魚樂無窮：財務自由第一步
1 :
GS(14)@2017-01-18 08:02:49長和系再度聯手出擊，今次買嘅係在澳洲上市嘅氣電營運商，但市場似乎唔受落，長和（001）及長實地產（1113）跑輸大市，我更關心電能（006）另一份通告︰公司董事局下周四將決定會否派發特別中期息每股5元，以上周五收市價計，股息率超過7厘。消息刺激股價逆市彈高逾3%，從投資角度出發，高追並不划算，不如睇睇嚟緊幾日有冇機會執死雞吧。不少戰友都問，特別息會在股價扣除（即除淨），其實有乜好爭？記住，買高息股要打持久戰，心態上不能聚焦在股價。你用1,000萬元投資高息股，平均股息率5厘計，一年股息收入50萬元，月均超過4萬元。唔使做印印腳每個月有4萬蚊使，這不是近年全世界都十分嚮往嘅財務自由生活嗎？微觀用領展（823）做例子，假設你上市以招股價買，經過多年收息，手上持貨屬零成本，以後股息全部淨肉，還未計股價增長。當然，這兒涉及另外兩個問題︰第一，如何搵1,000萬元；第二，點樣搵隻穩陣高息股。前者兄弟爬山、各自努力；後者嘛，必要勤力睇通告做功課，懶嘅咪睇本欄推介囉。
唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170117/19899007
魚樂無窮：兩招尋找盈喜股
1 :
GS(14)@2017-01-19 08:06:58業績好股價升，此乃自然不過的定律，無怪乎盈喜股表現亮麗，好似中升控股（881），消息公佈後升足1蚊，夠膽追貨贏咗九成。點樣發掘到盈喜股？今日教你兩個方法。第一個，向中期已發盈喜嘅股份埋手。除非下半年業績大倒退，或者基數有重大轉變，否則全年再報喜嘅機會高唱入雲，買定等好消息一定沒錯，如果下半年業績有驚喜，升勢必定會更勁。第二個，搵有特殊收益股份，今日推介嘅百盛集團（3368）係其中一個例子。集團去年9月宣佈北京朝陽區物業，總代價23.2億人仔，交易剛於上月底完成，9億人仔特殊收益袋袋平安，相比2015年狂蝕近2億人仔，發盈喜已無懸念。「一次性收益唔長久喎！」係，所以畀多兩個賣點你。第一，扣除銀行借貸後，集團由淨負債轉為淨現金，唔排除有派特別息的機會。第二，最新阿里巴巴私有化銀泰商業（1833），證明百貨股有價有市，百盛大股東持貨逾五成，市賬率只得0.5倍，無論從私有化抑或併購角度出發，都係肥豬肉一件。以上是旦一個好消息出現，爆炸性可以大到你唔信。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170119/19901294
魚樂無窮：事先張揚賣大包
1 :
GS(14)@2017-01-26 07:42:50勤達（1172）周日晚上發出通告，與大股東莊士中國（298）互換資產，勤達將向莊士中國出售廣東墓園業務聚福寶中國，總代價為3.98億人仔，莊中則以成都商場物業、廣州商業單位等，另加現金1.74億人仔支付。莊中在通告表示，有發展聚福寶墓園業務的技能，加上鄰近本身業務，故交易符合成本效益，預計交易完成後，總收益淨額介乎2.1億至2.4億港紙。勤達方面，出售墓園業務後，可投放更多資源於核心印刷業務，換來投資物業亦可提升經常性收入。重中之重在於，勤達指已有一段頗長時間未有派息，故交易完成後有機會宣佈派發特別息，今次交易可帶來現金收益不少於1.56億港紙，保守估計派一半出去，每股派息可達2.35仙，相當於12厘息。派息機會大唔大？打晒開口牌，相信只係派得多與少嘅問題，莊中持有勤達六成股權，舵手莊紹綏則透過莊士機構持有莊中，說穿了又會流進自己口袋，派得多定少，心裏有數吧！不過戰友們要留意，呢系股份出名難炒，你見噚日搶高一成後接近平收就知，入場要有長期作戰心理準備。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170124/19906489
魚樂無窮：尋找中巴概念股
1 :
GS(14)@2017-01-26 18:18:27兩大老牌企業昨日齊齊佔據各大財經版頭條︰TVB（511）宣佈豪擲42億銀回購最多逾三成股份，每股作價30.5元，大股東黎瑞剛、陳國強等人，變相增持股份至近四成。另一邊廂，中華汽車（026，中巴）遭基金狙擊，直指股價未能反映真實價值，要求公司派息甚至賣盤。兩個動作同一個結果，就係股價爆升，兩者齊齊搶高一成。論upside，中巴一定大過TVB，因為基金持股只有3%，要增加話語權，一定要在市場掃貨，當然，由於買賣盤疏落，上落車較困難，想跟風嘅戰友務必留意。股份價值長期被低估，一旦有催化劑出現，股價可以升到你唔信，就好似今日推介嘅鱷魚恤（122），絕對有潛力。「喂阿哥，呢隻嘢講咗好多次賣都賣唔成喎！」冇錯，雖然仲未搞掂，但林建名最新打晒開口牌，話一路仲傾緊賣。最重要係，權益披露顯示，對沖基金Wykeham Capital持有逾5%鱷魚恤，作價與現價相若，無啦啦入股一隻含金量極高嘅蚊型股，唔好同我講長線投資囉，係咪會成為中巴翻版，值得期待。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170126/19908672
魚樂無窮：快快樂樂去炒股
1 :
GS(14)@2017-02-07 05:14:08好多戰友都愛問我，一隻股票如何定止賺止蝕位，講真，大家承受風險能力不同，好難一概而論，正如我嘅衫你唔會啱着，你嘅鞋我亦未必喜歡，炒股道理一樣。不過有一項招式，卻人人都啱用，就係所有動作都分段做，包括買貨、食糊、止蝕等。始終金融市場千變萬化，股價呢一秒同下一秒可以相差好遠，分段操作既可將成本、利潤、虧損平均化，減低風險，心理上亦會得到平衡。唔信？你諗番你自己做嘅trade，其中一注買到或者沽到靚價，係咪已經足夠你開心上大半天？去年12月初推介同聲同氣的太陽世紀（1383）及聯太工業（176），前者供股後一直穩守供股價0.2元，近日在大成交下輕易衝破3毫子，肯坐定定又可以贏足五成，認真和味。聯太工業方面，全購要約已變成無條件，每股作價0.493元，第二輪要約將在明日（周三）結束，昨日股價再次蠢動，話唔定有聰明錢率先部署。聯太最新市值7億銀，有近5億銀NAV墊底，用全購價作止蝕位，憧憬公司大變身，夠晒值博率，能否好似太陽世紀咁勁，則屬後話。
唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170207/19920046
魚樂無窮：仲未掃貨點算好
1 :
GS(14)@2017-02-09 23:43:27噚日股場最多人談論嘅，非大時代疑似重臨莫屬。先有內房股獲摩笛唱起，全線爆升，然後輪到港交所（388）發力，埋單搶高近半成，更帶動中港券商股起飛，四個字講晒︰百花齊放。當然，同真正大時代相比，上述升幅其實好小兒科，戰友們咁開心，好大機會係因為今浪升市超晒預期。上個月，大家都驚特朗普上任後會搞亂股市，結果美股踢穿20000點，恒指亦拾級而上。究竟仲有冇得去？畀兩個數據你參考。第一，成交逼近900億銀，係三個月新高，相信部份久疏戰陣嘅股民，已經重新入場，從相反理論出發，唔係好事。再望望牛熊證街貨，重倉區在23700至23800點，其實近在咫尺，挾倉誘因正在減少。去到呢個moment都未出手點算好？一定要控制注碼，因為成本已高，較其他對手蝕章，咪諗住大注啲追番回報，心理壓力大之下，隨時偷雞唔到蝕渣米。股份方面，可以搵落後股埋手，聯想（992）作為去年恒指狗股（全年勁跌四成），仍在五年低位徘徊，股息率達五厘，挾着業績大翻身的賣點，只要有資金落場，舞高一、兩成應該唔難囉。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170209/19922168
魚樂無窮：炒完美圖炒乜好
1 :
GS(14)@2017-03-22 00:46:04北水炒股一向瘋狂兼來去如風，美圖（1357）昨早段再升近三成，市值逼近千億，但午後卻一瀉如注，埋單倒跌一成，大成交高開低收，加上連日炒到七彩，點計都要唞唞吧。係咪嚟緊都唔使買科網股？如果有堅實業績支持，實在唔怕買，今日推介嘅金蝶（268），正正係板塊中堅份子。集團主打企業管理軟件（ERP）及雲服務業務，最新全年盈利大增1.7倍至2.9億銀人仔，毛利率進一步上升，強攻的金蝶雲預計明年可收支平衡，料成為未來增長最大引擎。無他，全國兩會講明加快大數據、雲計算及物聯網應用，金蝶完全食正條水，騰訊（700）、華為、萬科（2202）都係佢嘅客仔，實力可見一斑。金蝶貴為港股通成員之一，最新北水持貨量1.2%，總值1億多，隨手執隻科網股IGG（799）睇，北水持貨總值接近5億銀。金蝶今年累升約兩成，IGG搶高五成，資金換馬金蝶變得理所當然。講多樣嘢你知，公司放榜後連環出手回購，低位有埋真金白銀盤支持，隨時成為北水下一輪瘋搶對象，?家唔買等幾時？唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170321/19964655
魚樂無窮：派高息背後玄機
1 :
GS(14)@2017-03-23 06:48:15煤炭股神華（1088）剛公佈業績，全年盈利增長七成只是頭盤，狂派特別息才是神華的主菜，末期息0.46元人仔，另加特別股息2.51元人仔，以消息公佈前股價計，扣埋稅股息率也高達18厘，難怪股價一度搶高兩成。要留意嘅係，神華母公司神華集團持股逾七成，即大部份股息落到佢哋口袋，係咪為央企重組做準備？只係得個估字，不過一個消息有兩個憧憬，吼位小注坐貨絕對冇壞。本地薑也有疏爽派，利亞零售（831）最新公佈業績，核心盈利僅升4%，但維持末期息0.13元之餘，更豪派特別息0.27元，全年共派息0.435元，篤篤計數機，股息率又超過一成，消息帶動股價昨日逆市造好。利亞零售又買唔買得過？主營OK便利店同聖安娜嘅利亞，業績肯定不算靚仔，管理層亦不諱言，本地消費意欲低迷及經營開支高企，香港零售市道仍然困難，不過，租金由高位回落，對佢哋有一定幫助。利亞大派特別息後，仍然有逾2億cash在手，尚算穩健。由於業績難以突飛猛進，入場預咗要慢慢坐，所以等燦爛歸於平淡之時入場，勝算更高。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170323/19966725
魚樂無窮：非常時期炒股法
1 :
GS(14)@2017-04-06 07:40:28「非常時期，用非常方法！」劉德華在《寒戰》一句短短嘅對白，在今次雄安新區概念可謂十分適用。星期一喪升三成多嘅金隅（2009），噚日裂口高開再炒，最多搶高兩成，基本上第一日乜位買都有得贏，稍為理性嘅戰友，肯定賺唔到呢啲錢，反而夠癲夠瘋狂，就可以分一杯羹。戰友要瞓身投入才能贏錢，上市公司又何嘗不是？中國燃氣（384）眼見股價沒有反應，假期特登出一個通告，話畀大家知集團於京津冀地區已與7個城市簽署清潔能源戰略合作框架協議，重申京津冀一體化有「巨大的市場發展空間」，「帶來廣闊的發展機遇」云云，噚日中國燃氣鑊氣即刻大增，最多飆升近一成，成交勁增數倍，目標達到了。因應潮流，今日推介雄安新區概念股之一嘅天津津燃公用（1265），母公司為天津市燃氣集團，由天津市政府持有，可謂根正苗紅，集團主打管道燃氣銷售及燃氣接駁，連續五年均有盈利，基本因素靚仔。
H股市值不足4億銀，雖然北水買唔到，但只要有資金相中，要炒起易過借火，希望非常時期，會有非常的化學作用吧！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170406/19980967
魚樂無窮：呢單刁真唔簡單
1 :
GS(14)@2017-04-13 22:37:54粵港澳大灣區昨日大炒，相反雄安概念股金隅股份（2009）收晒火，對盈喜消息都冇反應，唔少戰友都問係咪GG了。唐牛覺得，中央既已拍板打造雄安新區，即由概念層面昇華至實體，點秤都唔會係一時三刻的玩意，你睇金隅A股連續6日漲停就知。同一時間，H股升幅明顯落後於A股，感覺上好抵玩，當然，現價衝入場需要好大嘅勇氣，我會建議大家入一注貨底，另一注則透過炒波幅降低成本價，同佢長期作戰。同金隅形勢有異曲同工之妙嘅有膳源（1632），同樣升咗一大浸，炒嘅概念係貨源歸邊，自問好身手嘅，可以博佢整固後破頂。國際精密（929）宣佈，大股東寶安向其餘股東買入約15%股份，每股作價1.95元，持股量增至50.48%，因此須以相同作價提出全面收購。呢單刁有兩個特點︰第一，寶安並非首次提出全購，早在2015年，寶安已提出每股1.5元全購，然後再加價至1.7元；第二，上次原大股東唔肯畀貨佢，就算今次肯賣，都依然留番近兩成股權，惜售嘅態度路人皆見，點解公司咁值錢？版面所限下星期再講！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170413/19988485
Next Page