【文青新蒲點】美荷樓Cafe重開 六位數翻新繼續懷舊
1 :
GS(14)@2016-05-19 02:35:07位於石硤尾美荷樓的cafe重開，新店「四十一冰室」，繼續採用大量老香港元素。
位於石硤尾美荷樓的呼吸冰室，走文青最愛的懷舊路線，但今年三月底因合約期滿而結業。轉眼又有新cafe進駐，經過新一輪翻新工程，斥資六位數字的新店「四十一冰室」於今晩試業。新店是青年旅舍和有十年經營cafe經驗的飲食集團合作營運，屬社企模式，每三年需投標一次。裝潢和舊冰室分別不大，同樣沿用老香港元素，較特別是新增由五位新晉藝術家Brainrental、Don Mak、 Miloza(米路沙)及Tik Ka(迪嘉)、underdo party以分享快樂為主題的壁畫。
食物和舊店一樣均以西式為主，加入不少新元素，像招牌菜式西班牙烤焗乳豬及英式炸魚薯條，前者以原隻鐡板上，比手掌還要大，約三磅，肉軟腍但頗膩，至少2人share最好，售價近150元是冰室最貴的菜式，後者份量頗多，但魚柳炸得不算香脆。菜式選擇不少，有健康主題的豆腐漢堡及水果沙冰，亦有配合懷舊裝潢而設計的花生醬夾餅配焦糖香蕉及乾果杏仁茶。另外冰室對面新增士多，售賣港式懷舊小食，如叮叮糖等及懷舊擺設。到嘉頓山及美荷樓一遊，不妨在冰室歇一歇，回憶老香港情懷。
YHA美荷樓青年旅舍九龍深水埗巴域街70號記者：何嘉茵、黃依情攝影：梁志永
招牌菜式西班牙烤焗乳豬，以原隻鐡板上，比手掌還要大，約三磅，肉軟腍但頗膩。$148
英式炸魚薯條，魚柳炸得不夠香脆，但份量頗多。$68
配合健康主題，特色豆腐漢堡（$88）及水果沙冰（$32）。
以懷舊為主題的花生醬夾餅配焦糖香蕉及乾果杏仁茶。兩者均$32
餐座及椅子幾乎與舊冰室設計一樣，新店只多了幾幅壁畫。
來源:
http://hk.apple.nextmedia.com/su ... t/20160517/19614689
【荔園試玩】不再懷舊 新荔園聯乘卡通
1 :
GS(14)@2016-07-17 15:44:40今年的荔園移師機場博覽館舉行，究竟今年有乜遊戲玩，又有邊個影相地點靚？記者今日親身到場話你知。
今年的荔園移師機場博覽館舉行，究竟今年有乜遊戲玩，又有邊個影相地點靚？記者今日親身到場，一於同大家報告一下。
一、拜拜懷舊味道
上年荔園一出，人人見到掟香口膠同大象天奴即刻心郁，唔玩淨入場影相都叫有gimmick。今年場館分為七個部份，以「荔園Super Summer2016」為題，招牌懷舊攤檔、遊戲同場景幾乎冇晒，好彩保留咗大象天奴，雖然唔識噴水但都叫做有點舊荔園味道。今年遊戲移師室內，現場有大量卡通場景，仲有本地插畫師的裝置藝術，好處係遇上不穩定天氣都仲可以繼續玩；室外則係電動高卡車Xrace場地。
二、六款攤位遊戲
去荔園梗係要玩攤位遊戲，不過今年冇得掟香口膠，取而代之係常見嘅足球九宮格「我要射波」、藍球入樽遊戲「零秒出手」同碌乒乓球嘅「別有洞天」等六款遊戲，個人覺得有點失色，但其中一個遊戲獎品係小露寶，都係童年回憶之一。除咗八、九十年代大家熟悉的經典人物，今年場內仲有很多妖怪手錶卡通獎品，小朋友會鍾意。
三、影相位冇驚喜
淨睇攤位遊戲和吹氣設施，應該未必滿足到你，一於睇埋有乜影相位。第一個打卡點，當然是大象天奴，高約4米嘅天奴唔算難影，正面影會更有氣勢。同妖怪手錶聯乘的櫻花鎮場景，馬路setting可以用來拍出全身snap shot；貌似迷宮的裝置藝術「蘇菲的奇幻世界」，係由插畫師林皮創作，裏面有鏡同夢幻感覺的設計，都係不錯選擇。今日睇完大環境，想知道值不值得入場玩？果籽仲帶咗小朋友入場親身實試，繼續留意報導啦！開放時間：7月16日至8月7日星期一至四11:00-20:00星期五至日10:00-20:00地點：亞洲國際博覽館8號及10號展館入場套票：星期一至四及星期五至日10:00-12:00成人：$140（包10個代幣）3歲或以下：免費（不包代幣）星期五至日12:00-20:00成人：$180（包10個代幣）3歲或以下：免費（不包代幣）＊另購每個代幣為$10記者：黃樂雯
來源:
http://hk.apple.nextmedia.com/su ... t/20160716/19697124
【歐美潮話】stranger things 八十年代懷舊潮回歸
1 :
GS(14)@2016-09-06 22:52:13最近成為網民熱話的Netflix劇集《Stranger things》（怪奇物語），屬近年不能錯過的懸疑恐怖電視劇，故事發生於1980年代的印第安納州，一位男孩於極有可疑的情況下無故失蹤，而身邊尋找他的警長和親友陸續發現鎮上的超自然事件。劇中滲入不少80年代的音樂電影流行文化，劇情故事甚至主題音樂都特地向80年代的經典電影致敬，而角色衣着打扮亦中曬今季再次掀起的復古潮流，剛剛Netflix亦宣佈明年推出第二季，有心唔怕遲，80年代啲衫過幾十年再着都無人話你out，要襯返個「怪奇」造型其實唔難。
記者：畢慧婷
H&M尖沙嘴廣東道30號
MONKI旺角朗豪坊L1樓29-31號舖
House of Holland
www.houseofholland.co.uk/
Marimekko銅鑼灣禮頓道42號
ACNE STUDIOS中環雪廠街10號地舖
曾與Johnny Depp熱戀，大眼氣質美女 Winona Ryder於90年代紅極一時，尤其以黑眼線及一頭短髮的為人所熟悉，於這套劇中飾演失蹤男孩的母親而再次爆紅。
劇中場景依照80年代而設，劇服製作同樣認真，Mike媽媽穿着格仔恤衫和留着珍芳達髮型的造型也是當年的時尚指標。
出鏡最多的四位小主角經常穿着的cap帽、工裝大褸、polo長袖衫和燈芯絨外套都緊貼當年的復古打扮。
(左至右) H&M軍綠色外套$349、MONKI樽領衫$120、House of Holland紅色圖案恤衫$2,908
(左至右) Marimekko間條恤衫裙$2,495、ACNE STUDIOS格仔褲$5,999、ACNE STUDIOS喇叭褲$3,999
來源:
http://hk.apple.nextmedia.com/su ... t/20160906/19761238
【小時候】收藏家工廈砌懷舊士多 經典枱面遊戲機放角落偷偷玩
1 :
GS(14)@2017-01-12 08:04:04原本經營鈕扣生意的李志偉(Patrick)是士多狂迷，於是四處搜羅各式陳設，落手落腳「砌」出一間「美樂士多」來滿足自己，也把收藏公諸同好。
小時候，家樓下總有一、兩間士多或雜貨店，有些更有遊戲機，是細路哥的聚腳地。近年士多買少見少，取而代之的是「梗有一間喺左近」的便利店。租貴又經濟不景的時代，偏偏有人因為「尋開心」落手落腳「砌」出一間七、八十年代的懷舊士多，重現最好的時光。
原本經營鈕扣生意的李志偉(Patrick)是士多狂迷，於是四處搜羅各式陳設，落手落腳「砌」出一間「美樂士多」來滿足自己，也把收藏公諸同好。「士多對我而言係幾開心的回憶，加上有好多收藏唔可以放屋企，所以可以砌出嚟好似士多一樣，我好開心。」
拜訪日本收藏家 重組細路聚腳地
看到這間士多，真的像回到過去，就連擺位跟足當時的士多——汽水冰櫃要近門口，方便客人路過就買；貴價的煙酒就要近收銀位；還有一道神秘的門，門後藏着老闆賺錢重地「麻將房」。
Patrick認為士多的回憶，最重要是打遊戲機，因此他添置了幾台枱面遊戲機。然而，這種枱面遊戲機幾乎已絕跡香港，要特地到日本找回來。「有日本收藏家，收藏呢啲遊戲機。經朋友介紹，我哋就真係去拜訪佢。」最後，因為Patrick和拍檔的誠意，日本收藏家終肯割愛幾部。而遊戲機之所以要放在小角落，是因為當時士多要先拿牌照，才可擺放遊戲機。不少士多會把遊戲機推到最角落且放下簾幕，偷偷做生意，把小孩的玩樂天地藏起來。
為了重現回憶，士多內擺放了舊廣告版、洋酒和塑膠玩具等舊物，讓客人驚喜。
這種枱面遊戲機幾乎已絕跡香港，要特地到日本找回來，而且仍運作正常。
投幣磅重機，以前多在戲院找到，大人小孩一樣玩得開心。
汽水鐵冰櫃 回到青澀歲月
為了重現回憶，士多內擺放了舊廣告版、洋酒和塑膠玩具等舊物，讓客人驚喜。黃先生看到可樂搖搖，直言感到非常興奮，「可樂搖搖都已經搵唔到，但而家又見得返！」
Patrick從灣仔一間士多入手了傳統汽水冰櫃，上面的迷你電視機，播放着由11歲兒子剪輯的舊電視廣告。邊聽當年的廣告主題曲，邊喝着支裝飲品，Patrick笑說就像回到從前年輕的時候。「客人買支汽水企喺士多飲，聽埋啲歌，感覺都唔同啲。」訪問當日，的確位位客人都特意買一支汽水，而且都非常純熟——從冰櫃取出汽水，用櫃上乾布抹乾樽身，再用扣在櫃邊的開瓶器「咔吱」開蓋。
Patrick從灣仔一間士多入手了傳統汽水冰櫃。
綠寶、可樂和麥精等支裝飲品都有供應，喝完可以放到旁邊的汽水架。
「尋找士多的故事」 延續士多回憶
這還有吃的，有玩的，但說與博物館的最大分別，或許是冰櫃旁邊的一面牆。這面牆會收集大家的故事，Patrick表示好多客人都會有事跟他分享，會大談以前家人開士多的故事，他呼籲大家一起分享士多的人情味和童年回憶。「佢哋最初擔心唔知寫乜，打牌、遊戲機、賒數、送貨，佢哋覺得都是平常事。但我覺得年紀輕人，其實唔知道呢啲事發生過。」他希望有朝一日，可以收集很多香港真實的士多故事，最終甚至結集成書，把最好的時光分享開去。
這面牆會收集大家的故事，Patrick呼籲大家一起分享士多的人情味和童年回憶。
Patrick：「佢哋最初擔心唔知寫乜，打牌、遊戲機、賒數、送貨，佢哋覺得都是平常事。但我覺得年紀輕人，其實唔知道呢啲事發生過。」
一道神秘的門，門後藏着老闆賺錢重地「麻將房」。
美樂士多長沙灣百美工廠大廈12C室星期一至日12:00-19:30記者：黃凱婷攝影：黃子偉
來源:
http://hk.apple.nextmedia.com/su ... t/20170111/19892898
公屋設計勁「懷舊」 盤點三大冇用位
1 :
GS(14)@2017-01-17 01:52:15公屋裝修動輒拆掉原裝設施，遭詬病浪費，但有設計師批評部分因房署公屋單位設計沒與時並進，廿多年不變，三大「無用位」包括灶位太矮、鋅盆太高用料欠佳，及廁所門過大，都未有因應港人生活模式轉變而改善設計。記者：張文鈴
Fano Design Workshop設計總監Marco Mok表示，無論新舊式公屋的設計上，廚房和廁所基本上沒有大分別，「可能十幾二十年前嘅廚房，都係做緊啲兩級嘅設計，鋅盆會高啲，另一個灶位會set返低少少」。他認為，有關設計已不太適合現今港人的生活模式，「（設計）都唔太實用，廚房鋅盆和灶台都係裝修大改造嘅地方」。他以廚房灶台太矮為例，解釋當年調低灶台高度皆因灶底剛好放置石油氣，但現今港人已不用石油氣煮食，多選用平板爐，因此灶台太矮變得不實用。他建議應提高灶台，台面應離地35.5吋較為合適大部份香港用家，「講緊香港嘅女士用起上嚟會好用少少…一般建議標準係用家手肘同個台相距約8吋」；同時亦可放置俗稱「大眼雞」的洗衣機，以騰出更多空間，「唔洗再搵多個位去擺洗衣機，用盡少少個空間」。他又提到，房署提供鋅盆用料一般，住戶裝修時多改用不銹鋼盆，枱面則會用無縫石，「比較襟用啲」。部份公屋住戶認為廁所門過大，佔據廁所空間，Marco建議可改用摺門，「以前興用金屬物料，如鋁嘅摺門，比較防水同輕身啲，想望落去想高貴少少，可用木門，裝返啲摺門較，效果出嚟會靚仔啲」，兩者價錢相差約1,000至2,000元。房署回覆指，公屋設計以簡約、環保和切合居民日常生活基本需要為目的。房委會自2002年起，新建公屋已全面採用「通用設計」概念設計，在住宅單位和公用地方均提供全面的無障礙設施，單位內廚房和浴室門保持750毫米闊度，廚房內的灶台和鋅盆設計均充分考慮不同使用者的方便及需要。另外，2013年後的新公屋項目採用人造樹脂灶台來取代不銹鋼灶台，租戶可於入伙後要求安排調校台面高度以切合所需，高度分別為850毫米、750毫米及590毫米。
來源:
http://hk.apple.nextmedia.com/news/art/20170116/19898755
【拜年送乜好】籐織懷舊福籃 有得食又有得玩
1 :
GS(14)@2017-01-22 02:18:03新年到，總唔可以兩手空空去拜年，點都要買啲禮物見人。想得體有心思，但又唔想年年買曲奇、朱古力咁悶？今年你有新選擇！
長沙灣美樂士多重現7、80年代士多模樣，加上各式懷舊小食同玩具，喺網上開始多人留意。老闆趁新年推出賀年福籃，有得食又有得玩，要大家過個充滿童年回憶嘅肥年。福籃用籐編織，外面貼上用牛皮紙印製嘅士多宣傳招紙，籃蓋上更有一張「福到」揮春，外形真係有啲似細個阿媽個買餸籃啊！記者一打開福籃，在場同事見到裏面嘅糖果都表現非常興奮。糖果共九款：史密夫蜜瓜味軟糖、史密夫鳥結糖、白兔糖、蜜蜂糖、瑞士糖、甄誠記椰子糖、本地手工水果糖、金幣朱古力，以及紅瓜子。其中蜜瓜味軟糖最令記者驚喜：「竟然食得返，仍然係清甜好咬口！」如果大家怕麻煩，可以考慮買個福籃就填滿一個全盒。不過假如你唔鍾意甜食，呢個福籃只得一包紅瓜子，可能未必夠過口癮喇。福籃附送老闆設計嘅「美樂賀年棋」，大家拜年之餘仲可以玩餐飽。賀年棋嘅棋子同骰仔都係木製，摸上手幾有質感，真係有小時候康樂棋嘅味道。話明係為新年而設，棋盤設計就以粉紅色配粉紫色為主，裏內不乏賀年圖畫，例如煙花、炮竹、小朋友舞獅同家人團圓嘅畫面，而且畫風一樣充滿懷舊味道。玩過康樂棋都知道，行到某幾格就會有懲罰，呢副棋都一樣有！不過新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。老闆Patrick講笑話，「希望大家拜年時，有個新嘅小玩意，但又不失傳統風味。」新年送禮定自用，抑或想同家人、朋友歡聚，今年就多一個既傳統又新穎嘅選擇。福籃$98一套（附送「美樂賀年棋」），詳情可到美樂士多facebook查詢。記者：黃凱婷攝影：黃子偉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
士多重現7、80年代士多模樣，仲有各式懷舊小食同玩具。
福籃用籐編織，外面貼上用牛皮紙印製嘅宣傳招紙，真係有啲似細個阿媽個買餸籃啊！
各款賀年食品，記者最驚喜嘅，係竟然食得返史密夫蜜瓜味軟糖，仍然係清甜好咬口！
「美樂賀年棋」，新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。
來源:
http://hk.apple.nextmedia.com/su ... t/20170121/19903826
【飲食籽】初九之後冇得食 懷舊生財顯貴雞
1 :
GS(14)@2017-01-28 12:05:26生財顯貴雞全隻$396即生菜蜆蚧雞，新春限定菜式，只供應到2月5日（年初九），想吃就要趁新年吃啦！
【飲食籽：識飲惜食】唯靈曾經在專欄內提過顯貴雞，更講過「以個人口味而論，其滋味之雋美，猶在比較名貴的金華玉樹雞之上。」究竟顯貴雞有甚麼厲害呢？「其實這個顯貴雞，最主要是落了蜆蚧，通常會在過年的時候出現。」粵軒行政總廚馬榮德一邊說，一邊遞了一瓶蜆蚧醬過來給我看。
扭開瓶蓋，一陣鹹鮮滋味撲鼻而來，更帶少許酒香，原來這蜆蚧醬是用鹽、山西汾酒、陳皮絲等材料，醃製蜆肉而成的醬料。由於汾酒是蒸餾烈酒，酒精濃度極高，加上這蜆蚧醬鹹度極高，所以保存個十載八載不是問題，問題是直接用會太死鹹，所以烹煮前一定要略為調校味道。顯貴雞原先為順德雞饌，蜆蚧醬就是由順德人所創，用加入了蜆蚧醬後的菜膽上湯浸雞，有如神來之筆，個個食過都豎起大拇指，後傳至香港，菜式演變成生菜蜆蚧雞，而且是新春獨有的喜慶菜，為了取個好意頭的名字，就取其諧音顯貴了。
雞走油後，可放於瓦罉內，以薑葱蜆蚧汁鍸大約30分鐘。
粵軒行政總廚馬榮德
自家蜆蚧汁 陳皮吊出鮮味
每位師傅調校自家的蜆蚧汁都有自己一套，而馬師傅除了用薑葱、砂糖及清湯調味之餘，還加了幾塊陳皮，「蜆蚧醬內其實有陳皮的，但醃了多時，陳皮味早已散盡，所以我在調校這蜆蚧汁時，特地加了幾塊陳皮，用以吊出蜆蚧的鮮。」只見馬師傅將薑片、葱段、陳皮、蜆蚧倒進鑊內，起勢猛炒，最後加入清湯，就成了自家的薑葱蜆蚧汁，「我自己以前做這菜式，材料是切絲的，但現在我改用粗料，因為我們用煲，煲是入味的，如果是蒸則是出味，既然是用煲的，我就省卻了切絲。」用蜆蚧汁鍸雞之前，最重要是將雞走油。「如果只是生抽，可能顏色會較淡，所以加點老抽令顏色更均勻，搽在雞皮表面再拿去炸。」最主要是取其顏色，所以一見雞身有輕微的金黃色，就該撈起。那樣用蜆蚧汁鍸出來的雞，除了顏色靚夠入味之餘，雞肉亦非常嫩滑，即使是雞胸都沒有絲毫䊹口的感覺，連蜆蚧汁及陳皮絲一起吃，實在非常鹹鮮惹味。
走油前先用生抽、老抽搽在雞皮表面，更易令雞皮上色。
走油時，一見雞身有輕微的金黃色就該撈起。
埋芡時落薑葱絲及陳皮絲，澆上雞身會更香。
即使是雞胸都沒有絲毫䊹口的感覺。
蜆蚧醬是用鹽、汾酒、陳皮絲等材料，醃製蜆肉而成的醬料。
粵軒門面簡約，其顯貴雞卻殊不簡單。
粵軒灣仔告士打道72號六國酒店1樓
記者：黃子卓攝影：潘志恆編輯：梁浩維美術：黃創泰
來源:
http://hk.apple.nextmedia.com/su ... t/20170128/19909659
【活化大牛龜電視】神人改裝成2合1懷舊遊戲機
1 :
GS(14)@2017-05-19 05:28:27改裝過程中最困難的地方，是要將TV卡及音響重新連接到機面的功能轉鈕。
CRT大牛龜電視是好多朋友的童年回憶，尤其那班日以繼夜、夜以繼日撈住電視汁長大的人，而家絕大部份大牛龜電視已退役，但仍有唔少設計師會將其外殼活化賦予新功能。話說醉心懷舊遊戲的Finndersen有日在街頭見到一部International牌大牛龜電視，就即時買返屋企諗住將部電視改裝懷舊遊戲機，一心想將迷你電腦Raspberry Pi3放在大牛龜電視內，再安裝RetroPie模擬器玩PlayStation、N64、NeoGeo等懷舊遊戲ROM。點知當佢拆走CRT顯像管時先發現原來電視仍可正常操作，於是要再買一個12吋LCD屏幕放入機內，甚至乎將一塊透明亞加力膠片屈成大牛龜電視的屈面放在屏幕前，扮番原本的外觀。若只係改裝成一部懷舊2合1遊戲機電視機，到這個步驟就已經可以收工，不過Finndersen決定再搞搞新意思，為這部2合1遊戲機電視機加入TV卡及換上更靚聲的喇叭，而且花上唔少時間先能夠將TV卡及喇叭連上電視機面原本的Analog制式頻道選擇及音量調校轉鈕，打機之餘更可睇埋電視節目，真係勁到無朋友！影片：
https://youtu.be/hu4SaxqlHVo資料來源：Hackday文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170518/20024771
【日落前幫襯】十字牌×懷舊冰室 必飲絕版玻璃樽鮮奶
1 :
GS(14)@2017-05-21 13:19:25十字冰室走懷舊冰室風格，必影十字牛奶樽。
見到十字牌牛奶樽，是否勾起了很多童年回憶？在西營盤新開的十字冰室，走懷舊冰室風格，不會像一般冰室那樣逼狹，還有很多影相位。很多人好奇是否十字牌所開的，其實是冰室跟十字牌合作。環境夠靚，不知食物味道又如何？
番茄牛尾湯通粉（$48），肥瘦均勻的牛尾放在蕃茄湯上，外貌和份量都十分吸引。
士多啤梨牛奶麥皮（$38），味道酸酸甜甜，但放久了會變糊，要趁熱吃。
冰室常見的常餐、西多士和通粉等等都有。番茄牛尾湯通粉的外貌和份量都十分吸引，番茄湯用了新鮮番茄熬足四小時，茄味濃郁，入口吃到很多蔬菜粒。原隻牛尾更是啖啖肉，肥瘦均勻，而且煮得軟腍入味。菠蘿包外脆內軟，中間夾火腿和煎蛋，一咬開就吃到流心蛋漿，蛋黃慢慢滲入菠蘿包中。流心芝士西多士有厚度，除了花生醬，還加了車打芝士和mozzarella芝士，切開就見到芝士流出來，相信減肥人士也忍不住了。十字牛奶做主題的冰室，又怎會沒有十字牛奶的食物。新推出的士多啤梨牛奶麥皮配搭新鮮，用士多啤梨奶煮成，加入粒粒新鮮士多啤梨，奶味香濃，而且不會太甜，但放久了會變糊，要趁熱吃。另外還有十字牛奶軟雪糕，用意大利雪糕粉和十字牌牛奶，除了濃濃的奶香，質感還非常幼滑。樽裝十字牛奶早已停售，餐廳特意訂了牛奶樽來裝牛奶，連冰鎮奶茶都是用它來裝。
火腿爆蛋菠蘿包（$24），一咬開就吃到流心蛋漿！
流心芝士西多士（$38），切開就見到邪惡芝士流出來，減肥人士都忍不住。
冰室的營業時間由上午7:30到下午6:15，千萬不要太晚去摸門釘。
來到港島區除了去咖啡室，想坐得舒服也可以去冰室。不過冰室的營業時間由上午7:30到下午6:15，千萬不要太晚去摸門釘了。十字冰室西營盤高街48-78號恆陞大樓12號舖記者：黎婉婷攝影：王國輝
2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170521/20027864
Next Page