周秀娜揀男友似旦哥
1 :
GS(14)@2017-02-02 02:34:14鄭丹瑞（旦哥）、周秀娜、鄧月平（Larine）及蔡瀚億（BabyJohn）為賀歲電影《小男人週記3之吾家有喜》宣傳，新一年拍攝賀年照，他們祝願大家都開開心心，百花齊放！娜姐笑指每年新年願望都是身體健康，她說：「今年除咗小男友，想快啲搵個大男人，希望搵個好似旦哥咁，外面係大男人，喺屋企就係小男人，旦哥有智慧，好識?人開心，又好有才華，如果搵到個咁就真係好正！年紀真係唔係問題，成熟啲好。」
■身兼導演的旦哥（左一）與娜姐、鄧月平及蔡瀚億為電影宣傳。
身兼導演的旦哥首次拍攝賀歲片，他說：「我好緊張，因為唔知點做，都有壓力，知道賀歲片都要碌老友卡，搵咗草蜢、鄭伊健同張智霖（Chilam），好感動㗎，Chilam拍嗰日開始落雨，之後仲黑雨，拍完濕晒。希望套戲生生性性，希望大家開心啲，香港係需要開心正能量，希望嚟緊一年多啲港產片。」採訪：羅慧敏攝影：陳順禎
來源:
http://hk.apple.nextmedia.com/entertainment/art/20170201/19913913
【add時尚】周秀娜 半熟女宣言
1 :
GS(14)@2017-04-06 07:41:41Blumarine刺繡紗裙Giuseppe Zanotti粉紅高踭鞋
年齡是女人的秘密，尤其去到三字頭關卡，女人更特別敏感。周秀娜（Chrissie）於去年踏入三十接拍了電影《29+1》，戲裏戲外體會這個年紀的微妙轉變，形容自己算有少少經歷，正值半熟狀態，向來於工作上捱得又拚命的她卻不禁撒起嬌，「我唔明白點解大家覺得30歲就唔需要人錫呀。」所以話無論女人幾多歲，也是樂於被寵的，你懂的。造型、撰文：趙潔恆攝影：郭賢興化妝：Circle Cheung of ndnco.co髮型：Amber Tse of Queens Private i由經典舞台劇改編拍成電影《29+1》，周秀娜飾演主角林若君是個能幹獨立的白領，堅強個性與Chrissie自己幾分相像，但當中有很多釋放情緒的戲份，卻令她面臨崩潰，「有好多發洩位，但我份人係內斂啲，導演要我再畀多啲力出盡力，好似有場要我喊，一roll機我對住離遠棵樹不斷大嗌同喊，連攝影師都話再唔嗌cut佢對手都會斷。」Chrissie拍攝此片亦發現自己一大弱點，「導演捉我嘅咬字，原來我有好多懶音，每次喺片場，我每講三句對白起碼NG二十幾次，係basic。因為第一次涉及咁多獨白，又要對住觀眾講，所以會執好多情緒、表情，不斷NG真係令我好多挫敗。」
Pierre Balmain條紋外套牛仔褲（Rue Madame）
Alice McCall白色背心La Boutique流蘇長褲
■周秀娜在新片《29+1》中演繹大量獨白與情感起伏的戲份，是很具挑戰性的一次演出。
感情學黎明
女人面對30歲，可能有很多外在與內在的愁緒，Chrissie說她的感覺來得遲，慢慢才逐點發現轉變，「有句對白係『其實30歲有乜好驚？』但個語氣係驚同唔驚之間，自己都唔肯定。最大感受係生活上，有朋友已經生咗BB，有啲話題你真係join唔到。」她身邊的同事也越來越年輕，更意識到自己真的升呢了，「突然間身邊的同事有20歲、19歲，佢哋做錯嘢都會原諒，因為佢哋年輕。但係我唔明呀，如果20去到29歲都可以俾人錫，我唔明白點解30歲就唔可以，可能因為大家都覺得你成熟喇。」去到某個年紀，另一個最怕被親友問到的當然是：「你拍拖、結婚未？」Chrissie坦言媽咪都有追問過，「但係學黎明話齋：『感情嘅嘢，同見鬼一樣，都係要講緣份嘅！』我以前都會諗27歲要結婚跟住生BB，咁我40歲就係好後生嘅媽咪。?家發現冇得計劃，未有一個人令我想改變現狀。」單身一人有時都會感到孤獨，「有時難頂都會想喊，想隨時有人分享開心唔開心。但可能一個人又習慣咗，有乜事一個人解決。」女人最需要的安全感，Chrissie也不假外求，「我覺得安全感係可以自給自足，可以控制喺自己手。我諗拍拖同結婚，如果兩個人生活，但我唔工作，我就會依賴嗰個人，我驚我嘅世界就只有佢，可能我嘅生活，我想要嘅嘢，我想去邊度旅行、想買乜嘢、想食乜嘢，都要因為有呢個人我先可以擁有，咁樣畀唔到我安全感。我覺得事業同工作帶畀我嘅除咗快樂、成就感之外，亦令我有安全感。」
買樓靠緣份
最近被拍到睇將軍澳新樓盤，做業主可能最有安全感？Chrissie說：「只係去睇吓樓盤，仲未落實買，其實早年都同家人合資買咗個單位畀父母安居。」香港人視上車為目標，Chrissie對置業都有一套見解，「有時買樓都睇緣份，又冇話有乜嘢心得，睇樓都係我興趣，睇多啲唔同樓盤了解多啲，都係合眼緣量力而為啦。無論買樓唔買樓，衣食住行係基本所需。而買樓就係『齊家』嘅想法，我較看重係一家人開開心心，除咗工作上嘅目標，同屋企人開開心心都係我人生目標之一，呢件事又唔係單單買樓就能夠達成。」
■（右起）周秀娜首次接演古裝劇，與胡定欣和劉心悠鬥演技。資料圖片
難倒古美人
周秀娜過往主力拍電影，今年首次接拍無綫重頭宮廷劇《深宮計》，原來Chrissie是古裝劇迷，煲過不少大熱劇集，「我都睇好多喎，《金枝慾孽》、《武媚娘傳奇》，仲有《甄嬛傳》，要追成七十幾集，我好鍾意孫儷，睇埋佢另外嗰套《羋月傳》。」今次也是她破天荒演古裝角色，「之前有人話我冇古典味，我又拍開時尚感重嘅角色，今次應該冇人想像到會點，都想挑戰吓自己。」近日Chrissie已投入拍攝工作，「劇組對戲服造型、宮廷禮儀都有相當要求，開拍呢段時間都逐漸適應宮廷古裝；宮廷式對白對我嚟講都確實有難度，都花咗好多時間記對白，以免影響進度，呢排跟同事對答都刻意修飾用字，真係變到『敏於事，慎於言』！」更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170406/19980924
金像獎紅毯惡鬥周秀娜真空吸睛 DaDa踩裙出醜
1 :
GS(14)@2017-04-10 23:35:59【真32D】■周秀娜以性感deep V真空凸點上陣。
【第36屆香港電影金像獎】由香港電影金像獎協會主辦的《第36屆香港電影金像獎頒獎禮》，昨晚在尖沙嘴文化中心舉行。賽前不少獎項得主都呼之欲出，反而紅地毯各女星鬥性感的角逐，更具瞄頭。封胸多時的周秀娜憑32D、真空凸點技術擊倒deep V的陳靜（DaDa），DaDa更因自己踩到裙腳、要在旁的林敏驄幫手。
年度影壇盛事《第36屆香港電影金像獎》，昨晚在尖沙嘴文化中心舉行頒獎禮。下午5時半紅地毯儀式開始，最先登場的是擔任紅毯司儀的黃宇詩，以性感deep V亮相，之後陳靜、入圍最佳新人的余香凝、周秀娜、湯怡等都性感登場。就連賽前影后大熱的周冬雨及文詠珊（Janice Man）都大晒平胸身材。論搶鏡要數久未性感、32D的娜姐，她一件Valentino黑色deep V皮上衣，搭配黑色長褲，雖略嫌未夠隆重，但性感度十足，成功擊敗同場多位低胸V領女星。
皮衫打底唔靚
娜姐接受訪問時說：「瘦咗咩？不嬲（身形）都係咁，其實套衫自己好鍾意，但因為買嗰時買大咗好多，改咗兩次先fit到身。」她又自爆今次是真空上陣，因為衣服質地是皮，沒有理由反地心吸力出現：「同埋皮嘅衫入面着乜嘢都唔靚，已經黐足膠紙好安全。」而疑似飛釘的DaDa跟林敏驄一同到場，拍照時DaDa踩到自己裙腳，旁邊的林敏驄看似幫手，原來是將DaDa的裙越拉越高，搞笑非常。DaDa澄清並非真空上陣，她說：「今晚件衫好多布，今日好熱，早知着少布啲。」
【抽裙】■DaDa疑似飛釘更被同行的林敏驄整蠱抽起長裙。
【湯碗】■有份演出《寒戰II》的湯怡谷盡湯碗胸，成功搶鏡。
【平板】■Janice Man有份提名女配角，身穿LV的她展示平胸的性感。
章子怡拒受訪
擔任表演嘉賓的章子怡事先張揚不做香港傳媒訪問，但就接受內地傳媒訪問，她表示看好《七月與安生》。同樣以表演嘉賓身份出席、上月涉刑恐被捕的關淑怡，在頒獎禮上唱出《擺渡人》主題曲《讓我留在你身邊》，及《美人魚》的《無敵》。閉關多時的她近日已開始活躍社交網，前晚貼出香港夜景，並獲網友留言鼓勵。
【最V】■衛詩雅力谷微乳，成為紅地毯大deep V女郎之一。
【中庸】■人妻楊千嬅以tube dress配過千萬珠寶首飾。
另外，多位有份擔任頒獎嘉賓的新聞人物如成龍及即將註冊結婚的郭富城，都避上紅地毯，以免在場受記者追訪。就算踏足紅地毯的趙薇，因擔心被問到有關生意夥伴肖建華的問題，亦拒絕接受訪問。任達華跟太太琦琦擔任最佳衣着獎評審，他們分別選出余文樂及金燕玲獲最佳紅地毯衣着獎。採訪：張俊銘、盧妹、馬建華攝影：仇志德、陳順禎、陳慧安
■表演嘉賓章子怡一早聲明不接受香港傳媒訪問。
■余文樂與金燕玲這對「母子」齊奪最佳紅地毯衣着獎。
■周冬雨（中）難得性感跟導演曾國祥（右）、監製陳可辛及竇靖童到場。
來源:
http://hk.apple.nextmedia.com/entertainment/art/20170410/19985128
周秀娜揀男友首選才子
1 :
GS(14)@2017-04-12 22:42:41周秀娜和鄭欣宜在新片《29+1》中，演繹踏入30歲的女性，二人日前受訪，大談成為中女的變化，欣宜說：「我嘅轉捩點已經發生咗，23歲一個人住，工作、感情都唔同咗，發現自己?家先至正式開花、成熟，開始人生。」周秀娜則學懂放慢腳步：「我睇過一句說話，如果得兩隻手，要去捉緊所有嘢，根本唔會有另一隻手去接觸另一樣嘢。」
■合演新片的欣宜和周秀娜，大談成為中女的變化。
兩個擁有事業的女人，情歸何處？欣宜想找一個可令自己開心笑的男人：「但大部份男人都好悶，拍過拖幾次，我會現實啲諗，生活經濟唔可以離太遠。」娜姐則說：「要有同樣價值觀，唔需要靚仔，最好有才華。」採訪：張俊銘攝影：沈健程
來源:
http://hk.apple.nextmedia.com/entertainment/art/20170411/19986168
周秀娜拋胸帶隊玩瑜伽
1 :
GS(14)@2017-04-15 23:27:51周秀娜昨晚在觀塘與一班OL玩瑜伽，宣傳她有份主演的新片《29+1》。身穿小背心的娜姐做瑜伽動作時不時拋出事業線，但其筋骨頗硬，表現有點吃力。問是否因為宣傳自己新戲所以性感現身？娜姐說：「都唔係，不過今次反應好，優先場都加場，希望落力啲宣傳效果好啲。」若票房好的話會否再性感一點？她說：「都唔關事，票房我哋控制唔到，盡做啦。不過如果老闆有慶功嘅話，我又鍾意陽光與海灘嘅地方，到時泳衣就在所難免，一定會影番張相畀大家睇，欣宜都好中意陽光與海灘㗎。」
此外，娜姐昨午在旺角出席日本化妝品牌活動，自爆拍攝無綫劇《宮心計2深宮計》時，因眨眼頻率太勁而被工作人員指放電。娜姐說：「佢哋要求我用對眼電馬浚偉，有時我淨係眨眼，其實未交戲，佢哋已經話收貨。」採訪：卓寶花、盧妹攝影：仇志德
■娜姐為宣傳新片，昨晚率領一班OL玩瑜伽。
■娜姐昨午自爆拍劇時眨眼太密而被指放電。
來源:
http://hk.apple.nextmedia.com/entertainment/art/20170415/19990765
周秀娜檳城認祖宗
1 :
GS(14)@2017-07-29 03:23:58周秀娜最近忙於在檳城拍攝邱禮濤執導的《洩密行者》，對手有張智霖和吳鎮宇，她發現當地有名勝地點稱為姓周橋，覺得很有趣，所以日前趁不用開工，就要求去屬於自己姓氏的姓周橋參觀，因為她從來沒想過當地會有一個名勝與周姓老祖宗有關。最近天梭錶發掘演藝、樂壇、出版、飲食與旅遊五個界別中的大小人物，認為值得支持他們的辛酸故事。藝人中就選了出道8年的周秀娜，一直被標籤為性感女神的她，無疑成為一個枷鎖，周秀娜說：「時間可以證明一切，終有一日枷鎖會成為我嘅武器，可能喺一部戲可以用，喺另一部戲可以將佢收起嚟！」撰文：鍾國仁
來源:
http://hk.apple.nextmedia.com/entertainment/art/20170727/20102480
周秀娜怕黐身男友
1 :
GS(14)@2017-08-06 11:39:05周秀娜、黃芷晴和陳倩揚等昨日應邀到中環出席Paul& Joe與香港群貓會舉辦的彩妝新產品發佈會，宣揚領養貓隻做善事。娜姐飼養了一隻歲多的愛貓「啵啵」，她更以貓來比喻男友：「貓就好似男人一樣，會有好sweet嘅時候，畀適當空間大家，需要時候就會出現，我好耐冇見隻貓佢會攬住我隻腳，我會摸吓佢錫吓佢。」娜姐坦言不喜歡太黐身的男友，更指要花很多時間陪伴對方的話，相處就未必會長久，最重要是互相體諒。
■黃芷晴笑言想送生日蛋糕給媽媽驚喜，卻被爸爸黃日華破壞。
另外，黃芷晴的媽媽梁潔華昨日生日，前晚她親手炮製蛋糕，爸爸黃日華亦有份參與，本來她打算等到昨日才給媽媽驚喜，豈料爸爸前晚踏入12時已經急不及待送上蛋糕，自我炫耀一番。採訪、攝影：卓寶花
來源:
http://hk.apple.nextmedia.com/entertainment/art/20170805/20111813
Next Page