📖 ZKIZ Archives

券商塞車，危機之始? 老狐狸

當老狐貍仍是小狐貍時，常聽到老一代的本地券商的話事人講券商的「勝利者魔咒」(“Winner’s curse”)係「市旺時成日唔夠人用，到請齊人就跌市的了」。

這句話到小狐貍長大後，成為一間券商的管理人時，就變為：「市靜時個系統使用率好夠用，到市旺就塞車，搞掂D SERVER 同TROTTLE RATE後又跌市了」

還記得數年前香港大旺市，好像是炒當年的股市直通車，突然而來的大成交，令多間主要銀行和券商的交易系統同一時間大量散戶登入系統，令系統出現遲緩，其實當年很多行家都採取了即時措施，如把網上登入後停留時間縮短，但始終未能作出疏導，及至年多後系統擴容後才得以解決，但其時港股交易量亦已隨金融海嘯大幅下降了。

隨著國內股市屢創新高，大陸股民開始蜂擁入市，兩市合計連續多天超過一萬億元人民幣成交，類似的情況開始在國內發生了，國內報章報導多間大型券商（不開名了，免得被劈）出現了系統處於不勝負荷的情況，一放即死（機）的情況再現，買賣報單均不能成交，越大間，越多客就越大問題，就算是即時加伺服器，你估好似屋企部電腦拮個外置HARDDISK，又或者換粒RAM / CPU 咁易咩（無奈客戶永遠唔會明），又要做UAT，SAT等等的測試才能上PRODUCTION 的，而好多國內券商指現在積極擴容，無論是加伺服器或者係採用雲處理等等。

好了，咁有咩啓示？

1.       國內券商的WINNER’S CURSE已出現，就算有生意都可能做唔到了，是否業績短線見頂值得諗諗。

2.       如果個市有乜風吹草動，大量股民想走走唔切，恐慌下就會………….情況就如很多人的大商場出現火警，但逃生口極細，後果可以想像，不作細述。

3.       雲計算趨成熟，更多券商開始信任把部份計算交給雲供應商，有邊間？自己度度啦，我講過好多次了。

最後，老狐貍唔係話個市會即跌，「有錢雖記無錢時」係小弟今次贈你的。

講開券商，明天廣發證券招股了，預期都會熱爆，抽少少玩下吧，應該未爆呱。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

馬後砲的心路歷程 老狐狸

各位可能係今日見到小弟出左個小弟短炒高銳中國物流的紀錄，本來小弟一邊寫住呢隻野一邊升，為免各位讀者等到篇推介出時已經到頂，我唯有出個小弟的買入紀綠，再加埋呢篇馬後砲的心路歷程算了。

天氣回暖了，老狐貍都多左一D動力睇下市，亦開始搵下有無D鬼鬼祟祟升左上黎都無人留意到，亦未有其他報紙佬寫過的股票，作為一次從技術走勢走入去搵股票的壯舉，雖然好可能係壯烈地……..但人生無夢想同條鹹魚有咩分別？試下咯。

老狐貍雖然人老記憶力衰退，加上新股或改名多左好多，但都好少股份小弟無乜留意，就係呢次係升幅榜搵下搵下之際，俾小弟見到一隻排住升幅40幾位的股票吸引住，而個名又好似無乜見過，就繼續見下佢個圖，原來呢隻已經收收埋埋升左三日，累積升幅超過了20%，執筆時(2015年3月20日上午10時半)距離歷史一年高位不足4%，而呢隻就係1682.HK 高銳中國物聯。

可能有人會話：「X，升左至講」

答：「無計，佢升得大快，到篇文出得黎你買DAY HIGH 我咪PK，咪出番個紀錄算咯，叫左你地咪亂跟架。」

老狐貍名言：「授人以魚，不如授人以漁」，不如就同大家分享番點解會買呢隻股啦。

一般而言，老狐貍會CHECK下呢間公司的背景、市值、持股狀況同CCASS等，如果覺得OK就會再睇下年報。

先講背景

問： 「你見到乾就買？」

答： 「梗係唔係啦」

就係我睇番佢 2014/15年報，發覺了「天使」原來藏在細節裏。

即係話佢會靠佢大股東的關係轉型啦，咁我就GOOGLE一下佢大股東啦，發覺原來佢大股東持有一間叫「高銳視訊」既同字頭公司：
http://www.gaoruitv.com/

佢既業務正正同1682.HK所講的發展方向不謀而合，咁正常的估計「你懂的!!!」，佢又中曬D乜網物網咁，如果中的話，個10幾億市值又太少了點吧。

不過咁，佢真係升得太多和太快，如果唔能夠落實而回調的話唔講得笑，真係有相當風險既。

又係個句，唔好問我目標價，因為我無叫你買，而我自己都唔知佢個TARGET可以幾高。

總括一句：現價風險不低，我自己暫都只係一註，唔得就閃。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

馬後砲的心路歷程 老狐狸

各位可能係今日見到小弟出左個小弟短炒高銳中國物流的紀錄，本來小弟一邊寫住呢隻野一邊升，為免各位讀者等到篇推介出時已經到頂，我唯有出個小弟的買入紀綠，再加埋呢篇馬後砲的心路歷程算了。

天氣回暖了，老狐貍都多左一D動力睇下市，亦開始搵下有無D鬼鬼祟祟升左上黎都無人留意到，亦未有其他報紙佬寫過的股票，作為一次從技術走勢走入去搵股票的壯舉，雖然好可能係壯烈地……..但人生無夢想同條鹹魚有咩分別？試下咯。

老狐貍雖然人老記憶力衰退，加上新股或改名多左好多，但都好少股份小弟無乜留意，就係呢次係升幅榜搵下搵下之際，俾小弟見到一隻排住升幅40幾位的股票吸引住，而個名又好似無乜見過，就繼續見下佢個圖，原來呢隻已經收收埋埋升左三日，累積升幅超過了20%，執筆時(2015年3月20日上午10時半)距離歷史一年高位不足4%，而呢隻就係1682.HK 高銳中國物聯。

可能有人會話：「X，升左至講」

答：「無計，佢升得大快，到篇文出得黎你買DAY HIGH 我咪PK，咪出番個紀錄算咯，叫左你地咪亂跟架。」

老狐貍名言：「授人以魚，不如授人以漁」，不如就同大家分享番點解會買呢隻股啦。

一般而言，老狐貍會CHECK下呢間公司的背景、市值、持股狀況同CCASS等，如果覺得OK就會再睇下年報。

先講背景

問： 「你見到乾就買？」

答： 「梗係唔係啦」

就係我睇番佢 2014/15年報，發覺了「天使」原來藏在細節裏。

即係話佢會靠佢大股東的關係轉型啦，咁我就GOOGLE一下佢大股東啦，發覺原來佢大股東持有一間叫「高銳視訊」既同字頭公司：
http://www.gaoruitv.com/

佢既業務正正同1682.HK所講的發展方向不謀而合，咁正常的估計「你懂的!!!」，佢又中曬D乜網物網咁，如果中的話，個10幾億市值又太少了點吧。

不過咁，佢真係升得太多和太快，如果唔能夠落實而回調的話唔講得笑，真係有相當風險既。

又係個句，唔好問我目標價，因為我無叫你買，而我自己都唔知佢個TARGET可以幾高。

總括一句：現價風險不低，我自己暫都只係一註，唔得就閃。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

財技人? 特技人？ 老狐狸

有比較環球股市表現的讀者或者會有留意，港股在2015年被全球股市離棄了，恆生指數以2015年3月17日的收市價計，只上升了1.3%，不僅跑輸給創出七年新高的中國A股，更跑輸了各個經濟差的環球經濟體，包括歐、美、日等，就算在成交上，以3月17日計，上海股市成交逾6,000億人民幣，深圳股市逾5,100億元，而自稱為國際金融中心的香港股市只係得個幾百億港幣，是否已被邊緣化不言而喻，言而部份年青人仍然不知前境堪虞，只知大大聲罵這罵那，對自己和番港的未來沒什麼得著。

（按：老狐貍只相信金錢，寧願收聲默默搵錢，有錢就有選擇）

雖然大市表現不好，但港股中的毫子、仙股炒得夠癲，大上大落，美其名就係炒財技，部份散戶見「賣殼」的例子轉多，大戶亦趁勢上下其手，炒殼的炒殼，抽水的抽水，而近期港股中多了一批股齡不深的年青人 （市場稱之為魚），見到機會在，「其意以為天下事固易易也」，也投入炒殼行列，「及驟嘗焉阻力猝來，頽然喪矣」，一個浪打來，就在退潮時沒著泳褲了。

（按：括號中為青末思想家梁啓超論毅力一文的部份句子，請細讀）

近期有港股中有一宗賣殼個案可供研究，就是市場上第一夜店股MAGNUM 2080.HK的閃電賣殼脫身，記得此股份在2014年1月份招股，招股價$1.50，配合著電影愛夜蒲和一眾美女在中環街頭派公司宣傳專集等技倆，Marketing is King，超額認購3,500倍，第一天收市價輸招股價上升86%，為當年新股王之一。

隨後的兩個月內，股價回落至$0.8以下，到了今年3月12 日，大股東以每股$1.87向兩位仁兄鄭堅江和何意菊出售已發行股本的69.01%，即殼價4億元。

數間在老蘭的夜場成就一間上市公司，上市一年後成功賣殼兼收錢，仲破埋最快賣殼紀錄，未計上市收水，一年後再收4億，呢一招空手入白刃非常高明，亦引証左何生話齋做莊至會贏的定理，其他中途買入的股東，你們好彩就搵到餐餸，唔好彩就變左人地餐餸了。

故事講完，那新主又是什麼人呢？

原來新主鄭堅江是國內家電公司奧克斯集團的董事長，並為國內A股上市三星電氣 （601567.SH）的控股股東。

按百度的資料，奧克斯集團為中國500強企業、中國大企業集團競爭力排名前25強，員工人數22,000多人，而單單旗下的上市部份三星電氣總市值達117億元人民幣，市場仍未知大股東會把那一部份註入這個殼內，而由於新主業務與此殼原業務不同，故需要一段時間才可正式註資，但有一點可以見到的是現時的金主一個比一個實力雄厚，令追逐賣殼夢，希望一朝發達的年青人愈來愈多，很多一點功課也沒做，打開報紙或者網絡上有人講就去撲，老狐貍始終建議自己多做功課，才不入急門，否則遇上阻力就頽，把資金輸掉就不好了。

老狐貍近期發覺多左人跟進小弟的買賣，有人會問你明明話某隻股得架，點解會叫人落車既？第一，錢袋落袋永遠無錯，第二，人人的風險程度不同，老狐貍寫一篇文就咁多人跟，好難會同時滿足到各位的，你地想賭就賭，咁有D人只係想搵下錢加餸的，短短幾日有30%以上回報很好了。

其實老狐貍有時會炒D好高風險的股份，如隻海天水電 （8261.HK），老狐貍吼左好耐，咁巖見到港股策略王又唱，唯有合埋眼買了一點，但唔想向有D專在我文章挑骨頭，又話我抄文的人仕解釋，加上呢隻風險大，老狐貍最終沒有公開是次買入。

老狐貍希望大家跟我買時都要自己做下功課，贏了固然開心，可以請至愛食餐好，或者去個旅行，但人總有失手時，如果到時輸了，大家也不要唾罵就好了，邊個叫你跟者，對嗎？

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

本土券商的前途 老狐狸

自多年前國內招商銀行收購了老牌本地銀行永隆銀行後，接連永亨和創興等中小型銀行紛紛賣盤。在金融服務業 （即證券業），本地證券商賣盤的賣盤，唔做的唔做，近年的例子包括：

1. 復星收購恒利證券 (恒利為非上市公司)

2. 海通證券收購大福證券

3. 國金證劵收購粵海證券 (粵海證券為非上市公司)

4. 西南證券收購敦沛金融

5. 持有國內民生證券的泛海集團收購時富金融

6. 光大證券收購新鴻基證券

7. 中信證券收購昆侖國際金融

現時的買家主要為國內的證券業者，隨著國內開放市場，這些證券公司在港積極擴充業務，其實在港要申請證券牌照並非難事，技術上只要亦沒有難度，只在於好的人才方面比難搵，為加快流程，收購成為一個快速建立平臺的方法，而購入已上市的證券公司更加可以買入一個集資平臺，在港集資作發展（如股票融資業務）。

你地可能會話：「呢D你咪講左一百幾十萬次咯，仲講？」

答：「對，但小弟呢次想講係預期除左內地券商會買外，可能會更加多內地買家喎」

國內銀行

唔知大家有無留意早前傳聞國內監管機構研究向國內銀行發證券牌照呢？老狐貍估計如果落實的話，國內銀行會像香港銀行一樣銀行和證券變為混業經營，從前香港也是銀證分家的，但自銀行涉足證券業務之後，只做單純經紀業務的獨立證券公司不夠競爭，數目開始下降。我相信國內銀行亦會像現時的券商一樣向外發展，近日亦開始傳出興業銀行和交通銀行有意購入內地券商的消息。現時的國內證券商唯有做大做強，趁資源許可下擴大版圖，加快收購，故此本地券商的收購潮更加無日無之。

除此之外，老狐貍和一些國內同業傾談中得知內地網上金網發展得如火如茶，亦開始有內地網上巨頭開始爭奪現時有規模的本地券商。

互聯網/金融資訊供應商

隨著國內滬港通、深港通的落實，反映國內金融開放加快，如大家有留意，國內財經網之一的東方財富（300059.SZ） 收購本地券商寶華世紀證券，其他網上財經資訊公司如大智慧 （601519.SH）和同花順（300033.SZ）亦在國內分別收購了湘財證券和東吳證券，而更吸引眼球的是騰訊已入股本地的富途證券，市場亦不時有傳聞指阿里、百度等會進一步發展其網上金融平臺，其目標相信亦不止於國內，初步目標為染指大中華區，反映出本地金融的潛在買家已不限於國內金融機構和一些大型企業 /國企 （如復星、泛海和越秀），而互聯網公司亦已各自出招，所以在各金融、互聯網鉅頭的爭奪下，相信是次的券商的收購合併潮只會愈演愈烈。

今次只係分析行業，不在於推介任何股票，請自行分析。

如大家有興趣，歡迎大家加老狐貍的FANPAGE交流下

https://www.facebook.com/oldfoxfanclub

老狐貍

沒有了沈佳宜和李思螢的老狐貍 老狐狸

記得在上一篇「那些年，我曾經推介過的床技股」一文中講過我大半年前的推介卡撒天嬌（2223.HK），並以沈佳宜來形容佢，結果係早兩天，CCASS的紀錄透露了朱太入股的消息後，佢一口氣衝上$3.59收市，比老狐貍當日的推介$1.2X升了近200%，手頭上沒有了這隻股票的老狐貍只好大唱：「啊啊，我終於失去了妳」（要用國語唱的），恭喜沈佳宜終於嫁入了豪門，雖然老狐貍今次只能在相識於微時時輕度抽水，但亦對自己的審美眼光允滿信心。

就在昨日，老狐貍在自己的專頁上率先透露了皓文控股（8019.HK）得內地資金註資，有時向亞視管理層買入超過51%的控制性股權，翻查小弟的紀錄，小弟亦在去年7月以「天煞孤星VS 金龍」為題推介過隻皓文控股，在那篇文章中，小弟除了指出當年曾估計賣殼的時富金融（510.HK）急升，亦建議讀者可以在$0.2附近買入，或突破$0.22時追入，相比昨天停牌時的皓文控股的股價$0.31亦已上升了5成。

老狐貍雖然曾經作出推介，但由於佢係8字頭股份，不敢大手長期持有，在沒有多大盈利下已沽出買過第二隻，結果又把另一個相識於微時的李思螢拱手相讓。

呢D人間慘劇對於一個財技派的投資人時有發生，我們只可根據一些蛛絲馬跡去買入一些股份，「等‧一隻股‧爆升」，但由於一個project往往半年至一年，我們好難會用資金每隻去買d，只可以覺得隻股ok下作出留意，在開動時才加碼，否則又係一屁股8字頭股份了，除了資金係要成本外，個大市有乜東瓜豆腐下就覆巢了。

在失去了沈佳宜和李思螢後，老狐貍曾經靜下來檢討一番，答案係更加要相信自己，只要做好功課，買入的股價不高下可以慢慢坐，唔好怕悶，「悶悶地咁贏永遠好過過足癮咁輸」，對嗎？

今天隻皓文控股復牌了，競價成交$0.38，較停牌前上升22%，雖然佢只係話曾接觸亞視但未能落實交易，但單係呢份guts去買亞視，真係唔似流喎，無番咁上下背景唔敢咁做啦，好似千王之王2000入面飾演「諗伯」既曾sir話齋：「送間電視臺俾你，輸死你呀！」

至於宜家追唔追得過？請大家唔好問我 （因為老狐貍已經揼爆了），請自行決定吧。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

古怪的招股時間 老狐狸

如果大家有留意老狐貍的文章，可能知道小弟在公司的其中的一件工作是為新股貸款訂PRICING，所以日常對公開認購招股上市的公司點都叫略懂略懂，每早八點回到公司掃完報紙後就睇交易所公告，以便第一時間搞掂D野給各前線同事去聯絡客戶，但老狐貍除左D大野會去抽少少擺係個戶口內之外，平時都唔係好抽新股，因為新股往往太假了，有時就算我好唔鍾意既股票偏偏INITIAL RETURN會好驚人，而我睇好的就PK。

事實上，作為公司一個小小的管理人員，隻股票得唔得老狐貍唔會好大CONCERN，而小弟關註的往往係D同事交唔交到數。好多人以為老狐貍一定係好高層，其實老狐貍好多時都係帶埋阿狐貍媽番工的，好多人都會好關心佢，成日問住佢，股票行業比起其他行業更加明顯見到一個現象：「識人好過識字」，「外行管內行」的情況比比皆是，有時望下自己個老頂，可能係股票係乜都唔知，只會捉你問呢問路，但佢就同大老細關係好，你吹咩?

講番平時的新股，由招股開始到公開截飛一般會有3日半，例如隻香港寬頻 （1310.HK），佢由2月27日開始招股到3月4日中午十二點截飛一共有3日半，但今日偏偏有隻新股玩野，呢隻係華夏動漫角色 （1566.HK），佢由2月28日 （星期六）開始至三月五日中午截飛，平時做股票的，除左試機之外，邊有人會無LALA番星期六架，佢就偏偏星期六開始招股，如果星期六你都當係BUSINESS DAY的話，呢隻野就比其他多左一天了，所以今日同老細交代時，又俾人問點解佢會星期六招股架？ 老狐貍心想：「XYZ…..你估間公司我架咩？點知喎？」

呢隻野做D乜？講起佢又唔同一般既網股或手遊股，佢係中國發展動漫遊樂園的，而佢第一個項目就係獨家係上海開JOYPOLIS室內動漫遊樂園。

後生的你未必知JOYPOLIS係乜，話說老狐貍曾經都係哈日族，當年去日本的其中一站就係去臺場個世嘉JOYPOLIS，當年呢個地方令小弟玩到流連忘返的地方，宜家世嘉係中國最大旅遊城市，亦係最有米人口之一的地方開，似乎呢個概念得得地喎，不過咁，呢間上海JOYPOLIS雖然已經開幕，但建築面積只有1000平方米，而全個8,000多平方米的場會去到2016年第一季開得，即係話上市第一年呢個遊樂場只係比一間大少少的遊戲機舖。另外，世嘉都計劃係青島開另一間JOYPOLIS，但又未必同佢合作喎。至於佢其他業務，包括電影投資、音樂動漫演唱會同線上娛樂等等，都係未成氣候。

如果你問老狐貍呢隻野賭唔賭得過？ 講真我就覺得佢D業務未到收成期了。當然，股價同業績未必掛勾既，但如果俾我賭，我寧願賭隻公開發售只係280萬股，頂頭槌飛都只係707萬錢既KTL Int’l （442.HK），點解？賭之嘛，買隻易乾D 好少少。

（利申：老狐貍不會申請上述提及的新股，一股不持）

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

一條股神都唔識計的數 老狐狸

近日有讀者SEND 左一張某投資網站的「戰績」給我看，希望老狐貍「多多學習」人家的投資回報率，但當我謙虛地想去學野，去拜讀呢個盈利表後，老狐貍當堂嚇一跳，然後得啖笑。，作為一個網絡作家，不得不出聲去「糾正」呢個叫人學炒股必勝法、操盤班網站的投資「計算方式」。

咁究竟係乜事呢？大家不妨睇一睇以下係某網站登出的「抽水圖」，我先給大家5分鐘時間去睇睇問題出係邊？好，開始計時…………

(按：小弟已把相片部份用黑色遮蓋了)

有答案未呢？

1. 老狐貍不才，從來只知如果用同一筆錢去作投資，假設是投資$1,000，第一筆投資賺10%，第二筆投資係輸5%的話，我兩單交易後個倉係變成： $1,000 X (1+10%) X (1-5%) = $1,045，即係總收益係4.5%，而唔係就咁加加減減變成10% – 5% = 5%。但係上面呢個表就好直接地將收益加埋佢，呢D係小學六年級的百份率問題，唔係咁都唔知
2. 另外一點更有趣的是點解可以同一筆錢同期進行投資既？

按上圖，即係話如果我1月8日買左隻股票，假設投資左$1,000，呢$1000去到出呢個「收益表」的時候，按佢話收益12.33%，即係會變成$1,123.3。

但同一筆錢無可能係1月29 日又去投資另一隻持有到圖表出個日升成35.63%的股票架喎，以佢既計算方法，即係同一筆錢又會變成$1,000 X (1+35.63%)，即係變成$1,356.3元。

如果用兩筆錢去進行呢兩筆投資，佢個兩筆錢到呢個戰績出時的 ($1123.3+$1,356.3)=$2,479.6。

回報應該係：(2479.6 – 2000)/2000 X100% = 23.98%。

但呢個股神戰績表就會放大為( 12.33% + 35.63%) = 47.96%。即係話佢筆資金係可以同時投資幾十隻股。

好明顯，單單兩單交易已把個收益回報率唔知有心定無意地放大左一倍有多，唔怪之得呢位近期頻頻上鏡的少年股神可以係2003年買左隻2006年上市的股票輸鑊金。

其實想吸引人地上堂，有人跟你學野好容易，就係先做好自己，唔好唔識就當識，自己諗到就當係，仲有唔好誤人子弟，而每次接受訪問第一句就係：「老實講……..」，即係平時無句真乎…？有麝自然香呢個道理應該明白呱！

不如睇下老狐貍個FP啦，至少唔會收錢喎。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

竊聽風雲2 現場版 老狐狸

早前老狐貍覺得勢色不對下增持現金，最高水平逾55%，隨者大市下跌，幸好亦令小弟損失大幅減少，從而有力量係昨天重新建倉，買入了廣船 (317.HK)和哈爾濱電氣(1133.HK)去配合中既政策慢牛市，今日亦買番一D之前我好有信心的股份，遇巖個市反彈中，叫做正方作賽，感覺良好。

今早老狐貍如常地工作時，突然我的Whatsapp和微信都狂炸我，原來市場人仕都係度討論緊新科狀元的出現，大家係度大揼其心口，更有人講要回家睇下有無剩低一兩萬股現貨係個倉度沽漏左，咩狀元咁巴閉呀？登登登，就係恩達集團(1480.HK)。

睇個圖可以話係無乜特別，只係3日前開始有郁動，但點都估唔佢由2014年12月以每股$1.23上市，短短半年唔夠可以炒到今日最高位的$102蚊，無錯，係$102蚊，即係82.9倍，如果你招股時有一萬幾千係個倉度或者係床下底，你已經變成一個有百萬資產的有產階級了。

其實老狐貍一直都好鍾意紀錄呢D歷史時刻，有幸地老狐貍都CAP呢個圖喎，就同大家分享一下。

事發時係11:21 分，當老狐貍收到第一個Whatsapp時，應該係約10:30，個時係$60蚊，短短一個鐘頭，老狐貍可以話係用竊聽風雲2，阿祖同同叔玩貨源歸邊的情況黎比，但情況更勁，沿途就係呢間行不停掃，有2,000掃2,000，後來更似阿聖雲叔話齋：「死咯，你睇，連d盲毛都入黎搶咯！」咁就掃到$102蚊，寫到呢一刻，股價已回番去$60蚊(11:46am)，不過查就查硬架啦，如果唔係有乜勁人入股的話，就升得高，跌得痛楚咯。

世事就係咁，有狀元就有榜眼，一波未平，一波又起，榜眼飛尚無煙煤(1738.HK)又再觸動市場眼球，由11:05am的約$16蚊，一口氣炒到最高的$51蚊，有幸地老狐貍又再cap到呢一刻喎，分享下先。

係呢兩隻之後，其實又再開始禾雀亂飛了，包括集成傘業，寶姿等都飛升。

好，不如又黎睇一睇狀元同榜眼有無乜共通點。

行業？

無關係喎!

大股東？

無關係喎!

大股東持倉？  

恩達集團：      大股東持有75%

飛尚無煙煤：  大股東持有52.44%

股份分佈？   

恩達集團：       頭5 大劵商連同現貨：

飛達無煙煤：  頭5 大劵商連同現貨：   98.45%

好似乾係其中一個共通點喎，咪住先，我講過好多次乾只係一個較大的誘因去炒高，同炒的速度會快好多，但唔係代表一定乾就升，「你老豆有鬚，但有鬚唔係一定你老豆一樣」，否則老狐貍講過好多隻乾股啦，隻隻都95%以上，又唔見佢飛左上天？而當日隻華富都唔係好乾者，又會升幾倍？

感覺上，呢個浪已經升到一D無受政策影響的中細價股，亦開始惠及一D本地莊家，相信黎緊必定愈演愈烈，幸好老狐貍呢兩日都買番唔少貨，否則升市無份跌市就中會死得好慘的，但我相信我D股近架啦….(強烈主觀意願中)。

此文章只屬分享，不涉及遊說或投資建議，投資涉及風險，請量力而為，小弟亦沒持有上述之股份。

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍

唔怕生壞命，最怕改壞名 老狐狸

唔知2001年既時候大家做緊乜呢？讀緊書？做緊野？溝緊仔/女？定俾人溝緊？但如果大家當年已經開始左炒股票的話，我諗大家都會記得當年係科網股的熱潮。如果呢度D後生仔唔知當年發生既科網熱係乜野一回事，且聽老狐貍講下「舊屎」。

話說係2000年左右，有一班大哥話互聯網可以改變世界，有互聯網可以有飯食，有錢駛，有女溝，正值當年係ICQ年代，大家發覺依，原來上網真係可以「喔噢」就識到異性，就開始相信呢個世界會被互聯網取代，而就係每一個人都相信下，股市亦開始有所反應，只要有「乜野網入股」，又或者會賣俾乜野網等等，個隻股就飛左上天，加上創業板推出不久，正好係呢個地方上市，禾雀亂飛，情況就同現在賣殼一樣，唔理真定假，掃住D先再睇

就係呢個時代，香港四大富豪當然唔會放過呢D盛況啦，同一時間推出了好多間科網股，D名有D仲好有創意添，包括：

單單係隻8001.HK，係2000年3月招股，招股價為$1.78，上市首日收市$7.75，炒得各炒戶如癡如醉，當然之後遍地開花啦，甚麼天網、人人網等都炒到飛天，有間公司更改名為互聯控股，總之大公司、細公司都想係當時的亂世搵下油水，結果係點？大家仲搵唔搵到呢D公司呢？

好了，講左咁耐，老狐貍又想講乜呢？

其實就係老狐貍留意度係近日「互聯網+」的概念下，國內都有公司想打呢個旗號去「刺激」下股價，希望D大媽買番D。

國內多倫股份(SH600696)係5月10日公告擬把公司名稱改為「匹凸匹金融信息服務」，原來匹凸匹的意思是P2P，並稱公司立誌做中國首家互聯網金融上市公司，而改呢個名正正係體現出呢間公司的業務。

最有趣的是多倫股份現時的主要業務是房地產開發，由一間發展商轉為互聯網金融服務公司的路途的確非常漫長，但話雖如此，佢既轉型唔知成唔成功，但佢既股價就已經好成功的「動L」，即日升幅10%漲停了。

呢個情況似唔似香港當年的科網熱，又或者之後的礦業股熱，甚至最近的賣殼潮呢？老狐貍唔係話個市會玩完，但小心一點總係要既，小心駛得萬年船嘛，唔知呢個改名潮會唔會又黎香港呢？

如大家有興趣，歡迎大家加老狐貍的FANPAGE交流下啦

https://www.facebook.com/oldfoxfanclub

老狐貍