| ||||||
| 噚 日太古（019）開業績記者會，台下有位漂亮洋妞，全場專心聽主席白紀圖解答記者提問，佢就係白太Francesca。聽聞，自從白紀圖06年做咗太古主 席後，每次主持太古及國泰航空（293）業績會，白太都會坐喺會場後面，默默支持老公，難怪白主席每次都笑容滿面。講開又講，白主席擔任太古同國泰主席 後，真係天堂與地獄走過一轉。 上任冇耐國泰就成功收購港龍，07年大賺70億；國泰同太古股價喺07年底，仲分別高見23及115.1蚊。一場金融海嘯令 形勢逆轉，國泰舊年蝕86億，連累太古盈利下跌兼冇末期息收。股價亦好似肚瀉咁，國泰噚日收7.44、太古收45.75元。兩年間見盡高低，真厲害。 | ||||||
2009-03-21 AppleDaily
| ||||||
| 早前入股亞視嘅台灣富商蔡衍明，佢任主席兼大股東嘅中國旺旺（151），本年報噚日出咗。年報披露，蔡主席貫徹「你旺、我旺、大家旺」嘅旺旺精神，喺去年純利大升30%嘅情況下，自己人工（95%是花紅）就加咗45.34%，去到大約3440萬元。 至於成個董事會嘅總薪酬，就去到4027萬，升幅大約係37.17%。其實，蔡主席可以大拿拿咁攞成十億銀現金入股亞視，對佢嚟講，區區三、四千萬都只係細數。 講開又講，旺旺本年報封面好鬼抵死，由佢隻吉祥物旺仔擔正，舞緊一個雙目有神嘅獅頭，藍底金字，襯到爆！ | ||||||
2009-03-27 AppleDaily
| ||||||
| 民 企資金來源，從來都係民企老細最敏感同埋神秘嘅一環，尤其金融海嘯爆發後，佢哋更忌諱記者提及呢類問題，雙方隨時擦槍走火。話說吉利汽車（175）大股東 吉利集團請內地記者睇廠，對於吉利逆市大舉擴張，錢從何來，自然成為一眾記者關注點。有記者提出，希望吉利可以公開融資渠道同資本運作方式，主席李書福初 時以「吉利目前很艱難，需要打基礎、練內功」推搪，大家自然唔收貨。 一輪對答後，某記者終於忍唔住，叫佢多談事實，少講觀點，李總當堂扯 火，一輪嘴話：「媒體不是法院、不是檢察院，也不是公安局，媒體沒有權力調查我們，我為甚麼要跟你講清楚。如果你們是公安局，你們今天就不要坐在這個地 方，我今天請你們到這裏來，不是要把財務報表對你們公開！」現場即時鴉雀無聲，尷尬無比。 結局係點？當然係李總道歉啦，仲交代埋吉利負債逾百億人民幣。如果李書福上述言論係真嘅，你話佢邊仲有錢去買福特汽車旗下嘅富豪車廠呢？ | ||||||
| |||||||||
| 經濟不景，唔少上市公司老闆同高層舊年都要減薪，同公司共度時艱。噚日騰訊（700）公佈08年年報，舊年高層人工就不減反加，主席馬化騰更大幅加薪53%，至1423.6萬人仔（約1614萬港銀）。 執董唔使共度時艱 雖 然騰訊舊年盈利勁升78%至27.8億人仔，但喺咁嘅時勢高層大幅加薪，點都會惹嚟小股東蜚語。除咗馬化騰人工勁升超過五成，公司兩名執行董事張志東同劉 熾平，亦獲加薪超過三成，張志東人工上升37.3%至1048.7萬人仔（約1189萬港銀）。至於劉熾平就加少啲，都加32.2%至2684.6萬人仔 （約3043港銀），當中有2019.5萬人仔屬股份酬金。3名執董合共得5156.9萬人仔（約5845港銀）。 馬化騰1600萬人工 不 過，今次騰訊只有管理層加薪，外人就冇咁好福利嘞，公司3名獨立非執行董事李東生、Iain Bruce同Ian Stone就要以大局為重，各人齊齊減薪7.4%，至51.4萬人仔。其實，馬化騰舊年開始密密減持騰訊，先後喺場內13次沽貨，持股量由12.76%減 至11.85%，合共套現6.7億港銀。騰訊舊年末期股息連特別股息，合共派35港仙，以馬化騰持有2.1億股計，共收息7363.8萬港銀，計理 1600萬港銀人工，舊年合共賺咗7.6億港銀，有咁嘅收入，華華真係唔恨得咁多。李華華[email protected] | |||||||||
| ||||||
| 會 德豐（020）兼九龍倉（004）副主席吳天海更上一層樓，即日起接替李唯仁，做埋系內海港企業（051）主席兼董事。據講，快將80歲嘅李唯仁唔係退 休，而係希望更加專注集團嘅內地項目，話晒有番咁上下年紀，工作量越小越精都啱嘅。講番上位嘅吳天海，原來佢喺集團嘅銜頭多到不得了，除咗會德豐同九倉副 主席，仲係有線寬頻（1097）、JOYCE（647）、九倉電訊同現代貨箱主席，認真舉足輕重。 07年1200萬人工 試想每間公司一年有咁多大大小小董事會會議，吳天海淨係開會都好唔得閒！翻查九倉07年年報，吳天海一年人工1200萬元，08年年報就快出，到時一定要睇清楚吳總喺逆市中幾多人工先得。 | ||||||
| ||||||
| 08 年係舉世面對金融海嘯嘅一年，亦係金山軟件（3888）上市第一年，之前佢哋公佈08年度業績，盈利升咗87%。喺呢個時勢有咁嘅成績，難怪金山軟件主席 兼首席執行官求伯君同華華講：「一直都覺得自己成功。」求伯君88年加入金山，喺深圳開發軟件。當時中國未有中文文字處理軟件，佢開始研發WPS文字處理 系統，話開始發展時已覺得會成功，WPS亦一度成為中國最受歡迎嘅文字處理軟件。 學識執生跟時代變化 不過，生意又豈能盡如人 意，佢話公司有好多失敗經驗，最深刻印象係96年「盤古辦公室系統」，「當時投入龐大，但結果產品唔受市場歡迎，甚至有人話冇聽過。」就係因為咁，佢先知 自己同市場脫咗節。做人最緊要知自己有乜嘢不足，然後先識得執生。對於軟件業同公司未來前景，佢話回想十年前定下嘅目標，同今天發展出嚟完全不同，時代變 得太快，軟件業嘅變化以「月」做單位，所以「要適應時代嘅變化，（因為）冇人有能力改變時代」。 | ||||||
| ||||||
| 新 股銀基集團（886）係五糧液最大經銷商，噚日喺港交所（388）上市，公司拎出王牌佳釀「巴拿馬金獎紀念酒」，送畀港交所留念。睇到支酒個名已經夠晒架 勢，原來仲有段古，話說五糧液集團為紀念獲得1915年巴拿馬萬國博覽會（即係o依家世界博覽會）金獎，喺05年推出呢支珍藏酒，仲係出於五糧液酒廠 600年老窖，用已經窖藏90年嘅陳年佳釀，由國家一級調酒師調製而成，全球限售100支。同年西藏自治區成立40周年，支酒被大昭寺選為永久供奉護法 酒，咪話唔巴閉。銀基噚日又特登帶咗幾箱五糧液同來賓分享，令到交易所霎時之間酒香四溢，主席梁國興仲趁機賣花讚花香，「五糧液咁好嘅酒，梗係飲多兩 杯。」 | ||||||
| ||||||
| 前 身係玉皇朝嘅耀萊（970），家陣一邊賣賓利、勞斯萊斯、蘭博基尼（即係林寶堅尼）同名錶，一邊就賣漫畫同做動漫，都幾奇怪。上個禮拜，華華見到耀萊主席 唐啟立，佢話做動漫主要靠衍生產品賺錢，但內地搞版權需時，要等3年先回本，唔及奢侈品即時現金交易。耀萊上年攞咗Richard Mille手錶中國獨家代理權，唐啟文話目標係收購名車、名錶、貴價珠寶各3個品牌。至於呢個算盤打唔打得響？佢話收購汽車品牌後兩個幾月，已經賣出 161部，每部300至800萬銀人仔，仲話內地富豪多，佢哋手上有張1.6萬個富豪嘅名單，可以直接打電話推銷。 貴嘢好賣過動漫 既然對奢侈品業務咁有把握，點解仲分心做動漫先？唐啟立話，08至09年度嘅動漫生意見紅，雖然黃玉郎對動漫有情意結，但將來會唔會淡化呢方面業務，都要睇吓市場需求。可惜當日華華見唔到黃玉郎，唔可以親自問佢。 | ||||||
| ||||||
| 吉 利汽車（175）主席李書福7年前預言美國通用汽車（GM）會破產。話說02年佢喺北京一個汽車高峯論壇上，好多人睇死吉利唔掂，李總唔忿氣，話全球經濟 自由化，汽車製造業會轉移陣地，通用都有機會倒閉，點知可能不幸言中，呢幾日傳緊GM會申請破產保護，真係危危乎，哀哉！ 傳吉利鯨吞Volvo 另 外，李書福噚日嚟咗香港見記者，吉利汽車打算買起富豪汽車（Volvo）呢個傳聞，都已經傳咗好幾個月，李書福噚日有啲唔耐煩，話畀好多人問咗好多次，大 家不停喺度傳，幾乎所有內地汽車企業嘅名都傳勻晒，但係佢話吉利只會喺金融危機下，根據實際情況而做決定喎！之不過，咁嘅答案似乎行咗啲，李總為咗等記者 朋友好交差，終於拋出「神秘少女論」。呢位內地汽車界狂人形容，Volvo係一個好神秘，又好亮麗嘅女仔，o依家亭亭玉立咁展示喺全世界行家面前，大家都 喺度睇住呢個靚女，但又唔敢靠近。咁唔通所有人都係怕醜仔？ 神秘少女論解圍 李書福哈哈笑咗幾聲，解釋話皆因唔知道個女仔諗緊 乜，亦唔知道黐埋去會有乜嘢後果。佢仲語帶雙關咁話，呢個女仔係百年企業，內裏好複雜，唔了解，亦唔理解，惟有等個女仔自揭面紗咁話！講到尾，大家都係自 行領會李總嘅百年神秘「少女」論喇！[email protected] | ||||||