魚樂無窮：斷背山式炒股票
1 :
GS(14)@2017-04-22 10:20:53有股評人近期推乜跌乜，成為城市熱話，無他，睇人仆街最開心，在八卦心態作祟下，大家都搵緊主角係邊個。不過，人有三衰六旺，行起衰運上嚟，如果咁啱市況唔就，推乜跌乜其實唔難，所以我無意落井下石。你見過賭場連開十七鋪大未？我見過，我真係見過！如果好運，你可以贏到開巷，黑仔嘅話，每鋪落part買100蚊，都可以輸足1,700蚊。有睇開本欄嘅戰友都知道，我甚少提供買賣價位，你可能話我趕客又好，不負責任都好，但作為投資者，每個人對每一隻股票，都有一個獨一無二嘅價位，正如每個人心中都有一座斷背山一樣，更會因應市況、情緒、倉位而出現變化，未能駕馭勉強跟風入市，蝕底嘅一定係自己。第二季心水股合興（047），三扒兩撥升抵目標價0.25元，可喜可賀。合興管理層日前接受傳媒訪問時表示，首季外賣收入佔比突破30%，同店銷售同樣續升，雖未有透露實際數字，但增長勢頭未完乃不爭事實，正所謂炒股炒前景，噚日一棍再破頂，話唔定係新升浪開始，有貨可以繼續揸，食咗糊嘅不妨搵位買番！
唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170420/19995227
魚樂無窮：殼股熱炒順風車
1 :
GS(14)@2017-04-28 00:53:28港股兩極化情況越來越嚴重，撇除部份ETF外，創52周新高差不多清一色科網股，呢個月大市chok上chok落，如果你冇騰訊控股（700）、舜宇光學（2382）、瑞聲科技（2018）或者IGG（799）在手，呢個月好大機會食白果。又望一望升幅榜，頭位係賣盤股匯思太平洋（8147），單日一度狂升超過一倍，市值由5億爆升至10億銀。睇睇業績，過去三年全部蝕錢，股價在歷史低位橫行一年，夠膽衝入場嘅，一句鐘已經有一倍升幅，認真和味。最大同最細嘅都搵到錢，你話係咪兩極化？米蘭站（1150）早前宣佈，姚君達辭任主席及執行董事職位，看似小事一樁，但象徵意義極大。無他，姚君達持股已由兩年前高峯期嘅72%，減至最新不足12%，萌生退意並唔係一朝一夕嘅事。米蘭站近五年業績全部見紅，無段好睇，但從殼股角度出發，卻非常吸引︰市值僅3億銀，未及殼價一半，每股NAV達0.319元，與現價相距不遠，意味完全未反映殼價，姚生今次退下火線，係咪賣盤東風？我唔敢講，但近期殼股炒到飛天，米蘭站卻原地踏步，跟勢炒一轉，有一定值博率吧。唐牛
https://www.facebook.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170427/20002660
魚樂無窮：大升浪贏錢妙計
1 :
GS(14)@2017-05-13 02:03:21港股突破25000點，氣勢如虹，後市何去何從，相信大家都非常關心。升到近兩年新高，要唱淡嘅方式有好多。首先，騰訊（700）創新高後倒跌，反映高位有沽壓，亦會拖住指數後腿；第二，恒指25000至25100熊仔重倉區已經被攻陷，好友再挾上誘因大減；第三，下跌股份較上升股份多，指數只屬表面風光，有托沽味道；第四，大市成交再度逼近千億銀，有散戶再次衝入場接火棒；第五藍燈籠長和系發力，長和（001）重上紅底股行列，長江基建（1038）直逼70蚊，資金炒到尾水……。隨口都講出咁多利淡因素，畏高亦係人之常情，但係咪代表個市玩完？經過無數次估頂失敗，甚至以為見頂開淡倉，然後被挾到七彩嘅經驗，相信亦希望大家都唔會亂嚟。有貨在手嘅，點會捨得離開升市泡泡浴吖，?家只係睇埋單贏幾多。最簡單嘅做法，莫過於揸實部計數機，如果盈利蒸發至某個水平便全數止賺，一來可以確保唔會反勝為敗，二來只要不觸及底線，便可繼續食住個大浪，唔使驚蝕底，仲可以保持market sense，一次過滿足晒三個願望呀！唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170511/20017313
【很想看吧】治癒系《魚樂無窮》進階版 漫。電視唔播魚播貓
1 :
GS(14)@2017-05-13 02:04:52高清香港塵世美，真係幾好睇。（港台電視節目截圖）
亞視非永恆，落幕終有時。要數番亞視經典節目，點少得最長壽節目Telefision《魚樂無窮》？實時影住缸魚，竟然變成元祖級治癒系節目，仲要家喻戶曉，都幾劃時代。記者早前發現港台電影32台有進階版《魚樂無窮》，名為「漫。電視」，不過就多元化得多，有砌模型、高空看香港、貓貓狗狗、各式海洋動物及雀鳥，傳統啲仲有篆刻同粵劇花旦小生化妝過程！
港台電視32台平時主要播新聞及立法會開會情況，間場或晚上就會播吓呢種近似實時的節目。當中有「小貓篇」，影住啲貓追波自娛，或者上演呢排大熱嘅武林格鬥技，可愛到犯規呀！坐定定眼定定咁睇，快活不知時日過。香港電台電視部節目部總監陳俊樂就強調拍漫。電視，概念並非源自《魚樂無窮》。「我哋唔希望似《魚樂無窮》咁，今日睇同聽日睇都一樣，我哋反而對歐洲流行嘅Slow TV（慢電視）更有印象。挪威有人睇火車頭可以睇得咁投入，而且仲係全城熱話，令我哋好記得。」陳俊樂口中所講的係挪威NRK國家電視台推出的節目，把鏡頭置在火車頭，拍攝從卑爾根到奧斯陸車程的沿途風光，長達七個鐘，係，七個鐘，喺睇七分鐘片都嫌長的年代，竟然有過百萬人睇，佔挪威總人口四分一，創出收視神話。
由於航拍困難，「高空看香港」系列必須剪輯，每個景色大約只有五至十秒，便會接上另一位置。（港台電視節目截圖）
拍攝動物題材，得到愛護動物協會、動植物公園及海洋公園幫忙。（港台電視節目截圖）
香港節奏快到喘氣，未必容得下呢種節目，所以港台32台就玩多元化，拍攝不同類型影片。資源有限，有些節目係員工公餘時間喺屋企拍攝。「例如播貓嗰個節目，同事覺得『太好了，我屋企啲貓唔錯！』嗰個同事有五隻貓，拍嗰陣出動阿媽前後夾攻，引啲貓去鏡頭前，好多趣事。」《魚樂無窮》實時感重，但見貓貓片有剪接位頗多。「原本我哋都好想自然啲，唔剪接片段，盡量希望直落。但有時畫面真係乜都無，兩三分鐘都無貓，佢喺度瞓覺我哋覺得ok，但出咗鏡就sorry啦，要剪走。」同樣要剪接嘅仲有航拍香港靚景。「高空嗰條片，有啲人會問點解唔係一shot落，觀眾唔明白架飛機去唔到咁遠，啲電都捱唔到咁耐。」佢就話呢個系列比較受觀眾歡迎，收到不少好評。「佢哋覺得啲景好靚，有人話自己坐喺度睇咗一個鐘。」
小貓嬉戲追逐，貓癡如我真係唔介意睇半個鐘。（港台電視節目截圖）
香港電台電視部節目部總監陳俊樂表示即使是低成本製作，都希望漫電視觀眾有更多選擇。
漫。電視硬係好似上咗年紀嘅人先啱睇咁，佢哋拍攝前都曾經擔心觀眾層面唔夠廣，於是特別詢問年輕同事意見，後來衍生咗砌模型系列。她笑謂：「同事用自己時間拍，砌嘅過程佢唔可以去廁所，係可以閂機再來，但佢希望一shot落。」佢提到會考慮向一些攝影發燒友的影片商借影片，擴大片源。「有公眾參與，層次又唔同。」嚟緊有更多題材推出，例如「爬山單車篇」、「相思雀篇」、「烏龜篇」等等，詳情考參考港台電影32台節目表。記者：葉青霞攝影：許先煜2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170511/20017206
魚樂無窮：超爆供股大茶飯
1 :
GS(14)@2017-05-18 02:06:00耀科（143）今年初宣佈2供1，每股供股價0.17元，上星期供股結果出籠，原有股東合共有87%供股，賽果合理，但超供部份卻爆到七彩，錄得超額認購21倍，相當於近百億元資金搶供，非常罕見，超供部份分配比例最後只得0.58%，少得可憐。點解耀科供股反應咁熱烈？一切要從賣殼說起。2015年底，耀科獲中信集團旗下中信國安垂青，收購53%股權，每股作價0.11615元，交易於2016年初完成。簡單講講中信國安背景︰業務範圍包括電訊、能源、物業開發及管理，以及資產管理，去年總資產1,900億人仔，收入1,009億人仔，一句講晒︰巨無霸央企系列！耀科易主後一直未見動作，今次供股似乎係轉捩點，事關集資所得將收購金鐘物業作總部用，完成後勢必大展拳腳，亦解答了文首點解供股咁爆嘅疑問。還要留意的是，供股貨出籠後跌至0.2元水平即見強烈反彈，相信原因有兩個︰第一，供股者惜售股份，第二，向隅者瘋狂搶貨。咁又係嘅，市值廿億港紙未夠，注資空間大到唔敢想像，應該沽定買，答案已寫在牆上。
唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170516/20022476
魚樂無窮：華麗轉身有睇頭
1 :
GS(14)@2017-05-19 05:26:49大摩星期二宣佈將北水愛股美圖（1357）納入MSCI中國指數，24小時之後又突然反口話不會納入，更不提供任何理由。貴為華爾街頂尖投行，犯下低級錯誤令人難以接受，透明度仲要低成咁，我想不到原因以後再信他們的任何產品。亨泰（197）上周宣佈，將收購在港澳台從事舉辦大型表演主辦單位的滿創，涉資1.8億元，滿創賣點在於擁有著名日本漫畫奧特曼（即咸旦超人）知識產權認可被授權方，可舉辦奧特曼真人演出表演。奧特曼電視劇集已推出超過50年，乃日本動漫界重量級知識產權之一，地位舉足輕重。亨泰原從事包裝食品、飲料、農產品貿易等，但通告不諱言，由於經營環境困難，未來挑戰重重，故來一個華麗轉身，作多元化發展。當然，公司業績能否翻身，仍要時間驗證，但在操作層面上，亨泰卻有獨特優勢。集團去年宣佈1供1，每股作價0.24元，並於今年初完成，連同超供只得73.7%認購，公眾股東持股減至四成，CCASS首十大券商持股近八成，貨源完美歸邊，是故供股後股價拾級而上，如今有收購消息配合，值得加分。唐牛
https://www.facebook.com/tongcow88本欄逢周二、四刊出
來源:
http://hk.apple.nextmedia.com/financeestate/art/20170518/20024564
魚樂無窮：升市遇上勁敵了
1 :
GS(14)@2017-06-10 12:39:18港股巴閉地升足5個月，終於遇上極強對手。「你講傳統六窮月？美國好快又加息？定係A股可能入唔到MSCI呀？」以上答案皆不是，殺氣來至自己人——港交所（388）。2015年大時代一役後，港交所已變成藍籌殭屍股。一來大市成交大不如前，業績難有憧憬，二來高位蟹貨重重，要破位絕對唔係易事，升市資金唔會炒佢。但由於係全港最大獨市莊家，所以亦跌唔落，結果換來呢兩年窄幅上落嘅悶局。上周五，港交所突然大成交炒高4%，突破200元大關。試想想，恒指今年累升近4,000點，但資金一直視港交所如無物，點解到呢一刻先追捧佢？換一換個場景，假設你去食自助餐，第一時間梗係搶生蠔海鮮，但你竟然走去掃炒粉麵飯，原因似乎只得一個︰好嘢一早俾人掃晒囉！恒指逼近26000點，無論科網股、地產股，抑或高息股、金融股，無一不被重複使用托高指數，如今突然殺出港交所，係咪代表好友招數已用盡、升浪已屆尾聲？我唔識答，但為求安心，已身體力行減一減磅，都係那句，保住盈利要緊呀！
唐牛
http://www.fb.com/tongcow88本欄逢周二、四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170606/20045408
魚樂無窮：蔗渣價錢盈喜股
1 :
GS(14)@2017-06-10 13:07:53森信紙業（731）日前報喜，預計截至今年3月底止全年盈利，增幅將不少於七成。嗱嗱聲拎部計數機出嚟撳，上年度盈利4,668萬銀，即今年起碼賺7,936萬銀，又今年中期盈利2,771萬銀，即下半年盈利達5,165萬銀，較上半年狂彈86%。業績靚爆鏡，原因係乜？公司表示，受惠紙品業務下半年錄得可觀增長及零售業務虧損減少，理由非常紥實，絕無水份！「盈喜後衝咗上去喇喎，仲買得？」繼續用數字說服你︰森信紙業預測市盈率7倍，比起同業玖紙（2689）及理文造紙（2314）平均9倍平一截，森信卻有re-rate空間；每股NAV高達1.49元，與現價0.48元比較，市賬率只得0.3倍，變相三折大平賣；最新市值5.5億銀，連殼價都未夠，眼前卻是一盤正在turnaround嘅生意，八個字總結︰蔗渣價錢燒鵝味道。森信大股東岑氏家族持股74.5%，CCASS首十大券商持股九成，從兩個角度出發，均反映貨源極度歸邊，集團將於月底公佈業績，呢段期間齋炒憧憬，結果肯定超乎你想像！唐牛
http://www.fb.com/tongcow88本欄逢周二、四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170608/20048004
魚樂無窮：科網股撈唔撈？
1 :
GS(14)@2017-06-16 01:55:27科網股是否見頂，再度成為市場熱話，遭沽空風暴正面吹襲嘅股份如瑞聲（2018）及科通芯城（400），圖表明顯走樣，尤以後者為甚。部份則因股東減持令走勢逆轉，當中包括通達（698）、昂納科技（877）、ASM太平洋（522）。說穿了，最強一定係騰訊（700），然後搭多隻舜宇光學（2382），科網股係咪見頂一定係問呢兩隻。估值貴定平我唔識睇，但兩隻股份行咗幾年大浪，升幅數以百倍計，如今由高位回調唔夠一成，現時搬出見頂論絕對講唔通。「但呢排在香港呼風喚雨嘅北水，沽騰訊沽得好勁喎，驚唔驚先？」今次佢哋啱唔啱，要事後孔明先知，但根據過往經驗，強勢股絕對經得起北水考驗。滙控（005）就係一個好例子，年初因暫停回購，北水轉買為沽，股價一度跌至近60元大關，但最新季度業績交足功課，反過來挑戰70元水平。所以因為騰訊被北水狂沽而睇淡，未免太過武斷。至於係咪撈得過，就好視乎你信唔信科網股的故事，你信嘅，幾十倍PE可以係好平，唔信嘅，盈利增長五成或者更多都係泡沫。唐牛
https://www.facebook.com/tongcow88本欄逢周二、四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170615/20056062
魚樂無窮：下隻喪炒磚頭股
1 :
GS(14)@2017-06-22 08:01:54樓價gogogo，地產股升勢已蔓延至二三線股，泛海酒店（292）最多狂升22%，滙漢（214）亦搶高近兩成，下隻喪炒磚頭股，鎮科集團（859）必定榜上有名。鎮科主要從事物業租賃及發展，手頭兩大皇牌物業乃同位於銅鑼灣嘅渣甸中心及駱克噔，最新估值共達23.8億銀，已為公司市值嘅1.6倍，連同其他地舖物業，手頭物業估值高見30億銀，每股NAV達2元，與現價1.43元比較，市賬率僅0.7倍。又文華東方近期有意放售銅鑼灣怡東酒店，市場估值達300億銀，一旦落實又係天價刁，鎮科磚頭集中銅鑼灣，未來估值肯定進一步提升，更見抵買。鎮科還有兩個賣點︰第一，港交所（388）最新諮詢文件大力提高主板上市門檻，造就殼價再升值，鎮科年初曾獲洽賣盤，雖然無功而還，但從殼股角度出發，未來叫價可以相應提高，說穿了又係新例受惠者。第二，5月時宣佈出售貝沙灣洋房，作價2.1億元，所得款項或用作派末期息。除2015年曾派特別息外，鎮科已有十多年未有派息，如果下星期二業績宣佈復派，肯定惹來資金搶貨潮！
唐牛
http://www.fb.com/tongcow88本欄逢周二、四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170620/20061836
Next Page