中環在線：吳天海一身兼5主席
|
|
會 德豐（020）兼九龍倉（004）副主席吳天海更上一層樓，即日起接替李唯仁，做埋系內海港企業（051）主席兼董事。據講，快將80歲嘅李唯仁唔係退 休，而係希望更加專注集團嘅內地項目，話晒有番咁上下年紀，工作量越小越精都啱嘅。講番上位嘅吳天海，原來佢喺集團嘅銜頭多到不得了，除咗會德豐同九倉副 主席，仲係有線寬頻（1097）、JOYCE（647）、九倉電訊同現代貨箱主席，認真舉足輕重。
07年1200萬人工
試想每間公司一年有咁多大大小小董事會會議，吳天海淨係開會都好唔得閒！翻查九倉07年年報，吳天海一年人工1200萬元，08年年報就快出，到時一定要睇清楚吳總喺逆市中幾多人工先得。
|
Next Page