ZKIZ Archives


部署整理組合 東尼

2008-07-24  NextMagazine


當我檢視投資組合時,確實感到有點失望,成績從去年高位回落接近三成。雖然相比其他組合,可能已算不幸中之大幸,而且組合內的股票全以現金購買,並非像某些投資者般借孖展買貨。對於他們,實在愛莫能助。

我需要整理組合陣容,在十六隻股票當中,四間是金融股,滙豐及恒生所佔的比重最大,再加上宏利及中行,足佔整個組合的四成。以目前全球對銀行股的負面看法而言,似乎有點偏高。

但正因為大家看淡銀行股,代表其價格已被質低。我始終相信這些公司穩如泰山,只要警戒一除,股價便能反彈,甚至跑贏大市。大部分金融機構將在八月公布中期業績,到時便可知道我的看法是否正確。

不減持金融股

儘 管有不少人認為金融業的世界末日快臨,但至今仍未嚇倒我,因為它們實際上並無金錢損失!國際情況就似我們組合一樣,只不過是賬面上的減值,時間可令它們恢 復過來。股價必然有波動,會向下亦會向上,所以應該把股價當成是能帶來收入的資本,而非像物業一樣,樓價只是單純地用來買賣。

如果香港樓市下滑,對九成業主也不會構成重大影響,因為他們認為房屋的用途是居住多於炒賣。買賣物業不過是資產上的轉移,或現金的支出,樓宇的本質並沒改變,只是價格有所升跌。這個道理適用於股票以及其他資產,並非長期損失,只是短暫的價值變化。

在 美國的次按問題上,很多負資產業主並沒打算馬上放棄供款。其實,回顧○一年,香港很多銀行的債務總額也高於資產價值,但當時新的會計制度並未實施,所以他 們並不需要按市價估值手上的資產。故此我不打算賣掉手上的銀行股,它們是組合的基石,甚至有可能再增加比重。唯一例外是恒生,因為我已擁有滙豐,惟我會等 到中期業績公布後才作決定。

另外一類比重相對過多的是地產股,刻下組合有五間地產公司,計及太古的話更是六間。新地及恒地非常類似,可以整合,它們的財政年度剛於上月完結,所以我會等到業績公告後,可能在九月,才決定如何處理它們。

陽託完成使命

陽光房託已經完成其使命,跑贏大市之餘,派息又好,所以我會考慮沽貨,套現換入其他更具升值潛力的股票。另外兩間則是內房股,我一直認為中國房地產有升無跌,所以評價正面。磚頭和水泥一向是良好的長線投資,唯一要擔心的是公司有無能力借錢起樓,而我對瑞房和星獅很有信心。

另外,我有四隻中國股票是跟商品有關的。中石油和中石化都是出產石油產品,但受制於政府,要繳交高昂暴利稅,盈利縮減之餘,又要補貼煉油業務,被迫虧損。華能電力則因高煤價無法轉嫁用戶,就算增加了發電量,亦無補於事,正面臨虧蝕。中鋁則受限於變幻無常的金屬市場。

這四隻商品股票約佔組合兩成;我對如何處理它們仍毫無頭緒,我決定仿效英國約克郡的一句古老名言:「有懷疑時,靜觀其變」。我將繼續研究這問題,應該會在八月,待各大企業的中期業績公布之後便有決定。

東尼Tony Measor

在證券界有三十五年經驗,八七年股災及八八年股市冒升時,他所管理的香港基金表現都是香港最出眾的。他之前是財經網站Quamnet的總編。在此之前,他在嘉洛證券工作,管理客戶二億五千萬元資金。
PermaLink: https://articles.zkiz.com/?id=1470

中電信C網升級部署推3G中移快推家居電話反擊


2008-12-29  AppleDaily


【本報訊】儘管內地3G牌尚未發放,但各電訊商已秣馬厲兵。中移動(941)除調低手機通話收費外,正部署進攻家居固定電話業務,實行與內地固網一哥中國電信(728)全方位交戰。記者:余志浩何凱兒

中 電信亦急不及待展開攻勢,繼剛展開為期3個多月的全國促銷活動,公司已着手進行3G網絡建設工程,計劃明年首季完成北京主城區100%覆蓋。內地《東方早 報》引述消息稱,中移動將於本月底推出專屬TD-SCDMA(下稱TD)的188「字頭」號碼,同時廣州和深圳兩地有TD訊號的市民,可率先申請到中移動 的無線網絡固定電話,即利用TD網絡便可使用家居電話,替代現時家中的固網,這將直接衝擊中電信的老本行。本報致電廣東移動營業廳查詢,職員稱無線固定電 話尚在測試階段,並着客戶留意廣告何時推出188號段,相信很快會有消息。《華西都市報》則報道,中移動四川成都分公司上周三開始陸續下調該區全球通、動 感地帶、神州行手機的資費標準,整體降幅約15%,最大降幅達31%,乃成都移動首次對旗下所有品牌進行大幅度的價格優惠。

四川推廉價套餐吸客

成 都移動營業廳回應查詢時稱,神州行輕鬆卡剛推出新50元(人民幣.下同)套餐,包320分鐘本地基本通話,每分鐘收費低至0.156元;另於本月26日更 新全球通套餐,包括加入GPRS流量,換言之,以增添套餐服務吸客。中電信亦積極備戰,《京華時報》引述中國電信北京公司總經理劉博表示,現時中電信正為 CDMA網絡(下稱C網)進行升級改造,計劃於明年2月底前,完成北京全市C網升級工程,涉及4000個基站;工程完成後,中電信可在北京提供下行最高達 3.1M的無線寬頻上網速度,較現時CDMA上網卡的153K高約20倍。而為了避開3G尚未發牌的障礙,中電信更將這個等同美式CDMA2000的高速 無線網絡稱為「CDMA增強型業務」。

天津海南先推帶號轉網

另外,工業和信息化部的消息指,工信部現時已在天津和海南分別試 點帶號轉網工作,包括在天津試點營運商之間的雙向帶號轉網,在海南試點中電信和聯通(762)的用戶向中移動單向帶號轉網,但何時進行推廣則未有時間表。 歐資電訊股分析員表示,中電信欲吸納手機客戶,而中移動又想保住客戶基礎,故明年手機通話收費趨勢向下,但相信各方減價幅度是「量力而為」;而各營運商將 會趁3G制式推出新的增值服務來彌補損失。
PermaLink: https://articles.zkiz.com/?id=4956

中環在線: 唔等股東批准楊家誠部署接收伯明翰 李華華


2009-09-16 AD





 

泓 鋒國際(2309)老闆Carson楊家誠到底幾時真正入主英超球會伯明翰,相信最快要過埋9月29號股東會先知,但仍然無損佢由「飛髮佬」轉型為一個中 國偉大足球班主嘅夢想。噚日,呢個「疑似」伯明翰新班主,就帶住「疑似」伯明翰新CEO余懷英(即係現役泓鋒COO),喺北京會一會祖國傳媒,解構佢個英 超班主夢。

搵范志毅做球隊管理層

Carson話,中國喺世界體壇係就係「騰飛」,但足球表現就唔係好理想,佢只想盡點綿力, 推動中國足球。希望將伯明翰球隊實力加強,等1月轉會市場重開,引進有實力嘅球員,例如會引入前中國國家隊隊長范志毅做球隊管理層。據「消息」透露,泓鋒 嘅接收團隊喺10月底前抵達伯明翰,展開接收球隊工作,當地嘅華僑社團已經「動起來」,準備成立新嘅球迷組織。Carson話由15歲起睇英國波,又鍾意 踢波,最大願望係將英超概念引進中國,伯明翰人口百六萬,附近有廿萬中國人,佢哋會成為球隊核心力量。中國成千上萬英超迷會係推動作用,仲話伯明翰肯定會 喺中國開足球學校。李華華[email protected]
 



PermaLink: https://articles.zkiz.com/?id=11401

李澤楷再部署甩身


2008-2-21  NM




素來愛玩財技的電訊盈科主席李澤楷,自前年賣盤爛尾收場後,蟄伏一年多,終於按捺不住,在上星期再次「出動」。電盈宣布以每股兩個八毫半,向盈大地產提出私有化,希望藉簡化架構「省靚」電盈招牌部署甩身。

借殼上市四年的盈大,股價雖然一直停滯不前,但其○七年度每股資產淨值(NAV)估計逾四元,電盈今次想以低價私有化盈大,恐怕持有近兩成三股權的四個外國基金未必首肯。

自 從前年賣盤撻Q後,蟄伏一年多的電訊盈科主席李澤楷,終於有新動作,電盈在上週表示旗下盈大地產股價一直跑輸大市,提出以每股二元八角五仙,向盈大地產獨 立小股東收購餘下百分之三十八點四七權益。私有化消息一出,盈大上週四復牌後即急升兩成半,至私有化提出的價位,創出三年新高。

持有近兩成 三股權的四個外國基金,對私有化建議一律封嘴,一名美資分析員則表示,是次電盈提出的價錢絕對偏低,「盈大股價雖然四年都喺兩蚊左右,但係佢揸住廿一億現 金,仲有值成四十幾億嘅北京盈科中心,NAV(資產淨值)都唔止兩個八毫半,呢個價較NAV折讓至少百分之四十。電盈依家想用八十蚊買一百蚊嘅貨,梗有着 數。」

私有化不單只電盈有着數,更可以令其地產業務全面反映,有助將來賣盤。

英資出手買電盈

其實李澤楷從未放 棄出售電盈的念頭,去年八月,國家開發銀行入股英國巴克萊百分之三股權,一個月後巴克萊銀行曾構思過出手購入李澤楷手頭電盈兩成八股份,「由巴克萊去接手 電盈咪無咁覺係阿爺話事,到時電盈同網通在大陸合作就易話為啲。而電盈入面最值錢嘅係NOW,同埋可轉做地產項目的電話機樓。」一投資銀行家說。

而建議亦是以LBO(Leveraged Buy out)形式收購,即是以即將收購公司的資產做抵押,再向銀行融資借錢收購;收購李澤楷手頭電盈股份涉及約九十多億元,巴克萊在市場上亦四出找尋合作財團齊齊出手,但電盈每股資產淨值五至六蚊,其股價去年九月在四元七角左右橫行,投資界認為「水位」不多而不感興趣,建議因而告吹。

電盈一旦成功私有化盈大,集團架構便愈見簡化,剩下的只有母公司新加坡盈拓和電盈「兩母子」,「將電盈整得乾乾淨淨,無咁多子公司,日後賣盤都方便啲。」一名中資分析員說。

大玩私有化

上市僅 四年的盈大地產,較為人熟悉的是數碼港貝沙灣項目,現時九成以上單位已售出,只餘下貝沙灣五期的廿七座洋房。此外,價值逾四十多億元的北京盈科中心亦正在 洽售,如成功賣出,盈大便坐擁六十多億現金,換言之,電盈將盈大私有化實際上不用一分一毫。盈大還持有作度假村用途的泰國布吉及日本北海道地皮,而最具地 產發展潛力就是電盈在香港的電話機樓。

這已非電盈首次私有化旗下子公司,○五年十二月電盈曾有意私有化SUNDAY,但最終因支持票數不足而觸礁。翌年十月,電盈再以一億九千萬元收購其全數資產,將SUNDAY變成純現金公司,之後SUNDAY向股東派發特別股息六毫五,結果成功將SUNDAY收歸旗下,惟卻惹來股壇長毛David Webb指責電盈做法「不光彩」。

至 於電盈今次能否成功私有化盈大,則取決於持有近兩成三股權的四個外國基金,「呢個價都唔係太好,啲基金未必會接受,除非加價。若果私有化唔成功,都可以重 施故技,用番上次SUNDAY個做法,不過盈大資產同電盈核心電訊業務無乜關係,理由唔夠充分,可能會影響電盈本身股價。」一名美資分析員道。


PermaLink: https://articles.zkiz.com/?id=24619

滙豐回頭部署染紅內幕

2009-10-01  NM




上週五,市值一萬五千億,全球第二大銀行滙豐控股宣布,代表集團「中樞神經」的行政總裁主要辦公室,將於明年二月起遷回香港。

十 八年前,滙豐離開「發祥地」,重組成滙豐控股,遷冊英國;此後開展其東征西討的大業,先後收購美國海豐銀行、英國米特蘭銀行,至○三年更大刀闊斧購入 Household International,此舉亦令滙豐捲入次按危機當中。金融海嘯掀起時,滙豐股價直插至三十三元,股評人胡孟青在鏡頭前真情一哭,最能代表香港市民 的心情。最後逾九成八香港股東咬緊牙關供股救滙豐,對這間在港有一百四十多年歷史的銀行不離不棄。

六十周年國慶在即,被視為今年國家頭號大事,在這關鍵時刻,獅王亦宣布回頭。滙豐選擇在此時「回歸投誠」,別具意義。過去每次獅王「搬竇」,均印證着環球經濟軸心的轉移,是次獅王東遷,正是金融海嘯後,世界經濟權力中心大執位的重要啟示。

滙豐於上週五公布行政總裁駐港的消息後,成功贏取市場的掌聲,不少大行均發表報告撐滙豐,其中高盛指滙豐以亞太區為根本,影響正面,內地更將成為滙控主要的盈利增長動力,把滙豐的目標價調高至一百二十二元,較現價有逾三成六的溢價。

長揸滙豐超過三十年的富豪趙世曾,以「脫離苦海」形容滙豐回朝。「大方向正確,做大陸生意先有錢賺,歐美搞少啲。」趙世曾表示明年初,滙豐股價定可重上一百元。

緊接着的本週一,署理行政長官唐英年召開記者會,宣布國家財政部六十億元人民幣國債,正式在港發售。滙豐選擇在國債發售及六十周年國慶前夕公布「回頭」消息,背後有一番精心部署及意義。

獅子叩門抓生意

中 國財政部本週一起在香港發行人民幣國債,屬國家首次,由中國銀行及交通銀行擔任聯席牽頭行及入賬行,其他銀行只爭取到分銷角色。雖然國債的生意對於銀行來 說微不足道,但箇中意義深長,作為全港客戶存款基礎最強的滙豐,就着參與發行國債一事,曾多次向財政部敲門,但中國財政部發國債,當然委任國內銀行承辦, 外資行只能望門興嘆;不過財政部亦特別安排滙豐擔任是次國債發行的唯一高級經理行,在一般債券銷售安排下甚為少見,亦算是照顧滙豐感受。

滙 豐亦把握機會,在債券發行手續及渠道上大力下功夫,爭取表現。本來,經年前迷你債券爆煲一役,金管局及證監會對零售債券的審批已收緊,自四月三十日起,要 求銀行在售賣金融產品時,實行「7+2」措施,包括設立投資專區、替客人錄音等,被列為容易受損的客戶vulnerable customer(VC),如六十五歲以上長者、文盲人士,須有第三者陪伴及在銀行主管一齊作見證,才可購入有關投資產品。

但今次財政部在 港發債,金管局全面配合,放寬銀行審批客戶程序,只要客戶風險評估合格,便毋須錄音等繁複手續;而在制定國債銷售宣傳單張時,今年擔任銀行公會主席的滙豐 亦牽頭與金管局商討簡化程序,所以行內人都感受到滙豐今次雖然在國債銷售上,角色未及中銀及交行吃重,但已傾全力博取中方歡心,為將來的生意鋪路。

海嘯求救被拒

其 實,滙豐並非首次被中國拒諸門外。早於今年三月,滙豐為提高資本充足比率宣布供股,曾經接觸中投,希望對方能入股救亡,但被中投婉拒。一名政協常委說: 「去年滙豐好高價時,中投曾想入股滙豐一成,遭滙豐拒絕,到滙豐想搵中投幫手,中投就話有錢都打救中資企業先,意思係滙豐想要幫手,就返來香港註冊變中資 先啦!」

歷史證明,當周遭的政治或經濟體系出現翻天覆地的變化時,滙豐集團都有大動作。其中,七八年,中國改革開放前夕,滙豐隨即成立「中 國部」,搶佔先機。八十年代末,滙豐看中急速發展的歐洲經濟體,收購米特蘭銀行,並於九一年遷冊倫敦,在金絲雀碼頭興建總部,一躍成為世界級銀行。前任主 席龐約翰掌舵期間看好美國銀行業,遂東買西購不斷壯大銀行資產,與當時世界第一大的花旗集團一較高下。滙豐並於九九年在紐約上市,再於○三年鯨吞美國Household International,染指當地按揭業務,而當時滙控主席龐約翰更坐鎮紐約指點江山。

染紅等上A股

金融海嘯後,不到半年,滙豐便迅速作出「遷都」香港的決定,以香港為踏腳石,深入中國淘金,不過,是次滙豐並非空手而來。滙豐一直十分重視中國分公司的 發展,現時已擁有九十個網點,是國內外資行一哥,而第二位則是擁有七十一個網點的東亞。「滙豐呢兩年喺大陸嘅發展好快,單係去年嘅業績,中國已經佔咗百分 之十七,○六到○八年滙豐喺內地,單係存款嘅增長,已經等於兩間內地中型銀行嘅規模,等於你喺香港做咗一間永隆出嚟。以前就歐、美、香港三腳櫈,而家要分 一隻腳俾中國喇。」一分析員說。

事實上,滙豐近數年間,在中國內地發展速度很快,先是於○一年購入上海銀行百分之八股權,○四年亦先後購入 交通銀行百分之十九點九權益,翌年又增持近一成的平安保險股權。金融海嘯期間,蘇格蘭皇家銀行放售中國銀行股份自救。要供股求存的滙豐,卻從沒有放售手上 的交銀或平保股份,反而出售倫敦金絲雀碼頭套現,只是買家亦自身難保撻訂收場,但最近又傳出滙控有意重售這幢物業。

近年,內地不時吹風,開放外資企業到上海A股上市。中央財經大學金融系教授郭田勇表示:「上海近年積極研究成立『國際板』,予外資掛牌,相信未來兩、三年內便可成事。」市傳滙控已向上海證券交易所表達在內地國際板上市的意向,市場預期,集團最快或可於明年下旬,成為首批登陸A股的跨國企業。

滙控如果能在上海以A股上市,不但能成功集資吸水,吸納一批大陸商家作為銀行投資者,還擁有一個以人民幣發債的平台,對於滙控來說是黃金機會。

上海建橋頭堡

今年三月,由國務院總理溫家寶主持的國務院常務委員會,通過加快推進上海的經濟發展,希望上海在二○二○年,發展成為國際金融中心及航運中心,與香港並駕齊驅。○七年四月,滙豐重整內地業務,成立新公司滙豐銀行(中國),總部便設於上海,成為首批在內地成立的外商獨資銀行。

今年八月,滙豐(中國)的上海總部,宣布搬入由香港新地發展的上海國際金融中心一期,並租下二十層自用,當時滙豐主席葛霖更專程飛到中國,與仍為亞太區主席的鄭海泉,及新地郭氏兄弟等,出席上海國金的動土禮。

在內地發展經年,滙豐亦摸熟內地政府機關的做事方法。鄭海泉曾在訪問中提到:「在內地做生意,若他們見不到最高層,會覺得不被重視。」故滙豐是次實行孤注一擲,將集團決策部門遷至香港,以最高姿態與內地交涉,A股上市,可謂志在必得。

鄭大班坐歪

獅王回朝,管理層同時大執位。集團二號人物、滙控行政總裁紀勤,取代鄭海泉,兼任亞太區主席。在位僅四年的鄭海泉,突然被褫奪「大班」名號,被迫降班以執董身份,轉任滙豐中國董事長及台灣區主席。

今 年六十一歲的鄭海泉,名義上仍未退休,但行內人說他已經算退了下來。「佢只留任滙豐(中國)董事長,係因為佢係中國滙豐嘅symbolic head,象徵意義大過行政需要,只要搵到另一個中國人做呢個象徵式的number one,佢就會全退下來。這個位置的人負責與中國政府周旋,這種制度沿於昔日外資行以買辦來制服華人,但在外資行,華人一向並不能進入權力核心,每次董事 會都一定有華人坐入去,但只係維持有minority,絕對無主導性。」一名銀行家說。

有恒生高層亦形容,在恒生任副董事長時的鄭海泉,作用如同大「Sales」(推銷員)或大公關。「佢嘅長處係人際關係,擔任唔少公職,但實際做生意就唔多。」

銀行界梁朝偉上位

是次滙豐不少高層獲提升,其代表滙豐坐上香港銀行公會主席一職的王冬勝,獲委任為滙控亞太區行政總裁,事業更上一層樓。「佢喺Citibank(花旗銀行)出身,做事進取,符合現時滙豐公司文化,而且口才好,懂交際,配合到滙豐想快啲走入大陸的策略。」一名銀行家說。

王 冬勝於八○年加入花旗銀行,一直專注零售銀行業務,至九七年轉到渣打銀行,五年後升任為渣打董事,及後升為大中華區總裁。王冬勝在位期間,渣打斥資近百億 購買美國大通的零售銀行業務,包括Chase Mahanttan信用卡,以及斥資十億買安信,但行內人認為全部以高價收購。尤其是安信,王冬勝預計一年可以賺三千萬,其實一千五百萬都未及,導致他與 集團前主席戴維思不咬弦,並於○四年尾辭職;後來獲滙豐青睞任滙豐董事,如今再擢升為亞太區行政總裁。

不過,有銀行家認為,王冬勝未必可以 如鄭海泉,直上滙豐大班之位,「佢今年都五十八歲了,仲有兩、三年就退休。而且佢主要做零售事務,其他企業、投資等部門未有涉足,角色就好似劉智傑(前滙 豐副總經理及亞太區策略執行主管),都係對外做一個大公關,並未有掌握實權或進入權力核心。」

精英進駐中國

現時,滙豐的人事 作風已改變,過往繼承蘇格蘭銀行家傳統,相對保守的滙豐,甚少炒人,不少高層均為「紅褲子」出身。但在美式銀行文化的影響下,滙豐積極在行內高薪挖角,包 括王冬勝在內。另外,從花旗挖角而來的香港個人理財業務主管鄭慧敏(Louisa Cheang),便極速上位,今年一月晉升為亞太區個人理財業務總監。

另外,滙豐亦將香港部分「紅褲子」出身,熟悉滙豐文化的精英,調至中國總部做開荒牛,其中包括一九七六年已加入滙豐的薛關燕萍。本是滙豐香港區個人理財業務主管的薛太,後空降至恒生任總經理兼營運總監,今年五月再出任恒生中國副董事長兼行長。

經 過一番大執位,滙豐新一輪進軍中國的部署亦基本完成。不過,現時滙豐控股的決策核心人物,大部分接近,甚至超出六十歲的退休年齡,包括六十一歲的主席葛 霖、五十六歲的行政總裁紀勤,而曾被看好的明日之星——滙控亞太區行政總裁霍嘉治,在是次人事調動中,被委以個人理財及工商業務主管,但今年五十八歲的他 亦已近退休之年。反而今年只有五十歲,原滙控環球銀行及資本市場、環球投資管理行政總裁歐智華,新職為歐洲及中東區主席兼英國滙豐銀行主席,看守集團總 部,隨時跑出成為黑馬。

與中國結緣滙豐回頭里程碑

1864鐵行輪船香港總監修打蘭建議成立第一間香港銀行

1865滙豐先後在香港及上海開業(原稱上海滙理銀行)

1866通過滙豐銀行條例,並獲發鈔權

1872成功招攬香港政府開設戶口

1874替中國發行第一宗總值62萬英鎊公債

1881 改名香港上海滙豐銀行

1946-55陸續關閉大陸分行,把業務撤回香港

1959收購有利銀行(其後於84年售予萬國寶通)

1960收購中東英格蘭銀行,打入中東市場

1965恒生銀行擠提,滙豐買入51%股權

1978中國開放,隨即成立「中國部」

1980收購美國海豐銀行51%股權

1987收購美國海豐餘下股權及英國米特蘭銀行14.9%股份

1991重組成滙豐控股,遷冊英國

1992全面收購米特蘭銀行

1998斥資在英國金絲雀碼頭建新總行大樓

1999成功在紐約上市

2001購入上海銀行8%股權

2003收購美國Household International,大舉涉足當地房地產按揭業務。

2004入股中國交通銀行19.9%權益。

2005以81.04億元代價,增持中國平安保險9.91%股權

2007滙豐(中國)成為首批在內地成立的外商獨資銀行。

2009金融海嘯波及滙豐,三月宣布進行世紀供股。供股後股價反彈逾倍,國慶前夕宣布將行政總裁辦公室搬回香港。

怡和押錯注 市值僅滙豐一成

歷 史較滙豐更悠久的怡和洋行(Jardine Matheson,原名「渣甸洋行」),一八三二年於廣州成立,由英國人威廉.渣甸(William Jardine) 及詹士.馬地臣(James Matheson)創辦,早期主要從事鴉片及茶葉買賣。一九一二年,怡和將總部設於上海,業務擴展至地產、鐵路、船塢、礦業及銀行等行業。四九年,怡和於 內地的大部分資產被收歸國有,總部被迫遷至香港,六一年在港上市

殖民地時代,怡和是中環的大業主,持有文華東方酒店集團,旗下業務如持有惠康、萬寧及便利店7.11等的牛奶公司,與市民的生活息息相關,影響力不遜於滙豐銀行。八十年代,中英談判時期,吃過中共苦頭的怡和,看淡香港前景,將總公司註冊地由香港改往百慕達,九十年代中,怡和母公司及旗下子公司在香港除牌,全數遷往倫敦及新加坡上市,遙控香港業務。

「遷都」後的怡和,業務再沒突破,眼巴巴看着香港、內地的經濟急速發展,風頭被後來冒起的華資及中資大行蓋過。這間曾經紅極一時的英資洋行,現時在新加坡上市的母公司怡和控股,市值一千五百億港元,即滙豐的十分之一。

滙豐權力架構圖

恒生大俠淪落揸「鑊鏟」

恒 生前副董事長兼行政總裁柯清輝,今年五月正式退休,「大班」光環一脫,隨即做出連串出人意表舉動。先是六月時,有「抽水大王」之稱,因涉及內幕交易而被禁 出任董事的永義國際前主席官永義,連同其餘三人被控串謀勒索中聯石化主席許智明,柯清輝以五十萬元,為官永義提供人事擔保助其保釋候審。一個月後,柯清輝 突然出任國際資源副主席,市場莫不嘩然,有前恒生舊部更以「自貶身價」形容。

銀行界人士透露,柯清輝與不少活躍於三、四線「炒股」的炒家素有交情,尤其是渝港國際老闆張松橋,而張正是國際資源前主席劉夢熊老友,間接促成柯大俠入局一事。另外,亦有消息指柯清輝兒子就在官永義旗下公司打工。柯清輝這幫「私交」,看在頂頭上司滙豐眼中,變成「忌諱」,以至柯清輝一屆六十歲退休之齡,便要馬上起身辭官。


PermaLink: https://articles.zkiz.com/?id=24681

假低調暗部署崩牙駒勢必東山再起

2012-12-06  NM
 
 

 

一九九九年,本刊專訪崩牙駒,當年他在澳門呼風喚雨,被稱為澳門教父,訪問結束前,他寸爆地留下尾巴:「好多嘢想講,但真係唔係適當時候,等我六十歲,到時話俾你知。」當年他四十五歲,十四年過去,二○一二年十二月,只差一年多便步入花甲的崩牙駒步出澳門路環監獄。門外超過一百名中外記者追訪,他不再囂張,只坐在車廂微笑。據知,鐵窗十幾年寒暑,崩牙駒由最初深深不忿,咬牙切齒,到近年靜極思動。眼看死敵水房賴在出面低調行事,籠絡關係,建立澳門地下新世界,開始洞悉「槍打出頭鳥」的遊戲規則。出獄後,他努力營造低調,迎合大陸要求;同時培育接班,勢必要在兩年內東山再起。「六十歲,到時話俾你知。」崩牙駒說。

週六早上,崩牙駒身穿白色T恤步出監獄,十四年以來,第一次呼吸自由空氣。甫上房車,崩牙駒透過車窗外望,沉靜不語,之後他到氹仔海明灣畔幾千呎複式住宅單位,與母親及家人逐一見面。稍作休息後,下午到銀河酒店一樓的中菜廳金悅軒吃午飯。記者直入酒樓的貴賓房採訪,房內坐滿兩席賓客,崩牙駒換上黑色西裝坐在中間,旁邊是他太太及兩名女兒,笑容滿面。

唔賭唔打陪家人

枱前放滿中式點心,崩牙駒還準備吃甜品楊枝金露,其中一名親友說隔籬貴賓房正是銀河娛樂母公司嘉華國際的主席呂志和。「你睇,仲邊會搞乜嘢唔妥吖?而家各有各做,各有各吃飯,呢啲就係時勢。」崩牙駒其中一名親友和記者在酒樓旁邊進行獨家訪問。「大哥喺裡面咁多年,雖然一直留意澳門,但出到來都知時勢唔同晒啦……「佢喺裡面一直照顧全家上下,六個仔女,六個孫,都係靠佢以前的生意及買樓賺錢睇住成頭家……「其中一個孫仔出世兩個幾月,大哥想幫佢搞個百日宴,大哥的媽媽亦即將八十大壽,大哥的確諗緊兩件事一齊搞個宴會慶祝吓。

「另外,大哥想同一家人出國旅行,最可能去日本,但大哥都要搞身份證護照啲嘢,所以根本好多嘢都未定。「大哥而家唔會接受任何專訪,叫你哋所有記者唔使等了,我哋喺氹仔都有幾個住宅物業,好多都打通。今日我哋都換咗幾架私家車接送,大哥又會住唔同酒店出入,唔會被人跟到,佢唔想再好似以前咁高調。「本來想出去shopping買衫,去吓夜總會見朋友,但係見到咁多記者等佢,佢唯有喺酒店房……「會唔會去賭場賭錢?我可以話俾你聽,大哥現在一毫子都唔賭。」

新人新作風

還記得九九年崩牙駒拖着女友楊愛貞到賭場豪賭,崩牙駒一名頭馬健仔(化名)跟記者說:「駒哥呢十幾年,改變好多。「以前好多擦鞋仔喺身邊搞呢搞路,而家駒哥唔會再咁高調……出面啲人估佢乜估佢物,又話石岐嘟仲係駒哥隻頭馬,我話你知,駒哥近日覺得最開心嘅事就係石岐嘟俾人拉,話佢真係好out好蠢,為咗二十萬就幫人殺人。駒哥話而家唔係以前年代,乜都講打講殺,話澳門警察呢次拉人拉得最啱!」曾任澳葡時代司警的石岐嘟是秘魯人,也曾是崩牙駒契爺,九十年代在崩牙駒旁邊出任軍師。在駒出獄前一週,因涉及買兇殺人罪被澳門司警高調拘捕。健仔表示,現時崩牙駒在澳門賭場勢力只剩下新舊葡京幾個賭廳,由他親妹阿菲及妹夫烏鴉文管理,他的手下豪仔在威尼斯人及新濠天地均有賭廳,美高梅MGM一樓的日昇賭廳亦經常見崩牙駒的手下出入。「不過其實賭廳的生意大不如前,真正幫駒哥出去搵食嘅人,亦已經唔係以前呢批人,係一批四十歲唔夠新面孔,主力幫駒哥在澳門收料、建立關係,同埋處理一啲外圍網嘅嘢,呢啲先緊要。」據知,其中獲崩牙駒重用的年輕新人,包括大頭光。「大頭光係香港人,以前在澳門欠下街數,被人追殺所以全身刀疤,崩牙駒用佢做保鏢兼打手,亦叫佢學洗米華,從事網上外圍百家樂,呢幾年搞得唔錯。」健仔表示,除了大頭光在駒哥出獄期間充當保鏢,其他親信門生都按崩牙駒吩咐全部暫離澳門,到香港、大陸、台灣及東南亞避風頭。記者電話聯絡他們,他們回電時電話顯示均是香港或大陸的區號。

疊碼仔理事會

不少人指,澳門現時形勢,太陽集團的洗米華最能協助剛出獄的崩牙駒。洗米華(全名:周焯華),四十多歲已是上市公司太陽世紀集團及太陽國際資源主席,並掌控太陽金業及財務。洗米華跟豪仔出身,身份是崩牙駒徒孫。由於他一向處事低調,加上交際了得,獲得一批中方背景的VIP支持,很多賭廳廳主都對他非常賞識。「星際五樓全層都係洗米華天下,加上他近年主力搞海外網絡賭業,採用網上即時開盤新招。駒哥都有話洗米華好叻仔,叫班新人學佢,不過話洗米華係駒哥嘅人,唉,你話啦!佢自己賺到錢,點解要同人哋分啫?」健仔說。事實上,就在崩牙駒出獄前一晚,洗米華便以疊碼仔理事身份出席崩牙駒死敵水房賴在氹仔金沙城喜來登酒店的疊碼仔理事會晒馬活動。當晚筵開一百九十九席,場面夠晒墟冚。當晚新選出的疊碼仔理事會的理事,差不多全數都是水房賴的人,包括當選為理事會理事長的小鳳姐,是水房賴現時最得寵頭馬,主理賭廳生意。另外澳門前水房坐館張立群、現任水房坐館阿頭(又名大海),前者替水房賴處理房地產收地,後者管理水房兄弟。「水房賴吹雞,全部賭廳疊碼仔都要俾面出席,四太、向家都要俾面,可想而知佢嘅勢力。」一名有出席宴會的賭廳廳主跟記者說。

水房賴十四年江山

該廳主表示,水房賴十四年以來,的確把各賭廳做得有聲有色,今次疊碼仔理事會就是想進一步把疊碼仔系統管理化。

「水房賴希望疊碼仔除了喺賭廳做泥碼生意,以後可以有名有實返大陸追街數,你知道其實而家大部分來澳門賭廳賭錢的VIP都係大陸啲官同有錢佬。」該名賭廳廳主對水房賴讚不絕口,指他十四年來令澳門地下秩序良好,管理得力,亦與澳門及大陸建立良好關係,而且為人低調,讓各方人心悅誠服。

「任何人,話之你係皇帝,佢從來唔出席任何場合,聽講佢最明白當年駒哥就係太高調,所以十四年來冇人影到佢相片,乜嘢佢都派細佬偉哥(水房偉)出來。」

水房偉(全名:賴初偉)是水房賴的親弟,九九年曾參選澳門立法會選舉,最後雖然落敗,但從政以後,水房偉多年來以政治人身份與澳門政府及大陸官場人士不停「搞關係。」

「其實澳門賭業賭廳已經飽和,個餅已經冇乜油水,水房賴近年專注搞房地產,另外,佢覺得要搵大錢,最重要『北望神州』同大陸搞好關係,除咗搵偉哥(水房偉)出面,佢自己就叫屋企人搞咗個宗親會慈善團體,專門搞大陸善事。好似啱啱大陸雪災,佢即刻叫人捐一百幾十萬過去。」

水房賴(全名賴東生)建立的菱峯集團最近便在金光大道附近投資一塊三萬八千平方米地段,市價接近十億,據了解,他初步打算用這地皮興建豪宅。該集團亦有投資環保、科網及飲食。

另外,該集團旗下有一個慈善會,每年在澳門向老人家派米,助學兒童,其網站亦報導該會透過「中聯辦」向內地捐助數十萬澳門元賑災。

「我同你講,而家澳門唔係以前咁,乜嘢都係講利益,講關係,將來可能駒哥都可以和水房賴坐低傾生意,呢啲就係現時的遊戲規則。」該名賭廳廳主說。

「所有人都唔係敵人、唔係朋友、同任何人都可以合作。」崩牙駒的親人及頭馬亦異口同聲說。

全球注視

曾叱咤江湖的崩牙駒刑滿出獄,雖然已被囚禁十四年,但這當年「世界級」黑道人物,對國際傳媒吸引力依然,數十家中港台及海外媒體有派員到濠江,直擊這位「澳門教父」恢復自由的動向和消息。而在他出獄前一夜,近百名記者更在路環監獄門口,通宵守候希望拍得崩牙駒步出牢房的一刻。十二月一日當日,英國廣播公司(BBC)就即時在其網頁以「Macau's gangster Broken Tooth released」為題,報導了崩牙駒出獄的消息。除了英國廣播公司外,美聯社、路透社、彭博通訊社以至泰國《曼谷郵報》等國際傳媒,亦有報導相關消息,當中重點提及澳門政府以至北京當局均嚴陣以待,關注崩牙駒日後的去向。中共喉舌《環球時報》亦以「黑幫教父出獄令港澳緊張」為題,講述崩牙駒出獄的清況,亦分析他出獄後的動向和可能對澳門社會造成的影響。

鐵漢柔情

雖然崩牙駒是一名江湖猛人,不過他對身邊的女人永遠柔情。十四年牢獄生涯中,只有一人風雨不改,每週兩次入獄探崩牙駒,此人便是駒母陳麗萍。而崩牙駒亦侍母至孝,出獄後要做的第一件事便是要替母親擺壽宴,並堅持以後永不令她傷心。

除了母親外,崩牙駒亦十分疼惜自己的女兒。除了和前女友建安娜所生的長女外,和前女友楊愛貞所生的女兒尹倩君,亦十分得崩牙駒愛錫。除了自己的母親和女兒,崩牙駒對自己愛過的女人亦十分照顧,楊愛貞就曾表示,尹國駒仍有給她家用,「是個非常負責任的男人。」

 
PermaLink: https://articles.zkiz.com/?id=40690

六合彩中獎後的部署 Home Blogger

http://www.homebloggerhk.com/?p=5227

網民高登仔問及如果佢中左四千萬頭獎(按此refer 問題),佢應該點部署大家平時所見,此做法同其他網友花時間詳細交代自己財務狀況去發問相比,高登仔「求其」打左句野就想人覆未免有點「膠登」。不過為左維持大部份人心中對中頭獎既盼望,諗樣交代下自己如果中左四千萬會點「部署」。

首先你要睇下中左幾千萬既人下場會點。筆者其中一個見聞真係否極泰來,佢幫襯左幾十年馬會仲要爭落成身債,終於比佢「仆中」條3T! 家中老婆幫佢湊住個腦退化症既老豆,第一時間就迫老公分一半錢比佢,用舊錢走去銀行買左張人壽,等個女18歲就將筆錢比個女。老婆自己就趕出旺角,去接番成日唔知自己行左去邊既老爺。中獎者自己呢,根據轉述佢話想買部的士收車租,可能同自己開貨櫃車有關,諗住可以過下車主癮收番租轉頭。最尾結果唔知,不過幾可肯定係大部份獎金派彩番比馬會,筆者亦未有人告知中獎者有幾部的士收緊租,或有樓收租咁樣。

另一位係生意人,獎金係佢間廠「幾唔掂」時出現,幫東主化解了一場危機。由於突如其來既資金令佢生意仲可以係淡市擴張,上埋位做左同業大佬。可惜獎金係化解唔到佢做生意不當既因素,佢之前間廠唔掂梗有原因。時間一長佢又打回原形。雖然冇話破產,但變回平凡生意人。

綜合所見,中左獎既人都有幾個煩惱,一係好多人會黎瓜分你既錢、二係中左獎既錢好多時因自身因素如爛睹、唔識做生意、或投資失利而輸返出去。筆者既見解係因中獎者只是有錢而冇打理咁大筆錢既能力,所以有錢到手好彩就敗返一半,唔好彩就打回原形。賺錢係一個能力、理財又係一個能力,homebloggerhk係想提升你理財能力。你係報紙見到大孖沙為富多年,原因係佢賺錢既時候同時學會守住佢現有既錢,避開人同佢建議既投資陷井,富不過三代,道理多為此。

不過現時城中富豪,已多被建議成立信託基金,減少稅項支出之餘更可按自己意願將基金入面既錢分配比親近之人。令二世祖永遠都係二世祖,冇錢既你再唔會再好似粵語殘片咁講有機會翻新。你要高攀二世祖唯有望你中左四千萬,然後梗係先幾百萬出黎開心下,淨低係奧運站買個兩房單位,話哂都「好聽d。跟手將錢搵bank成立信託,三千萬始終銀碼細要比0.5%-2%年管理費。但你可以去除一般富豪order落既複雜分錢條款,就咁叫佢將三千萬既3%按月派比你,即年收九十萬,月入七萬幾。狠心既更可以係信託設立不可撤換條款,即係講明冇任何人可解散個trust出黎,包括你自己,派錢收一世。又可將派錢同美國國債十年孳息率掛勾,唔使驚通脹侵吞月入之可購買力。總之,係四千萬入面撥至少一半去成立個入門版信託,可保一世富足,不會打回原形。又有藉口唔使借錢比親戚攪生意或還債。等於雲佩斯入左四球咁,下一步梗係要鎖定勝局!

其實上述方法亦適合生意人,將自己早年賺到既錢同現有身家撥開,就算一日公司被人清盤都清唔到你筆錢。由於信託資產多在避稅天堂,你比人告都亦好難由法院強制收回款項。更進一步可考慮移民法制更健全既地方,例如「英國」搭「馬爾他」。所以你話有錢多好呢?? 問題你係識唔識咁諗。

講返轉頭,高登仔連中左獎既部署都攪唔清楚,好難叫個天比四千萬你,比左咪又係流番出去。凡事皆有因,只顧叫罵而不盡心充實自己既人最蝕底,願大家共勉之。

PermaLink: https://articles.zkiz.com/?id=42524

平民置業部署(答) Hoem Blogger

http://www.homebloggerhk.com/?p=5504

平民既故事相信好多人都有。即係儲落一筆錢又唔敢高追買樓,養小朋友亦不能令自己投資太進取。

其實你應該跟返最老土方法,先問間屋上會先。依家咁睇你到下年初有50萬現金可作置業。兒子讀書錢就唔好搞佢啦。

老實講選項不多,其一中些可提係你如果用三十萬首期做三十年上會要比十萬蚊按揭保險費。就算你一兩年內換樓都要可部份取回。無啦啦多十萬蚊支出,雖說話可以加借但真係唔抵! 建議不如買細或遠些少,BUDGET減少至2.5mil樓下,用五十萬做八成上會分20年還,加借保險費可減半。

 

又或你要淨十餘萬裝修,你就要再買細些少。到時翠屏,tuen mun新城市係淨低選擇。其實新買樓呢個時侯都係搵有裝修既樓好。還掂你第時都好有機會再換樓,不如而家先買間2.5mil,有裝修既樓好過。唔好浪費錢係裝修你間中轉屋上。

 

其實冇樓係手就唔建議你為下跌做準備。反而趁而家仲有些少二百萬盤執一間先住先,你一年租金都成十萬,如果買間2.0mil樓佢跌5%你都係打和。所以冇樓係手既間接沽空樓市風險,應該避免。

近日政府又為新打擊政策先吹風,能否令樓市升跌實在未知。無謂勉強為市升跌去估計。有能力買間細細地為自己節省租金支出實為適合。

諗樣之前提及既買半間樓及其餘部署,要多點現金才可實行。反而係平民如想儲錢,因有短期動用資金需要,用月供股票模式最為合適。首先諗樣亦認為現時股票跌極有限,二黎月供股票冇年期限制,確實方便。

PermaLink: https://articles.zkiz.com/?id=43003

一年大賺百萬後之部署(答)

http://www.homebloggerhk.com/?p=6428

如果以你收入水平,而西九單位係早期買入的話,拆名比太太是值得的。因以你收入水平比一般中產高一個階,可以儲多點現金流,侯低而吸。相反儲極都冇咩錢(或少)既讀者應趁後生善用槓桿,先可以由低位彈高追到較高水平,當然「彈」呢個動作梗係有風險啦。

 

勢力懸殊下唔可以遂蚊儲

至於有兩類人想再談,一就係唔想用槓桿之人,靠逐蚊儲希望為完成退休目標(或自己未完成之目標),係現今打工仔(或交緊租既老闆)與財團在「冇得玩」及「勢力懸殊」之爭遂下,你唔瞭解當今金錢法則而採用守舊一套很難有好結果。另一類仲大鑊,係亂用槓桿之人,佢比前者低回報更慘烈,係負回報。筆者時常同客戶說零回報不是最慘,係金融海嘯後有UNCLE同我講:「輸一兩成佢已經好滿意。」所以先睇好自己定位,再度身為自己鋪上理財之路。

 

聯名轉老婆單名

又講拆名,其好處係由聯名轉老婆單名,老公冇樓係手下次買樓幾可肯定借足九成,做更大槓桿。留意如果人工負擔得到,其實按揭證券公司可為一對夫婦批出兩間聯名既九成上會按揭的! 但第二間必須報為家人自住,同埋唔保證100%批出,而家時勢60%機會都勉強。仲有拆名要比番原半之一半印花稅(筆者朋友上年試過係咁,有update請告知),即6.40mil樓宇由雙拆單要用3.20mil打印花稅,同埋3年內賣要比SSD。拆左後呢個case老婆35k人工不足以借五百幾萬債,老公要加為擔保人。

 

按揭保費太肉痛

筆者都建議拆,再補錢做五成或七成,租比人自己再按當時市況租或買三房。但由於只買了一年樓,雖帳面上賺了一百萬但要升到5.3mil/0.7=7.57mil先可以轉做七成按揭,樓市要比現時再升10%先有得諗。另一點係兩人既現金水平同你們的入息水平頗不相襯,十幾萬家庭月入但現金水平只及四個月之月入水平,實話是比其他家庭低。為何點出是因為上年你們用九成25年上會買四小龍定必繳付了近廿萬之按保費(如選一筆過繳付),貴到連諗樣都肉痛,因為呢廿萬連條毛都買唔到。當初如資金較足做個8成按揭分15年還,其實保費可大減。當然筆者明白家家有本難唸的經,希望讀者和本網其餘cases比對一下,如月入五萬之家庭流動資金平均可累積到那個水平。

 

讀者應該唔使換樓,買多間佢承受得起,但就咁走去買三房而沽出兩房不是上策。應累積資金靠補水或升市令西九四小成功轉按到七成或五成後租出,往後買入三房或市高而租入三房,都是好方法,在三十餘歲先完成退休買落三層樓之兩間。

PermaLink: https://articles.zkiz.com/?id=44218

一年大賺百萬後之部署(答) Home Blogger

http://www.homebloggerhk.com/?p=6428

如果以你收入水平,而西九單位係早期買入的話,拆名比太太是值得的。因以你收入水平比一般中產高一個階,可以儲多點現金流,侯低而吸。相反儲極都冇咩錢(或少)既讀者應趁後生善用槓桿,先可以由低位彈高追到較高水平,當然「彈」呢個動作梗係有風險啦。

 

勢力懸殊下唔可以遂蚊儲

至於有兩類人想再談,一就係唔想用槓桿之人,靠逐蚊儲希望為完成退休目標(或自己未完成之目標),係現今打工仔(或交緊租既老闆)與財團在「冇得玩」及「勢力懸殊」之爭遂下,你唔了解當今金錢法則而採用守舊一套很難有好結果。另一類仲大鑊,係亂用槓桿之人,佢比前者低回報更慘烈,係負回報。筆者時常同客戶說零回報不是最慘,係金融海嘯後有UNCLE同我講:「輸一兩成佢已經好滿意。」所以先睇好自己定位,再度身為自己鋪上理財之路。

 

聯名轉老婆單名

又講拆名,其好處係由聯名轉老婆單名,老公冇樓係手下次買樓幾可肯定借足九成,做更大槓桿。留意如果人工負擔得到,其實按揭證券公司可為一對夫婦批出兩間聯名既九成上會按揭的! 但第二間必須報為家人自住,同埋唔保證100%批出,而家時勢60%機會都勉強。仲有拆名要比番原半之一半印花稅(筆者朋友上年試過係咁,有update請告知),即6.40mil樓宇由雙拆單要用3.20mil打印花稅,同埋3年內賣要比SSD。拆左後呢個case老婆35k人工不足以借五百幾萬債,老公要加為擔保人。

 

按揭保費太肉痛

筆者都建議拆,再補錢做五成或七成,租比人自己再按當時市況租或買三房。但由於只買了一年樓,雖帳面上賺了一百萬但要升到5.3mil/0.7=7.57mil先可以轉做七成按揭,樓市要比現時再升10%先有得諗。另一點係兩人既現金水平同你們的入息水平頗不相襯,十幾萬家庭月入但現金水平只及四個月之月入水平,實話是比其他家庭低。為何點出是因為上年你們用九成25年上會買四小龍定必繳付了近廿萬之按保費(如選一筆過繳付),貴到連諗樣都肉痛,因為呢廿萬連條毛都買唔到。當初如資金較足做個8成按揭分15年還,其實保費可大減。當然筆者明白家家有本難唸的經,希望讀者和本網其餘cases比對一下,如月入五萬之家庭流動資金平均可累積到那個水平。

 

讀者應該唔使換樓,買多間佢承受得起,但就咁走去買三房而沽出兩房不是上策。應累積資金靠補水或升市令西九四小成功轉按到七成或五成後租出,往後買入三房或市高而租入三房,都是好方法,在三十餘歲先完成退休買落三層樓之兩間。

PermaLink: https://articles.zkiz.com/?id=53932

Next Page

ZKIZ Archives @ 2019