旅行返嚟冇留意甘比登女首富李嘉欣撇清The ONE 自讚心中富有
1 :
GS(14)@2017-02-11 18:37:55■李嘉欣昨日出席活動跟The ONE撇清關係，對於甘比成為香港女首富，她自言心中富有最緊要。
現年46歲的大美人李嘉欣情歸許晉亨，不過那些年嘉欣和富商劉鑾雄（大劉）的戀情轟動一時，甚至有傳大劉署名「The One」登全版廣告賀嘉欣生日；上月大劉將市值約180億港元的尖沙嘴The ONE商場，豪送給第二任老婆陳凱韻（甘比），令甘比坐擁400億成為香港女首富。嘉欣昨跟The ONE撇清關係，認為心中富有最緊要，剛巧大劉昨日由甘比陪同去覆診，三人同日現身認真有緣。
李嘉欣1988年當選港姐冠軍，曾經收服不少裙下之臣，不過最哄動還是她跟富商劉鑾雄的一段情。當年傳大劉以署名「The One」賀舊愛嘉欣生日，最後嘉欣情歸香港船王許愛周之孫許晉亨，兩人於2008年結婚。身家逾1,200億的大劉去年亦和甘比註冊結婚，更將名下的尖沙嘴The ONE商場贈老婆，令甘比資產暴漲至400億，成香港女首富。
■林嘉欣（右）與李嘉欣難得聚頭，即自拍合照留念。
■嘉欣跟老公許晉亨農曆年到日本滑雪，在微博貼相晒愛。
■嘉欣囝囝Jayden前日6歲生日，跟家人開派對慶祝。互聯網圖片
「少留意其他人」
嘉欣和大劉的關係已成往事，曾經與兩人千絲萬縷的The ONE，現在都跟嘉欣無關了！嘉欣昨日現身樂富出席「Emoji創意慈善企劃」開幕禮，被問到大劉送The ONE給甘比，她呆了一秒說：「冇留意呀真係，講真，好忙呀！」對於甘比成為香港女首富，她笑笑口說：「咁係一件好事，心中富有係最緊要，哈哈。」外間一直將大劉的The ONE和嘉欣拉上關係，她卻撇清關係說：「你?家講我先至有聽呢件事，好忙碌喺自己生活之中，幾開心，所以都好少留意其他人嘅新聞。」跟老公育有6歲獨子Jayden的嘉欣，不忘晒幸福生活，農曆新年一家三口重遊曾因暴雪要滯留的札幌，她笑說：「苦盡甘來，我喺嗰度跌倒咗，就喺嗰度起番身。」嘉欣自爆在雪山被囝囝整蠱，囝囝用支杖撞她，搞到她大聲呼叫唔好：「原來最恐怖嘅事係喺雪山上遇到自己個仔，因為我技術未控制到可以避到佢，見到佢特別緊張，要叫大家散開。」前日是囝囝6歲生日，卻要求只跟家人搞低調派對，嘉欣笑說：「好早熟，但好開心佢有自己諗法，體會同屋企人一齊過最幸福。」她更在社交網貼生日會相，最愛儍豹的Jayden收到禮物很開心。
■撐着枴杖的大劉昨日在老婆甘比陪同下到養和覆診。
■大劉當年買下東英大廈，2010年以The ONE命名開幕，當時傳是紀念跟嘉欣的一段情。
甘比扶大劉覆診
本月25日是許晉亨的55歲生日，嘉欣笑說：「我都係噚日睇到先知個數字，自己睇佢都唔似，我覺得老公都係40頭，佢嘅思想都係好後生。」問會否擔心老公多女埋身？她淡定說：「我唔驚，都十年喇，咁耐咯。」前日兩夫婦的愛駒「駟寶」勝出紀利華木球會盃賽，她開心說：「第一次喺跑馬地贏咗賽事，係好意頭。」此外，昨午4時許，大劉在甘比陪同下到養和醫院覆診，着睡衣披外套的大劉手持枴杖，由甘比扶實入醫院，全程由四名拿白毛巾的保鑣護駕。採訪：羅慧敏、盧妹攝影：陳順禎、陳慧安
來源:
http://hk.apple.nextmedia.com/entertainment/art/20170210/19923243
李嘉欣傷脊骨：老公唔關心
1 :
GS(14)@2017-04-13 22:40:31■李嘉欣早前滑雪弄傷尾龍骨，她埋怨老公沒有關心她。
李嘉欣昨到中環出席愛彼女皇盃活動，她自爆上月去北海道滑雪時弄傷尾龍骨，現仍接受物理治療，更埋怨老公許晉亨：「老公好差，仲同我講『你呢啲好快好番！』我真係嬲，都唔關心吓我。」記者笑問老公是否想激勵你？嘉欣沒好氣說：「係激氣個激！」問有否留意舊愛劉鑾雄接受本報專訪自認追女仔靠口才，她笑說：「呢啲唔講喇，今日淨係講馬講錶講尾龍骨。」同場的陳爽剛坐完月，指兩個月大的囡囡改名語嫣。梁芷珊被問到老公羅傑承將事業交女兒打理，會否多了時間？她說：「唔係㗎，我同佢鍾意工作，就算交畀其他人，佢都會諗其他嘢做。」採訪：黃曉妍攝影：陳俊強
來源:
http://hk.apple.nextmedia.com/entertainment/art/20170413/19988438
【add時尚】李嘉欣生活對碰
1 :
GS(14)@2017-04-22 10:43:4846歲美魔女李嘉欣2017年頭幾個月，可謂考驗多多，新年遇上日本50年一遇大風雪，全家滯留北海道；之後滑雪又撞傷尾龍骨。李嘉欣日前受訪，就坦言會經常提醒自己要開心，「睇住Jayden轉眼已經6歲，我更加會好好珍惜，每日把握同佢一齊成長。」跟囝囝打乒乓、游水、看他畫的畫，簡簡單單已經令嘉欣很快樂。撰文：林妙萍李嘉欣今年第四次出任「愛彼錶女皇盃大使」，早前輕性感露腿拍攝宣傳照，示範新錶，駕輕就熟，日前受訪時她對此說：「賽馬係我先生家族活動，有馬出賽時，心情都會幾緊張，頒獎就輕鬆啲。」
Audemars Piguet皇家橡樹霜金自動腕錶$447,000
Audemars Piguet皇家橡樹超薄腕錶$435,000
■嘉欣不要兒子做港童，要他有禮貌及懂尊重。
同兒子打乒乓
問嘉欣剛過去的復活節假期，一家人如何度過？她說：「之前滑雪撞傷尾龍骨，?家仲要做物理治療，要等兩個月先好番，暫時唔可以坐長途機，同埋做劇烈運動，所以都係近近哋飛吓！」不再滑雪，改打乒乓球？「尾龍骨傷，好多運動都暫時唔能夠做，相對打乒乓球比較溫和，嗰次係上第一堂，之後可以同Jayden一齊對打。以前覺得乒乓球係幾男仔嘅玩意，學咗又覺得幾好玩，原來好講速度、反應，手腳腰都要好配合，幾好玩。」講開囝囝Jayden，不經不覺已經6歲，嘉欣坦言非常掛念囝囝小時候，但亦都享受囝囝長大的變化，「以前佢喺報紙雜誌見到我啲相，會覺得好奇怪，咁我每次都有解釋畀佢聽，有時影工作相，我都帶佢去，等佢明白呢個係我嘅工作，所以?家冇咁八卦好奇，始終佢已經係6歲小朋友。」我手畫我心，嘉欣有時會陪囝囝玩art jamming，囝囝隨手畫的畫亦令她最窩心，「咁多年母親節禮物，我最鍾意Jayden畫畀我嘅畫，每次可以睇吓佢內心世界，又可以睇吓佢筆下嘅媽咪係點樣。」獨子，又是家中寶貝，嘉欣寧願做嚴母，都不想囝囝變港童，「唔想Jayden有少爺病，唔想佢覺得全家都以佢為中心，所以我都幾嚴，呢方面我同先生都幾一致。」李媽媽亦是嚴母，「佢好注重我哋要有禮貌同守時，要尊重同包容他人。」嘉欣媽咪亦保養得宜，三母女被影過一齊半島嘆茶、shopping，恍如三姐妹，「謝謝讚賞，我都覺得媽咪係天生麗質，媽咪扮靚心得係我哋三個之中最基本、最簡約，真係唔到我唔佩服。」
對美魔女正面
過去幾年，嘉欣都被封為「美魔女」，面對即將的50大關，她坦言不怕老，「呢個稱呼都幾正面㗎，就算80歲都唔怕，最緊要係心態要保持年輕，同埋維持一個開朗積極嘅人生態度，唔好將啲事諗得太多、太複雜。時間呢樣嘢好公平，無論你開心、難過，一分一秒都係咁過，所以我成日提自己要開心，唔好為無謂事情傷腦筋。」
愛彼錶霜金新材
愛彼錶經典作，必數八角形表面的皇家橡樹系列。今年女裝版誕生40周年，請來意大利設計師Carolina Bucci設計閃亮新錶面，以白金或玫瑰金製作、取名為Frosted Gold（霜金）。至於女皇盃2017限量版，今屆以男女對錶為主打，各限量發行200枚。
Audemars Piguet皇家橡樹女皇盃2017限量版腕錶$299,000
■去年開始玩電梯自拍。
電梯自拍女郎
人人都玩自拍，李嘉欣有一個專屬場景：電梯！經常在大廈電梯內自拍，影了一兩年，由秋冬厚褸大衣，影到夏天熱褲背心、去ball禮服等，她更搞笑寫「每年胖一公斤」，嘉欣這樣說：「我都唔記得幾時開始影，有時係匆匆忙忙中，喺嬦度係稍為停一停嘅時間，所以就隨手自拍，當做一個相片日記。」
更多精采時尚內容，盡在
http://add.appledaily.com。
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170421/19996185
李嘉欣晒Hermès迷你袋放iPhone7 Plus啱啱好
1 :
GS(14)@2017-05-13 02:04:16女人最愛買手袋，好天買，落雨天又買，出糧又想買一個，總之就買袋總有無數個理由，近年大熱mini bag，Fendi同LV都有推出，而愛馬仕Hermès亦有推出mini版的Kelly Bag。一向是愛馬仕忠粉的美魔女李嘉欣就趁好天氣出街，戴上黑超在街頭影fashion snap，最吸睛是她揹了Hermès Kelly Mini II的粉色迷你袋，手袋細細只有19cm，備有長肩帶和top handle，就成為近阿太界的潮物，手袋大約放得下小銀包、唇膏，手袋雖小仍可放得下一部iPhone7 Plus，以一個Mysore Goatskin的19 cm Kelly Mini II為例，定價就要$66,300起，價錢視乎皮革而定。
來源:
http://hk.apple.nextmedia.com/entertainment/art/20170511/20017384
為李嘉欣預祝47歲生日黎姿：大美人永遠美麗
1 :
GS(14)@2017-06-18 11:18:176月20日係大美人李嘉欣嘅47歲生日，不過佢喺踏入生日月無耐，已經喺微博留言叫大家唔好送禮物，佢留言：「每年收到的禮物和祝福都讓我很感動，踏入了生日的月份，『禮物』意義是分享喜悅和愛，如果你正打算送我禮物的話，請考慮支持『Ukulele暑假班眾贈行動』，給自閉症兒童一個難忘的夏天！」生日都不忘做善事，真係好愛心，查實有時唔一定收禮物先開心，同埋一班朋友見吓面，食個飯已經好開心，嘉欣嘅好友黎姿，前日喺微博貼咗啲食飯相，同場仲有嘉欣嘅家姐李嘉明與及設計師好友張潔雯。睇見佢哋個個樣都冇乜點變，都係凍齡美魔女，令人好葡萄。之後黎姿都留言：「Happy birthday to大美人祝永遠美麗、健康、喜樂常在！」嘉欣亦轉發微博：「謝謝你們美美的祝福！」
來源:
http://hk.apple.nextmedia.com/entertainment/art/20170618/20059872
李嘉欣相約黎姿慶生 穿Valentino花裙飄女人味
1 :
GS(14)@2017-06-23 01:44:37明天便是大美人李嘉欣(Michelle)的生日，日前她相約一班好姊妹食飯慶祝生日，包括黎姿、家姐李嘉明與及設計師好友張潔雯，之後黎姿更在微博貼食飯相。雖然Michelle即將踏入47歲，不過無論樣貌、皮膚與身材都保養得宜，是出晒名的凍齡美魔女。日前她穿上Valentino2017早秋系列的印花裙，加上一頭曲長髮，顯得美豔動人，充滿女人味；同枱食飯的45歲黎姿周同屬是凍齡美魔女，穿上白色上衣的她，簡單配搭黑色chocker，增加型格時尚，望落好young好青春。
來源:
http://hk.apple.nextmedia.com/entertainment/art/20170619/20061252
李嘉欣囝囝讀男拔學紀律
1 :
GS(14)@2017-07-09 03:55:27■李嘉欣曾表示自己對兒子獎罰分明。資料圖片
李嘉欣與許晉亨的6歲獨子許建彤（Jayden）今年幼稚園畢業，9月將會開始讀小一，原來二人已為囝囝考入本地名牌傳統小學男拔萃小學。昨日就有報道指Jayden將會跟隨爺爺許世勳讀同一學校，又指他以正常途徑申請入學，有參加入學試。上年11月，一家人曾去過男拔舉辦的賣物會，幫囝囝評估學校。
Jayden一向做運動，學球類與水上運動瓣瓣精，而李嘉欣早前曾在活動上提過，亨亨主力陪囝囝玩，自己就嚴厲教仔，對囝囝獎罰分明。有知情者透露，李嘉欣希望囝囝入讀男拔學習紀律及禮貌，積極培養家族第四代的未來接班人。撰文：唐如
來源:
http://hk.apple.nextmedia.com/entertainment/art/20170707/20081244
Next Page