ZKIZ Archives


書比書 左丁山

2011-4-27  AD


前一排,消委會發表一個所謂調查報告,指香港教科書貴過新加坡、大陸、台灣嘅教科書好多,於是報紙不知就裏照跟,會計師李慧琼議員照跟,港大一位葉教授照跟。有一位本欄讀者C太來電郵講:「連日來看到社會各界對教科書的看法,想再補充一點資料給大家參考。
消委會就香港的教科書比廣東省、台灣和新加坡貴了多少,實質是誤導市民,因據本人所知,例如新加坡的教材是由國家開發的,只是中文科就有五套教材,給當地五類不同背景的學校使用,由於是國家統一開發及製作,當然沒有貴不貴,選擇不選擇的問題了。
內 地的教材更加是這樣,上海有上海的課程,廣東省有廣東省的課程,由市省等政府機關限定教材,以中文科為例,教材中只有大量範文,及少量問題,什麼聆聽訓 練、說話訓練、視聽資訊訓練等都沒有(香港有此部分因為中三考TSA試要考),那麼比較一下,你就會知道為什麼香港的教科書那麼厚,其他地區的那麼薄了。
當然,香港的教科書也有可改進的地方,例如紙不要太厚,不要反光的,不要跟光碟,不要請老師吃buffet作為介紹會等等,不過這對開發教材的成本來說,相信只是九牛一毛,畢竟知識產權是最寶貴的。」
睇 完C太電郵,問吓一位在內地讀過書嘅人士,佢話近年內地為咗針對山區學校水平較低,城市學校水平較高嘅問題,教科書有城市版、山區版。純粹講價錢嘅話,山 區版更加便宜。搵內地書價與香港書價比,根本多餘,就算係一本普通歷史書,內地簡體字版已經比香港繁體版便宜好多啦。李慧琼係民建聯副主席,對內地情況應 該知得更多,豈可人云亦云,消委會講咗佢又信,點搞政治呀?
C太講起TSA,左丁山有啲脫節,剛剛見過公關大人物女強人 F,佢有兩位寶貝女讀緊書,於是問佢TSA是甚麼,女強人F平時為政壇高人,跨國企業CEO做公關顧問,有資格直接打電話畀任何一位司長、局長以至特首, 冇嘢難倒佢,但講到TSA佢就好勞氣:「唉吔,學校鬼咁緊張要催谷我兩個女考TSA,我都唔記得TSA代表乜啦,大概係學習評核啩,學生考公開試,成績唔 係自己嘅,而係代表學校去考,分數愈高,佢地間學校愈高排名。我知道之後,索性叫個女唔好溫書,考TSA當考天才就得嘞,以免難為自己,肥咗咪算囉。」

PermaLink: https://articles.zkiz.com/?id=24546

Next Page

ZKIZ Archives @ 2019