【馮仁昭四圍超】讚王宗堯用眼神交戲達哥：令我有感覺
1 :
GS(14)@2016-07-15 05:16:40王宗堯、周家怡、吳孟達（達哥）同楊淇早前喺新蒲崗一間酒店接受訪問，幫主演嘅電影《導火新聞線》宣傳。達哥話差不多有兩年冇拍港產片，對上一套係彭浩翔導演嘅《香港仔》。達哥大派高帽話估唔到呢幾位演員可以演得咁穩：「內地演員同我拍戲，佢哋都好有戒心、好緊張。反而佢哋（宗堯、家怡同楊淇）完全冇呢種心態，熟讀劇本個人信心大好多。」
■達哥已經差唔多有兩年冇拍港產片。
■王宗堯同周家怡周不時都會去片場向前輩偷師。
「張家輝唔敢望我」
達哥又大爆張家輝同張衞健嘅秘密，仲賣口乖讚宗堯：「有場戲喺街拍，有路人、有粗口，佢都拍得好穩，成個成熟嘅劉德華咁。印象特別深刻嘅係佢同我有眼神交流，唔容易做到，而且可以令到我有感覺，張家輝同張衞健都唔敢望我。」達哥話好多人唔敢同佢用眼神交戲，佢話：「真㗎家輝咁講呀，話『達哥你唔好畀呢啲眼神，我頂唔住呀』，佢唔敢要我啲眼神，佢哋會避開㗎。」宗堯話可能成日冇份拍都去現場睇達哥做戲，宗堯話：「可能係咁熟絡咗，冇咁怯場。」楊淇同家怡就話同達哥冇乜嘢對手戲，但係都成日去片場偷師。場地提供：香港九龍貝爾特酒店撰文：馮仁昭
來源:
http://hk.apple.nextmedia.com/entertainment/art/20160715/19695263
【馮仁昭四圍超】志玲搵律師 追究陳冠希
1 :
GS(14)@2016-08-04 04:06:18■林志玲被任意辱罵後，一度感到傷心及委屈。資料圖片
■陳冠希日前為撐女友秦舒培，竟出言辱罵林志玲。資料圖片
陳冠希（Edison）日前喺微博向林志玲開火，以粗言穢語辱罵志玲姐姐，事件涉及Edison嘅model女友秦舒培，有指兩女獲邀演出內地節目《我的新衣》，但有人向秦舒培表示：「林志玲那邊不想讓你參加」，之後代理經理人公司將責任攬上身，承認藉「志玲」向秦舒培交代冇得參演原因，原來志玲姐姐無辜被擺上枱，事件沒完沒了，噚日輪到志玲方面透過律師發聲明，保留追究權利。
斥污辱人格
幫志玲接洽《我》節目嘅葉可棠，透過北京嘅律師事務所發聲明，表示對Edison任意喺網絡以文字污辱志玲人格，透過網絡傳播嚴重傷害志玲嘅名譽同精神，並造成潛在經濟損失，指Edison應承擔相應法律責任。
Edison噚晚就喺微博留言反擊：「大家想一想這幾天發生的事，然後問一下自己，他們為甚麼不直接告我？因為錯的是……！」Edison父親陳澤民噚晚喺網上為仔辯護，佢話陳冠希係「真實、誠實、很為愛人仗義執言的人」，之後佢分析成件事，又搵出林志玲嘅「錯處」，苦口婆心勸佢「不要裝成一隻受傷的小羔羊，不要找水軍混淆視聽，整件事秦舒培才是真正的受害者。」撰文：馮仁昭
來源:
http://hk.apple.nextmedia.com/entertainment/art/20160803/19720207
Next Page