ZKIZ Archives


《蘋果》專訪 拒走父親搞笑舊路八両仔攻樂壇:啲人讚我太過靚

1 : GS(14)@2017-04-22 10:22:30

■眼見八両仔有意做唱作歌手,爸爸八両金願意無限量支持。



現年63歲的八両金(原名葉競生)出道便行搞笑路線,他跟前妻「八両菜」Polly所生的囝囝「八両仔」葉小霆(Jacky),轉眼已22歲,八両仔對娛樂圈有憧憬,決心闖樂壇做唱作歌手。八両仔從小是老竇倒模,冬菇頭配父子裝,但近日他染了金毛頭,被指跟歌手方皓玟撞樣,也被指是「港版MJ」。八両仔卻堅持自己走意大利風,日前襯出三個造型在上環接受《蘋果》專訪,他chok爆行catwalk,無懼高溫穿皮褸、厚冷衫和透視裝,鏡頭後的八両金硬要囝囝送飛吻。



■八両金父兼母職湊大囝囝,從小把八両仔變成自己倒模。資料圖片

■途人野生捕獲八両金,紛紛上前要求集郵。


想似MJ好紅

恨做歌手的八両仔,更自學已故流行天王米高積遜(Michael Jackson)的moonwalk:「我睇下以後喺外國,可唔可以學佢咁接番啲演唱會,似佢好紅、好紅,我想將音樂帶畀觀眾。」八両金鼓勵囝囝做唱作歌手,推薦他唱內地電影《螺絲釘籃球隊》的主題曲《永遠永遠愛着你》,還打算斥資讓囝囝出碟:「只要唔行衰路,一定百分百支持,首先佢要創作啲歌。」八両金還給囝囝五、六位數字置裝。


女友唔使好靚

八両仔現沒拍拖,揀另一半必要交心:「佢要尊敬老人家,唔使好靚女。」採訪:陳杰攝影:陳俊強



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170420/19994969
PermaLink: https://articles.zkiz.com/?id=331061

收起紅旗 西環契仔攻中間票

1 : GS(14)@2017-06-25 10:30:02

【本報訊】西環契仔契女、隱形左派、開明建制派、民建聯B隊,回歸廿年,部份建制派候選人不再如回歸初期,打正旗號以既紅且左的保皇黨旗幟出戰,而是化身為專業獨立人士參選。首個被稱為「西環契仔」的律師謝偉俊認為,即使獲西環眷顧,也非「瞓喺度都贏」。契仔、契女的勝出,反映本港確有不少保守中產專業人士的力量。2000年立會港島區補選,由余若薇力壓鍾樹根勝出,當年也有個候選人叫謝偉俊,穿超人裝拉票,奪5,000票連按金也沒收:「當時我係法律超人,騎呢啲、激啲、諷刺性啲,支持我嘅都係啲後生仔,當時有個中學生報告,話我係年輕人最接受嘅參選者。」告別激進,2008年,謝偉俊「爆冷」在功能組別旅遊界當選,自此便獲西環相中,之後兩屆轉戰九龍東,連贏兩屆,其後更在富貴的灣仔區議會樂活選區擊敗民主派當選,「西環契仔」的稱號不脛而走。


迎合建制選民口味轉變

由無後台到有西環眷顧,謝偉俊留意到,連建制派選民口味也轉變了,「政治市場同消費者市場一樣」,總有市民喜歡建制派,但卻不喜歡唯命是從、過份保皇的建制派,他這類專業人士、不太左派的人便是選擇:「個別政黨,甚至中聯辦,都想迎合社會嘅情況,自不然喺策略上同戰略上有不同改變。」回歸初期,保皇黨若非民建聯,便是自由黨。廿年下來,前高官葉劉淑儀、大律師梁美芬與容海恩、律師何君堯、大老闆田北辰,一個接一個當選,獲不少專業、保守中產支持。但謝坦言即使有中聯辦支持,不代表「瞓喺度都贏」。自從中聯辦之手伸入立法會後,只要出手便能鞏固建制派,但在一些西環未必關顧的議題上,謝這類建制派卻令政府數票時頭痛。謝坦言,建制派要爭取更多中間選民支持,就要有自己的性格,「雖然建制派團隊精神好好,但冇咗自我,畀人感覺係冇咗自己嘅想法、性格、喜好,就算連着衫都係跟大隊。我自己唔會過份順從。跟大隊嘅文化,唔係我嘅性格」。■記者姚國雄



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170625/20067808
PermaLink: https://articles.zkiz.com/?id=336960

Next Page

ZKIZ Archives @ 2019