中環在線：地署例行公事「增值」高官僭建等天收
1 :
GS(14)@2012-07-07 18:05:32http://hk.apple.nextmedia.com/financeestate/art/20120706/16489731
特首梁振英嘅山頂裕熙園大宅僭建搞出大頭佛，一陣話「無心之失」，一陣又話僭建物「買入物業時已經存在」，都唔知點信佢好。好彩，傳媒識得利用政府嘅高空「天眼」圖片，證實僭建出嚟嘅木花棚係 CY入伙後先有，收樓前根本唔存在，唔係真係俾 CY呃晒我哋全港市民！所以真係要多謝天有眼，有天收佢㗎！
咁隻天眼又點嚟嘅呢？地政總署前署長劉勵超噚日喺報章撰文，題為「高官僭建『天眼』不容」，佢話所謂嘅「天眼」圖片，其實係地政總署屬下測繪處負責，每年借助政府飛行服務隊嘅直升機同埋定翼飛機，裝載特別設計嘅相機去做空中拍攝，主要目的就係製作一年出版一次嘅香港地圖。當然，有時測繪處會應其他政府部門嘅特別要求，好似要影山泥傾瀉嘅斜坡咁，就會出動進行空中拍攝。
傳媒善用政府資源
劉勵超話，傳媒家識得善用資源，將高空圖片放大再放大，變成「有相有真相」，成為舉證僭建或者霸佔官地嘅有力證據。原本年年如是嘅高空拍攝例行工作，竟然有新用途，如今次頂證僭建就成為新嘅「副產品」嘞。除咗今次 CY僭建，今年特首選舉期間唐英年嘅九龍塘約道7號「唐宮」大宅僭建，亦難逃高空圖片「法眼」，令唐唐選情人仰馬翻，就知天眼嘅厲害。
李華華
逾千五博康業主投票 踢走親建制法團 「公義要自己爭 唔可以等天畀」
1 :
GS(14)@2017-01-09 08:08:43■博康居民昨午到基督書院出席業主大會及投票，入場時大排長龍。王心義攝
【力抗死人授權書】【本報訊】日前爆出「死人簽授權書」種票疑雲的沙田博康邨業主立案法團昨日舉行換屆選舉，有逾1,500業主出席大會逼爆會場，不少居民不滿現屆法團黑箱作業而踴躍投票，最終由主張革新的博康社區關注組名單成功翻盤，踢走現屆親建制法團。記者：袁楚雙
■沙田博康邨日前爆出「死人簽授權書」種票疑雲。
博康法團換屆選舉昨午3時在基督書院禮堂舉行，至晚上8時選出新一屆13名委員。候選委員由主張提升法團管理透明度的博康社區關注組12人名單，挑戰主要由多名現屆法團委員組成的14人名單，最終關注組12人大獲全勝，每人平均取得逾6萬業權份數，比對手人均有3萬業權份數多一倍。餘下一席委員由擁約兩成業權的房委會出任。小業主王女士稱要自救，「公義一定要自己爭取，唔可以等個天畀我哋」。
不滿狂加管理費
新當選的法團秘書陸致民說：「今日可以用抗爭勝利形容，好開心啲街坊可以行晒出嚟（投票）。」新任司庫倫志生亦指，以往開業主大會最多50人，今次會場竟然滿座，「見到咁多街坊嚟支持先係最開心」。博康邨2002年被納入房委會租者置其屋計劃，全邨逾4,300個業主。昨午業主周年大會下午有1,538名業主出席，即有三成半業主到場，逼爆會場，業主更要排長龍等入場，令會議延遲近兩小時才開始，連正本選票亦供不應求，需要臨時加印複印本予居民投票。居民伍小姐與鄰居結伴到會場排隊，伍小姐指法團去年突要求居民集資做大維修，又無細節提供，令人覺得黑箱作業，因此銳意投關注組名單踢走舊法團。博康邨法團以往爭議不斷，區議員趙柱幫表示，過去多年博康法團都由建制派把持，公民力量陳國添便曾任法團主席，以往「法團話乜都會通過」，如去年初宣佈加管理費約兩成，遠超通脹終於激起居民反對。法團之後曾招標做大維修，但未能就標書提供細節，便要求每戶集資8,000至兩萬多元，最後由大業主之一的房委會投下關鍵反對票而作罷。此外法團去年10月初便需換屆，但拖延至昨日才舉行換屆選舉，選前更爆出種票疑雲，有業主亡夫懷疑被冒簽授權書票投現屆法團名單。
來源:
http://hk.apple.nextmedia.com/news/art/20170109/19891043