【《蘋果》專訪】17年恩怨 最想祝倪震身體健康劉錫明被叫毒瘤明：有嬲過
1 :
GS(14)@2016-06-06 02:54:37■劉錫明昨日接受本報專訪時，提到在街就算被人叫「毒瘤明」，他都不介意。攝影：陳俊強
惡毒說話猶如利刃，90年代演藝事業發展如日中天的劉錫明，因公開承認對周慧敏有好感，被周慧敏男友倪震公器私用，以旗下暢銷雜誌《YES！》連續三年唱衰，更冠以「毒瘤明」之名，最後被迫敗走台灣發展。膠着的17年恩怨，由倪震2008年表達歉意而淡化，到劉錫明接受《YES！》邀請出騷而化解。劉錫明昨日受訪時表示當年被叫毒瘤明的確有嬲過，假如有機會見到倪震，會跟他講「祝佢身體健康。」
現年51歲的劉錫明今晚應邀在灣仔會展出席「YES！25週年演唱會」，重踏香港舞台，更會大唱當年經典金曲，昨日他在會展接受《蘋果》專訪，大談當年跟周慧敏一段情的「秘密」，他說：「當年周慧敏係玉女，好多人都對佢有好感，我有好感完全唔奇，我當年二十幾歲，都係小鮮肉，有少男情懷，好正常，但撻着就真係冇嘅，追求都要講緣，我哋之間完全冇嘢發生過。」
未見過倪震
劉錫明覺得情侶拍拖好講timing，他始終覺得台灣籍太太張齊玲跟自己最有緣，所以可以共諧連理，結婚生女，目前囡囡已經13歲，一直在台灣生活接受教育。在整個訪問中話題都離不開當年「情敵」倪震，劉錫明全程都處之泰然，畢竟是二十多年前的事。他回想當年突被叫「毒瘤明」的感覺：「當年有嬲過，我都年少氣盛啦，但我自問係冇隔夜仇。我反正身體OKay，仲未有惡性腫瘤。」倪震早年跟周慧敏結婚時，曾公開對劉錫明的歉意，假如跟倪震重遇，心底的說話原來只是這樣一句：「祝佢身體健康，有健康就乜都唔使擔心，唔使愁。」劉錫明自爆事情發展到今日，跟倪震是未見過一面，亦根本不認識對方，他說：「我未見過倪生，純粹係美麗誤會。」在事情發生後，劉錫明甚少在港露面，回來都只是探望母親聚天倫，完全沒有機會接觸倪震跟周慧敏兩夫婦。
■昨日綵排，劉錫明只花了十多分鐘便完成。
■90年劉錫明與周慧敏拍《烏金血劍》後，便開始「毒瘤」噩運。劇照
「人生冇如果」
自言是「Yes Man」的劉錫明，凡事都很順得人，永遠不會托人手踭，他說：「做人蝕底少少唔怕，最緊要係蝕得起，我乜都只會向前看。」如果有一日在街給人大叫「毒瘤明」，他笑言不會因此不開心，更會跟對方說：「Hello，多謝。」多年閱歷令劉錫明更睇得化，他說：「何必要介懷，人生仲有好多重要事。」問到有否覺得如果當年沒被倪震玩殘，今日在香港的演藝成績一定不止於此，他無悔說：「人生冇得如果，有早知就冇乞兒，即使plan好，分分鐘都會因為一件事，甚至一個電話打亂晒，做嘢最好順其自然。」而昨日劉錫明綵排時，他都唱得非常認真，接連唱出《是緣是債是場夢》和《你怎麼捨得我》兩首歌，綵排十多分鐘便完成，樂手即拍掌向他致意。採訪：楊定攝影：陳俊強
■倪震以旗下刊物（右圖）連續攻擊劉錫明三年，到與周慧敏結婚時，才向劉道歉。資料圖片
■轉往台灣發展後，劉錫明落地生根結婚生女，組織幸福家庭。資料圖片
來源:
http://hk.apple.nextmedia.com/entertainment/art/20160603/19638639
商台恩怨鬧「小學雞，杯葛我」 卓韻芝《晚吹》爆最憎Wyman
1 :
GS(14)@2016-06-20 05:45:20■卓韻芝前晚在《晚吹－真PK》中自爆最憎的藝人是「XXX」，有網友睇口形估是黃偉文。
【ViuTV風雲】填詞人黃偉文（Wyman）好惹火！多年前曾跟楊千嬅、陳奕迅傳不和的他，前晚商台舊同事卓韻芝在ViuTV《晚吹－真PK》節目上，自爆最憎的藝人竟然疑似又是─黃偉文！
「做乜都發脾氣」
前晚播出的一集由卓韻芝擔任嘉賓，當被主持火火和Kevin仔問到「最憎邊個藝人？」初時阿芝都猶豫避答，之後才爆料說：「好，我講，我最憎XXX，我好細個已經俾佢恰！」然而，節目卻將「XXX」的名字滅聲，但有網友睇阿芝口形，紛紛猜測是Wyman。當時火火追問阿芝：「即係商台嘅時候？」阿芝直認：「係呀！」火火說：「但個個都話你係商台公主，個個錫晒你，你打橫行，佢有乜恰過你？做過啲乜衰嘢？」阿芝揶揄對方似小學雞：「我總之做過啲乜，佢都會走去向其他人發脾氣：『點解佢又有份我又冇份』，佢直情拉隊杯葛我：『今日係佢生日，不如我哋全部同事一齊走晒。』跟住熄晒燈，小學雞咁。」
■阿芝爆「XXX」是商台舊同事，會拉攏其他人杯葛她。
■阿芝直言到現在心中仍有根刺。
「相信係佢本性」
接着火火問阿芝：「咁多年之後，仲有冇唔鍾意？仲有冇心病？」阿芝坦言：「好啲囉，因為覺得大家當時都係細個啲，但我相信呢個係佢本有性格，佢真係咁樣認知世界事情，所以有啲人都係唔好惹為妙！」之後火火給觀眾貼士「XXX」是誰人，他說：「佢頭先講最憎係邊個，佢又講緊以前做電台嘅，我估應該着衫幾潮嗰個。」Wyman曾在商台跟阿芝同期做DJ，近年他又有潮人之稱，答案呼之欲出。昨日本報致電向兩位當事人了解，但至截稿前沒回覆。Kevin仔則在電話說：「嗰日佢做口形，冇講名，我真係估唔到，佢咁多仇人，我唔敢亂講。」
■火火給觀眾貼士，阿芝最憎的人曾在商台工作，又是潮人，所以觀眾估計是Wyman。
Wyman
另外，阿芝在節目中爆以前曾有sex partner：「以前怕孤獨所以拍拖，嗰時係有（sex partner）嘅，後來佢慢慢變咗鍾意我，覺得佢出賣我，騙子嚟，唔准鍾意㗎。」採訪：皓騫
來源:
http://hk.apple.nextmedia.com/entertainment/art/20160620/19660970
陳景祥﹕港交所與證監會 「恩怨情仇」
1 :
GS(14)@2016-08-09 07:15:56【明報專訊】香港處理公司上市與其他海外市場不同，審批證券的公開發售和上市申請二合為一，都由港交所執行。1991年證監會把審批上市申請人招股章程的權力下放給交易所，以免工作重疊，到了2003年引入雙重存檔機制，證監會又再重掌審批權。
港交所身兼三職 須有證監制衡權力
港交所一身兼三重角色，也是其他交易所罕見的，它的角色包括：公營機構（獨家而沒有其他競爭者的交易所）、監管者（發行人的前線監管者），以及商業機構（一家上市公司）。事實上，這三重角色互有衝突，因為港交所既要處理商業利益，為股東爭取回報，但也要維護公眾利益，保持香港證券市場的公信力。為了保證港交所要在商業利益和公眾利益之間維持平衡，政府透過委任港交所董事會成員（包括主席），以及根據《公司條例》賦予的權力，監督港交所的管治，市場運作方面的監管，則主要由證監會負責。
正由於港交所的角色「特殊」，在整個證券市場監管的架構中，證監會必會擔任一種角色，主要作用是制衡港交所在作出商業決定時，要同時兼顧公眾利益——按照香港法例規定，如果港交所的商業利益與公眾利益有所衝突時，港交所須優先照顧公眾利益（詳見港交所刊物《交易所》2004年10月的文章〈香港交易所的角色和責任〉）。
評論界一直有意見認為，最佳的分工方法是，港交所專注於產品開發、市場拓展等商業活動，涉及監管職責的上市申請和審批證券公開發售等，則由證監會一手包辦，如此分工會更加清晰，避免角色混淆的問題。
證監跟市場人士角力 無可避免
經過多年來的角力，要做這種「一刀切」的改革，已是不可能的任務，港交所堅持其作為市場前線監管者的優點，例如可避免權力過分集中，及港交所和證監共同監管可「分別提供最後防線與前線工作點」（見上引《交易所》文章）。近年證券市場「風雲再起」，阿里巴巴在2013年因要求同股不同權而遭香港證監會否決上市，到2014年開始創業板股價暴漲——當年香港創業板上市19家公司中，79％在上市兩周內即暴漲超過一倍，今年4月上市的聯旺集團上市首日更一度大升46倍，再加上「啤殼風」盛行，觸發了當前的改善上市監管和管治架構改革的建議。
一場證監會跟市場人士的角力，無可避免會再次發生。
[陳景祥 齊物論]
來源:
http://www.mpfinance.com/fin/dai ... 2747&issue=20160809
選美恩怨告一段落陳法蓉話梁佩瑚道歉
1 :
GS(14)@2016-09-30 08:09:04■陳法蓉早前在西藏拍劇時患上高山症，有死過翻生感覺。
陳法蓉、李姿敏、呂良偉夫婦及多位應屆港姐、港男，前晚在尖沙嘴出席微笑行動慈善籌款活動開幕禮。陳法蓉接受訪問時表示，早前在西藏開工時遇上高山症，情況危急至停工，目前仍未康復，她說：「再去西藏拍劇時心理壓力好大，真係好驚死咗喺上面。劇組安排咗隨團醫生，又專登為我跳拍同刪減戲份。」
■陳法蓉前晚解釋朱潔儀和梁佩瑚的選美「指控」。資料圖片
■李姿敏三心兩意，想在澳洲，又想在峇里舉行沙灘婚宴。
■李姿敏與準夫婿賀賢年齡相差24載，現仍未決定大婚日子。資料圖片
寸朱潔儀冇根據
被問到早前遭同屆港姐季軍梁佩瑚開名指選美時違規，私下影雜誌封面時，陳法蓉說：「新聞報道時我喺西藏已經病發，廿幾年前嘅嘢，我唔敢講每樣嘢我都記得好清楚，但兩個星期前梁佩瑚就透過一位我好尊重嘅前輩轉發訊息畀我，話其實內容裏面都係人哋講佢知，帶畀我好多麻煩，要同我講聲對唔住，仲話個訊息係可以公開嘅。我的確同梁佩瑚係冇來往，佢亦冇我電話，要透過人哋先搵到我聯絡，覺得佢都有誠意道歉，件事已經告一段落。」同時間另一位前港姐朱潔儀亦爆陳法蓉選美時食煙，被保母發現即嫁禍到別人身上，陳法蓉表示有看過報道，但所講的人九成以上都無名無姓沒有根據，所以沒有必要為無中生有的事情作回應，她說：「我唔會係隊支煙畀人哋嗰個，你哋應該問番朱潔儀，唔係人哋講就係真㗎嘛。」
李姿敏嫁練馬師
另外，前港姐亞軍、28歲的李姿敏日前公佈明年下嫁52歲澳洲籍練馬師賀賢，她昨晚戴着訂婚鑽戒到場，透露是在日本旅行時求婚。李姿敏說：「未定日子，自己三心兩意，又想澳洲又想峇里搞沙灘婚宴，最想係搞個露天婚宴，然後返香港擺酒。」她又透露跟未婚夫曾分手兩年後復合，婚後有計劃生育小朋友。採訪：卓寶花攝影：沈健程
來源:
http://hk.apple.nextmedia.com/entertainment/art/20160930/19785838
陳法蓉 梁佩瑚 爆27年恩怨 朱潔儀再揭港姐情仇
1 :
GS(14)@2016-10-05 05:32:092016-09-21 EW
近日港姐新聞仲好睇過無綫的連續劇！
繼今屆冠軍馮盈盈於網上爆粗，上屆冠軍麥明詩與男友林作鬧分手後，連幾位二十多年前的港姐亦忽然被翻舊帳！
話說89年港姐季軍梁佩瑚，早前大爆同屆冠軍陳法蓉係大話精，引發陳法蓉與好姊妹蔡少芬及洪欣接連「開火」反擊。
日前一位前港姐再向本刊爆料，指當年陳、梁還發生爭衫事件，又指亞軍朱潔儀和「最上鏡小姐」翁慧德亦「唔妥」陳法蓉。本刊致電朱潔儀查詢，她直指當年佳麗間常明爭暗鬥，還大爆曾遭佳麗陷害。
一班女人齊齊爆seed，恩怨情仇真人騷，真係成地都係花生殼呀！
與梁佩瑚玩撞衫
梁佩瑚早前接受有線電視訪問，大爆27年前同屆港姐冠軍陳法蓉，在參選港姐期間，曾私下替雜誌影相，被揭犯下港姐規條後，先講大話掩飾，繼而扮委屈落淚。
訪問播出後，引起軒然大波，被指是大話精的陳法蓉先在微博還擊，指有人「吃不到的葡萄是酸的。天下本無事，奈何多庸人自擾。唉‥‥‥」其好姊妹洪欣亦po文力撐：「這種人，是活得太無聊，想借別人來宣傳自己吧。」陳的另一位好姊妹蔡少芬也po文說：「四個字，不知所謂！」幾位平時謹言慎行的女人，在網上你一言、我一語，隔空開火。
本刊獲一位前港姐爆料，指陳法蓉與梁佩瑚多年來一直有心病，當年一次「撞衫」事件，更令二人積怨加深。「佢哋當年已經唔係咁啱key㗎啦，阿Bel﹙梁佩瑚暱稱﹚心直口快，有嗰句講嗰句，阿Mon﹙陳法蓉暱稱﹚就好勝，乜都鍾意鬥。有次阿Bel着咗條紅色裙出嚟，阿Mon見到猛讚靚，點知阿Mon之後去日本買咗條一色一樣嘅裙，仲要着住出席公開活動，阿Bel知道後咪嬲爆囉！」
與翁慧德面左左
這位前港姐繼續爆料，指除了梁佩瑚公開「唔妥」陳法蓉，同屆的最上鏡小姐翁慧德和亞軍朱潔儀亦與陳法蓉不咬弦。「阿Mon係冠軍，好自然有種氣焰，Wanda﹙翁慧德洋名﹚都頂佢唔順，兩人喺鏡頭前可以笑晒口，好似好friend咁，但鏡頭後就馬上黑面。阿Mon同Donna（朱潔儀洋名）嘅關係亦唔好得去邊，佢哋兩個當選後，被分派到劇組，90年Donna同萬梓良、周海媚等拍攝台慶劇《笑傲在明天》，據知阿Mon知道後，曾經打電話畀Donna，話係自己冇時間接拍，個角色先『彈』咗畀Donna，Donna只係執佢二攤演出，激到Donna紮紮跳。
「仲有單㗎，話說阿Mon同Donna都有髮型贊助，有次Donna 搵髮型師Mark Kim剪頭髮，點知阿Mon收到風又打畀Donna，話：『你（朱潔儀）呢啲乖乖女唔啱佢（Mark Kim）』，Donna一頭霧水，最後發現原來阿Mon鍾意Mark Kim，驚Donna同佢爭。」
朱潔儀被勸退選
本刊致電朱潔儀求證，她只淡淡的說：「嘩！都過咗咁多年，邊記得咁清楚，況且我都唔係記仇嘅人。」但她就自爆參選期間曾遭其他佳麗欺負。
「參加選美活動，預咗佳麗之間會互相競爭，同埋有是非。不過有啲佳麗嘅行為好過份，記得入咗決賽，有幾個佳麗打畀我，話三甲一早內定晒，勸我退選，無謂嘥時間，我梗係唔信啦！又有次喺綵排期間嘅休息時間，有個佳麗食食吓煙，突然叫我幫佢揸住支煙喎，好彩我冇接咋，轉個頭啲評判就出現喺我哋面前，如果我幫佢揸住支煙，真係水洗都唔清呀！不過，所有嘢已成過去，大家既然有緣相識，與其嗌交，不如得閒坐低飲吓茶好過啦！」
本刊亦曾就以上傳聞聯絡陳法蓉和梁佩瑚，陳法蓉助手表示不會再就事件回應，而梁佩瑚則至截稿前仍未回覆。
各自各精采
89年港姐在27年後，人氣突然回升，其實多年來各人都不時有現身社交圈派對，各自都有自己的小天地。
冠軍 陳法蓉49歲
曾與倪震、許晉亨及商人朱明拍拖的她，感情依然未有着落，今年七月卸任慧妍雅集會長一職，到西藏拉薩拍攝電影《駐藏大臣》。
亞軍 朱潔儀49歲
仍是單身的她，水墨油畫樣樣皆精，又不時應邀到各地參與畫展，多年來積極參與慈善活動和社交圈派對，生活悠閒。
季軍 梁佩瑚46歲
當年星路平平，直到2001年轉型做才女，推出超過50本著作。今年四月突然在三亞閃電下嫁蒙古商人郭雲飛，成為人妻。
撰文☆名人組 設計☆蔡宛真
楊思琦忘恩怨道賀
1 :
GS(14)@2016-12-28 08:12:16■楊思琦被指跟鼎爺的新歡似樣。資料圖片
李家鼎覓得第二春，女友被指貌似兒子李泳豪的舊愛楊思琦，昨日記者向思琦查詢知否鼎爺再婚？她說：「係呀？我唔知道，冇睇雜誌。」對於鼎爺女友跟她似樣被封「厚唇思琦」，她笑說：「係咩？多謝你，其他嘢唔講喇！」
■江若琳跟鼎爺學騎馬，昨避答師傅傳再婚一事。資料圖片
當年思琦和李泳豪結束9年情，雙方分手後再見不是朋友，鼎爺為挺兒子跟家人聯手圍插思琦，事隔多年，思琦聞對方喜訊表示：「恭喜鼎爺，不過我?家都冇同佢哋聯絡喇。」至於去年向鼎爺拜師學騎馬的江若琳，被問到知否對方再婚時就避答：「師傅嘅私人事就留番畀佢回應啦，我作為徒弟，唔方便同佢回應。」採訪：非非、小米
來源:
http://hk.apple.nextmedia.com/entertainment/art/20161228/19878482
【容哥復出●2】我係原裝正版vs我都好淒涼 新舊舖恩怨情仇
1 :
GS(14)@2017-04-04 08:59:52容哥以50萬元轉讓給魏貴東（東哥），並易名為新容記。
去年四月易偉容（容哥）宣佈退休，深水埗容記結業不夠3日便火速重開，原來容哥以50萬元把招牌轉讓給魏貴東（東哥），新店易名為新容記，而容哥則剛在太子重開容記。東哥說：「當初頂手以為容哥不做，他說執笠結業，現在最慘是這樣，他頂了招牌給我，然後去了另一處開新店，我都好淒涼，生意有機會受影響。」東哥曾在深水埗開牌檔又做過酒樓部長，一心圓夢開餐廳，新容記現有8個廚房師傅，其中有6個是容哥的舊夥計。「舊夥計仍在，為甚麼味道不會一樣呢？除了保留到質素，我還有新菜式呢！」燒腩仔仍有，均以電爐焗製，問過熟客分別不大，還有可樂鵝，用秘制汁鹵大半日，味道甜得來很惹味，不會很膩。「我真的好辛苦，每日要做14小時，一年來未曾休息，我可以捱到一年，別人已說我是叻仔。」想知這場風波的來去脈？容哥又如何回應？請留意動新聞。新容記小菜王深水埗福華街118-120號地下記者：何嘉茵攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
東哥每日要做14小時，一年來未曾休息，捱到一年，別人已說他是叻仔。
容哥剛在太子重開容記，新店6千呎。
來源:
http://hk.apple.nextmedia.com/su ... t/20170403/19978195
【《蘋果》專訪】宣萱回歸揭無綫恩怨冇尊重感受辱
1 :
GS(14)@2017-05-19 05:27:53■憑新劇人氣急升的宣萱，指近日在街上經常被途人詢問劇情。攝影：陳慧安
宣萱於2011年約滿無綫，最近憑劇集《不懂撒嬌的女人》Mall姐一角人氣急升，令香港電視沉寂一時的煲劇潮重現。宣萱日前在銅鑼灣接受本報訪問，她說：「唔知幾多年冇聽過人追劇，有啲朋友睇咗第一集，已經問我同文龍係咪結婚，連銀行啲職員都message我，我仲試過有啲唔識嘅人走埋嚟同我講，佢啲上司就係咁樣嘅人！」
■離巢後再回娘家拍劇的宣萱，指得回一份應有的尊重。
■宣萱演的Mall姐在劇中經常黑面，與林文龍大鬥法。電視圖片
■宣萱於11年拍完《飛虎》後便毅然離無綫。劇照
「唔會有絕路」
宣萱承認Mall姐的成功，幕後功臣是所有演員：「如果冇嗰班做office嘅同事去撐，冇佢哋見到你個樣好鬼驚，Mall姐又唔會咁突出，係大家互相幫忙，成件事立體好多。其實每一個演員都想有機會發揮，只係睇吓你有冇遇到呢個機會，當有嗰陣，起碼畀佢感受嗰份真誠，得與唔得係睇佢自己，但係呢份尊重係好重要。」講到尊重，宣萱重提當年離巢一事：「我離開公司五年，當年係因為欠缺咗呢份尊重，所以離開，五年後得到番一個尊重，再加上劇本角色吸引，咪再合作！因為我遇到呢份感覺，所以我明白，唔受尊重嘅時候咁咪行囉，我唔係可以企喺度俾你侮辱，呢條路唔行，咪行第二條路，唔會有絕路，嗰份感覺真係好緊要，對演員嚟講今次可以有呢個機會，遇到嘅團隊，大家有咗一份希望。」
「Keep住進步」
對於當年離巢，宣萱絕不後悔：「我覺得啱，當你去到一個地步，覺得公司對演員完全冇咗份尊重，當然唔止對我，因為我之前聽到其他演員走，其實咪又係嗰兩個字，尊重。好多都因為係冇尊重，聽完之後我冇諗過自己都會發生呢啲事，所以好明個感受，第一個感覺係要走，除非我對自己冇要求，嗰剎那覺得冇所謂，公司未必可以畀到嗰份驚喜，打份工冇乜所謂，有糧出安份守己喇，但係我唔係呢類人，希望可以keep住有進步。」採訪：何慧斯場地提供：辦館服裝提供：Club Monaco
來源:
http://hk.apple.nextmedia.com/entertainment/art/20170518/20024457
Next Page