Kelly開騷攰等出碟
1 :
GS(14)@2017-01-07 00:29:07陳慧琳（Kelly）早前為其代言的珠寶品牌拍新一輯廣告，更找了奚仲文及吳里璐為她設計造型，分別穿上黑色deep V露肩jumpsuit及白色單膊連身裙，散發一剛一柔的氣質。Kelly笑言今次班底強勁，拍出來手法充滿電影感，她說：「唔知道自己當日演繹兩個身份同造型可帶出完全唔同感覺，令我好快投入，自我陶醉。」提到新一年工作，Kelly表示：「完成出道二十周年演唱會，過去一年放多咗好多心機時間喺演唱會入面，的確非常疲倦，未來會全力專注籌備我下一張國語大碟。」撰文：唐如
來源:
http://hk.apple.nextmedia.com/entertainment/art/20170106/19887603
Kelly內地做評判俾人鬧
1 :
GS(14)@2017-01-12 08:08:33陳慧琳（Kelly）昨日在尖沙嘴出席代言的飾品活動，陳展鵬於頒獎禮得獎咪嘴表演受抨擊，Kelly謂沒留意，她說：「唔好咁挑釁啦！佢都知自己唔夠好，歌hit就得啦！呢行係咁得意。」李克勤指明年會出席頒獎禮，但Kelly不會參與，給新人多點機會。現時很多歌手、藝人奔向內地參加真人騷或歌唱比賽，曾有人重金邀請Kelly做評判，但她不心動：「俾人鬧到咁唔參加啦！而且我要同阿仔做功課。我唔識講嘢，性格唔會鬧人，魔鬼評判做唔到。」被問酬金可會高到可以買樓？她說：「睇你買乜樓啦，啲錢真係好可觀，好似好多錢掟畀你。」她連飆高音參加歌唱比賽也不會，怕傷喉嚨。採訪：王連連攝影：仇志德
來源:
http://hk.apple.nextmedia.com/entertainment/art/20170112/19893660
一路一帶：噚晚Kelly鬧得我好啱……
1 :
GS(14)@2017-01-26 18:18:29噚晚Kelly鬧得我好啱，文化差異係唔應該共融，要保持獨特性，唔係點支煙，飲啖酒就解決到。利申，女主角Kelly，香港人，今年32歲。Kelly自梁振英當選特首後，四年多以來都處單身狀態，親朋戚友怕Kelly成為單身剩女，於是喺馬家村嘅親戚介紹咗個男人畀佢識，叫阿Jack。
Jack係港漂一名，以前喺北京做英文老師，兩人加咗WeChat後好好傾，好快約咗出嚟食飯。Kelly隆重其事，化行妝，襯好衫出門口，去咗事先約好嘅餐廳見面，兩人年紀相近，Jack說得一口流利英語，仲有宏大理想，希望打拼一番事業，Kelly本以為Jack係筍盤，芳心暗許，覺得同內地人拍拖都冇問題啫。食完飯後，兩人埋單，都話有時間再約。但自從見面後，Jack就好似「404 not found」咁，消失於Kelly嘅WeChat，連朋友圈都冇埋。Kelly大惑不解，明明無講錯半句傷害兩地同胞嘅說話，食飯又爭住埋單。過幾日後，親戚來電，大數Kelly不是：「個男仔筍盤嚟，點解你唔好好把握機會？你淨係叫貴嘢食，又着名牌靚衫，化行個妝，人哋會覺得你係大使唔識慳家嘅港女！」
Kelly當堂嚇一跳，然後得啖笑；原來親戚問番個筍盤男點睇，男仔認為女方太貪慕虛榮：「佢又化妝，又滿身名牌，只會點貴菜，完全不懂得節儉，這種女仔根本不適合結婚。」「你估我好恨做馬太？阿Jack你收檔啦！」Kelly聽完覺得晴天霹靂，原來使自己着自己，忠於自己，只係冇按照Jack嘅意願去揀最平嘅嘢，買衫一向幫襯本地牌子，未試過淘寶，咁就係Jack口中不懂得節儉的女人。
Kelly覺得好匪夷所思，女人天生鍾意扮靚，自己化妝都係出於禮貌，着番件靚衫都係尊重場合，至於點貴菜，間餐廳係一齊揀嘅，如果太貴，點解當初唔去食Café de Coral？「其實我都係希望未來50年不變啫！」Kelly覺得要過以往的生活，唔明白點解拍拖、結婚、做咗人老婆，就要降低自己生活，佢認為要高度自治，要財政獨立，婚姻同融合，應該創造出1+1=3，而唔係付出一倍努力，收唔到回報，仲要感恩你送水送糧。Kelly同Jack兩個價值觀不同層次，生活同家庭觀念都唔一樣，夾硬要拍拖根本冇運行。其實過去幾年，香港出現好似Kelly同Jack之間的矛盾，港人底線不斷受到挑戰，未來兩個月對香港命運好關鍵，究竟新特首能否從香港人出發，守住香港的核心價值？3月自有分曉。最後預祝各位讀者雞年行大運。斯郎
https://www.facebook.com/oneroadonebelt/本欄逢周四刊出
來源:
http://hk.apple.nextmedia.com/financeestate/art/20170126/19908650
Kelly做嘉賓報恩：全靠Ronald帶起我
1 :
GS(14)@2017-02-02 02:34:08■Kelly前晚在台上感謝鄭中基當年幫她成功打入台灣市場。
陳慧琳（Kelly）前晚悉心打扮，穿Valentino藍色間條恤衫配襯通花喱士裙，現身鄭中基（Ronald）演唱會尾場。Kelly在台上自爆與Ronald的淵源，還向對方的囡囡講：「我今日嚟係要多謝你爹哋㗎！我記得嗰時去台灣，仲係新人，嗰隻碟全靠Ronald帶起我。」
Kelly續謂：「因為有首合唱歌，呢首歌係我隻CD嘅第一plug嚟嘅，首歌一plug完之後，嘩！隻CD個first order非常之好，令我有個非常之好嘅開始。所以我今日邊度都唔去喇，就嚟支持你！」Ronald即客氣回應：「我多謝你就真！」之後他再搞笑謂：「我今日特登着高踭鞋，個頭都set高啲，不過都好似唔係好夠。」然後二人唱出當年的合唱歌《製造浪漫》。
來源:
http://hk.apple.nextmedia.com/entertainment/art/20170201/19913968
Kelly教仔：同性戀唔使㩒住
1 :
GS(14)@2017-03-05 09:34:47陳慧琳（Kelly）昨在銅鑼灣出席二手衫慈善義賣，由她捐出的過百對鞋、過千件衣服，還有手袋、飾物、兩個兒子蝦餃仔和小龍包的衣服和玩具，展期由今天開始為期三星期，收益將捐去陳慧琳兒童助學基金。問Kelly有否瞞住兒子捐他們的玩具？她笑說：「所以我唔畀佢哋嚟！」
■Kelly將兒子的衣服也捐出，更即場聞一聞。
另外，對於迪士尼真人版電影《美女與野獸》（Beauty and the Beast）加插同性戀情節，Kelly表示會先看一次，過濾後才帶兒子看，她說：「大啲要解釋畀佢哋聽，人係有呢個取向，我唔會抗拒話畀小朋友聽，就算係同性戀都唔使㩒住『我係鍾意異性』，唔好覺得自己做錯事。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20170305/19948014
Kelly冧暈曹敏莉鍾嘉欣囡囡唔慣香港生活狂喊
1 :
GS(14)@2017-04-04 08:59:29鍾嘉欣(Linda)去年與脊醫Jeremy結婚後，誕下囡囡Kelly，並長居加拿大。嘉欣曾透露自己餵人奶，時時刻刻都要照顧囡囡，所以早前推咗部劇，只係間中返港出席活動賺吓奶粉錢。最近嘉欣帶埋BB返港12日，除咗出活動，仲有探班香港班朋友。曹敏莉昨日喺微博貼咗佢同囡囡及嘉欣與Kelly嘅合照，原來佢哋都係人04年中華小姐，Linda攞冠軍，Mandy就得亞軍。Linda喺ig留言﹕「前中華小姐聚會，13年前你代表香港，我代表溫哥華。呢個比賽改變大家嘅命運，我好感恩我哋識到依家，你都仲係咁靚，Mandy你要繼續努力，很開心的一天！」相中見Kelly個樣真係好得意，白白淨，頭髮濃密，而眼仔碌碌，個樣越嚟越似媽咪。曹敏莉留言：「今天跟Linda媽媽過了一個非常愉快的下午！Baby Kelly真係可愛到不得了，It was so nice chatting with you dear!」而Linda早前亦接受咗鄭紹康fb live訪問，獲送贈BB衫，Linda即笑住投訴：「自從有咗之後，我地位都冇晒。」Linda透露囡囡唔習慣香港生活，失眠咗3晚，佢話：「可能有jet lag(時差)，返到嚟成日喊，今日好少少……加拿大超安靜，我哋屋企唔開電視，同老公商量過，盡量都唔會畀iPhone佢睇到，所以佢平時好calm.」被問點解咁快收身？Linda即刻企起身show纖腰，笑言：「餵人奶啦，收身好快。」
來源:
http://hk.apple.nextmedia.com/entertainment/art/20170403/19978780
【add Star】Kelly自襯Carven
1 :
GS(14)@2017-04-04 08:59:31陳慧琳（Kelly）前晚在內地開騷，型開的Kelly選穿飾銀色圖案的藍衞衣，下身配薄紗裙，透出紫色襪褲最搶，完全配合身後的紫紅燈光效果。Kelly的歌衫是Carven今個春夏作品，女模行騷時裙子徹底透出內裏的紫色襪褲，Kelly就選擇打底半透視。
Angelababy收身DG Tee
另一位新任型媽楊穎（Angelababy），今年1月中生了「小海綿」榮升Angelamami後，至前日才在IG放了三張相，其中兩張清晰見到全身。相中Baby穿logo tee、前短後長的收身半截裙，騷纖瘦S形身段，產後兩個多月就火速收身。未知Baby是否忙於湊B，沒有太多時間shopping，多次翻穿身上的Dolce& Gabbana logo tee，這件tee上一次曝光是過年兼坐月期間，Baby與親友合照，之前亦被傳媒拍得穿同一件衫去辦年貨，不過logo tee當紅又易襯，多穿幾次都沒問題，還夠環保呢！撰文：安妮
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170403/19978073
Kelly撻訂取消倫敦行
1 :
GS(14)@2017-06-10 12:40:50陳慧琳（Kelly）與張智霖（Chilam）昨日於中環出席美心月餅活動，Kelly原定一家人到英國過暑假，現決定取消行程，她說：「我真係plan咗去倫敦，不過喺演唱會（之前發生恐襲地方）前訂晒酒店，取消要畀30%，發生咗事更加唔敢去，因為發生事都係遊客去嘅地方，歐洲真係唔敢去，我自己一個就唔驚，我走得快，小朋友抱住一個，咁另一個點？或者改去美國。」
■剛從英國返港的Chilam，自爆有人群恐懼症。
剛從英國返港的Chilam，提到遇上恐襲，他說：「球場距離倫敦三個鐘頭車程，我哋睇完波坐番火車去倫敦，我哋都保持警惕，諗定發生事嘅保護應對，唔可以呆若木雞。」Chilam感慨世界變得不安全，他更自爆有人群恐懼症，一遇人多便會呼吸困難。採訪：羅慧敏攝影：仇志德
來源:
http://hk.apple.nextmedia.com/entertainment/art/20170606/20045557
Next Page