Can Bank：而他不知道丁蟹是誰
1 :
GS(14)@2016-09-06 22:45:13昨日立法會選舉中，政壇新星鄺俊宇大打保住議會否決權旗號，成為超級區議會中的票王。不過，本欄位處財經版，應該好好談談金融服務界功能組別成功連任的張華峰。先撇開政治立場，將焦點集中在他於選舉前出席選舉論壇，就「如果我是丁蟹」這個假設性問題上，表現出對丁蟹零認識。眾所周知，電視劇《大時代》在於92年首播，當時已引起社會討論，其後再引起所謂的「丁蟹效應」或者「秋官效應」，正如張華峰所言，曾有投行（里昂）亦就這個效應發表研究報告。說到底這套劇已經是90年代播出的劇集，新一輩未必知道丁蟹是誰，不過張華峰早在1980已創立恒豐證券，金融行業打滾數十年，或者早年過於集中發展事業未必有機會認識丁蟹。不過，這套神劇在去年重播，配合大市上升，再度成為城中佳話……再加上這效應每年均會被傳媒提起數次。但張華峰仍不清楚誰是丁蟹，可能性有兩個。其一，對身邊熱門話題毫無了解的意慾，即使知道「秋官效應」是界別內熱話亦會不去了解；其二，丁蟹即使是財經熱話，張華峰亦無參與其中。這個議員有多願意了解業界熱話，有多願意與業界討論，相信大家都可以略知一二。但選舉結果已定，只能希望「如果我是丁蟹」是個別事件。散子本欄逢周二刊出
來源:
http://hk.apple.nextmedia.com/financeestate/art/20160906/19761122
Can Bank：你會住劏房盤嗎？
1 :
GS(14)@2016-09-27 08:01:17還記得……去年，港股大時代即將走到盡頭之時，筆者在健身室內的桑拿房中感受到師奶們對港股的熱情，對冧巴的鍾愛，對企業盈利前所未有的關注。筆者所見的不是個別師奶，而係成個桑拿房都係師奶股神，結果如何？大家都睇得到。呢個情況最近又出現，今次嘅場境比起桑拿房更加大眾化，因為只係響公眾交通工具上，話題亦都有所轉變，由股變樓，人物亦由一群師奶，變為一對男女。以下為談話內容：男：「而家啲樓都唔係一般人買嘅，搵唔到6萬至7萬銀都買唔起。」女：「搵到6萬至7萬銀先買得起，唔係人住啫。」唔使聽晒這對男女嘅談話內容，亦都可以想像到今時今日買樓嘅難度。以最近「熱爆」嘅加多利軒單位計吓數，以上個星期公佈嘅價單，最平單位375萬，181呎，九成按揭，息2.15厘，還款期25年，月供要14,553元。最貴單位809萬，390呎，最多只可以做六成按揭，月供要20,930元。揀得何文田新盤，除咗街坊之外，相信就係買佢校網，換言之，買家極有可能是上有老下有小，這樣除供樓之外，自然有不少供養開支，6萬至7萬銀的確又真係有啲緊緊地。不過，更重要的是，本報確曾報道該盤有個不能坐的馬桶，發展商亦不厭其煩地解釋廁所門嘅用途係用來隔水。但真心問一句：「你會住嗎？」散子本欄逢周二刊出
來源:
http://hk.apple.nextmedia.com/financeestate/art/20160927/19782705
Can Bank：內地樓市將停滯不前
1 :
GS(14)@2016-10-11 08:10:52內地股市在國慶假期休足一星期，港股在沒有北水之下，雖然成交金額有所減少，但指數上仍有進賬，表現總算是不過不失。內地方面，股民可小休一星期，但置業人士卻可能在這短短一周內變得不知所措。近期內地樓市似乎活躍程度之高、天價地皮之多、樓價飛升之快，足以令中央政府憂慮。一如以往，在從官媒連環警告不果後，各地方政府終於出手了，在七天之內17個城市密集式推出調控政策，即使具體內容雖然不是甚麼新事物。限購、限價、限戶籍，甚麼調高首付、甚麼70/90等等，全面熟口熟面，但是強力程度卻不容忽視。今次調控程序之所以稱之為強，是因為這些舊策可說是內地近十年來樓市調控政策的總和，在短短這七天內一次過推出，相信今次各地政府不做出一點成果是不會收手，若這一輪調控不收效，不難想像會有新招，尤其是在房產稅已醞釀多時，還記得上次內地推出相關政策時，內房股表現衰足幾年。而在今輪調控之前，個別內房股在中期業績時才剛調高今年銷售目標。內地樓市就已經在政策推使之下，在可見將來即將再度進入膠着狀態。散子本欄逢周二刊出
來源:
http://hk.apple.nextmedia.com/financeestate/art/20161011/19796703
Can Bank：樓價未回落 減租冇可能？
1 :
GS(14)@2016-10-18 08:14:16筆者雖然自問未夠班高攀高登Ching，但不時會去討論區看看近期社會或者是網上熱論的話題，根據筆者不全面的統計，除男女關係之外，樓市至今仍是主流，最近留意到其中一個話題，忍不住上網翻查資料。有關話題大體內容是一位業主，去年底以低市價15%租金將旗下物業出租，相信是經過一年，是時間檢討租約，租客要求減租，問其他網民點睇。在樓價未見有明顯回落之下，租金是否沒有減價空間？雖然近期樓價又再上升，但根據差餉物業估價署數據，與去年底比較，並非所有住宅租金都有上升，其中港島區40平方米（430平方呎）單位，去年12月每平方米租金為433元（呎租40.2元）；而今年8月呎租為38.7元，呎租確實下跌3.7%，但九龍區面積相同呎租升0.6%；新界區更升8%。至於430至752呎港島區單位，呎租亦下跌0.7%，但九龍及新界區相同大小單位則上升5.6%及0.8%；至於753至1,075呎單位則有兩區呎租下跌，包括港島區及新界區，分別下跌1.4%及1.2%，九龍區則升5.2%；1,076呎至1,721呎單位中，新界區呎租下跌2.7%，其餘兩區均上升。雖然業主提到，去年底低市價15%出租物業，但不同物業會有不同折舊問題，同時亦會受到市場需求所影響，若業主有能力將物業以市價出租，為甚麼當初要以低市場15%出租？一年之後被要求減租，為甚麼要在拒絕租客要求後，又再上網求問其他人對事件的看法？散子本欄逢周二刊出
來源:
http://hk.apple.nextmedia.com/financeestate/art/20161018/19803891
Can Bank：樓市調控無用要跌只能等爆
1 :
GS(14)@2016-11-08 05:40:53上周五，港府為抑壓樓價上升，將雙倍印花稅劃一15%，進一步透過增加交易成本，打擊炒家入市，計及上兩次包括2012年實施買家印花稅（BSD）及額外印花稅（SSD），以及2013年實施雙倍印花稅（DSD），政府今次已是第三次出招抑壓樓市升勢。事實上，這類行政措施，即使能抑壓樓價，亦只是暫時性，若閣下認為，過去4年3次出招並不足以證明樓價不能打壓的真理，可參考中國例子。中國房地產市場，在過去20多年共8次調控，最新一次在今年10月黃金周，每一次調控後，樓價只可以在調控政策出台後，稍為冷靜一下，持續上升態勢則無絲毫改變。在資本主義市場，要價格下跌只有一個方法，就是所謂的「炒爆」，全部人都對個市失去信心，無人夠膽入市，沒有承接就只有下跌之路。但在中國市場，因為有調控就令市場「炒唔爆」，結果只有一邊調一邊升。香港市場則有些不同，因某程度上仍是自由市場，起碼沒有限購，亦沒有戶籍限制，外來因素仍然有較大影響，換言之，樓價仍有炒爆的機會。不過，每一件事均有兩面，究竟樓市炒爆好定炒唔爆好，根本無人夠膽講，但令筆者覺得奇怪的是，為甚麼有人能將這些當作政績。散子本欄逢周二刊出
來源:
http://hk.apple.nextmedia.com/financeestate/art/20161108/19825844
Can Bank：天生我軀必有用
1 :
GS(14)@2017-01-05 07:59:41一年之始，相信唔少人都會訂立新目標，除咗今年搵多啲錢，最緊要就係身體健康。今年炒股心法，相信友欄已有不少建議，所以趁唔少人啱啱放完假，仲有少少holiday mood嘅時候，講吓健身。作為一個經常運動嘅人，好多人問散子，究竟減肥係控制食量重要啲定運動重要啲？只可以講，你對自己情況最清楚，如果成日運動都減唔到肥的話，九成係食方面出現問題；如果根本唔係一個經常運動嘅人，你都知道答案。咁樣剩番一成係啲乜野，可能係身體出現問題，不妨問問醫生。至於做咩運動先可以有效減肥？大家都係都市人，出門有汽車代步，好多時會忘記咗「天生我軀必有用」，其實只要多郁動，咩運動都可以助你達成目標，包括行多啲路。咁樣又引申出要做幾耐運動嘅問題，理論上，頭十至廿分鐘係熱身，20至40分鐘消脂，40分鐘以上係體能鍛練，但你知自己情況，一個唔係成日運動嘅人，突然叫佢做40分鐘運動根本不切實際，只好借用李嘉誠嘅金句，量力而為先係最重要。近期市面吹着一輪健身熱，最多人問嘅問題，搵健身教練究竟有無用？散子只可以好行貨咁講，好視乎個人目標。健身教練會教你健身器材點用，至於用唔用，用到去咩程度完全係個人決定。鄭多燕定鄭秀文，甚至係鄭欣宜都係睇你點用又或者用唔用。至於有無呃人成份，呢個係銷售手法嘅問題，有機會再講。總之有無健身教練都好，最終都係睇個人能否持之以恒，最後，藉着新一年首編稿，祝各位新一年身、心、荷包都健康。散子本欄逢周二刊出
來源:
http://hk.apple.nextmedia.com/financeestate/art/20170103/19884412
Can Bank：點解長實要變能源公司？
1 :
GS(14)@2017-01-18 08:02:51未入正題之前，先講一講歷史，長實地產（1113）由去年8月公開表示決定向非地產業務發展之後，響舊年12月向長和回購飛機租賃業務，使錢唔算多，只係76億元，事隔一個月，長實地產又有新業務。長實地產聯同長建（1038）及電能（006）共同收購澳洲能源公司DUET。與此同時，電能宣佈派5元特別息，以總股本21.34億計，派息就派咗106.7億元，但在今次收購DUET交易，電能佔比最少，只有20%。長實地產表示，長實即使獨資買DUET亦都唔使配股，但係以電能截至去年6月底仍有659億現金計，買DUET只需400多億元，單deal對電能嚟講，連錢都唔使借。作為一個初階投資者，響長實地產買飛機租賃公司之前，對於長和系幾間公司，只係分到長實係地產公司、長和係綜合企業、電能同長建業務已經唔係好分清楚。而家，除咗長和仍然係綜合企業之外，已經分唔清其他三間係做咩業務。事實上，中港地產前景，在中國政府不停調控，香港建築費越來越高之下，相對以前確實越多越難做，香港樓價地價高，風險亦相對加大。尋求其他投資項目亦無可口非，但長和系咁多個上市平台，市場又有咁多投資項目可以揀，點解要將長實變埋能源公司？散子本欄逢周二刊出
來源:
http://hk.apple.nextmedia.com/financeestate/art/20170117/19899079
Can Bank：點解劏房盤咁多人買？
1 :
GS(14)@2017-01-26 07:42:51美國研究機構Demographia發表國際供樓負擔能力指數，香港樓價連續第七年成為全球「中收入人士」最難負擔，港人需要唔食唔住唔使錢18年先至供甩層樓，情況比舊年好咗……一年咁大把。根據呢個調查，對香港樓價中位數預設係542.2萬，每年家庭入息中位數係30萬；睇落好似都幾貼市，不過翻查差估署嘅統計，2016年第三季，70平方米（762.3呎）嘅樓，港島區平均樓價係981.65萬元、九龍區係824.44萬元，至於新界區係657.99萬元。由上述嘅數字睇，Demographia所謂的中收入人士，在香港要練仙18年先可以買到嘅樓，似乎並唔係大家所想嘅中型單位。再睇吓差估署去年第三季嘅數據，40平方米（435.6呎）單位，港島區樓價555.59萬元、九龍區係456.5萬元、至於新界區係415.2萬元。呢點亦變相解釋咗，點解近年劏房盤有價有市，因為中收入人士只有能力買細單位，中型或以上單位已經成為高收入人士而設嘅產物同時，是否亦代表着中等收入人士已逐漸向下流動？散子本欄逢周二刊出
來源:
http://hk.apple.nextmedia.com/financeestate/art/20170124/19906639
Can Bank：菠蘿包賣20蚊好貴?
1 :
GS(14)@2017-02-07 05:14:10美食車先導計劃終於會去到實行階段，呢個由前財爺在財政預算提出嘅計劃，基本上由概念開始已經俾人批評，直到今日成事都有人覺得佢哋賣啲嘢唔夠local，又嫌佢賣得貴。筆者覺得菠蘿包都稱得上係本土嘅，唔係下下都要魚蛋同雞蛋仔嘅，至於價錢方面，前財爺就話菠蘿包20元貴。大家不妨計計數，老闆目標每日賣900個，以20元一個計，一日營業額有1.8萬，一個月營業30日，為期兩年嘅先導計劃，可以做到嘅生意額1,296萬元；以食物成本佔30%計，撇除有關成本，溢利係907.2萬元。當然仲有其他成本啦，美食車需支付場地服務費，8個場地當中，金紫荊廣場收費最高，每個月2.2萬或收入15%，以較高者為準，換言之，菠羅包需要支付8.1萬，與此同時，啟德郵輪碼頭有車位提供予營辦商，在非營業時間時停泊，月租4,000元。再加上美食車成本約100萬元，兩年計劃期間，可賺603.2萬；呢個數未計任何借款相關利息，或者每年有幾日因場地安排不能營業嘅影響。換言之，粗略估計，一個月賣菠蘿包可以賺25萬元，即係一個包賺9.3元，算唔算貴？抑或係成本每個10.7元貴啲？散子本欄逢周二刊出
來源:
http://hk.apple.nextmedia.com/financeestate/art/20170207/19919919
Can Bank：樓市炒家玩埋今年
1 :
GS(14)@2017-03-22 00:45:59美國聯儲局上周才剛加息，並預示今年再會加多兩次，步伐已經較市場預期慢，而本港銀行在今次美息上調之後，按揭不加之餘仲要減，樓市好難不火上加油，一如所料，過去周末，新盤銷售超過1,000伙，成交金額達到110億元，以金額計是自2013年新盤銷售條例生效以來最高。今次美國加息，本港銀行並無跟隨之餘更大條道理指銀行體系資金充裕。究竟結餘有多充裕？事實上，本港銀行體系結餘於2000至2008年間，大部份時間均不超過100億元，而平均值只有55億元，而金管局數字，截至上周五，銀行體系結餘雖然比高峯期近4,000億少，但仍有近2,600億元。本港跟貼美國加息時期已要數到千禧年，當時銀行體系結餘情況與目前相距甚遠，參考價值不大。而最近一次在2004年6月，當時銀行體系結餘算是金融危機前的高位，但亦不過1,000億，當時本港銀行要到2005年3月才進入加息周期，較美國遲足9個月。雖然在加息前後，港滙確實受壓，但仍未需金管局出手，彈藥充足，再參考上次加息的經驗，除非美國今年餘下兩次加息幅度極大，加上經濟走勢極好，資金起勢暴走，否則本港遲美國9個月才加息亦屬合理預期，換言之，本港加息周期有可能要到明年才會展開。以財政司司長陳茂波在網誌內所說：「根據以往經驗一旦香港利率上升，本港樓價不久之後便會下跌。」以此推論，炒家最少可以玩埋今年。散子〈曾淵滄專欄〉暫停一天
來源:
http://hk.apple.nextmedia.com/financeestate/art/20170321/19964639
Next Page