上月宣佈暫別娛圈 擬美國生B吳若希終報喜 懷孕3個月
1 :
GS(14)@2016-11-20 23:52:01■一直盛傳大肚的吳若希，昨日向前經理人親口承認懷孕3個月。資料圖片
吳若希今年9月跟澳門闊少男友Alex分手後一個月即火速翻撻，她更於社交網暗示暫別娛圈，隨即惹來大肚傳聞。連月來吳若希一直未肯承認大肚，直至昨日她終在Instagram宣佈喜訊：「幸福的事要發生了！」她的前經理人Simon昨轉述吳若希親口承認有喜：「我有咗3個月喇！」據悉明年5月便25歲生日的吳若希，將於同一個月份在美國迎接小生命來臨。
連月來盛傳懷孕的吳若希，昨日終於承認懷孕3個月，可喜可賀！現年24歲的吳若希，今年9月宣佈與拍拖半年的澳門闊少男友何兆鴻（Alex）分手，一個月後火速復合。由於吳若希上月10日在社交網留言暗示暫別娛樂圈：「有時在一個環境呆到累了，就要給自己一個新的挑戰，親愛的豬們，我想休息一段時間，發展自己另外的工作，你們會支持我？你們會等我嗎？」因而惹來大肚傳聞。
傳獲贈900萬新樓
早前有傳吳若希懷孕3個月兼獲Alex送贈900多萬何文田新樓，但她未肯多講，僅在Ig留言表示：「有咗3個月會通知大家，結婚通知大家，應承你！」本月初有傳媒拍得吳若希肚凸凸現身澳門，她也未肯承認懷孕。直至昨日下午，吳若希忽然於Ig上載一張半身相，並留言道：「幸福的事要發生了！」雖然她未有透露何事，但本報收到消息，吳若希已跟唱片公司老闆何哲圖承認大肚，而她前經理人Simon昨日亦得到吳若希親口承認懷孕3個月。Simon昨午向本報記者透露剛與吳若希電話聯絡，他說：「一路以嚟我同Jinny（吳若希）都有聯絡，見好耐冇聯絡，打畀佢問吓佢最近點，佢就好不經意咁話有咗3個月，我都好愕然，但好高興嘅，佢同我講：『有好消息呀，我有咗3個月喇，遲啲再講啦，好忙呀！』咁就end咗件事囉。」
【昨日】■吳若希昨日於Ig貼新相並宣佈有幸福的事發生。
【上周】■吳若希上周在Ig上載全身相，懷孕3個月的她身材未見有異樣。
分手後始知有咗
據估計，吳若希今年9月19日在社交網宣佈與Alex分手時，仍未知道自己懷孕，直至上月10日她在社交網暗示暫別娛圈時，估計已知道懷孕，並火速跟Alex復合。據悉吳若希一直在澳門安胎，但日前她已與Alex前往外地旅遊。據知情人士透露，Alex一直希望與吳若希到美國結婚生仔，預產期為明年5月的吳若希，將會隨男友意願到美國生B，由於5月23日是吳若希生日，換言之BB將跟她同一月份出生。不過，吳若希一直深信風水，玄學家陳定幫曾為她與Alex夾八字，指出她於2018年才適合結婚，估計她會待生B後再於2018年與Alex拉埋天窗。記者昨日曾致電吳若希，但未獲回覆。另外，玄學家陳定幫昨表示未接獲吳若希通知懷孕，他說：「佢未通知我大肚，亦冇搵我擇日子結婚，本身好早之前話過佢哋最好2018年結婚，今年好似太快，不過佢今年有喜慶星，代表生仔結婚，如果今年結婚都冇問題，只係2018年更加好。」採訪：皓騫
■吳若希跟男友Alex分手後，上月發現懷孕，更火速跟對方復合。資料圖片
■獲唱片公司老闆何哲圖力捧的吳若希，因懷孕而暫別娛圈一年。資料圖片
來源:
http://hk.apple.nextmedia.com/entertainment/art/20161119/19838488
娛圈喜事湧埋嚟周柏豪布吉娶老婆
1 :
GS(14)@2016-12-01 00:01:27■周柏豪上周六與拍拖十年的女友在布吉結婚，昨日他向傳媒發放「影後」婚照。
今年喜事特別多，繼日前2R的黃婉佩（Race）及陳文媛爆婚訊，周柏豪上周六亦與拍拖十年的女友拉埋天窗。還有今年8月底入紙排期註冊結婚的孫慧雪，有傳她下月23日會在愉景灣舉行婚禮。此外，與男友拍拖一年多，越愛越煙韌的岑麗香，亦傳答允了男友的求婚，並已向無綫請假，前日飛到溫哥華準備婚禮。喜事更由香港吹到台灣，天心昨日亦在facebook貼文，宣佈嫁韓籍攝影師金榮敏。
■周柏豪與女友一直十分低調，至近年二人多次被影到拍拖。資料圖片
現年32歲的周柏豪前年在叱咤頒獎台上向當時拍拖八年、任職I.T時裝買手的女友Stephanie Chu發表愛的宣言，感謝女友陪伴他長大，還承諾會「跑快啲」，跑到二人的終點。柏豪果然守諾，上周六於泰國布吉迎娶Stephanie，擲過百萬邀請六十位至親好友去泰國布吉，親證他人生重要一刻。
■有份見證周柏豪婚禮的連詩雅，昨晚表示十分感動。
沙灘低調行禮
據知，沙灘婚宴舉行地點位於布吉酒店Aleenta Phuket Resort and Spa，柏豪與女友入住一晚索價兩萬港元的五房Villa，由於太太並非圈中人，故柏豪希望婚禮低調進行，雖然婚禮前忙於拍劇集《使徒行者2》，但婚禮安排仍親力親為。不過秘婚過程最終被傳媒全程直擊。婚禮於上周六傍晚6時舉行，一對新人在沙灘行禮，二人宣讀誓詞時都感動到眼濕濕。昨日返港的柏豪約凌晨3時回應婚訊說：「感謝關心，我倆收到很多祝福和問候，而我一直也盡力去保護家人和朋友，好讓他們的生活盡量不被我而影響，感謝他們的體諒和支持。也感謝這十年來她對我的照顧和忍耐，那天的日落是我看過最好的，謝謝。」昨日柏豪再向傳媒發放他與太太「影後」的婚照，再以短訊回覆傳媒：「我一直想好好保護我的家人，不被我的世界而影響，但事情還是要被曝光，這已經是事實，也算是預料之內的。」
「她是最好的」
柏豪續說：「幸好當天我們不受突發狀況影響，儀式也繼續進行，雖然儀式簡單，但我們有着最美好的天氣和祝福。現在大家仍然陶醉在當天，充滿着愛和溫暖的一天，感謝我的家人支持和體諒，也感謝傳媒的關心。對，她是周太，是最好的，我會繼續好好的保護她，也感謝愛我的人也同樣愛護她。我們也在這裏祝大家幸福美滿，生活愉快。」有份出席柏豪婚禮的連詩雅，昨晚在灣仔出席雜誌活動，問到婚禮詳情時，她說：「整個婚禮過程睇得好開心同感動，因為一入行就識佢，當佢大哥哥，所以好為佢開心。」問她柏豪有否在婚禮上哭？她說：「冇喎，不過佢喺現場有講多謝太太對佢嘅包容同忍耐。」結婚如此急，是否有了身孕？詩雅笑說：「呢個唔清楚，你哋問番當事人。」回港會否再補擺喜酒？她說：「唔知道，你哋問番柏豪啦！」採訪：小米、曹家誠攝影：陳慧安
來源:
http://hk.apple.nextmedia.com/entertainment/art/20161130/19849663
95年《打開天空》出道 月賺百萬轉行陳建穎：喺娛圈失自我
1 :
GS(14)@2016-12-03 05:12:29■90年代歌手陳建穎日前接受本報專訪時，自認高峯期曾月入百萬，但他仍毅然離開娛樂圈。
高峯時期曾月入百萬，更有機會接拍內地中央電視台的劇集，但陳建穎（Ray）仍選擇離開娛樂圈，寧願由低做起轉職保險從業員。很好奇他離開原因？他說：「我覺得唔可以淨係搵錢，我有少少搵唔到自己。」Ray去年底已成家立室，現在每日忙於湊六個月大寶貝女Avery，樂於平淡。
現年43歲的陳建穎（現名陳紀匡），95年憑着與陳慧琳、陳曉東及邱穎欣合唱的歌曲《打開天空》而為人認識。當年甚有人氣的他，曾經試過一日出席五個活動，每個活動的酬金均有五位數字，日前他接受本報專訪時說：「都有試過七位數（一個月），而家就平均啲，以前可能係一個月好好，跟住之後嗰三個月就普普通通，但而家就係平均嘅。」Ray坦言當歌手時，未曾試過為生活費而憂心，他笑言是因自己總會找到賺錢的方法，他說：「仲做緊歌手嗰陣，我試過傾咗個韓國健康食品嘅代理番嚟，仲喺韓國開咗公司，請埋當地人去賣，之後因為成本太高冇繼續做，不過都冇蝕錢。」
■曾有機會打入內地的陳建穎，最後放棄退出娛圈，他自言：「有少少搵唔到自己。」
■去年底與圈外女友ViVi結婚的陳建穎，當晚唱歌冧老婆。
■陳建穎的囡囡Avery剛好半歲大，現時忙於湊B女。
【95年】■陳建穎入行前曾跟戴思聰學唱歌，與陳曉東（左）和陳慧琳同期出道。資料圖片
難頂閒言閒語
Ray選擇離開娛樂圈的原因跟金錢無關，他說：「我覺得娛樂圈好多嘢要等，同埋太過不受自己控制，唔係淨係搵錢，我有少少搵唔到自己。例如當年我好瘦，嗰陣當我操弗啲，就會有人話你肥咗好多，但到我再瘦番，又會有人問你係咪吸毒，我覺得好難去處理人哋嘅期望，同埋我唔俾人話得。」他表示自己加入娛樂圈時年紀尚輕，很多事情不懂處理：「嗰陣個人冇乜歷練，我多倫多畢業之後，唱歌就係我第一份工，所以演戲嗰啲，好多都係一個表情，真係唔適合。」07年於內地拍畢中央電視台劇集《香港姐妹》後，Ray便退出娛樂圈，其後經親戚介紹下，轉行加入保險業，努力了七年，現已成為有三十多名下屬的高級分行經理，但最初仍會遇上困難，他說：「難嘅，我上司都擔心我未必轉到行，頭一張單都係圈內人幫我買……好彩之前嘅少少虛名，其實有幫助嘅，好多人見到我，可能個老闆都未必即刻認得我，但佢個秘書就認得，咁變咗對我嚟講有好多方便。」
明年搞演唱會
Ray去年與圈外女友ViVi拉埋天窗，太太今年誕下女兒Avery，現在他每日忙於照顧六個月大寶貝女。問到假若再給他一次機會，會否依舊選擇加入娛樂圈，還是會選擇現時生活？他說：「都會入演藝界，因為你行完呢條路，個影響力會大啲。其實我做歌手嘅夢想，除咗喺紅館舉行個人演唱會之外，就係搞一個慈善演唱會，其實而家都有人同我傾緊，最快應該出年成事。」是否想復出？他笑說：「復出唔敢講，冇能力，我唱得唔夠好，唔夠好嘅意思係唔夠特別，但聲靚都做到嘅。」問到會否贊成囡囡將來加入娛樂圈？他說：「唔介意，個女鍾意就得，其實佢都有天份㗎，影相會望鏡頭，加上太太彈琴都好叻。」
陳紀匡退出娛樂圈後轉行保險業。
Ray與上司（前排左二）及一眾下屬大合照。
仍然喜歡音樂的Ray，放工後到唱片店聽歌。
Ray表示仍有人找他推出 Hifi碟。
到底Ray搵唔搵到自己隻CD？
去年底跟圈外女友ViVi結婚。
囡囡Avery於今年出世，現在已有六個多月大。
當年一日跑四、五場show的Ray，坦言雖然賺到錢，但就迷失咗自己。
採訪：譚倩宜、嵐山攝影：卓振輝、馮峰、陳順禎場地提供：銅鑼灣HMV
來源:
http://hk.apple.nextmedia.com/entertainment/art/20161202/19852095
祖兒巡舖唔去新城頒獎禮陳柏宇被譏娛圈玩具「唔使咁偏激」
1 :
GS(14)@2016-12-24 10:55:38新城前晚在會展舉行勁爆頒獎禮，英皇及太陽娛樂全體缺席，獲頒勁爆25周年音樂大獎的容祖兒，在頒獎禮舉行期間，於Instagram上載為慈善二手衫舖打點的相片，陳奕迅則出席電影宣傳活動。
Gin Lee走出低谷
今年大贏家陳柏宇成為焦點，早前健吾撰文指他會淪為「娛圈玩具」，陳柏宇直言：「我有睇，有一個朋友send畀我囉，都只係得一個朋友send畀我，所以應該唔係太多人在意，覺得用玩具嚟形容我係幾creative。」他表示不會嬲，因為大家不認識，但因這篇文章知道對方是教授，他續說：「我覺得作為一個教授講嘅嘢唔使咁偏激，其實每個人都有支持者，我唔會評論人哋點寫我，我亦唔會嬲。」同樣獲頒多個獎的Gin Lee坦言得獎獲很大鼓勵，又謂兩年前走過人生低谷，直至今年加入新唱片公司，令她有信心向前行。有指她打敗多位前輩得勁爆女歌手金獎，她說：「多謝大家支持，我今日父母都喺現場，做咗歌手咁多年，父母都好擔心我，希望我可以出人頭地。」問她可認為英皇歌手缺席，造就她捧多個獎？她表示：「我唔知，每一個獎都有機制，我只係做好自己。」
■容祖兒缺席新城頒獎禮，反而忙於打點慈善二手衫舖。互聯網圖片
■Gin Lee被問是否英皇歌手缺席造就她捧多獎時，表示不知道。
■新城勁爆頒獎禮前晚曲終人散，但英皇及太陽娛樂全體缺席。
「軒仔冇嚟可惜」
新城電台節目執行總監（綜藝）劉婉芬，被問到兩間唱片公司缺席，以及是否與英皇交惡時，她表示：「冇問題，英皇都有買賀年廣告，而太陽今年只得安仔（許志安）派歌，關係陌生啲。軒仔冇嚟係可惜，但尊重決定，唔可以勉強。」有指今年獎項偏向頒予環球？她說：「唔覺得，反而有人話偏向某啲歌手，但我哋真係冇。」但承認部份獎要歌手出席才會頒。採訪：王連連、曹家誠攝影：沈健程
來源:
http://hk.apple.nextmedia.com/entertainment/art/20161224/19875086
失蹤4個月終上水許亦妮：唔活躍娛圈一定係被包養？
1 :
GS(14)@2016-12-28 08:12:19圈中人忽然消失，有唔少傳聞，好似被指整容、被包養，呢啲都係傳聞嚟，不過就令28歲許亦妮有啲嬲嬲噃，本來喺網上公開帳戶消失咗四個月，近日又再活躍喺Ig同微博，貼出一啲近照，被網民批評佢「P到塊臉冇咗一忽」、「個眼妝化得好怪」云云。未知係唔係網民言論，觸動許亦妮嘅神經，佢喺微博忽然貼一張啲菜嘅相，先話香港人實在太大壓力，叫大家多食一啲蔬菜，少食肉，人唔會咁燥底，說話也唔會含血噴人，許亦妮就話：「不是不再活躍於娛樂圈，就一定是『被人包了』，『走了去整容』，每個人都有自己想走的路，你們都有媽媽，女兒，妹妹，姐姐，如果你們尊敬和愛的人也這樣被人說，你會怎麼想呢？」許亦妮又向批評佢嘅網民講，叫佢哋將心比己：「你不認識我，我不認識你，素未謀面，何必要以口傷人呢？如果你覺得我長得醜怪，令你感覺討厭，請你不要再看了，沒必要，你也難受，去多看看你們身邊愛惜的人。我只是在地球的另一個空間裏為更好的自己不停學習，不停努力著……」唔知許亦妮口中嘅「另一個空間」係唔係講緊目前佢要專心打理家族生意。
來源:
http://hk.apple.nextmedia.com/entertainment/art/20161228/19879244
【十大娛樂新聞】ATV熄燈《十年》引發影人矛盾娛圈嫁女年 舒淇做馮婦
1 :
GS(14)@2016-12-30 02:58:09馮德倫、舒淇
【2016回顧】2016年，娛圈由關公話事，有公關，得天下；冇公關，完了吧，如無意外。明福俠黎明示範如何在開騷甩轆後不失霸氣，誠懇道歉是二十一世紀最基本常識。蘇永康說生仔女不生梁游，喜事變醜事則與人無尤。完蛋的還有59年歷史的ATV，愚人節熄機才是戲碼。悲歡離合依舊是主菜，舒淇、鍾嘉欣、Race、陳妍希、林心如排隊入教堂；Stephy、蘇麗珊、胡定欣和江若琳則甩拖落單，顯然，這些機會只屬於有情人的。（排名不分先後）撰文：嵐山
岑麗香
處女黨結婚
今年有近50對中港台藝人拉埋天窗，當中以無綫「處女黨」最熱鬧，鍾嘉欣今年2月奉女成婚，8月誕下囡囡Kelly；緊接到岑麗香年尾出嫁，王君馨亦婚期將至。圈中締造不少良緣，舒淇和馮德倫、楊怡和羅仲謙、陳智燊和宋熙年、吳奇隆和劉詩詩、陳妍希和陳曉、林心如和霍建華等都在今年開花結果。至於經歷過兩次婚姻失敗，仍相信愛情的鍾麗緹，11月下嫁比她細12年的張倫碩；39歲的陳少霞與34歲的黃婉佩（Race）亦先後覓得第二春，分別與八億富商李文輝和新加坡富商David Loh閃婚。
甘比、劉鑾雄
大劉娶甘比
65歲華人置業前主席大劉劉鑾雄成功換腎，上月連環出招跟呂麗君割席，怕將來有人爭產。跟前妻寶詠琴離婚後單身了24年的大劉，今年底終於決定娶37歲、為自己誕下一子一女的甘比做第二任老婆，1,200億家財「分甘同味」。而父親是香港首富李嘉誠、坐擁350億身家的李澤楷同樣蜜運中，被指今年情人節與24歲的上屆港姐季軍郭嘉文同遊東京。
來源:
http://hk.apple.nextmedia.com/entertainment/art/20161229/19879448
【動大事2016】娛圈之最大劉夠霸氣 G.E.M.衣着嚇人
1 :
GS(14)@2016-12-30 02:58:11又到年尾，係時候同大家回顧呢年發生過嘅事。能夠登上娛樂版「年度之最」寶座，絕非等閒之輩，恭喜晒所有得獎名人！年度之「最佳衣着」巨G.E.M.來回宇宙又折返人間，忽發奇想玩cosplay，扮哪叱同《蟲蟲特工隊》，不過都唔夠佢個尿布褲造型恐怖，兒夜姨野...嚇死人呀！年度之「最敢言」「是有種人，純粹熱愛耕耘，有種個性，從未曾被發掘」呢首係阿詩今年嘅新歌《是有種人》，做咗獨立歌手，冇合約束縛，繼續做最敢言女歌手。年中，Lancome搵佢開音樂會，點知激嬲大陸網友同媒體。最後Lancome決定跪低，出聲明澄清阿詩唔係代言人，激嬲香港人。事後阿詩宣佈，喺本來舉行音樂會嘅同一日，即係6月19號，同地點搞場騷，吸引幾百人撐場。今年11月21號，阿詩仲入選BBC全球百大女性，方丈今勻仲唔嬲到震？！年度之「最瘀」
Rest in piece？ One Peace？唉，「連piece雅」今次真係瘀到爆囉。2013年，連詩雅悼念保羅獲加，喺IG打咗句「Rest in piece」，被人笑到依家。點知今年7月仲未識驚，去完海賊王個嘉年華活動，又喺IG將「One Piece」串錯做「One Peace」。事後，網絡紅人瓊姐抽佢水，抽到連詩雅喺facebook開live，直播自抄1000次呀。年度之「戀情進展最快」高調示愛，又高調嗌分手，以為吳若希同澳門闊少呢段戀情，就咁完啦。點知轉個頭，吳若希又喺IG宣佈暫別樂壇，搞到外間傳佢未婚懷孕。嗱，佢冇否認架，仲話有咗3個月話畀大家知。去到11月，終於有喜訊啦！吳若希宣佈陀B女，仲話同Alex分咗手先知有咗噃。不過男友都有負責任，諗住等吳若希生完B，之後再補辦婚禮。吳若希陀B期間，準爸爸同準媽媽仲不斷喺IG放閃，燦死人呀。年度之「最親民」講到親民，一定係發哥。講到發哥，就梗係諗起selfie啦。今年5月，發哥出席電影宣傳活動，嚟個3分鐘，同超過110人逐一selfie，挑戰世界紀錄呀。年度之「最高容忍度」呢個世代嘅人妻，原來EQ好高架。中國羽壇一哥林丹，偷食內地女星趙雅淇，老婆謝杏芳原諒佢；練海棠偷嗒34D長髮女，老婆伍姑娘出面say sorry；新女婿Dicky疑似同舊愛流出床照，老婆同外母陳曼娜都絕對信任佢；陳昭昭男友疑似同舊愛藕斷絲連，陳昭昭都視男友係結婚對象。一句講晒，人妻唔易做！年度之「最霸氣」正所謂講野要牙力，做男人最緊要有財力。大劉之所以登上「年度最霸氣」之位，梗係花咗唔少「財」啦。今年11月15號，大劉(劉鑾雄)喺多份報章登頭版，同舊愛呂麗君劃清界線。11月16號，大劉同甘比喺香港入紙登記註冊，甘比正式成為劉太。大劉婚後首次露面，着住睡衣，同老婆坐車落地盤，再一次展示男人霸氣呀。
來源:
http://hk.apple.nextmedia.com/entertainment/art/20161229/19880333
Next Page