Can Bank：點解劏房盤咁多人買？
1 :
GS(14)@2017-01-26 07:42:51美國研究機構Demographia發表國際供樓負擔能力指數，香港樓價連續第七年成為全球「中收入人士」最難負擔，港人需要唔食唔住唔使錢18年先至供甩層樓，情況比舊年好咗……一年咁大把。根據呢個調查，對香港樓價中位數預設係542.2萬，每年家庭入息中位數係30萬；睇落好似都幾貼市，不過翻查差估署嘅統計，2016年第三季，70平方米（762.3呎）嘅樓，港島區平均樓價係981.65萬元、九龍區係824.44萬元，至於新界區係657.99萬元。由上述嘅數字睇，Demographia所謂的中收入人士，在香港要練仙18年先可以買到嘅樓，似乎並唔係大家所想嘅中型單位。再睇吓差估署去年第三季嘅數據，40平方米（435.6呎）單位，港島區樓價555.59萬元、九龍區係456.5萬元、至於新界區係415.2萬元。呢點亦變相解釋咗，點解近年劏房盤有價有市，因為中收入人士只有能力買細單位，中型或以上單位已經成為高收入人士而設嘅產物同時，是否亦代表着中等收入人士已逐漸向下流動？散子本欄逢周二刊出
來源:
http://hk.apple.nextmedia.com/financeestate/art/20170124/19906639