財仔推9成按揭吸上車客
1 :
GS(14)@2016-09-29 08:00:00■中原按揭經紀與康宏金融旗下合作搶攻高成數按揭市場。
【本報訊】財仔搶攻高成數按揭市場！中原按揭經紀與康宏金融（1019）旗下香港金融信貸展開合作，樓價800萬元以下，可以申請高達九成按揭保險計劃，800萬至1,200萬元為八成，且免除壓力測試，全期優惠利率為（P）減2厘。康宏採用最優惠利率為5.25厘，意味該按揭利率僅3.25厘，較其他財務公司一按平均12厘為低，不過對比銀行提供的同業拆息（H）加1.4厘（約1.67厘），息率仍然是偏高。以土瓜灣喜築20樓H室為例，原價為691.2萬元，折扣後價格604.8萬元，若果到銀行申請按揭，成數最多6成，由於樓價超過600萬元，未能經按揭證券公司申請按保，故此需支付4成首期，約242萬元。若餘下6成申請H按貸款，按息約1.67厘，攤分30年期計算，每月供款1.28萬元，全期總利息為98.7萬元，首期比例高但利息平。若果經中原按揭經紀申請一手或二手樓按揭，由於成數可高達九成，首期僅需60.5萬元，不過，在3.25厘按息下，以攤分30年還款計，每月供款2.37萬元，全期總利息高達308萬元。業主尚需繳付由AIG聯合保險亞洲徵收的按揭保險費用，當中AIG承擔2成按揭貸款部份，保費3.5%至3.9%不等，不過康宏可額外加借保費。康宏截至6月底止擁13.6億元現金，有彈藥提供較平價按息計劃。中原按揭經紀董事總經理王美鳳指承造超越銀行可造按揭成數貸款比例連續5年均增加，故推出計劃吸納上車族及換樓客。
來源:
http://hk.apple.nextmedia.com/financeestate/art/20160929/19785268
財仔爭客 送海洋公園票
1 :
GS(14)@2016-10-20 07:45:18【明報專訊】財務公司愈來愈多人入行，連上市公司亦齊齊想分一杯羹，競爭愈趨激烈。近年加入做財仔生意嘅易易壹財務，大舉向借錢客仔回饋。由即日起至10月28日，佢哋向經網上獲批還款期24個月而貸款2萬蚊樓上嘅新客仔，實行送兩張「香港海洋公園哈囉喂全日祭」門票，同時喺萬聖節期間，喺旺角旗艦店設置VR遊戲機畀客仔玩。之後佢哋會公布，11月份向合資格客仔贈送澳門巴黎人酒店旅行套票，連來回澳門及香港船票兩張、雙人入住豪華客房一晚同巴黎鐵塔觀景台入場券兩張。要人地借錢，而家唔度橋搞搞新意思，單靠平都未必搶到新債仔，財仔生意認真唔易做！
email:
[email protected]
[小琴密語]
來源:
http://www.mpfinance.com/fin/dai ... 1399&issue=20161020
財仔經營環境趨困難
1 :
GS(14)@2016-10-27 05:56:41■靄華押業主席陳啟豪表示，金管局新招對財務公司影響尚待消化。 資料圖片
【本報訊】二按屬於財務公司一大收入來源，雖然貸款額比例未必及一按，但貸款息率動輒達20厘，對財仔而言相當好賺，不過在金管局新招打擊下，有財仔嘆經營困難，料轉向息率較低的一按業務。
轉攻一按回報降
金管局去年數據顯示，財務公司僅佔本港銀行貸款餘額不足1%，新招對樓價影響不大，惟財仔則大受打擊。動力互聯網金融執行董事傅家豪表示，新規定一旦實施，財仔二按生意將會大減，只能做利息較低的一按，回報減低；加上放債人條例新修訂後，財仔經營環境將會更加困難。靄華押業（1319）主席陳啟豪則表示，金管局新招對財務公司影響尚待消化，該公司向來有提醒客戶，在申請二按前需獲得一按銀行授權；靄華昨日公布中期業績，當中二按比率僅佔25%，一按則高達75%。中原按揭經紀董事總經理王美鳳指出，措施推出後，財務公司不會在有按揭的物業進行土地註冊處登記，故此，這類以物業加按形式的貸款息率有機會調高，財務公司日後或會主力提供非抵押貸款，及包辦一二按之有抵押貸款，從而減少二按貸款比例。
來源:
http://hk.apple.nextmedia.com/financeestate/art/20161027/19813579
湯文亮：小心財仔趁有價有市收樓
1 :
GS(14)@2016-10-28 05:59:24【明報專訊】現在市况熾熱，樓價飈升，不少將物業按在財務公司的人以為心安理得，只要依期還息，財務公司不會沒收他們的物業。如果物業是按在銀行的話，他們有這種想法其實是沒有錯，但按在財務公司是絕對不同，只要債仔沒有依時還款，或者貸款到期，債仔沒有辦法清還本金，財務公司就會沒收債仔物業，趁現在有價有市放售，這樣做就可以本利收回。
老實說，現在賣樓利潤是不少，但如果唔趁有價有市將物業賣走，債仔一定會要求借更多錢，實行以貸冚債，到市况逆轉，不但很難出售債仔所按物業，就算可以賣到，價錢都唔會好，未必可以收回貸出款項，所以，不少財務公司現在部署收樓。當然，財務公司亦非常正道，不會突然間追收貸款，不過，以物業作抵押向財務公司借錢的人，又有幾多個可在到期的時候清還本金，被財務公司收樓亦只不過是遲早的事，現在已經開始，我相信陸續有來。
業主最好將按揭轉到銀行
銀行借錢畀客戶，除了睇抵押品之外，還要睇客戶的收入，是否有能力分期本息清還，否則，就情願唔借，財務公司就唔同，只需要睇抵押品價值是否足夠，收入反而是其次，除了每月清還利息之外，亦會訂下一個清還本金期限，或者要求貸款客戶年年續期，如果財務公司唔續期的話，即是貸款期限只得一年，不少向財務公司借了錢的人都認為已經有抵押品，對依期還息從不上心，經常拖延，又認定財務公司一定會續期，而且樓價最近急升，財務公司沒有不續期道理。
那些人實在有所不知，正因為樓價急升，而且有價有市，是賣樓好時機，如果債仔沒有依期還錢，財務公司就會替他們賣樓，所以，有物業按在財務公司的業主，最好能夠將物業按揭轉到銀行，否則，有機會被財務公司沒收物業。
紀惠集團行政總裁
[湯文亮 敢說亮話]
來源:
http://www.mpfinance.com/fin/dai ... 8989&issue=20161028
金管局出招 經絡料500家「財仔」結業
1 :
GS(14)@2016-10-28 05:59:43【明報專訊】為打擊違規二按問題，金管局將與土地註冊處合作，向銀行發出電子提示，令企圖隱瞞銀行在外借二按的客戶無所遁形，不過，有業界認為，除業主借貸受影響外，規模較細的財務公司更有機會出現結業潮，料涉約500家。
經絡按揭轉介表示，財務公司不受金管局規管，但作為監管機構，金管局必須確保金融體系平穩，新措施下，兩大族群最受影響，其中包括急需資金周轉的業主，他們仍會向「財仔」借二按，但預料息口將調升，以平衡財務情况較差的借款人的拖欠風險。
「蚊型財仔」首當其衝
另「財仔」亦會「變陣」應對新措施，會進一步拓展一按市場，為求與傳統銀行競爭，物業貸款的息率有下調的空間，利潤因而下降，資金成本較高的「蚊型」財務公司首當其衝，財務市場將汰弱留強，預計達500家或會因無法適應市場轉變而倒閉，短期內將出現結業潮。
該公司又稱，據公司註冊處的數字，放債人牌照數目由2008年的760個，急升至今年9月約1800個，升幅逾1倍。
該公司研究部資料亦顯示，以2016年為例，物業加按用途以備用資金佔比例最高，達58.9%，其次為置業用途的20.4%及償還貸款的12.1%，正因為有龐大的需求，大量的「財仔」因而應運而生。
來源:
http://www.mpfinance.com/fin/dai ... 4184&issue=20161028
財經評論：金管局敲響財仔喪鐘
1 :
GS(14)@2016-11-16 05:44:202016年差唔多過去，呢一年，財務公司（俗稱財仔）真係可以用頭頭碰着黑嚟形容，年初政府出招打財仔中介、假按揭事件肆虐，到年尾金管局再出必殺技，宣佈下年推出「樓按提示服務」，可以話係敲響咗財仔喪鐘。金管局呢招個名好似好無氣勢，但操作起上嚟殺氣騰騰。講番個背景先，以往業主去銀行借完按揭貸款後（即係一按），唔少會靜靜雞去財仔再借多筆（即係二按），而呢件事係銀行不容許，就算你二按借1萬蚊都好，你都要問銀行拎consent。不過，銀行無咁得閒逐個查你，所以唔少客人靜雞雞借凸咗。但係，喺金管局電子提示服務推出後，下年起你試吓喺銀行申請完按揭後，之後去財仔借多筆，再去埋田土廳上冊，呢個時候，就好似手機嘅push notification咁，銀行即刻知道你踩界，結果客人無二按可借，財仔無生意可圖。你或者會問，銀行係咪咁霸道先，點可以唔畀人借二按。的確，一按銀行係真係可以好霸道，因為佢係一按債權人，就算業主破產，都係由一按銀行拎番啲還款先。新例之後，所有業主無得偷雞，申請二按前，必須要問銀行拎consent，先可以去財仔借，但銀行點會戇居居畀consent你，「去財仔？嚟我度借咪得囉」，或者係，「無收入證明？可以用其他方法證明嘅，但consent就唔畀得住喇」。所以，財仔二按生意，大部份都可以摺埋。查實，二按業務真係相當和味，冇事冇幹，利率可以高達20厘，that's why財仔近年喪做，不過回報高，風險亦高，如果業主破產，物業變咗銀主盤變賣，錢係要賠畀一按銀行先。咁財仔可唔可以轉做一按生意？難矣，財仔嘅資金成本其實好重，本地銀行係唔會借錢畀財仔做按揭生意，除非財仔接受金管局規管銀行按揭業務嘅金剛箍，所以唔少財仔都係靠股東資金；大型財仔就可以去海外source資金返嚟，唔少來自新興國家。唔好彩地，美國聯儲局加息再即，今次極有可能展開加息周期，容易令新興國家資金流走，息率扯高，如果財仔個盤唔夠大，得8厘嘅一按係無利可圖，再加埋樓價若果有下行迹象，按揭成數ceiling因應風險要再降低，咁邊個會幫襯呢？又點做生意呢？小型財仔嘅就真係不要說了。有人話，做開按揭嘅財仔，可以試吓轉做消費貸款，不過遺憾嘅係，消費貸款同按揭貸款嘅business model完全唔同，同埋市面上已經有做消費貸款龍頭，想同佢哋鬥，真係不如直接轉行好過。其實今年年中發生過唔少財仔畀假按揭文件呃到攤攤腰嘅事件，新聞報好似唔係好多宗，但實係非常多中小型財仔瀨嘢，但佢哋無同人講過，因為財仔最需要嘅係聲譽，講完同摺咗間嘢分別唔大，呢件事本身已經令財仔業界元氣大傷。總括而言，而家差唔多有1,800張財仔牌，應該會係香港歷史嘅高峯，下年有機會逐漸回落，個牌賣得嘅就賣，摺得嘅摺，汰弱留強，不過可以肯定嘅係，二按佔比只係成個物業市場嘅一條毛，對樓價影響不大，唔會成為壓倒樓市最後一根稻草，但金管局隔山打牛就相當高招，財仔真係喊三聲。記者：周家誠
來源:
http://hk.apple.nextmedia.com/financeestate/art/20161116/19834886
財仔推大專生$500貸款準時還款不收息 半年逾千人申請
1 :
GS(14)@2017-04-04 08:58:11■左起為uFinance創辦人許迪、劉啟謙、黎子謙。
【本報訊】大專生課餘多從事兼職，但上莊、住宿舍等使費昂貴，不時會入不敷支，專攻大專生市場的財務平台uFinance睇準商機，推500元零用貸款，稱半年間有逾千人次申請。創辦人指本港不少大專生出身基層，不時有財務需要，不過有銀行家認為這批客人風險甚高。記者：周家誠 曾木秀
為財務公司轉介貸款的uFinance，其創辦人許迪指，大專生雖然可獲政府資助，但審批期長，若有突如其來開支，未必能解決到財務需要。另一創辦人黎子謙補充指，自己讀大學有時「手緊」，連500元生活費、報名費等亦難負擔。
網上交文件毋須露面
uFinance推出還款期、審批期俱短的500元貸款產品，不用真人露相，只需要在網上向uFinance繳交文件，如身份證、學生證、住址證明、銀行月結單等副本，最快可以即日審批。許迪強調該公司不會出售個人資料，只作批核貸款之用。「在職人士500元好易搵，但大專生就比較困難。」黎子謙稱，希望同學成功周轉之餘，亦不用承擔沉重財務壓力，亦順帶教育「有借有還」觀念。由去年9月起推出起計，該500元貸款產品有逾千人次成功申請，範圍涵蓋大學生、副學士、高級文憑等。黎子謙稱該產品無利可圖，「1蚊利息都唔收，若果遲還款，只係每月收5蚊。」不過，黎子謙坦言，相關產品可以獲得潛在客戶，「希望第時佢哋有財務需要都會搵返我哋。」
有同學借錢買教科書
不少人疑問，區區500元為甚麼不向父母或朋友借？黎子謙指不少大專生希望財務獨立，「自己問題都想自己解決，如果長期搵朋友借，會令個關係變差。」亦有網民質疑「500蚊做到啲乜？」，許迪解釋，不少大專生出身基層，有財務需要，他舉例有港大法律系學生，開學前打算買二手教科書而借錢；亦有學生借錢購買西裝參與學校活動。華僑永亨信用財務總經理吳幗欣表示，對放貸予大專生確有保留，「雖然大專生有收入有外快，但銀行會秤一秤，例如能否提供收入證明，如果話因為私人補習提供唔到，咁都批就好難算審慎。」此外，同樣值得注意的是，uFinance運作模式與財務公司無異，不過該公司並未持有放債人牌照，僅是在公司註冊處登記的財務中介，貸款方則為一家名為啟藍優貸的中資公司。現時500元貸款並未錄得壞賬，僅有1至2%的遲還款率，不過許迪強調uFinance未曾聘請任何收數公司。
【學生意見】
■邱同學
食兩餐飯冇咗
22歲的邱同學：「我有喺IG開網店賣自己設計嘅產品，每個月有幾千至一萬元。就算好窮嘅時候都從來唔問人借錢，而且500蚊咁少，食兩餐飯都冇咗啦！搭車都咁貴喎，有啲住得好遠，車錢一日都可能成嚿水。而且有需要時，向朋友借500蚊都容易，真係好friend嗰啲一定會幫你。」
■凌同學
向朋友借唔易
凌同學：「我一邊讀書一邊做兼職，加上屋企人的零用錢，一個月有幾千蚊啱啱好夠使。有試過窮到要問人借錢，中學的時候較多，最窮咪就係叫個friend買串煎釀三寶，然之後自己食一粒魚蛋囉！如果要向朋友借500蚊都唔易，因為我身邊都係窮人囉。」
■陳同學
冇錢就唔出街
20歲大專生陳同學：「家人每月會畀大約3,000蚊零用錢，夠自己使，冇錢嘅時候會成日喺屋企唔出街，最長紀錄係兩個禮拜。500蚊對學生嚟講數目都幾大，要借都唔易，要好熟嘅朋友先會借，但亦盡量唔借錢，想靠自己，自己打工搞掂佢就算。」
來源:
http://hk.apple.nextmedia.com/financeestate/art/20170403/19978222
知己知彼：借財仔上車搏盡無悔？
1 :
GS(14)@2017-05-13 01:54:05大學生流行講一個潮語「搏盡無悔」，想做就做，唔想後悔就要搏到盡。有統計顯示，今年入伙嘅新盤由財仔提供一按預計有821宗，佔整體15.5%，而2016年只有唔夠9%。借財仔買新樓嘅人，其實就係抱住一個搏盡無悔嘅心態入市。無殼蝸牛想買樓最重要係筆首期，自從金管局2015年收緊按揭，購買價值700萬以下的自住物業，銀行最高按揭成數由七成變六成，上車難度又升呢，首期哪有錢？！地產發展商為咗谷新盤，?班上車客落叠，實行撈埋財仔幫買家承造高成數一按，最高做到九成半按揭，免壓力測試、免入息證明。樓價屢創新高，銀行按揭收緊，上車機會越來越少，發夢都想上車嘅人見到呢條捷徑，難免心郁，就算硬食高啲息都照按，點解？為上車去到盡！如果你一樣想同財務公司按盡九成買樓，諗住上咗車就係過海神仙，勸你三思，勿輕視樓市風險。有時唔係搏盡就代表件事係正確，或者可以合理化成件事，大學生可以開口埋口「搏盡無悔」，係因為就算錯咗，佢地都輸得起。要造九成按揭先上到車，負擔能力有限，畀你避到壓測又如何。供樓壓力大，假設你買500萬新樓，按九成供25年，按揭息率2.15%，每個月要供近兩萬。當你死慳死抵先供到樓嘅時候，份工一有咩閃失，冇錢供樓，層樓就會淪為銀主盤。或者，只要樓價跌超過一成，你層樓就已經變成負資產，再跌就收樓，一舖清袋。為上車去到咁盡，你輸唔輸得起？風吹知本欄逢周五刊出
來源:
http://hk.apple.nextmedia.com/financeestate/art/20170512/20018802
財仔主席王瑤賣地賺2,600萬
1 :
GS(14)@2017-05-18 01:09:10【本報訊】億元大刁連環成交，其中有財仔界「性感女神」稱號的環球信貸（1669）主席王瑤把6年前買入的灣仔酒店地皮沽出，料賬面賺2,600萬元。
1.2億賣灣仔酒店地
市場消息指出，灣仔慶雲街17至19號地盤，佔地約1,316.5方呎，曾以2億元放售，但零售及旅遊業進入調整期，業主意向價已降至1.6億元，惟最終以1.2億元成交。地盤劃為「住宅（甲類）」地帶，但已獲批興建酒店，商業樓面約16,433方呎，可興建樓高25層連4層平台的酒店大樓，提供78間客房。土地註冊處資料，物業由環球物業發展有限公司在2011年以9,400萬元買入，持貨5年，賬面賺2,600萬元，升值27.7%。公司股東王瑤，與環球信貸主席同名，市場料是同一人。記者昨日曾聯絡她，但直至截稿時未獲回覆。此外，九龍城道42至46號奥斯酒店，傳以約5.8億元成交，以酒店提供約151間房計，每間房作價約384萬元。原業主2005年先後斥資共約1,700萬元買入上述土地發展酒店，據悉2013年才開幕。舖租持續下跌。旺角彌敦道603至609A號新興大廈地下8A號舖，面積約2,200方呎，以約48萬元租出，呎租218元，比較2015年簽訂舊租59萬元，新租金比兩年前租金平11萬元或18.6%。
來源:
http://hk.apple.nextmedia.com/financeestate/art/20170517/20023815
收市閒情：財仔與港媽噩夢
1 :
GS(14)@2017-08-02 05:56:08「菲傭或准京、滬打工，月薪萬五蚊」，大陸出到用高薪搶人呢招，有幾多好嘅工人姐姐肯喺香港打工？冇？咁咪出多啲錢囉……出到萬五銀仲要包伙食？劏咗啲港媽隻車咩！不過，菲傭唔落香港打工，另外兩個最受影響嘅Party，應該係財仔同收數佬！以下真實經歷，係由靚仔過彭于晏嘅R先生提供：屋企電話響起，發生咗咁嘅對答。佬:喂？XXX呀？（佢未拎起聽筒好細聲）Ｒ:喂？咩話？（未瞓醒但好禮貌）佬:唔該，搵你姐姐吖。（佢都好禮貌）Ｒ:嗯，又係追數嗰啲？（我未瞓醒嘅聲）佬:嗯，你有冇姐姐ID？你Fax入境處炒魷嗰張嘢畀我啦。Ｒ︰得。想問聲你係邊間？我mark低，因為你已經係第11間。佬︰（大笑）仲未破到我以前紀錄Ｒ︰你最高紀錄姐姐借咗幾多間？佬︰13間。Ｒ︰我都望我姐姐破到紀錄嘅。話時話，你哋追唔追得番？佬︰追得返，七成啦。Ｒ︰另外嗰三成用嚟搵人搞佢？佬︰（大笑）類似啦，但嗰三成可以同稅局claim番。Ｒ︰得嘅咩？佬︰（大笑）得㗎！冇錯，菲傭姐姐可算係財仔一大客源！靄華押業（1319）2012年嘅招股書，外傭嘅典當貸款額已超過1,600萬銀，佔當年典當貸款額三成。R個Case同時反映到一件事，就係菲傭走數機會高，高到點？高到財仔要收好貴息！第一信用（8215）2016年年報顯示，來自外傭貸款淨息差係公司所有業務中最高，有成47.15%！話說，R先生嘅姐姐真係破到紀錄，埋單走咗15間財仔，銀碼方面……只係3萬幾蚊，最大嗰筆萬幾蚊，最細筆數800蚊。千頌C
http://www.fb.com/winbigwok本欄逢周三刊出
來源:
http://hk.apple.nextmedia.com/financeestate/art/20170802/20109365
Next Page