富事通：燈照電視城
1 :
GS(14)@2012-09-05 12:51:11http://www.sharpdaily.hk/article ... B%E8%A6%96%E5%9F%8E
燈，最光最強，究竟可以去到邊個級數？
星期二，我老友孫柏文喺《蘋果》「金手指」度，話戥有線寬頻（1097）擔心。結果，有線股價同一日昇咗三成。公道啲講，肥孫都有話擔心成個傳媒業，所以「電視霸權」（511）股價微跌，當佢中咗一半啦！
其實，肥仔都係想講，傳媒今非昔比，因為言論審查。曾幾何時，傳媒影響力，無論內容抑或廣告，都可以左右消費決定。今時今日，舊媒體一樣有威力，但面對互聯網百家爭鳴，點都要變陣。不過，舊媒體有嚴格規管，互聯網就自由無限；舊媒體好似綁住雙手同人打，好輸蝕。
無論點都好，有線對「電視霸權」，股價一升一跌，好自然令人聯想到開放免費電視牌照。事實上，香港嘅免費電視，自從2008年開始數碼廣播，老早就應該開放。不過，「電視霸權」同弱台，有牌在手又有影響力，開放市場又談何容易？
有一樣嘢，唔講嘅話大家可能唔知。如果按照當年定落嘅進度將廣播轉全數碼，之前好多大氣波段頻譜，可以騰出，做其他電訊服務。事實上，類比電視佔用緊嘅波段頻譜，非常珍貴，拍賣轉做電訊，講緊超多錢。
香港人隱性補貼電視霸權，呢樣嘢好少人知。所以，開放牌照，全盤數碼化啦。最終得益，肯定係消費者。
李兆富
富事通：目測美國零售業
1 :
GS(14)@2012-09-06 11:02:11http://www.sharpdaily.hk/article ... 6%E5%94%AE%E6%A5%AD
人在美國，剛剛過去嘅週末，係開學前嘅長假期，亦係美國零售業傳統嘅指標日子，重要程度，僅次於聖誕節送禮季節。
去幾間平時行開嘅大舖同商場睇，發覺幾乎所有收銀處都有條人龍，點睇都唔似衰退。去到IKEA，直頭連購物袋都唔夠。
我貼張相上facebook，有網友就話：「IKEA賣平嘢，經濟差先至多人幫襯。」有如此高質素嘅讀者，係我嘅最大榮幸。
坦白講，我都唔知個答案係乜。不過，我亦唔係淨係去一間舖，其他零售點，感覺上都比去年同期旺場。
再睇多幾個數據，消費情緒真係唔失禮。有酒店業統計指，今年夏天房間入住率，高過2000至2007年嘅中間值，係衰退以來首次。另外，又有就業統計發現，自從2010年第一季復甦開始，最主要嘅職位增長，係低收入工種，數字上，已經完全彌補由2007至2009年失去嘅低收入工種職位數字。
當然，中、高收入工種職位數字，仍然有個好大嘅落差。「馬死落地行」呢五個字，可能係美國中產要面對嘅現實。無論點都好，數字亦反映，職位增長最勁，係零售、飲食。呢個，亦係投機揀行業嘅一個方向。事實上，過去每次由衰退到復甦，呢幾個行業表現，都唔會令人失望。
李兆富
富事通：伯南克要多謝德拉吉
1 :
GS(14)@2012-09-07 09:54:37http://www.sharpdaily.hk/article ... 7%E6%8B%89%E5%90%89
落筆呢一刻，歐央行仍然未公佈究竟會做乜嘢。不過，已經有人話，今次係歐洲央行行長德拉吉嘅榮辱一戰，再唔出招，佢就真係「得個橘」。
另外，德國央行亦已經打「開口牌」，話反對。再者，德國憲法法庭，仲有一個星期先至判，究竟歐洲穩定機制（ESM）係咪合法。換句話講，德國陪你搞場大龍鳳ESM，德拉吉o依家又唔放在眼內，話買債就買債，投機者可以解讀成：一，歐洲真係好大鑊，再唔放水會有銀行死；二，歐洲除咗德國之外，幾乎其他所有國家嘅財政同金融機構，一個月之內都會缺水。
又假設，歐央行一如傳聞所講，真係無限量買短債，但係同時又沖銷（Sterilize）買債造成嘅貨幣增長，結果又意味乜嘢呢？沖銷，就係話，央行一方面買債，歐元流入市場，債就泊入歐央行，另一方面，歐央行又沽售外幣，買入同等歐元，令歐元唔使貶值。呢個做法，其實會令買債冇乜效，因為呢類公開市場運作，本來目的就係要增加流動性。
另一個角度睇，如果歐央行真係咁做，即係無端端幫美元增加流動性，其實對市場一旦出現恐慌，資本湧入美元區打咗底。
如果我係伯南克，我會講聲多謝。今年Jackson Hole央行年會德拉吉冇去，下年，可以搵佢主禮，如果，佢仲坐緊歐央行。
李兆富
富事通：派錢大過天？ 李兆富
1 :
GS(14)@2013-01-05 13:36:12http://www.sharpdaily.hk/article/fin/20130104/165881
元旦反思歪遊行，身在太平洋另一邊嘅我，只可以遙距觀察。不過，今時今日，淨係睇朋友「打卡」，透過各人手機鏡頭，大概都見到場面有幾墟冚。最多人廣傳嘅一張，就係長毛一支公對幾百個特區警察。我完全唔明白，點解特區蠢到要用幾百人，去成全人家做革命烈士。冇政府嘅配合，佢只係一個「大聲公」。乜你哋班人見唔到佢心口個公仔？對一個成世都想做烈士嘅人，坐吓監、罰吓款，係角色設計嘅一部份。就從一件小事，就睇得出呢個政府缺乏細緻手段去處理社會矛盾。
師傅教落，分析任何政府嘅行為，一定要從制度最基本嘅行事準則開始。特區政府，尤其是自從「轉左」呢個特首，做乜嘢都恃住手上大把資源。冇錯，思歪對香港最大嘅衝擊，並唔係佢講大話，而係佢引入強國式嘅大堆頭、「大石砸死蟹」嘅手段。
長毛唔聽話？幾百友圍佢，睇佢驚唔驚？有反對聲音？搵雙倍，唔夠就三倍、四倍聲量去同佢嘈過！
市民就要錢？派到佢哋夠為止；要居屋？起！呢種政治手段，叫「紅蘿蔔與棍」（Carrot and Stick），又或者，講得文雅啲叫「賞善罰惡」，源出《韓非子》，算係中式政治嘅深層次基因。
仲有唔夠兩個星期就會發表《施政報告》，以思歪嘅一貫作風，應該都係「講就兇狠」，派人哋嘅錢最易做，佢點解唔做？其實，只不過係非常簡單嘅博弈論原則：當利益唔一致，有權制定決策程序嘅人，最先為自己爭取最大利益。如果，思歪深入了解呢個博弈論原則，就知道點樣用「派餅仔」嘅權力，去建立利益共同體。以前港英以及早兩代政府，都識；思歪？我買重佢連派錢都會派到俾人鬧，大家放長雙眼睇吓啦。
清盤官：頻與債仔鬥智富事高指財困公司董事屢隱瞞
1 :
GS(14)@2015-05-05 01:17:59【本報訊】清盤個案近年劇減，卻不表示公司財政比十年前穩健。富事高諮詢（FTI）資深常務董事周偉成指，近年銀行不願將財困公司申請重組清盤，反而由債券持有人出手的個案增加，隨着「董事聰明咗」，清盤官工作亦變成與之「鬥智鬥力」。記者：黃翹恩 石永樂
周偉成入行18年，「有幸」經歷多次金融危機過後的清盤潮，他97年出道時，公司較尊重入場接管資產的清盤官，乖乖拉閘、保留文件，「等清盤官處理，怕有法律後果」，故當年工作較簡單，只專注變賣資產，依次將資產派回債權人手上。惟近年爆出宜進利、泰興光學等矚目案件，「董事聰明咗，唔想清盤人知道太多以前嘅事，怕有手尾跟」，刻意隱藏文件，甚至訛稱已散佚，清盤官需與董事鬥智鬥力，向銀行、供應商等第三方取交易證據，才能由零開始重組財務狀況。
泰興光學密室藏假數資料
可能不少人認為清盤人的工作只是到被清盤的公司查數、看文件，但周偉成卻表示，一定要去到前線搵真相，「不能夠坐喺辦公室，一定要出去搵真相，永遠坐喺辦公室，一定會走漏眼」。2005年泰興光學案，周偉成最初以財務顧問身份介入調查，發現公司現金有問題，繼而觸發債權人申請臨時清盤。周偉成與同事以臨時清盤人進入公司查數時，一名外籍同事覺得寫字樓一座神枱有古怪，百無禁忌下移開神枱，竟發現一間細小的「秘密室」，內裏擺放假客戶資料、假公司印章製造等文件。最後警方花5年時間偵查及審訊，發現馬寶基父子等6名被告的詐騙令投資者及銀行共造成超過44.5億元損失，結果全部被判監收場。原來經濟好並非公司清盤案減少的主因。周指倘公司無力還款，以往銀行「最主動申請公司清盤」，以求盡快收回貸款。現在銀行「跑緊數」，客戶買少見少，「㩒爆」公司可免則免，加上樓市暢旺，單以董事物業抵押已「夠還（錢）有凸」，直接使清盤案件近年劇減至只有最高峯時期的五分一。
由債券持有人申請清盤增
以往幾乎沒有債券持有人申請公司清盤的案件，近一兩年漸見每年十多宗，但業界預期趨勢將持續。周偉成指出，此類清盤未必因為公司完全欠缺現金，而是資產流動性低，無法及時變現滿足財務要求，除投資者戒心甚重的礦業、林業公司外，重資產的內房股危機「幾嚴重」。
來源:
http://hk.apple.nextmedia.com/financeestate/art/20150504/19134619
Next Page