超蓮傳帶閨蜜掩護 孖小方做義工
1 :
GS(14)@2016-10-24 04:20:55■超蓮與方力申因G.E.M.介紹而相識，近日傳出二人拍拖三個月。資料圖片
賭王三房千金何超蓮近日因到尼泊爾做慈善探訪，因而被傳與方力申拍拖三個月，昨日又有報道再指鄧紫棋（G.E.M.）認為小方條件好，才撮合他與超蓮，更指小方曾帶超蓮去朋友聚會，二人全程都表現甜蜜。當中更提到超蓮今次探訪帶了閨蜜同行作掩人耳目，但對方不知道有小方同行，最後知道自己做了「電燈膽」嬲爆走先。
■超蓮（右）一心去做義工，近日因緋聞蓋過做慈善探訪而心煩。資料圖片
本報昨日聯絡超蓮，她截稿前未有回覆。不過據悉超蓮同行友人提早回程皆因她寄失行李，因有重要藥物在行李中，惟有急急離開。據知，超蓮本認為做慈善是難得經驗，故不介意行程辛苦，更因此犧牲了近日應付考會計專業課程的時間，但最後焦點卻落在她與小方的緋聞上，令她覺得很苦惱。撰文：唐如
來源:
http://hk.apple.nextmedia.com/entertainment/art/20161023/19809527
春風滿面 自爆繼續約會小方讚超蓮 好女仔有愛心
1 :
GS(14)@2016-10-24 06:12:16■問到跟超蓮有否發展機會，小方滿面風騷表示遲些再講。
方力申跟賭王至索千金何超蓮驚爆秘戀3個月，昨日小方到中環出席港鐵競步賽2016，鄭文雅見到他即相擁道賀：「恭喜你呀又拍拖！」小方尷尬說：「嚇死我呀！」鄭文雅笑笑說：「拍拖係好事。」小方雖然死口不認蜜運中，但被春風滿面的笑容出賣：「哎吔，真係唔係呀，我都話好朋友嚟，之前一齊去尼泊爾探訪，呢個係好認真嘅慈善機構探訪節目。」
收歛Open性格
對於被影到與超蓮一支水兩份飲，又摸頸又摸頭，小方解釋：「係兩支水，唔覺舉動好親密，我假假地都係去過美國留學一年，可能鬼仔性格open得滯，要收斂吓。」問到返港後有否跟超蓮聯絡？小方風騷自爆：「我哋噚日（前日）都有見面，仲一班人去飲嘢，大家真係朋友，唔會避忌唔見面。」是否地下情？他堅稱：「都話係朋友囉。」至於有報道指小方帶超蓮出席朋友聚會，肯定女友地位？他說：「唔係呀，不過佢份人真係好有心，佢知道我去探訪，都主動話想跟我哋去，我事前都同佢講呢個探訪好辛苦，住類似鐵皮屋又冇得洗頭沖涼，仲要喺郊外解決，但佢都肯做，話辛苦先有體驗。」問到是否對超蓮加分？小方勁讚：「覺得佢係一個好女仔，好有愛心好上進，又準備緊考碩士，交朋結友要搵好人結交。」問到有否發展機會？他說：「而家冇，遲啲再講啦。」
■鄭文雅見到小方即恭喜他拍拖，令小方招架不來。
■小方爆超蓮主動去尼泊爾探訪，勁讚她是一個好女仔。
■本月15日是鄧麗欣生日，小方坦言有發短訊給舊愛真誠祝賀。
短訊賀舊愛生日
如果真的拍拖，超蓮背景會否造成壓力？他說：「冇如果喎呢啲。」會否擔心舊愛鄧麗欣（Stephy）睇報道後亂諗？小方表示：「吓，呢啲你哋應該問佢，冇得假設。」至於早前Stephy生日，小方表示有傳短訊給她，問到是否好簡單講happy birthday？小方即大反應：「乜嘢好簡單呀？好真誠地同佢say happy birthday，一啲都唔簡單。」採訪、攝影：卓寶花
來源:
http://hk.apple.nextmedia.com/entertainment/art/20161024/19810074
超蓮訪山區：人生寶貴一課
1 :
GS(14)@2016-11-18 17:56:37賭王千金何超蓮與方力申早前結伴去尼泊爾探訪後，被影到一支水兩份飲，傳出小方力追她。不過，二人先後否認緋聞，超蓮更強調目前是單身。超蓮與小方到尼泊爾山區探訪的特輯，下周一會於ViuTV播出。以「點滴是生命」慈善大使身份探訪的超蓮，透露家傭及司機都來自尼泊爾，故對這個地方有情意結，她說：「今次探訪係我人生寶貴一課，五日生活雖然好辛苦，但自己可以超越到，返到香港對好多嘢都睇得更開，唔會再事事同人爭論，又覺得喺香港生活真係一件好幸福嘅事。」撰文：李察
來源:
http://hk.apple.nextmedia.com/entertainment/art/20161118/19837180
【《蘋果》獨家專訪】賭王之子承父訓唔認輸猷啟百萬搞手遊 超蓮畀99分
1 :
GS(14)@2016-11-22 00:24:43■賭王之子何猷啟用百萬私己錢開發手機遊戲App，他揚言要腳踏實地做生意。攝影：郭賢興
賭王何鴻燊身家千億計，其子女雖贏在起跑線，但亦要比別人更努力才能跳出「成功需父幹」的安全區。三房孻仔何猷啟當然不能倖免，近日以百萬私己錢創業搞手機遊戲（手遊）生意，成功與否言之尚早，《蘋果動新聞》日前追訪他一天的工作行蹤，猷啟透露堅持「唔認輸」的心態，當日親力親為做足全日，猷啟更獲龍鳳胎家姐超蓮打99分作鼓勵。
賭王何鴻燊的三四房子女多是90後，現在已20歲出頭，大學畢業後開始工作，三太陳婉珍的三名子女何超雲、何超蓮及何猷啟，均有協力打理家族生意，行着一般富二代的「守業」方程式。今年25歲的猷啟，大前年在美國本特利大學畢業後回港幫母親打理生意，兩年前決定創業，自小熱愛打機的他看中正在爆發手遊的市場，以百萬私己錢與友人斥資開發手遊。猷啟在其手遊發佈活動當日，與《蘋果動新聞》共度他一天的工作，活動前他與兩位拍檔開會作最後準備，因前一天太緊張睡眠不足，猷啟頻撲整日顯疲態，不過都會堅持打boxing減壓。猷啟創業，其龍鳳胎家姐超蓮當然現身撐場，二人一直感情要好，日前一碰面就似大細路般鬥嘴，超蓮更給細佬99分作鼓勵，她笑言：「畀1分進步空間佢。」
擺脫做自閉毒男
提到創業鎖定開發手遊的原因，猷啟笑言皆因自己是毒男：「細個鍾意打機，覺得有市場有空間發展，以前我係毒男比較悶，起身返學上堂、放學做功課、打機，每日都repeat，而家好好多，會應酬出去食飯，唔會咁自閉。」
■猷啟日前為遊戲App舉行發佈會，其胞姊超蓮當然現身撐場。
■在發佈會上，猷啟認真為遊戲講解。
以前在母親公司打工，同事總會處處呵護，困難的工作總輪不到他，現在創業，凡事邊學邊做，處處碰釘，也要自己闖過，全因賭王父親遺傳「唔認輸」的性格，猷啟說：「呢個性格不嬲都係，係阿爸教，唔好認輸嘛！啱啱開始，希望一年回本，做好呢個game賺錢先再諗下一樣嘢，腳踏實地，一步步嚟。」
怕被標籤何公子
家底豐厚的猷啟贏在起跑線，他坦言亦有壓力：「唔會抗拒係賭王個仔，不過我只係想人哋認識係我，而唔係何公子，實際上，金錢同所有其他嘢都係分開。」問賭王有否教路？他表示：「爸爸係嚴厲，叫我做嘢認真要上心，管好啲數，唔好咁易放棄。」談到家人，猷啟直言媽媽三太是嚴母，他說：「佢教我哋要謙虛、低調，做人要踏實，簡單嘅禮貌一定要有。」他表示一家人好和諧：「我屋企人對我好好，我好lucky喺呢個家。」採訪：吉吉、倩宜、羅慧敏攝影：卓振輝、馮峰服裝提供：Harrison Wong場地提供：greyhound cafe＠cwb、The Fighters Club HK
■猷啟女友Angelika客串做模特兒支持，猷啟親自幫她整理服飾。
■猷啟與超蓮今年25歲生日時，一家人齊齊切蛋糕慶祝。資料圖片
來源:
http://hk.apple.nextmedia.com/entertainment/art/20161121/19840230
被爆陪超蓮工廈錄音小方再見Stephy 「有番以前感覺」
1 :
GS(14)@2016-12-03 04:42:48■小方與Stephy昨應記者要求合照，兩人擠出生硬笑容。
方力申和鄧麗欣（Stephy）拍拖10年，於今年3月宣佈分手，昨日首度碰頭，出席在銅鑼灣舉行的「揹水一戰」啟動禮。兩人刻意前後腳現身，Stephy在活動前先做訪問，她否認專登避見小方。問會否趁機會做回朋友？她說：「唔會刻意，隨緣喇！見到面咪say hi囉，咁唔係點呀！」對於小方與何超蓮傳緋聞，Stephy表示不八卦，至於她與小方會否復合則要看緣份。
「回憶永遠抹唔走」
之後小方和Stephy上台獲頒探訪相，起初兩人好避忌，直到活動大使丁子高上台，兩人終於傾偈，Stephy擔心丁子高會尷尬。之後一對舊情人應要求合照，雖然擠出燦爛笑容，但明顯較生硬。儀式完畢後Stephy先行離開，接着大會播放超蓮和小方早前的探訪片段，小方亦有留心細看。
■小方和Stephy自分手後首度同台，起初好避忌各站一邊。
■Stephy與小方刻意讓歐鎧淳（右二）站在兩人中間，避免尷尬。
小方受訪時被問到有否尷尬？他說：「好似好耐冇見朋友，有傾偈，喺台上見有番以前感覺，畢竟合作十幾年。」Stephy早前表示想做回朋友，小方說：「冇話過唔係，可以之後聯絡，順其自然，聽天由命啦。」問是否已習慣分手？他說：「習慣咗，都8、9個月，回憶永遠抹唔走。」提到與超蓮發展機會？他說：「其他人嘢費事成日講。」採訪：王連連、唐如攝影：陳俊強、畢紹基
來源:
http://hk.apple.nextmedia.com/entertainment/art/20161203/19853226
剛同吳克羣分手超蓮緋聞湧住嚟
1 :
GS(14)@2016-12-03 04:42:48賭王三房千金何超蓮12年喺英國倫敦大學畢業，仲加入咗四大律師事務所之一嘅安永打工，見多識廣就梗係人緣好啦。今年超蓮已經25歲女，人緣好，緋聞自然都唔少。超蓮喺英國讀書期間，已經認識過一位叫徐鈺恆（Tim）嘅男仔，仲試過帶Tim見賭王爸爸何鴻燊，不過隨後引嚟唔少人追訪，超蓮就變得好小心。10年超蓮身邊再多咗位男朋友Jeremy黃俊豪，拍拖嗰陣仲不時出街被影到。現時Jeremy做緊model同blogger，同超蓮不時喺活動都偶有同場，再見亦是朋友。而超蓮最廣為人知嘅男友就係台灣歌手吳克羣，兩人拍拖4年，由地下戀發展番上地面。11年佢哋喺台灣俾人發現夜遊名勝陽明山，之後三太放口風，話超蓮戀情可以自由發展，明顯為戀情開綠燈。到13年底超蓮趁吳克羣喺開香港開完騷，一齊佐敦消夜，仲高調世紀合照。不過吳克羣被指花心，超蓮喺上年12月喺IG宣佈分手，仲留言話「不能再這麼傻」。回復單身嘅超蓮，又再令緋聞纏身，被指捲入霍啟山、內地富二代劉根森之間。先喺有報道話霍啟山展開攻勢，甚至同超蓮喺半島撐枱腳；再到超蓮同劉根森先後喺珠海同香港遊嘉年華；除此之外，超蓮仲因為同柯震東唱K傳緋聞，不過最終超蓮都係否認晒所有戀情，目前仍係單身。
來源:
http://hk.apple.nextmedia.com/entertainment/art/20161203/19853495
何家千金遙距讀碩士超蓮點解咁上進
1 :
GS(14)@2016-12-03 04:42:49超蓮雖然多緋聞，佢多次強調唔諗拍拖住，想專心做嘢，睇返實證，佢真係忙緊家族喺澳洲搞酒店重建，前一排都見佢喺IG貼相「地盤妹」上身視察。另外，9月佢做咗上市公司澳門勵駿嘅非執董，所以真係唔係講講吓。日前，超蓮現身灣仔一間開辦會計課程嘅楷博教育(Kaplan)，據知超蓮在該處修讀ACCA，即係英國特許公認會計師公會嘅專業課程，估計佢喺呢度現身係修讀課程，而呢個專業資格，一般須時六七年考試完成。其實佢12年喺英國倫敦大學皇家霍洛威學院(Royal Holloway,University of London)畢業時，嗰時已講下個目標要考會計師牌同讀碩士，畢業後即開始執行其中一個計劃，已在倫敦同北京嘅安永會計師樓做咗兩年嘢，其間已考咗幾張paper，見佢喺網上都有po過返工相。據知，超蓮今年初仲開turbo同時搭住讀埋master，現於佢原校讀緊遙距課程，用遙距方式上堂，之後同講師交功課，返香港設嘅中心考試。《蘋果》就搵過超蓮，佢表示如無意外會喺出年尾、或後年中碩士畢業，講到考會計師牌同碩士學位一齊讀：「我大學開始到搵工，到讀呢啲course，都係自己嚟，阿媽完全無插手，同一蚊都冇畀過，我自己覺得，用錢都買唔到專業資格，ACCA專業會計師牌畀幾多億都買唔到，自己想讀一個專業牌，唔係因為屋企關係，同埋我爹哋有講過想佢仔女入面有一個專業會計師，我希望可以做到，所以返到嚟一次過讀，同埋留喺香港讀，可以陪多啲爹地，希望爹地見到真係攞到呢個牌，我唔想有一個遺憾畀佢。」
來源:
http://hk.apple.nextmedia.com/entertainment/art/20161203/19853494
Next Page