📖 ZKIZ Archives

Bob新片撼低成龍

1 : GS(14)@2017-01-22 02:17:22

由葉念琛監製、林盛斌（Bob）及麥玲玲主演的電影《我要發達》（圖）前日上映收11萬元開畫票房，拋離上周四成龍主演的《鐵道飛虎》開畫只有8萬元，論製作和演員，小本經營的《我》片竟贏《鐵》片。單日票房冠軍是甄子丹參演的荷李活電影《3X反恐暴族：重火力回歸》（xXx：Return of Xander Cage），收129萬元，亞軍是《思．裂》（Split）亦有82萬元。




來源: http://hk.apple.nextmedia.com/entertainment/art/20170121/19903742
PermaLink: https://articles.zkiz.com/?id=323580

【馮仁昭四圍超】Sammi新片開畫贏成龍

1 : GS(14)@2017-02-18 09:51:55

鄭秀文（Sammi）跟台灣型男張孝全主演的電影《合約男女》（圖）前日上映，開畫票房約31萬元，連同優先場累積票房約66萬元，擊敗成龍主演的《功夫瑜伽》，《功》同日上映只有14萬元票房，但在內地累積票房已超過16.4億人民幣，更打低周星馳的《西遊伏妖篇》。至於奧斯卡入圍電影《星聲夢裡人》（La La Land），在港上映22日票房已達2,826萬元，相信下星期可衝破3,000萬大關。撰文：馮仁昭




來源: http://hk.apple.nextmedia.com/entertainment/art/20170218/19931752
PermaLink: https://articles.zkiz.com/?id=326909

嘉玲講成龍好多Layer

1 : GS(14)@2017-04-06 07:41:35

劉嘉玲、鍾楚紅昨晚與梁家輝大女梁穎晨等在中環出席Roger Vivier展覽活動，嘉玲早前有份出席成龍慶祝獲得奧斯卡終身成就獎活動，問她有否關注成龍與吳綺莉的家事新聞，她說：「有睇報道，人哋家事好難講。」但嘉玲表示未有聽過成龍被勒索，亦未見過他哭，問到是否覺得對方有情有義時，她說：「人有好多唔同layer，唔係得一面，影壇有個咁傑出藝人，我哋應該為佢驕傲。」紅姑主演的舊作《流金歲月》出復刻DVD，她對此說：「自己睇番以前好多未夠完美，勾起好多回憶。」會否介意自己演技，她就笑言：「係呀，所以淨係睇片段，唔敢睇成套戲。」採訪：王連連攝影：仇志德




來源: http://hk.apple.nextmedia.com/entertainment/art/20170406/19981073
PermaLink: https://articles.zkiz.com/?id=329420

成龍生日開P遭圍插吳綺莉接卓林電話

1 : GS(14)@2017-04-09 10:49:40

■成龍前晚在北京慶祝63歲生日，獲李冰冰（右）在派對上攬實。微博圖片



成龍前晚在北京慶祝63歲生日派對，唐季禮、張國立、范冰冰與李冰冰等捧場，不少友人將片段擺上微博，片中見他心情勁high，滿場飛敬酒及切3層高蛋糕，他表示不想煩到朋友搞派對，但友人堅持想聚一聚，故他十分珍惜，更鞠躬道謝。有不少網民就留言大鬧他女兒卓林住院還搞派對，不過亦有網友撐他的成就為國爭光，缺點不值一提。



■卓林終於主動致電母親吳綺莉，她指女兒聲線好精神。資料圖片

此外，昨日有周刊指留院的卓林終於主動致電吳綺莉，吳綺莉直言「冇諗過」，她透露女兒聲線好精神，但現階段暫時不會見面，而吳自覺情緒有問題需要調整，已向醫生求助，並表示已幫囡囡向學校請假，要求停學但保留學位。撰文：唐如




來源: http://hk.apple.nextmedia.com/entertainment/art/20170409/19984243
PermaLink: https://articles.zkiz.com/?id=329825

九展騷賀15周年出事ORANGE RANGE提成龍被噓

1 : GS(14)@2017-04-17 07:20:15

日本男子組合ORANGE RANGE展開香港及台灣之行，紀念出道15周年，前晚假九展Music Zone舉行第二次港騷，事隔3年的港騷於當晚8時準時開場，5位成員落力演出多首代表作。不過於安哥時成員YAMATO問影星成龍是否最能代表香港時，被全場粉絲喝倒采。五子先以《以心電信》炒熱氣氛，接着唱出大熱歌曲《Locolotion》，負責Rap的RYO更即興改歌詞大唱「香港」，並大晒廣東話「多謝多謝！」向粉絲致謝。HIROKI則笑言自己不懂廣東話及英文，需要靠台下歌迷代為繙譯，怎料他卻嫌被揀中的女歌迷未夠班，還說：「你已經被炒！」引起全場笑聲。
HIROKI於演出《羈絆》時，利用家鄉沖繩的傳統樂器三味線邊彈邊唱。之後台下粉絲被問到還認識甚麼日本動漫及歌手時，有人即嗌尊尼組合「嵐」，HIROKI笑言：「我們都是Johnny's，我會傳話給嵐知。」認真搞鬼。隨後連唱兩首夏季單曲《上海Honey》和《太陽無用》，令高漲氣氛推至頂點。



■當YAMATO（中）一提成龍（小圖），幾乎全場觀眾也表現抗拒。

■RYO（右）由頭Rap到尾，其間更改歌詞唱「香港」。


歌迷不捨離場

在安哥時，ORANGE RANGE唱出《花》及《Natural Pop》等，YAMATO感謝香港歌迷，承諾會再來香港，最後更全場大合照，此時YAMATO問：「香港最有代表性是甚麼？成龍？」台下即喝倒采，不少歌迷更高舉交叉手勢，YAMATO見情況不妙再問：「李小龍呢？」大批觀眾也擺出OK手勢，他臨走還說：「I Love You！Hong Kong！」完場後成員回到後台，大會亦廣播演唱會已經結束，但全場歌迷仍不捨離開，結果五子再登場唱多一曲，HIROKI還開口趕客叫大家散場。採訪：吳家偉攝影：陳俊強




來源: http://hk.apple.nextmedia.com/entertainment/art/20170417/19992007
PermaLink: https://articles.zkiz.com/?id=330877

成龍被指唔養女：冇乜唔開心

1 : GS(14)@2017-04-22 10:49:39

■赤西仁（左）和山田孝之前晚在頒獎禮後台遇見成龍（中），更將三人合照放上網。互聯網圖片



【澳門直擊】成龍前晚在澳門出席全球華語榜中榜頒獎禮，他接受訪問時講到早前向太陳嵐撐他有情有義，又攬着向太喊，成龍沒有正面回答，只說：「多謝你哋，我唔睇，唔上網，唔睇八卦新聞，一心做好電影，謝謝。」對於被吳綺莉指摘沒有出過一毫子養女，成龍表示不會因此不開心，他說：「我?家冇乜唔開心，奧斯卡都攞埋獎，有乜嘢唔開心？」其後成龍被追問有關位於清水灣柏濤徑的「大哥片場」，去年因僭建2,200平方呎小屋，遭屋宇署「釘契」一事，成龍說：「唔好小題大做，我交咗畀律師，長期唔喺香港，我都未返過去睇。我知道呢件事，我一定會照法律進行去做。我好少喺香港拍戲，盡量返嚟。」另外，日本組合KAT-TUN前成員赤西仁和山田孝之現身頒獎禮，在後台跟成龍碰面合照，即時將照片放上Instagram。採訪：王連連



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170422/19997379
PermaLink: https://articles.zkiz.com/?id=331321

西班牙插畫家po成龍合照被投訴鬧笑話？！

1 : GS(14)@2017-04-22 10:49:46

西班牙插畫師Joan Cornellà下月再來港開畫展，其黑色幽默，以及「Cult爆」畫風深受網民歡迎。早前佢貼出一張成龍手持佢畫冊嘅合成照，留言「Thankyou成龍Jackie Chan, see you at my upcoming exhibition in Honk Kong!!!」此post出咗冇耐惹來網民負評，有網民亦於另一帖文留言指成龍是「It is a fxxking guy of Hong Kong」。不過就有網民為Joan Cornellà平反：「佢啲畫本來就唔係for港豬，睇啲人同佢幅畫自拍就明」等等。



緊貼「蘋果VR」熱潮，打開雙眼隨意門，讓「蘋果VR」陪您探索新世界：https://goo.gl/b5RQAB「蘋果VR」App
App store下載：https://goo.gl/0kW2cK
Google Play下載：https://goo.gl/4K7EHw




來源: http://hk.apple.nextmedia.com/entertainment/art/20170422/19997718
PermaLink: https://articles.zkiz.com/?id=331329

同成龍分手陳自強：佢紅到有啲走火入魔

1 : GS(14)@2017-05-13 01:56:24

一手捧紅成龍的陳自強，08年傳被成龍老婆林鳳嬌因掌權而踢走，陳自強曾表示：「他（成龍）開始走火入魔，說的話都聽不進去……我知道有人想竄位，所以寧願自己先離開。」陳自強前年曾因心臟問題入院，報道指本身鍾意飲兩杯的他，近年越飲越多，要長期到聖保祿醫院覆診。採訪：李森




來源: http://hk.apple.nextmedia.com/entertainment/art/20170512/20019095
PermaLink: https://articles.zkiz.com/?id=332609

港航搵成龍代言吸外國客急Hide唔俾港人睇到鬧？

1 : GS(14)@2017-06-11 16:09:16

成龍代言，猜一字。答案係…燈。點樣燈法？自己Google一下。但係仍然有公司唔係咁迷信，照用。佢嘅最新客仔，係香港航空。香港航空，唔係香港㗎，佢係中國海南航空集團旗下嘅航空公司，個名叫「香港」。唔覺有成龍呢個廣告？係咪未拍？唔是啦。拍咗，擺埋上fb喇，睇唔到的話同閣下時運高低無關﹐而係可能俾人巧妙咁收起咗。今次成龍係為香港航空宣傳月底開通嘅每日往返溫哥華及香港之直飛航線，成龍獲邀任香港航空形象大使，乘搭首航客機前來溫哥華。本月30日，成龍會坐首航航班，由香港去溫哥華參加慶祝活動。但係上Twitter都唔見，香港航空fb又唔見宣傳喎…有㗎其實，只係應該係俾人hide咗。有網民於「香港航空討論區」嘅fb pg share咗香港航空fb成龍呢條長逾1分鐘嘅片。條片開到睇到，係前日早上11點貼嘅。嘩，成龍俾大班靚空姐包圍﹐又喺經濟艙打中國功夫。成條片成龍都係講英文，大讚呢間航空公司有得供應港式奶茶同雞蛋仔…由香港食到溫哥華？雞蛋仔拎上飛機好唔好食㗎？宣傳片嗰pat雞蛋仔，同謝霆鋒整嗰底一樣，好似毛巾…條片前日早上在香港航空個fb page上載未幾，似乎已經神秘消失…有人留言：「坐過你地公司幾次都覺得唔錯，但睇完呢條片，見到呢個人，大打折扣！」、「公關災難」、「原來都plan緊年尾幫襯你地，睇來要撘返因航，服務差總好過人無恥」、「Jacky Chan啲抽水功夫了得！讚」、「用佢擺明趕客」、「世上咁多人唔搵，點解偏要搵佢做代言！你地絕對係揀錯人！公司形象即刻變得好討厭！」也有人稱：「外國對香港不是Jackie Chan就是Bruce Lee，咁，唔通搵Bruce Lee咩。」、「其實外國人都係咁，一見你香港人就即刻講Jackie Chan」、「洗乜Target香港，香港人只要有平機票就會去搶。」




來源: http://hk.apple.nextmedia.com/entertainment/art/20170611/20052158
PermaLink: https://articles.zkiz.com/?id=335331

搞笑戲「希望大家濕晒」Eason醜化成龍

1 : GS(14)@2017-06-16 01:58:51

由谷德昭執導、陳奕迅（Eason）、陳國坤、李榮浩、內地演員李一桐及劉浩龍等主演的搞笑動作電影《卧底巨星》，昨日在西貢進行拜神儀式，Esaon以一身粉紅唐裝的成龍look出現，又將成龍的「龍」改為「豹」字印在鞋上。



成龍　資料圖片

■內地演員李一桐透露在戲中與李榮浩有感情線。


自言動作唔靈活

對於疑似影射成龍，Eason表示並非單一是成龍，可以是洪金寶或其他外國打星，但他就即場扮成龍的誇張表情，維肖維妙，他說：「唔係完全係成龍，係好標誌嘅動作巨星，只係造型上氣場大啲。」扮演武打巨星的Eason自問動作不太靈活，但扮成龍小動作卻似模似樣。問他可擔心被成龍指醜化其形象？他稱：「就算有都係唔覺意，唔係特登，我諗導演識剪，希望大家笑到濕晒。」另外，Eason稍後會為ViuTV拍攝製作費近千萬的音樂劇集《短暫的婚姻》。



■陳國坤（左）與李榮浩在片中不乏打鬥場面。

■導演谷德昭（右四）昨率領眾演員為電影進行拜神儀式。


陳國坤想追多個

在最新一輯《射鵰英雄傳》中演黃蓉的李一桐，首次參與拍電影，與李榮浩有感情線。問李一桐會否怕對方女友楊丞琳呷醋？她說只是工作，歡迎楊丞琳隨時探班。跟Eason有不少對手戲的陳國坤透露有意追多個，他說兒子現在一歲多，會等囝囝大少少再努力，最緊要老婆黃伊汶肯生。採訪：張俊銘攝影：葉君海




來源: http://hk.apple.nextmedia.com/entertainment/art/20170615/20056028
PermaLink: https://articles.zkiz.com/?id=335599
Next Page
ZKIZ Archives @ 2019