十大唔型
1 :
GS(14)@2012-01-18 22:49:05http://hk.apple.nextmedia.com/te ... 376&art_id=15994261
男人點先型？大多女性認為男人集中工作時，就算你是斬豬肉的豬肉榮，都可以非常有型！這一點我相當認同，但如果沒有工作做，一個男人應該做甚麼才會有型呢？我建議甚麼都不要做，有時少做少錯，唔做最多唔夠型，但一做就會好唔型！我認為有些行為，男人是絕對不能做的！
排名不分先後輕重，因為全部一樣咁衰：
「斤斤計較」——永遠要公平，永遠唔肯蝕底的男人，點可能會型。
「貪小便宜」——將智慧發揮在取便宜上，不但唔型，仲好樣衰，例子：食飯不停投訴食物質素，目的是為了屈人家請食糖水及打折頭。
「諸事八卦」——參與講是非的男人最唔型，以是非做人情的男人直頭討厭。
「脾氣差」——動不動發脾氣的男人唔型，動不動就動手的男人，簡直唔死無用。
「哭於人前」——男兒有淚不輕彈，除非是快樂的眼淚，否則要型，請忍着匿埋至好喊。
「醉酒失控」——不懂自控，才會失控，無定力的男人點會型。
「公開女」——女人是一定要的，但請找一個無人的地方先行動，大庭廣眾，公共交通工具，同下屬開會中，就算你女友是舒淇，都要忍一忍，因為男人女個樣，就算唔難頂，亦肯定好唔型。
「情侶裝」——兩個人襯的話，毋須着一樣衫都襯，個男人要女友陪佢一齊着曼聯球衫唔型，個男人跟個女友着橫間水手 Tee就更唔型。
「挽手袋」——有人認為這是情深表現，我只認為愛上不顧男友顏面的女人，已經相當之唔型。
「對親人差」——當然對親人過份寵愛亦係唔型。
凡事適可而止，唔夠型無所謂，但做了以上的事，不但唔型，還相當樣衰！
作者 Profile
編劇、導演兼電台節目主持，認為「愛情」是沒有工作時的玩意，「工作」是沒有愛情時的必需。
作者：鄒凱光
2 :
亞力士(1473)@2012-01-18 22:54:51「挽手袋」
<------- 認同, 同要個男人拿住包衛生巾週街行無分別, 可惜d囡唔係咁諗