熊黛林揀廁所泵
1 :
GS(14)@2017-01-07 07:08:07熊黛林
藝人除了愛買靚衫，都喜歡行家品店購物，人妻熊黛林、陳茵媺及陳少霞都經常去掃平貨。
熊黛林
去年嫁郭可頌成百億人妻的熊黛林，早前曾孭名牌手袋跟女友人逛北角日本城，在潔具部買專業用的重型廁所泵。
陳茵媺
陳豪夫婦去年尾趁一田百貨大減價，舉家連外傭出動，陳茵媺更專攻BB衫和BB用品。
陳少霞
去年覓到第二春，嫁八億老公李文輝，雖住豪宅坐名車，但平日都愛行雜貨店，勁摷十多元一對的膠拖鞋。
Coffee
家住將軍澳區的林芊妤（Coffee），曾被影到戴黑框眼鏡遮素顏，以一身街坊裝到將軍澳廣場掃家品。
來源:
http://hk.apple.nextmedia.com/entertainment/art/20170107/19888948
熊黛林盼生龍鳳胎
1 :
GS(14)@2017-01-26 07:44:04熊黛林（Lynn）、陳祉妤和林煒珽等昨日到灣仔出席美容頒獎禮，透視公主look的Lynn到場即被問有否好消息？她說：「暫時未，努力中。」她還表示想今年生B，希望生對龍鳳胎，她說：「最多生兩個嘞，一個BB一間房，要別墅先得，?家3間之嘛。」Lynn婚後首次派利是，預了5位數字，她說：「第一年同老公屋企人一齊過，唔知要做乜，好緊張。」之前跟丈夫一同買蘭花，問到要否跪地向奶奶拜年？Lynn表示沒有這習俗，會否打牌鬆章？她笑說：「我咁渣，只識食雞糊，又唔識計番。」此外，陳祉妤透露結識金融才俊男友，新年將到瑞士滑雪，但未有打算再婚。採訪、攝影：羅慧敏
來源:
http://hk.apple.nextmedia.com/entertainment/art/20170124/19906534
【美圖晒晒】火辣索妹激似熊黛林慷慨狂騷事業線
1 :
GS(14)@2017-02-12 13:52:2723歲台灣正妹錢洪琳(藝名：錢錢)除了外表亮麗，有點成熟撫媚與嬌豔的氣息和S曲線身材都迷倒無數男女網友。有網民指錢錢外貌酷似名模熊黛林，故有人稱錢錢為「小熊黛林」。對於自己的藝名，錢錢接受傳媒訪問時曾透露，由於小時候太愛賺錢，同學就叫她做「錢錢」。由於自己很小就出來打工，「錢錢」隨之變成她藝名。錢錢坦言，從來沒有想過自己會當模特兒，自小的夢想是當公司CEO。如今憑着甜美樣子和驕人身材，讓錢錢成為車展上的車模常客。綜合報道
來源:
http://hk.apple.nextmedia.com/international/art/20170212/19925993
一擊即中等做媽媽？面圓圓熊黛林變紅衛兵食春茗
1 :
GS(14)@2017-02-18 09:51:48盛傳陀B，近日明顯工作減產嘅熊黛林（Lynn），日前孖老公郭可頌出席model公司春茗，當晚唔少名模都Cosplay到場，不過就以Lynn嘅紅衛兵造型最突出。當晚紥住兩條孖辮嘅Lynn，雖然睇唔到有冇肚凸凸，但塊面明顯飽滿咗。而當晚Lynn除咗着紅衛兵造型，心口仲專登掛埋毛澤東頭像，佢老公郭可頌就便裝上陣。至於馬詩慧同王敏德夫婦，老婆做交通警，老公做飛虎，拍戲做過N次飛虎嘅王敏德，絕對駕輕就熟，而當晚名模琦琦同樂基兒都有出席。
來源:
http://hk.apple.nextmedia.com/entertainment/art/20170218/19932406
熊黛林仔女都要
1 :
GS(14)@2017-03-23 06:27:21熊黛林昨晚身穿粉紅色長裙、胸前少少低胸亮相，去年下嫁郭可頌成為百億人妻，已明言努力造人的她，要為老公開枝散葉。她接受訪問時說：「未有住，不過自己準備咗好耐，努力中，睇緊中醫調理。」談到姑奶郭可盈透露全家沒有給壓力，熊黛林說：「係呀，不過見到佢個女好乖，自己都想有個女，如果有個女就好，不過自己想生仔先，妹妹有個哥哥保護會好幸福，自己會keep住做嘢，有工作人先自信，狀態好啲，老公鍾意女，因為會黐吓佢。」又謂不是奶奶一定要她生囝囝，只是她想生個哥哥先。對於舊愛郭富城亦表示想開枝散葉時，熊黛林笑言：「係好事嚟㗎！」採訪：張俊銘
來源:
http://hk.apple.nextmedia.com/entertainment/art/20170322/19965614
【舊愛幸福】熊黛林心急生仔
1 :
GS(14)@2017-03-26 15:38:18郭富城終於肯成家立室，其多位的前任女友都已嫁作人妻。
熊黛林
06年拍MV而相戀（圖），08年熊黛林生日，更在城城寓所33小時煙韌纏綿，但二人拍拖7年後分手。14年熊黛林戀上郭可盈弟弟郭可頌，兩人去年結婚並積極造人。
藤原紀香
00年拍《雷霆戰警》撻着，翌年紀香來港與城城補祝其30歲生日，城城被爆在紀香下榻酒店過夜。07年紀香與陣內智閃婚，兩年後離婚，去年再嫁片岡愛之助（圖）。
Amanda S.
00年得城城到Amanda香閨纏綿，女方穿內衣送城城出門。11年Amanda嫁意大利男友Christian，3年後離婚。日前她帶拍拖兩年半的男友出席活動（圖），揚言有意再婚。
鍾麗緹
93年為城城拍《希臘之旅》音樂特輯時撻着。鍾麗緹98年跟Glenn婚後生下女兒Yasmine，一年後與嚴錚再婚及生下兩女，11年離婚。去年鍾麗緹三嫁張倫碩（圖）。
姚正菁
城城曾自爆入行初期發展地下情，當時女友對他不忠，矛頭似指姚正菁。姚正菁早年結婚後生下兩女，惟去年傳她與老公分開多年。上年拍到姚正菁獲中年男陪行街（圖）。
來源:
http://hk.apple.nextmedia.com/entertainment/art/20170326/19970034
熊黛林靜靜陪老公拜山
1 :
GS(14)@2017-04-12 22:42:38■郭可盈與家人掃墓時指手劃腳，熊黛林與老公分開企。讀者提供圖片
【爆相爆片】清明節已過，但拜山有心唔怕遲！去年升呢做郭家新抱的百億人妻熊黛林（Lynn），前日陪老公郭可頌一家去掃墓，被讀者Suki透過「爆相爆片」分享，約下午2時許，白tee牛仔褲的Lynn和老公、姑奶郭可盈等親戚，現身沙田廉政公署門外集合。
Suki在電話表示：「熊黛林全程都好避忌，好多時候背對馬路，耷低頭玩電話，反而戴太陽眼鏡嘅郭可盈喺度指手劃腳，安排行去骨灰龕拜親人。熊黛林唔單止同親友冇交流，甚至連老公都冇傾偈，等咗一陣，佢就跟大隊向寶福山方向行。」昨Lynn回覆《蘋果》表示：「我哋有傾偈，只係冇被影到啫。」採訪：唐如
來源:
http://hk.apple.nextmedia.com/entertainment/art/20170411/19986254
熊黛林返娘家老公gel洋蔥頭網民問「身高不夠頭髮來湊」
1 :
GS(14)@2017-04-15 23:27:52人妻熊黛林自從同郭可盈胞弟郭可頌結婚，一直恨生B，平日除咗工作，佢都樂做好太太，見佢微博不時貼出入廚相，有時就放閃po出同老公嘅合照晒恩愛，近日熊黛林返咗娘家南京!熊黛林昨午喺微博貼出合照，相中見熊黛林喺一間麵舖門口留影，原來佢同老公去咗食麵支持老友，未知係唔係熊黛林太肚餓，佢搞笑咁叫啲網民唔好問佢點解冇貼碗麵嘅相，「嘻嘻！我忘了，吃完了才想起來，桌子上只剩下幾個空碗了」。之但係有網民就將焦點放咗喺郭可頌嘅髮型上，見佢拍埋身高1.78米嘅熊黛林身邊，要gel高個髮型好似「洋蔥」咁，迎合熊黛林嘅身高，網民紛紛留言「身高不夠頭髮來湊」、「哈哈哈!你老公的髮型，我是服氣的」等。不過亦有人讚熊黛林同郭可頌好有夫妻相，更指企喺老公身邊嘅熊黛林幾靚，散發甜美嘅笑容，希望佢哋永遠幸福。
來源:
http://hk.apple.nextmedia.com/entertainment/art/20170415/19990746
Next Page