📖 ZKIZ Archives

【馮仁昭四圍超】歐陽妙芝小鳳姐上身

1 : GS(14)@2016-08-07 01:48:26

歐陽妙芝、Kevin Boy（KB李健宏）同Sammy Ko會喺下個月演出音樂劇《尋找快樂時代》，噚日佢哋齊集喺觀塘宣傳，各人以八十年代懷舊歌星造型現身，最突出嘅係歐陽妙芝扮小鳳姐同埋KB扮Blue Jeans。歐陽妙芝喺劇中飾演經常去酒廊玩樂嘅顧客，佢話：「好老實講我唱live唔得㗎，我要練習吓，唱一小段都應付到，而且做顧客去玩嘅角色，唔使驚走音。」撰文：馮仁昭





來源: http://hk.apple.nextmedia.com/entertainment/art/20160804/19721640
PermaLink: https://articles.zkiz.com/?id=304496

【馮仁昭四圍超】陳智燊12月娶熙年

1 : GS(14)@2016-08-07 01:48:27

陳智燊（Jason）同趙希洛噚日到新城電台宣傳，提到宋熙年日前同一班好姊妹開婚前派對，Jason話一有時間就會開，因為想避開11月無綫台慶月，婚禮定喺12月香港舉行，確實日子未定，之後再飛澳洲補辦婚禮。」講到擔正嘅新劇前日首播遇到颱風「妮妲」，Jason相當興奮咁話：「平日冇時間睇電視劇，嗰晚由《東張西望》開始睇，仲係宋熙年做主持，好睇到不得了。」撰文：馮仁昭





來源: http://hk.apple.nextmedia.com/entertainment/art/20160804/19721649
PermaLink: https://articles.zkiz.com/?id=304498

【馮仁昭四圍超】卓韻芝輸在子宮裏

1 : GS(14)@2016-08-07 01:48:27

卓韻芝噚日喺商台宣傳棟篤笑「風大雨大One Night Stand」，話題圍繞中女嘅感情事，佢話：「成日覺得好多人追，結果喺屋企守齋，輸在子宮裏，而家冇得揀，好多朋友已脫離中女行列，我打定輸數，小儀係我偶像，分分鐘得到余文樂。」另外，佢喺社交平台話選組長，有戴眼鏡同學被拒選，似暗示梁天琦被拒選事件，佢話：「個騷講政治，冇辦法避免，呢啲係大家一齊面對，一齊鬧最好。」撰文：馮仁昭





來源: http://hk.apple.nextmedia.com/entertainment/art/20160804/19721653
PermaLink: https://articles.zkiz.com/?id=304499

【馮仁昭四圍超】JW減肥上圍縮水

1 : GS(14)@2016-08-07 01:48:28

JW（王灝兒）噚日到尖沙嘴海港城為雪糕店擔任客席店員，即場製作雪糕畀客人享用，可惜JW要為即將舉行嘅演唱會節食，所以噚日有得睇冇得食，JW話：「而家每日排舞、做gym同練歌，感覺到開演唱會壓力。」由於極速減磅，上圍豐滿嘅JW話，感覺到上圍縮水，JW話：「我都有少少驚，feel到係細咗，不過我身形唔係特別高，啱番自己身形，暫時未跌cup，唔使轉bra。」撰文：馮仁昭





來源: http://hk.apple.nextmedia.com/entertainment/art/20160804/19721651
PermaLink: https://articles.zkiz.com/?id=304501

【馮仁昭四圍超】胡定欣平復失戀心情

1 : GS(14)@2016-08-07 02:03:48

胡定欣同音樂人陳明道（Terry）分手後，就同好姊妹黃智雯、胡杏兒去咗倫敦散心治情傷，噚日佢終於返港首度現身，出席無綫劇宣傳活動，仲心情好好喺台上同陳展鵬擂台比試。提到分手一事，佢就話心情已平復不少，分手已有一個月，同Terry仲係朋友有聯絡，強調冇「逼婚」：「又唔係第一次拍拖，但總會有情緒，冇嘢放唔低，每個經歷都會令自己成長。我都30幾歲，會平常心對待。」撰文：馮仁昭





來源: http://hk.apple.nextmedia.com/entertainment/art/20160805/19723121
PermaLink: https://articles.zkiz.com/?id=304584

【馮仁昭四圍超】家怡宗堯派《囧報》造勢

1 : GS(14)@2016-08-07 02:03:49

周家怡同「男神」王宗堯噚日喺中環宣傳新片《導火新聞線》，佢哋化身派報員喺街頭派發《囧報》造勢，唔少人都走埋去攞報紙，順便搵佢哋集郵。講到對票房有冇信心？家怡話：「希望傳口碑，好多人都有好好嘅評語。」宗堯就話：「係有好多正評，但我見到有三個負評，有啲人話節奏太快，有人話劇集感覺仲喺度，亦有人話卡士唔夠強。」撰文：馮仁昭





來源: http://hk.apple.nextmedia.com/entertainment/art/20160805/19723131
PermaLink: https://articles.zkiz.com/?id=304587

【馮仁昭四圍超】Sammi出書教減肥

1 : GS(14)@2016-08-07 02:03:50

■鄭秀文喺人生低潮時最鍾意睇哲學書。








鄭秀文（Sammi）曾經喺事業嘅高峯期患上抑鬱症，當年佢對自己要求極高，為保纖瘦身形不停節食減肥，又唔容許自己演出有任何差錯，加上非常介意其他人嘅批評，面對各種各樣壓力，一下子爆煲，搞到抑鬱，幸好佢最終得到宗教和朋友幫助，重獲新生。噚日Sammi同立法會主席曾鈺成喺鑽石山出席香港世界宣明會舊書義賣活動，Sammi仲攞咗本關於哲學嘅小說出嚟義賣，佢話自己之前患抑鬱嗰段時間睇咗好多書：「喺depression嗰時睇最多呢類書，講有關人嘅嘢，覺得人呢個生物好有趣，可以抽離吓抑壓嘅情緒，睇得投入忘記depression，有咗信仰之後就睇聖經。」



【07年】■一度肥腫難分嘅Sammi，下年會出書分享點樣練成鋼條身形。資料圖片

■許志安（右）曾經俾人認錯係杜德偉。資料圖片



當年肥腫難分

Sammi初出道肥腫難分，當年Sammi話自己連飲水都肥，而家一直保持鋼條嘅健美身形，相信唔少人都好想知究竟佢食乜嘢同做啲乜嘢？而家機會嚟喇，Sammi話佢明年夏天打算出減肥書：「準備緊出一本教人減肥嘅書，冇打算喺書展出，但覺得冬天出冇人買，應該喺明年夏天推出。」另外，Sammi同杜德偉之前幫網絡平台拍廣告片，將當年許志安被誤認係杜德偉嘅事當做賣點，佢話：「我俾番安仔睇，佢睇4次都笑到碌地，佢覺得杜生咁樣出場好舒服。」撰文：馮仁昭





來源: http://hk.apple.nextmedia.com/entertainment/art/20160805/19723117
PermaLink: https://articles.zkiz.com/?id=304588

【馮仁昭四圍超】湯唯夢想去爬樹學武

1 : GS(14)@2016-08-07 02:03:54

湯唯懷孕後一直養尊處優，預產期喺今個月，佢早前就幫代言嘅SK-II拍攝咗一條有關「那些年的夢想」短片，腹大便便嘅湯唯着住紅色連身裙，同一班小朋友拍攝，湯唯面圓圓大晒幸福肥！講到兒時夢想，佢竟然想爬上屋企門口嘅大樹、學彈鋼琴同武術，佢話：「我一直都渴望去蒙古大草原生活，而家要計劃帶孩子一齊去，我希望孩子活得健康，有健全嘅人格，這小小夢想已完善我嘅人生。」撰文：馮仁昭





來源: http://hk.apple.nextmedia.com/entertainment/art/20160805/19723119
PermaLink: https://articles.zkiz.com/?id=304600

【馮仁昭四圍超】坤哥排舞打屁股

1 : GS(14)@2016-08-07 02:03:54

仲有一個零星期就係吳業坤（坤哥）嘅首個紅館演唱會，佢之前預告話會勁歌熱舞，噚日佢喺九龍灣預告畀大家睇，坤哥聽住前度Aka女團Super Girls嘅《鎂光燈下》同兩名妙齡女dancer攬腰、掃背同摸面，最後仲拍咗一位女dancer屁股兩吓㖭，佢話：「排舞師見到我動作比較生硬，就同我講Less is more，除咗呢part之外仲有段快歌medley。」撰文：馮仁昭





來源: http://hk.apple.nextmedia.com/entertainment/art/20160805/19723123
PermaLink: https://articles.zkiz.com/?id=304601

【馮仁昭四圍超】王敏德錫球桿唔錫老婆

1 : GS(14)@2016-08-07 02:03:55

王敏德（Michael）同名模Ana R.噚日喺銅鑼灣出席HONMA高爾夫工藝展，Michael獲贈度身訂做嘅球桿，開心到錫住球桿大叫：「我唔錫老婆嘞！」佢話打咗高球近二十年，覺得呢個運動可以鍛煉體能兼練出好脾氣，佢仲話以前試過嬲到打斷支球桿。Ana嚟緊會同9個月大嘅囡囡去美國同英國探親，囡囡第一次坐長途機，佢話好擔心。撰文：馮仁昭





來源: http://hk.apple.nextmedia.com/entertainment/art/20160805/19723125
PermaLink: https://articles.zkiz.com/?id=304603
Next Page
ZKIZ Archives @ 2019