何柏佳攝

立法會調查「梁振英與澳洲企業UGL Limited所訂協議的事宜」專責委員會昨召開首次會議，梁繼昌在會議前說，前日下午1時收到梁振英委派律師發出的律師信。他批評，梁特於首次會議前夕向議員發律師信是不合理及不合適，議員在議會發言應受保障，特首就議員在立法會大樓內言論，發律師信更是聞所未聞，認為事件令行政和立法關係破裂。他呼籲下任特首勿跟隨梁做法，強調香港需要一個包容的社會，又要求3名特首候選人，回應梁特向他發律師信一事。



梁繼昌交律師處理

梁繼昌稱，現時已將相關事宜交由律師處理，拒評論信件內容。《星島日報》及《南華早報》則引述政府消息人士報道，梁特代表律師在信中，就梁繼昌日前公開稱「香港及外國稅局正調查梁振英」的說法表示驚奇，指梁繼昌作為知名律師行稅務顧問，應明白相關言論容易令人誤解。律師信又稱，梁特從無收過香港及外國稅務局查詢，沒有所謂調查，要求梁繼昌昨午12時前給予答覆，否則將採取法律行動。梁振英今次已是第4次就UGL事件發律師信，除梁繼昌前日收到的一封外，梁特上周四亦因《蘋果》於2月19日與21日，刊登兩篇提及梁特在UGL事件疑涉行為失當報道，向報館發出律師信。UGL事件於2014年10月由澳洲傳媒Fairfax Media揭發，該媒體準備踢爆梁特收受UGL酬金報道，向梁特查詢期間，亦收到梁特委派律師發出的律師信，被要求不要刊登相關報道。


毛孟靜質疑想嚇人

曾任廉署調查主任的民主黨立會議員林卓廷指，早前他曾就梁振英涉貪作出投訴，按照廉署正常程序，若廉署已完成調查，應會回覆投訴人，惟他至今沒有收到任何回覆，「肯定梁振英正被調查涉貪」。曾提出以特權法成立專責委員會，徹查UGL事件的立法會議員毛孟靜指，梁特連續兩周就UGL事件，先後向傳媒及立法會議員發律師信，質疑梁特有意藉信件起恐嚇效果，「佢自稱北京對佢有好大信任，但係又要惶惶然咁想嚇人」。公民黨黨魁楊岳橋則呼籲，若梁特要證明清白，就應全面配合專責委員會調查。特首候選人曾俊華昨被問到倘當選後，會否徹查梁振英UGL事件時稱，「我會依循香港嗰個法律框架做所有嘅事情」。中大政治與行政學系副教授馬嶽分析，從梁特發律師信的時間，估計梁特怕醜聞會在人大政協兩會的關鍵時刻，影響其政協副主席任命，因而藉發律師信令對方收口，盡量減少公共領域內對事件的討論。稅務局發言人指，不能透露個別個案資料，亦不會評論個別個案。特首辦截稿前則未有回覆。




來源: http://hk.apple.nextmedia.com/news/art/20170304/19947093

---

【蝕賣是常識】Nintendo Switch主機有冇得賺？

1 : GS(14)@2017-04-12 22:43:12

根據以往慣例，新家用遊戲主機推出時幾乎都係蝕住賣，最經典要數到2005年Sony推出PlayStation3時，每部遊戲主機要補貼300美元，咁Nintendo Switch主機又使唔使蝕？任天堂早前已話過從Nintendo Switch推出第一日開始已經有得賺，經過日本科技公司Fomalhaut解構Nintendo Switch製作成本，證明任天堂並無講大話，不過就賺得好少！經調查所得每部Nintendo Switch主機製作成本約為257美元，而市場建議零售價是299美元，即是話每部遊戲主機可賺約42美元（約$326）。睇落都好似賺唔少，不過當中未計如宣傳費、人工等大筆開支，真正有幾多落袋就只有任天堂自己先知。不過任天堂並唔係單靠賣遊戲主機賺錢，當其他遊戲廠商推出Nintendo Switch遊戲時都會收取約售價5份1的版權費用，基本上只有遊戲主機越賣得多，更多遊戲公司推出Nintendo Switch平台遊戲，雪球自然會越滾越大。資料來源：Nintendo Today文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170411/19986395

---

沈月倒模邱淑貞冇得輸霆鋒同囝囝又型又愛車

1 : GS(14)@2017-04-13 00:24:00

袁詠儀(靚靚)同張智霖嘅囝囝魔童，話咁快都已經10歲大喇！魔童盡得爸爸媽媽優良基因，年紀少少已經係靚仔一名；唔單止夠靚仔呀，眼大大十足靚靚喺《金枝玉葉》入面反串時個樣o添呀！其實圈中都有好多餅印星二代㗎，去相！邱淑貞沈月第一個要數嘅，就緊係近期曝光甚多嘅邱淑貞囡囡沈月啦！o依家15歲嘅沈月婷婷玉立，又識得打扮。而且佢盡得媽咪邱淑貞嘅真傳，樣子甜美，身材又好，絕對係唔少宅男嘅女神。譚詠麟譚曉風譚校長囝囝譚曉風，眨吓眼就已經大個仔，其實早年已經報道過佢成績優異係十優狀元，而且入讀英國牛津大學，真係不得了！除咗成績好，曉風相貌仲好似校長後生時o添！羅敏莊陳禛4歲大嘅陳禛表情多多，眼仔碌碌，而且經常面帶笑容，實在討人喜歡！除咗夠可愛，陳禛同媽咪羅敏莊成個餅印咁，真係唔怕會走失！謝霆鋒謝振軒謝振南霆鋒係靚仔又夠型就眾所周知，其實佢囝囝謝振軒（Lucas）、謝振南（Quintus）都盡得佢真傳，不單止十足餅印都係靚仔，而且興趣都一樣鍾意玩車！所以話，有啲嘢係打風都打唔甩嘅！




來源: http://hk.apple.nextmedia.com/entertainment/art/20170412/19988271

---

【大陸毒螺】香港有冇得食？　李彩華︰見過類似嘅款

1 : GS(14)@2017-04-17 07:21:00

香港海鮮業聯合總會主席李彩華說，曾經在香港見過與織紋螺外形相似的螺，但未聽說有人因為吃螺而中毒。



近日浙江臨海市場監管局聯同市公安局，進行「織紋螺」突擊檢查，更搗破一間織紋螺批發商，將6人刑事拘留。這款主要分佈在浙江、福建等沿海廣東地區的織紋螺，外殼有螺旋紋，尾部較尖長。當局指織紋螺含有河豚毒素，一般煮食很難將其破壞，甚至比砒霜毒百倍。



不過這款螺科的螺多達400種，憑肉眼不易辨別，究竟香港有否售賣？香港海鮮業聯合總會主席李彩華說曾經見過，「類似這形狀的螺我見過，但是否織紋螺就不肯定，因為浙江出產的螺種類很多，但未聽過有這款毒螺，也未曾有香港人因吃螺而中毒。」但對於比砒霜毒一百倍，他就不太相信，「其實螺肉本身是沒問題的，有毒素的大多是內臟、腸及尾巴。尤其是轉季時份，由天冷轉天熱的交接期，最容易滋生毒海藻及紅潮。大部份螺類及貝類靠吃海藻為生，內臟就會藏有這些毒素。很多人喜歡用螺去煲湯，連內臟及尾全部放去煲內，就出事了。」他更補充，香港進口的螺大部份是來自大連及山東，但為安全起見，他建議吃螺類及貝類海產時，盡量別吃內臟，而且要煮熟。



大生海產檔主張金鳳就說，從未在香港見過有織紋螺賣。

阿鳳的檔賣過與織紋螺外形相似的米仔螺，但這款螺是來自本地水域。

而水上人兼大生海產的檔主張金鳳，自細在魚檔長大，就說從未見過有織紋螺賣，反而有形狀類似的米仔螺，「這款本地螺並非貴價貨，在本地以西的水域特別多，顏色及坑紋也比織紋螺較淺。但近年開始越來越少，蝦艇只捉到一兩斤，漁民大多留給自己食。」記者︰黃依情




來源: http://hk.apple.nextmedia.com/su ... t/20170417/19992103

---

【配音員辛酸】寫埋配音稿人工冇得加　兒童時段禁談戀愛講打殺

1 : GS(14)@2017-04-17 07:21:05

簡懷甄初入行前，曾被前輩看死只能當二、三線角色。諷刺的是，他入行不久就正式擔正配主角。



最近日本動畫《一拳超人》頻頻在facebook洗版，全因它用上不少搞笑抵死的廣東話對白，除了用上潮語「是咁的」、「同是天涯羅樂琳」等，亦有配音員配合劇情而寫的「又一拳KO咗佢，我頂你個掣！」等等。為主角琦玉配音的就是簡懷甄，「配音始終是配給香港人聽，我除了要令香港人聽懂，還要讓他們有共鳴。」他笑說。初初入行，他已經為韓劇《我女友是九尾狐》配音，而且還是當男主角的李昇基配音。卻沒想到入行以前，有位前輩曾經對他說，「你的聲音就是（配）二三線，不是主角聲。」



《一拳超人》最近憑地道的粵語配音成為大熱，為主角琦玉配音的正是簡懷甄。

在日本長壽動畫《海賊王》裏，他曾經同一場戲聲演三角，而且還有對答。

全香港的配音員只有百餘人，除了無綫電視配音組的成員外，其餘的都是自由工作者。配音界有一個潛規則，若一位配音員為某位明星或角色配音後，之後不論電影或是其他電視台的節目都會找回該位配音員配音，因此簡懷甄就成了權相佑和李昇基的常任配音員。他遊走於不同的平台，包括有線電視、香港電台和ViuTV，就連電視廣告的配音都要一手包辦。很多時候，他更要一人分飾多個角色，簡懷甄在日劇《絕對零度》就曾經一人分演十二個角色。在日本長壽的動畫《海賊王》裏，他更試過同一場戲一人分飾三角，同時聲演兩個壞蛋和草帽團的布魯克（骷髏骨）。「呢種咁嘅人係冇可能存在架！」這一秒他以沙啞的聲音大喊着，「唔係呀，係有架…」下一秒卻又用高音搞怪的聲音回答。即使對着空氣，他的演技卻還是應付自如。「其實這也沒甚麼技巧，多練習就好了。」他謙遜的笑說。然而當動畫搬至電影大銀幕，廠商為了吸引觀眾卻多用明星配音，而棄用專業的配音員。香港的配音員不像日本的聲優，電影海報鮮少放上他們的相片，名字也只用20 pt印在海報底部，毫不起眼。「其實我覺得自己配得不會比明星差。」他淡淡的說，好的配音聽上去就像角色自己說話，感覺不會與畫面分離。然而影視明星不一定受過專業訓練，未必能演活畫面上的角色。配音員除了配音，其實還要寫配音稿。然而每當接到兒童時段播放的動畫配音，簡懷甄就大喊頭痛。「試過有一幕戰爭場面，一般將軍都會大喊『殺呀…』，但因為兒童時段不能提及這個字，就只能改用『去呀…』，完全沒了氣勢。」他無奈的說。另外由於廣播事務管理局（廣管局）有規定兒童節目不可談及戀愛的題材，配音員每遇到愛情動畫就覺得痛苦萬分。「我們配音時不可以說『想你做我女朋友』，只能說『我們做對好朋友吧』。」他苦笑道，「其實廣管局的準則還停留在十多二十年前，現在的小朋友怎會不知道甚麼是談戀愛呢？」記者：黃映嫚攝影：周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170417/19992093

---

【$5半個鐘】搶先試App租單車　記者dislike︰冇得轉波

1 : GS(14)@2017-04-22 10:44:24

記者實試香港首次推行行App租單車服務，認為流暢度不錯。



相信不少港人假日都喜歡約齊三五知己踏單車，香港剛剛推出了一個共享單車計劃，透過指定手機應用程式Gobee.bike就可以租用單車，收費每半小時只需5元，而且沒有時間限制。



租用單車的過程非常簡單，下載手機應用程式後，登記一些個人資料，如電郵、本地電話號碼以及信用卡等資料。然後透過應用程式掃描，在單車尾部或車頭位置的QR編碼後，便可以把後轆解鎖使用。開鎖一刻便透過應用程式開始計時，亦有行車距離、價錢以及地圖等資料。現階段大約有1,000部單車可以租用，主要集中在新界的沙田、大埔以及馬鞍山區。可以透過程式查看到地圖附近哪裏有單車可以租用。還車的自由度亦非常高，只要在上述租車的地區內，任可一個單車停泊點擺放單車，鎖好車便會自動停止計時，再以信用卡付款即可。



透過手機應用程式掃描，在單車尾部或車頭位置的QR編碼後，便可以把後轆解鎖使用。

開鎖一刻便透過應用程式開始計時，亦有行車距離、價錢以及地圖等資料。

整個計劃重點是市民自律性，單車內置GPS定位可以追查位置。Gobee.Bike的主席Raphael Cohen表示：「希望整過社區也可以照顧好單車，假如用家租車時發現單車有損壞，可以主動向我們匯報追查上一手用家，而公司亦會提供一些獎金或租車優惠回報以作鼓勵。」自己亦有一團隊每天在城市內檢查單車，確保使用質素或幫忙清潔，發現損壞亦可以進行維修保養。



可以透過手機應用程式查看到地圖附近哪裏有單車可以租用。

Gobee.Bike的主席Raphael Cohen（圖左）。

記者實試後感覺單車流暢度大致沒有問題，唯一是不能轉換波段。綠色外形亦非常搶鏡，單車不會太大，配備車頭籃、可調高度的座位、單車鐘以及夜行燈。租車計劃已經正式推，Android用家下載手機應用程式可以即時租用，反而iOS用家就要等一等，應用程式預計下星期才推出。記者：翁怡富攝影：張志孟2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/su ... t/20170421/19996178

---

洪天明失望冇得打老竇

1 : GS(14)@2017-06-10 13:46:54

洪金寶和兒子洪天明合作古裝戰爭片《蕩寇風雲》，日前在沙田接受訪問。兩父子難得合作，卻未有對手戲，天明說：「最初知阿爸有份拍都覺得好，點知冇對手戲，係有啲失望，本來諗住可以打吓佢。」天明指最辛苦是孭盔甲打功夫，洪金寶則說：「係辛苦啲，但還好。」天明生了小朋友之後，覺得一家人關係更密切：「我以前一年只見阿爸幾次，但小朋友出世後，全家聚多咗，阿爸又會約啲孫。洪金寶坦言恨再抱孫，他跟天明說：「你哋有能力快啲生，我有能力我都生呀！」天明說：「畀少少時間，同老婆考慮吓會唔會啦。」採訪、攝影：曹家誠場地提供：香港沙田凱悅酒店




來源: http://hk.apple.nextmedia.com/entertainment/art/20170610/20050676

---

父親男友同一屋苑下薛凱琪傳已婚：冇得呃

1 : GS(14)@2017-07-07 01:33:02

■現年35歲的Fiona表示結婚及生兒育女時，一定會公告天下。攝影：周樂恒



現年35歲的薛凱琪（Fiona），入行後的感情路最為人熟悉的，自然是跟龍子房祖名的4年情。之後的緋聞男友有方大同、威尼斯人賭場高層Reggie Martin，亦有傳過跟林二汶同性密友關係。到近年她跟富二代男友鄧浩基（Byron）已發展了4年，亦先後被本報拍到他們在酒店甜密拍拖兩小時及一齊看戲的照片，感情相當穩定。日前本報收到讀者爆料，指Fiona跟Byron已經結婚，又指女方經常出入男友陽明山莊寓所，但對接送的司機及保安員態度極差，經常呼呼喝喝，事件是陽明山莊公開的秘密。



■Fiona先後多次被本報拍到跟Byron密會的照片。

■薛凱琪表示父親（右）及不少好友都住在陽明山莊，故經常到會所玩。互聯網圖片


父母熟Byron

Fiona回應結婚傳聞時，她笑個不停說：「我開心係因為消息越誇張，我就覺得越可愛。」她保證將來結婚及生小朋友，都會公開講，今趟是入行以來第二次傳已婚，瞞婚亦是沒得呃，她說：「結婚你有得查㗎嘛，冇得呃，所以如果呢單新聞出咗，最驚應該都係經理人Paco（黃柏高）。」她表示跟Byron是中學時就認識的好朋友，就連自己父母都跟他熟稔。至於經常出入陽明山莊，她解釋父親及身邊很多好友都住在那邊，常常到會所玩。對於指控呼喝工作人員，她自言一個員工都不認識，亦沒有交談，所以不存在態度惡劣的問題。


屬私人事

Fiona一再強調目前單身，她說：「我仲係單身，不過我講過，我結婚之前你問我，我都係話自己係單身嘅，但係每次分咗手之後你問番我，我又會話我拍過拖，你哋要自己慢慢去揣測，不過當我結婚我就會話畀大家知。」她覺得拍拖是私人事，又說：「我每次分手都要喊好耐。如果我每次分手都仲要做訪問去解釋番點解要分手，我覺得咁樣係好錯嘅。」採訪：安妮




來源: http://hk.apple.nextmedia.com/entertainment/art/20170706/20079984

---