與入球顧錦輝「仇人」相見
1 :
GS(14)@2015-05-19 01:05:38【本報訊】2003年7月，5.19事件18年後，曾雪麟在深圳與當年射入第2球的港隊前球員顧錦輝相見，提起那次會面，曾戲言「仇人相見份外眼紅」，「我指着他的鼻子說：『就是你小子把我踢下台的！』搞得他很不好意思，半天才憋出一句：『作為球員，當時唔搏命唔得』，其實我怎會怪他！」
指港球員踢得落力
除了顧錦輝，曾還「記恨」港隊的張志德，「那個任意球，那小子居然從我方球員頭上搶攻，頂進1球」。但始終耿耿於懷還是顧錦輝的第2球，「也是一個任意球，我們守門員脫手，顧跟上一腳，我當時心都涼了，不堪回首啊！那個球，改變了我後半生！」曾指他與香港足球界交情很深，1990年他經姪兒曾憲梓搭橋，應愉園之邀赴香港執教一年，「香港球員真係幾辛苦，日頭打工搵錢，放工去訓練，累得不得了，但大家憑興趣愛好走到一起，踢得都幾落力」。對於香港足球的現狀，曾形容為亞洲二流中下水平，稍弱中國，但打得好也可能贏，和當年5.19一樣關鍵看中國隊。他認為港足體制與內地不同，內地已職業化，但香港始終屬業餘，「香港球員目標明確，踢球認真，不像中國球員，踢球為了搵錢，有錢就落力，無錢就嘥氣。」《蘋果》記者
來源:
http://hk.apple.nextmedia.com/news/art/20150518/19151601
【馮仁昭四圍超】頭耷耷刨馬經 顧錦輝迷茫落注
1 :
GS(14)@2016-10-18 08:15:26■而家係南華助教嘅顧錦輝，舊年有踢省港盃元老賽。資料圖片
【跑馬地】外號「木嘴」嘅前香港足球先生顧錦輝，雖然掛咗靴好耐，不過依然冇離開過足球圈，而家喺南華做緊助教，平時會唔會都買吓波就唔知喇，不過前日喺沙田馬場有11場馬跑，就見到顧錦輝喺跑馬地其中一間投注站出現，賽事由中午12點半開始，不過佢成4點幾至行入投注站。
邊行邊度飛
以前喺球場上英姿颯颯嘅木嘴，55歲人到中年，頭髮變得稀疏咗，條腰亦變粗咗好多，街坊裝一度，一手攞住份馬經，一手揸住支筆，一副麻甩樣，邊行邊度飛，耷低頭好投入咁做功課，然後走咗入投注站。入到去亦冇心急落注，而係追吓啲賠率變化先，之後就埋頭苦幹，金睛火眼刨馬經，但似乎冇乜嘢心水，由於時間唔等人，所以最後急急腳行去櫃枱落注，不過落完注個樣都係好冇信心咁，再皺晒眉刨報紙，仲一臉迷茫行出投注站，坐車離開。唔緊要，就算唔中都仲有發達機會㗎！今日馬會開始接受萬聖節金多寶投注，估計頭獎基金係8,000萬元，到時投注站又會大排長龍，木嘴又可以碰吓運氣喇！撰文：馮仁昭
■顧錦輝前日喺跑馬地一間投注站好投入咁刨馬經。
■可能冇乜信心，顧錦輝落完飛之後就走人。
來源:
http://hk.apple.nextmedia.com/entertainment/art/20161018/19804086