同馬天佑男上女下超蓮特別的洗頭技巧
1 :
GS(14)@2016-08-13 14:59:42去髮型屋洗個頭，可以發生咩事？好多嘢係大家都想像唔到，好似賭王三房千金何超蓮咁，去洗個頭，點諗到會有一個男人壓喺佢身上呢？昨日超蓮就喺IG同微博都點咗一張相，呢張相就係超蓮瞓咗喺度洗頭，但佢身上就有一個男人，就係佢嘅好朋友馬天佑。當時超蓮瞓咗喺度洗頭，而馬天佑就用雙手支撐，同超蓮面對面，所以上半身係冇接觸，但係下半身嘅接觸，就疑似零距離，唔知超蓮媽媽三太睇到呢張相，會有咩反應呢？而一班網民嘅反應都好激烈，有似有話：「Frd還Frd，係咪應該要出聲話下佢唔好借啲意想搏懵呢？黐咁埋女仔度搏乜？」「洗頭啫！咩事呢！哥哥。」「洗頭好危險。」「甚麼鬼……馬天佑這姿勢？」
來源:
http://hk.apple.nextmedia.com/entertainment/art/20160813/19734437
何超蓮躋身「90後董事」
1 :
GS(14)@2016-09-02 05:20:27【明報專訊】唔好睇賭王「三太」陳婉珍愛女何超蓮個樣嬌滴滴咁，原來三太一直好積極栽培佢，唔單止一直喺媽媽旗下投資公司返工，噚日仲正式宣布出任澳門勵駿（1680）非執行董事，成為少數「90後董事」，小琴呢啲中女，真係恨都恨唔到。
據勵駿公告披露，現年25歲嘅超蓮，而家喺三太私人投資公司UNIR旗下UNIR Australia Pty Ltd擔任董事，公司旗下擁有大量位於澳洲珀斯的房地產資產，包括酒店、零售及辦公室投資。三太一直好積極栽培超蓮接班，近年一直喺UNIR返工，由三太一班專業投資團隊帶住佢學習，據講佢本人都好勤力學嘢，而今次代替三太坐入勵駿董事會，更可以話係考牌試。資料顯示，三太而家揸住勵駿16.08%股權，係公司第二大股東。
至於同日被委任做執董嘅周宏學都係90後，年僅26歲，而家正擔任勵駿企業發展總監及巴比倫娛樂場總監，認真前途無可限量。
[小琴密語]
來源:
http://www.mpfinance.com/fin/dai ... 7504&issue=20160902
李蘊返廣州住 超蓮歡送
1 :
GS(14)@2016-09-13 00:19:16■（左起）超蓮、G.E.M.前晚歡送好姊妹李蘊離港。微博圖片
■李蘊抱B去廣州定居，不過她揚言「每個月都會返嚟！」微博圖片
25歲已為人母的李蘊，昨在社交網貼上與閨蜜G.E.M.（鄧紫棋）和何超蓮的合照，大晒三姊妹和囡囡紫晞齊戴同款手鏈相，留言：「前天晚上跟兩個好姊妹玩到三點鐘，哈哈！收到很漂亮的手鏈，晞晞也有一條呢，乾媽們真好，然後，昨天正式離開香港，展開一家三口的生活。」李蘊嫁雞隨雞，內地老公羅章冠在廣州做生意，李蘊昨在電話說：「係呀，返咗廣州啦，帶埋囡囡，之前喺香港租屋住咗半年，諗住等BB三個月就返廣州，因為一家三口始終都要一齊住，要畀BB見到爸爸媽媽一齊。」問到以後是否長住廣州？她說：「我諗至少都幾年時間，等小朋友返學再決定。」採訪：皓騫
來源:
http://hk.apple.nextmedia.com/entertainment/art/20160912/19767692
超蓮請教小方操肌
1 :
GS(14)@2016-09-28 05:04:33賭王何鴻燊女兒超蓮昨天以Emotion Club大使身份，出席於金鐘舉行的「電動方程式賽車錦標賽香港站」記者會，超蓮穿上黑色貼身T恤展露弗爆身段，透出白色bra，原來超蓮正在努力練馬甲線，她說：「而家練緊肌肉，已經有腹肌喇，有私人教練教，踩單車同weight training，今日着呢件衫，全日都唔敢食嘢，一陣要擦番餐。」身為大使，問超蓮會邀請哪位好友參加？她說：「鍾意賽車嘅，家姐、細佬、超盈、猷亨都請。」問到方力申力追她的傳聞，她說：「唔覺，而家畀心機做嘢先，佢對所有人都好好，唔係對我特別好。」問會否請教小方游泳技術？她指自己的頭髮漂染過，不可游泳，她說：「請教佢練肌肉就得。」採訪：羅慧敏攝影：陳順禎
來源:
http://hk.apple.nextmedia.com/entertainment/art/20160928/19783743
超蓮：佢同JW好sweet
1 :
GS(14)@2016-10-10 04:28:24■超蓮（右）戥JW開心，大讚Tarzan人品好。微博圖片
卓悅太子爺Tarzan曾在英國讀書，喜歡去中環夜場Volar、Play蒲。為人疏爽的Tarzan鍾意爭埋單請客，在圈中廣結人緣，認識吳雨霏、胡杏兒、陳敏之及何超蓮等。對於有讀者爆Tarzan經常媾僆模，超蓮表示不認同，前日在電話中說：「我識咗Tarzan都好幾年，大家都有共同friend，我覺得佢個人怕怕醜醜，好有禮貌，其實好nice，我又唔覺佢成日媾女，但每一個人都有過去，最重要係佢而家對JW好就得囉，我見佢哋都好sweet，我都祝福佢哋，因為Tarzan個人好好，佢哋都係好好嘅男仔同女仔。」採訪：唐如
來源:
http://hk.apple.nextmedia.com/entertainment/art/20161009/19795415
超蓮深夜安慰JW
1 :
GS(14)@2016-10-10 16:14:31■超蓮戥好姊妹JW慘，直指她是好女仔。
JW被舊愛Mark在網上疑揞名數臭，何超蓮昨到中環出席Formula E賽車時，力撐好姊妹JW：「其實佢哋分咗手之後，女仔冇乜點講過嘢，唔知佢（Mark）點解咁講，以我所知佢哋分開好耐，JW係一個好女仔，噚晚佢深夜都打電話畀我，覺得好唔開心。」問JW是否向她哭訴？超蓮坦言：「佢唔開心囉，把聲好攰咁。」超蓮惟有安慰JW會過去的，她說：「識佢嘅人就知唔係事實，希望報道唔好影響佢哋，佢同現任男友好sweet，但未發展到穩定階段，新聞過咗去又唔係事實，對佢哋好唔公平，亦對JW男友唔好，好慘！」採訪：卓寶花攝影：仇志德
來源:
http://hk.apple.nextmedia.com/entertainment/art/20161010/19795872
傳撻着3個月 齊去尼泊爾做義工小方做兵 超蓮嗌攰：佢幫我按頸
1 :
GS(14)@2016-10-20 08:05:32■小方在李蘊囡囡的百日宴上，已對超蓮獻殷勤。資料圖片
賭王三房千金何超蓮去年底甩拖，傳失戀半年的方力申加入觀音兵大軍，日前傳出二人暗撻三個月，上星期更去尼泊爾做義工兼拍拖，其間被影到一支水兩份飲，小方更在機場為超蓮掃背摸頸調情。超蓮昨日受訪時，對此表示她當時好攰：「所以佢幫我按一按個頸」，之後否認二人相戀，但又讚小方好可靠。
賭王三房最索千金、25歲的何超蓮去年12月與台灣歌手吳克羣淚斬四年情，單身後追求者眾，先後有「富三代」霍啟山和台灣男星柯震東等。與星特別有緣的超蓮，近月被指與鄧麗欣分手半年的方力申撻着，有指超蓮的閨蜜鄧紫棋（G.E.M.）及李蘊大力做媒人撮合，本報亦直擊李蘊8月尾為女兒搞百日宴時，與超蓮齊齊坐的小方大獻殷勤，不過當時二人否認緋聞。
■方力申半年前才喊住與拍拖十年的鄧麗欣分手，想不到已視超蓮為對象。
■超蓮去年底甩拖後桃花旺盛，短短一年已有不少追求者。資料圖片
「佢好照顧我」
有指超蓮與小方的「超力戀」已三個月，二人日前藉着去做慈善兼拍拖。事緣小方一向有幫「點滴是生命」做探訪，過往亦帶過當時的女友鄧麗欣情侶檔出力，今次他邀請了香港泳隊師妹歐鎧淳及超蓮去尼泊爾探訪災區，昨日有報道拍到二人在當地機場與大隊返港途中，安檢時小方當眾與超蓮一支水兩份飲，又幫她掃背摸頸，一時又離隊睇相調情。超蓮昨日回覆本報否認與小方拍拖：「其實真係唔係真，唔係拍緊拖，係朋友，一支水兩份飲都唔係，其實喺山區都係各自一支水，臨入閘大家想飲埋最後一啖水，佢只係遞我支水畀我，唔係一支水一齊飲。」問到小方當眾為她按頸，她解釋：「我哋喺山區做義工係體驗人哋生活，由朝早5點，做到夜晚7、8點，真係好攰，我都唔係同佢講緊嘢，只係同一堆人講，話好攰，一陣仲要坐凌晨機返香港，所以佢幫我按一按個頸，唔係男女朋友。」問到對小方感覺，超蓮大讚他好可靠，但只承認二人是朋友關係，沒有戀情：「佢好照顧我，但唔係男女朋友，我都講過好多次我係單身，希望可以專注事業同讀書，唔諗咁多呢啲嘢，唔係真㗎。大家都係朋友，去尼泊爾並唔係拍拖，真係做慈善去探望，如果我阿媽覺得我係去拍拖，佢都唔會畀我去！」小方也透過經理人公司代回覆：「今次他們二人都是以大使身份為『點滴是生命』到尼泊爾探訪，他們只是朋友關係。」
■超蓮上星期去了尼泊爾，有在Ig貼上在當地的探訪相。
■李蘊是超蓮的閨蜜，指老友與小方未有發生戀情。資料圖片
李蘊唔係媒人
閨蜜李蘊昨否認做媒人：「超蓮而家真係冇拍拖，上個禮拜佢返香港，我問佢，佢都話冇，佢一定唔會呃我。小方出席囡囡百日宴係恭喜我，佢本身鍾意細路仔，唔係追女仔先去百日宴。」提到超蓮與小方在相中有親暱動作，她繼續解畫：「咁佢哋都係單身，普通朋友都有機會做呢啲動作，所以唔覺得奇怪，唔會覺得過份親熱，人哋做義工，唔好將個焦點扭咗去男女感情上，同埋佢同小方係冇可能，我知超蓮鍾意邊一type嘅男仔，所以係冇可能。」採訪：唐如、小米、皓騫
來源:
http://hk.apple.nextmedia.com/entertainment/art/20161020/19806004
Next Page