📖 ZKIZ Archives

【馮仁昭四圍超】米雪泰國攞成就獎

1 : GS(14)@2016-08-04 04:06:24

泰國政府前晚喺曼谷舉行「世界女士成就頒獎典禮」，去年炸彈襲擊後到四面佛前獻舞，又積極推動泰國旅遊業嘅米雪（圖）同嚟過香港拍戲嘅變性人Poyd同時得獎。米雪話：「當年演過黃蓉之後，泰國人好鍾意我，等咗30幾年終於等到。」另外，Poyd話好想再同周潤發合作，她笑言：「發哥和我一樣也愛自拍，希望可以從中偷師。」撰文：馮仁昭





來源: http://hk.apple.nextmedia.com/entertainment/art/20160803/19720211
PermaLink: https://articles.zkiz.com/?id=304313

【馮仁昭四圍超】羅嘉良5分鐘煲兩支煙

1 : GS(14)@2016-08-04 04:06:25

羅嘉良（撈家）噚日下晝4點幾現身中環ifc，戴住帽、黑超、黑衫襯牛仔褲，孭住背囊嘅撈家，急急腳咁行，個樣好似好心急咁，原來佢係趕住行出露天位置吸煙，仲喺5分鐘之內連煲兩支煙，有冇咁大煙癮呀？之後撈家又返回商場，走入超市買咗樽水，然後又一個人無聊聊咁逛商場，行經CD舖又入去睇吓，不過似乎揀唔到合心水，見佢走去問店員，不過最後都係空手而回。撰文：馮仁昭





來源: http://hk.apple.nextmedia.com/entertainment/art/20160803/19720219
PermaLink: https://articles.zkiz.com/?id=304314

【馮仁昭四圍超】胡梓盈想變走大貓

1 : GS(14)@2016-08-04 04:06:25

新美心妹妹胡梓盈（Keicy）最近拜魔術師李行齊（小齊）為師，小齊話：「魔術要配合好多肢體動作，Keicy識跳舞，可以將舞蹈融入魔術，表演效果會更好。講到尾學魔術最緊要係守得秘密，唔可以講個魔術係點樣，仲要經常練習。每個魔術，同一個場合只可以表演一次。」Keicy話：「想學魔術因為鍾意，希望學識將一隻大貓變成一隻BB貓嘅魔術。」撰文：馮仁昭





來源: http://hk.apple.nextmedia.com/entertainment/art/20160803/19720224
PermaLink: https://articles.zkiz.com/?id=304315

【馮仁昭四圍超】樂仔潛水九米打交

1 : GS(14)@2016-08-04 04:06:25

余文樂、張晉、文詠珊（Janice Man）及林家棟等日前為新片《狂獸》拍攝煞科戲，樂仔同張晉都話好唔捨得離開劇組，而戲中有幕張晉、家棟同樂仔徒手潛水九米深，家棟笑話：「雖然學咗潛水，不過有水底打戲，所以都買重保險。」Janice亦笑話：「我外號係文怕水，拍之前已經心驚驚。」導演李子俊就讚家棟同張晉好專業，努力學潛水完成戲份。撰文：馮仁昭





來源: http://hk.apple.nextmedia.com/entertainment/art/20160803/19720228
PermaLink: https://articles.zkiz.com/?id=304316

【馮仁昭四圍超】盧冠廷孖老婆睇戲

1 : GS(14)@2016-08-04 04:06:25

早前忙完6月紅館演唱會嘅盧冠廷，出名愛妻號，成日孖住老婆唐書琛過二人世界，噚日盧冠廷同老婆趁除咗風球，即刻出動，不過天氣唔多好，最好都係行商場、超市或者睇戲喇。佢哋就揀咗入戲院睇《星空奇遇記：超域時空》。兩人拍住拖到九龍塘又一城，見到孭住背囊嘅盧冠廷行路時，隻腳一拐一拐咁行，似乎有腳痛問題，老婆就全程傍住佢行。撰文：馮仁昭





來源: http://hk.apple.nextmedia.com/entertainment/art/20160803/19720233
PermaLink: https://articles.zkiz.com/?id=304317

【馮仁昭四圍超】翁子光讚Jeana善解人意

1 : GS(14)@2016-08-04 04:06:26

電影《踏血尋梅》導演翁子光自從同何佩瑜（Jeana）拍拖之後，可能多咗狗仔隊關注，令佢噚日喺facebook有感而發，識做嘅佢不忘讚女友Jeana，佢話：「除了電影消息之外，以前我是不看娛樂新聞版的，最近是會看的，因為有一些關於自己及自己好朋友的報道……而何小姐是藝人，但也是平常人，她率真、貼心、善解人意，沒有如外界所說的任何半點機心……我只希望自己被大家的認識在於我的電影作品，而不是私生活。」撰文：馮仁昭





來源: http://hk.apple.nextmedia.com/entertainment/art/20160803/19720237
PermaLink: https://articles.zkiz.com/?id=304318

【馮仁昭四圍超】安俊豪潮唱小精靈

1 : GS(14)@2016-08-04 04:06:26

安俊豪（Simon）同樂壇新人HANA噚日喺亞洲博覽館為活動任嘉賓，兩人合唱動畫《寵物小精靈》主題曲，配合番呢期Pokémon GO遊戲熱潮，台下觀眾仲一齊大合唱㖭。HANA唔係經常玩呢個遊戲，所以向Simon請教，Simon就話玩到level19，最開心可以為精靈改名，最近為自己中文名搞招募嘅HANA，仲問佢攞建議。撰文：馮仁昭





來源: http://hk.apple.nextmedia.com/entertainment/art/20160803/19720241
PermaLink: https://articles.zkiz.com/?id=304319

【馮仁昭四圍超】陳少霞傳戀法拉利之父

1 : GS(14)@2016-08-07 01:48:22

微博圖片








失婚陳少霞經歷人生起跌，愛情終於再次開花結果，噚日有報道指佢之前喺朋友飯局遇到「中國法拉利之父」李文輝（小圖），一見鍾情，李文輝對陳少霞個女視如己出，更有傳佢哋拍拖半年已經閃婚，更有媒體影到佢兩個手拖手去咗深水灣撐枱腳，之後齊齊返南灣愛巢。馮仁昭曾經搵過陳少霞求證，但未有回覆，不過喺佢嘅微博有迹可尋，陳少霞最近都係周遊列國，左手無名指戴住鑽戒喺南灣打卡。撰文：馮仁昭





來源: http://hk.apple.nextmedia.com/entertainment/art/20160804/19721643
PermaLink: https://articles.zkiz.com/?id=304484

【馮仁昭四圍超】Coffee師兄傲兒今戰OH！運

1 : GS(14)@2016-08-07 01:48:25

四年一度嘅奧運今屆喺巴西舉行，將於香港時間後日揭幕，全城期待。由《蘋果動新聞》主辦、今日下晝3點喺灣仔修頓室內場館搶先舉行「明星OH！運會」，邀得王宗堯、劉浩龍（師兄）、周家怡、羅霖、何佩瑜（Jeana）、鄧洢玲（阿旦）、何傲兒、范振鋒、陳蕊蕊、林芊妤（Coffee）、唐紫睿（Hazel）、Kevin Boy（李健宏）、張建聲、蔡瀚億（BabyJohn）、陳詩慧、女子組合As One、崔碧珈、楊尚斌、唐貝詩同鄭妍之等參加。眾星會分成藍神大軍團、紅霸天下會同黃金聖衣隊共三隊，並由王宗堯、周家怡同劉浩龍出任隊長，率領隊員、粉絲同觀眾角逐多項競技比賽，考考佢哋嘅反應同體能，除咗爭奪冠軍殊榮之餘，仲可以齊齊熱身迎接巴西奧運。



■黃金聖衣隊隊長劉浩龍，今日率領同門落場比賽。資料圖片

■出鏡斯斯文文嘅藍神大軍團成員何傲兒，其實都非常熱愛體育運動。資料圖片

■紅霸天下會成員阿旦笑言近排捉小精靈，練得身手敏捷。互聯網圖片



競技遊戲練身手

參賽藝人平日都有做運動keep fit，競技起嚟必有一番龍爭虎鬥。近日沉迷玩Pokémon GO嘅阿旦就晚晚落街捉小精靈，佢噚日喺電話講笑話：「呢排練得身手敏捷，玩競技當然係冇難度。」撰文：馮仁昭





來源: http://hk.apple.nextmedia.com/entertainment/art/20160804/19721638
PermaLink: https://articles.zkiz.com/?id=304494

【馮仁昭四圍超】張文慈爆栢芝有兩個伴

1 : GS(14)@2016-08-07 01:48:26

張文慈（Pinky）前晚喺九展出席電影《自殺特攻：超能暴龍》（Suicide Squad）首映，前日係佢老友張栢芝大仔Lucas9歲生日，問佢有冇出席派對？佢似乎擔心講錯嘢，只笑話：「我哋今日冇囉！」但又話會送耶穌故事書畀Lucas。提到栢芝近排疑似有新歡，Pinky就話栢芝一向開心，咁栢芝有冇想搵個伴？佢即話栢芝已經有兩個伴，兩個囝囝就係佢嘅小愛人。撰文：馮仁昭





來源: http://hk.apple.nextmedia.com/entertainment/art/20160804/19721646
PermaLink: https://articles.zkiz.com/?id=304495
Next Page
ZKIZ Archives @ 2019