李蘊囡囡識計數
1 :
GS(14)@2017-05-19 05:27:57■李蘊在廣州為囡囡慶祝一歲。互聯網圖片
李蘊前年嫁給金融才俊羅章冠，去年誕下囡囡羅紫晞，前日是紫晞一歲生日，李蘊因見囡囡已在港辦百日宴，所以生日就在廣州家中簡單過，李蘊說：「我哋準備咗兩個蛋糕，一個大人食，一個係素蛋糕，材料冇用雞蛋、忌廉，半歲以上小朋友可以安心食。」切完蛋糕就玩「抓周」遊戲，將書本、印章、鉸剪、印章、毛筆、算盤等多樣物品放在紅布上，讓紫晞挑選，李蘊解釋抓周是傳統儀式：「畀一歲小朋友任拎嘢，寓意將來對邊樣最有興趣，結果囡囡揀咗算盤，咁啱爸爸都做金融，似乎囡囡都對數字敏感。」採訪：陳杰
來源:
http://hk.apple.nextmedia.com/entertainment/art/20170518/20024517
吳若希下周踏入25歲生日兼囡囡滿月
1 :
GS(14)@2017-05-21 13:16:15昨日係520「我愛你」嘅日子，你有否跟愛人講我愛你未？新手媽媽吳若希(Jinny)昨日就分別fb同ig同大家講「520」，仲附上谷胸同囡囡淼淼嘅合照添。上月23日，Jinny就為男友Alex生咗囡囡Giselle(淼淼)，話咁快，下星期二就係淼淼嘅滿月大日子，但原來嗰日除咗係淼淼滿月外，仲要係媽媽Jinny嘅25歲生日，所以佢昨日就係社交網到貼咗張淼淼嘅合照，見到谷奶嘅Jinny，上圍豐滿，見到Jinny用咗手機app嚟影相，扮咗一隻好可愛嘅兔兔，真係同阿女一樣咁cute呀！而佢留言話，除咗因為阿女就滿月同自己生日而開心之外，原來最開心嘅原因係：「鼻子高高像爸爸，臉圓圓像媽媽，堪稱完美！每天看到你都覺得又愛妳多一點～希望妳快點滿月，除了是因為你媽媽終於25歲生日步入中女之外，還因為妳媽媽終於可以不必用薑水洗澡了！！！」所以話做媽媽真係好偉大㗎，淼淼記得將來要錫多啲媽咪，當然仲有爹哋啦！
來源:
http://hk.apple.nextmedia.com/entertainment/art/20170521/20028371
華嫂深居簡出湊囡囡學友嫂退居幕後指導
1 :
GS(14)@2017-06-10 12:55:46樂壇四大天王當中張學友、劉德華及郭富城都先後搵到真命天女拉埋天窗，佢哋嘅感情史，由初出道時經已備受傳媒、fans關注。最早成家立室嘅係學友，當時34歲嘅學友揀咗喺1996年2月15日於英國倫敦迎娶當時29歲女友羅美薇。1985年在拍攝電影《痴心的我》而結識張學友，隨後二人即開始戀愛感情轉趨穩定後，羅美薇選擇轉向幕後，輔佐張學友，1992年後淡出演藝行業，專心輔佐張學友的事業，亦有充當張學友舞臺表演的服裝設計等幕後指導工作，她於1996年嫁給張學友後極少公開露面，近幾年只在張國榮、梅艷芳、鄧光榮等人的葬禮上曾經公開露面。接住結婚嘅係劉德華，2008年於美國拉斯維加斯註冊結婚，當時46歲嘅劉德華數月於6月23日同當時42歲嘅朱麗倩結束愛情長跑，秘密結婚。家境富裕嘅朱麗倩喺1985年參選大馬新潮小姐出道，同年認識劉德華，初時朱麗倩都有接下做Model之類嘅工作，不過隨住佢同華仔嘅戀情越來越打得火熱，佢亦漸漸淡出幕前，1995年仲加入咗華仔投資嘅製作公司喺幕後支持華仔。咁城城呢？佢曾於26歲生日當日，在台灣當住歌迷面前發表「30歲前不會失身」論，而佢出道多年來，先後跟16位圈中女星傳出緋聞或拍拖，直至前年遇上現年29歲方媛，終於入紙註冊結婚。方媛本來喺大陸做Model，以日系風格打出知名度，之後更嚟到香港出寫真集，而城城郭富城就早喺當時就已經被人發現喺IG有關注佢，最後兩人喺今年3月4號於香港結婚，婚後城嫂就減少咗喺幕前露面，專注打理微博網店嘅生意。至於四大天王榮升為人父次序，同樣係學友行先，羅美薇分別於2000年及2005年為學友誕下瑤華及瑤萱兩名愛女，朱麗倩亦於婚後4年為華仔誕下愛女向蕙，而啱啱結婚嘅城城，老婆方媛被指已懷有城城骨肉，城城好大機會成為第三位成為人父的天王。
來源:
http://hk.apple.nextmedia.com/entertainment/art/20170607/20047411
【親子關係】囡囡定仔仔？研究：爸爸就係偏愛自己個囡
1 :
GS(14)@2017-06-10 13:10:37有人說「女兒是爸爸前世的情人」，所以爸爸對自己的女兒特別好，雖然這種說法並不科學，但爸爸對待兒子和女兒的方式的確有分別。根據最新一期美國心理學會（APA）刊下學術期刊《Behavioral Neuroscience》，一份有關父女的研究指，相比兒子，爸爸一般都會對自己的女兒比較好。美國埃默里大學（Emory University）和亞利桑那大學（University of Arizona）學者調查了美國30對父女和22對父子，雖然研究對象中的部分人父有多於一個子女，但研究只會集中他們其中一個。每對研究對象都會被要求帶上一部微型錄音機兩日，每9分鐘會隨機錄音50秒，記錄他們的互動情況。而結果發現，與父子相比，爸爸對女兒的關愛多60%，而爸爸對女兒唱歌和吹口哨的時間是兒子的5倍。在談話內容方面，爸爸與女兒比較多提到情感上的事，如悲傷和孤單的話題，在用字上，爸爸比較常用「所有」和「很多」等字眼，而爸爸和兒子比較經常玩粗暴的遊戲，交談時爸爸比較常用「驕傲」、「勝利」、「頂尖」等字眼。52位爸爸都有參與一次功能性磁振造影（fMRI），相比看到兒子開心笑照片的人父，看到女兒開心笑的爸爸，在大腦負責獎勵和情緒管理的區域有更多的反應。研究人員雖然未能解釋爸爸偏愛女兒的原因，但爸爸在兒子面前的確比較壓抑情緒。資料來源：
Jennifer S. Mascaro, Kelly E. Rentscher, Patrick D. Hackett, Matthias R. Mehl, James K. Rilling. Child gender influences paternal behavior, language, and brain function.. Behavioral Neuroscience,2017;131(3):262 DOI:10.1037/bne0000199記者︰盧逸文2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170608/20048333
梁詠琪笑囡囡扮大肚
1 :
GS(14)@2017-06-18 11:18:10梁詠琪（GiGi）與余慕蓮等昨日於淺水灣出席「書寫之禮」活動閉幕禮，GiGi囡囡Sofia畫了一幅「抽象畫」支持活動。Sofia很喜歡唱歌跳舞，問GiGi有否安排囡囡唱歌給老公作父親節禮物？她說：「哎呀，冇準備，我聽日飛上海電影節，不過佢可以獨自霸住個女，已經係最好嘅禮物。」更笑言老公是頭號奶爸，永遠爭不過他。
■余慕蓮本月踏入80歲，但不會擺大壽慶祝。
談到之前探望好友楊采妮的孖B，GiGi謂Sofia也有同行，回家後還扮采妮姨姨將公仔放進衣服內扮懷孕，問她也想懷孖胎嗎？GiGi說：「孖胎好忙㗎！唔好喇，做完嘢睇吓有冇呢個福氣，下年先有時間生B。」另外，余慕蓮本月農曆80歲生日，但不會擺大壽，只會有多場生日飯局，並謂生日願望是身體健康。採訪：羅慧敏攝影：陳慧安
來源:
http://hk.apple.nextmedia.com/entertainment/art/20170618/20059633
囡囡容貌曝光驚影響成長 陳冠希母負責照顧Alaia
1 :
GS(14)@2017-06-18 21:45:08陳冠希一向想家事低調，同秦舒培拍拖唔夠一年，即升呢做爸爸，生咗囡囡Alaia，成件事都好保密，就算之前有網民稱見秦舒培肚凸凸喺日本睇嬰兒用品，陳冠希亦死口唔認，點知百密一疏，日前有位外籍stylist將陳冠希嘅全家福擺咗上IG。昨日有報道指陳冠希唔想囡囡Alaia曝光，係唔想囡囡受外界批評，只想佢健康成長。另外由於陳冠希要四圍飛打理生意，又要返內地登台，而秦舒培亦準備復出，繼續做名模，3個月大嘅囡囡估計會交俾長居德國嘅陳母照顧，未知會喺德國定美國住，不過就肯定好少返香港，據報道指，陳冠希想保護好秦舒培同囡囡，點知被隊友「出賣」，陳冠希都覺得好嬲。
來源:
http://hk.apple.nextmedia.com/entertainment/art/20170616/20057859
8月生得 老公列購物清單黃婉曼挺巨肚 急掃囡囡用品
1 :
GS(14)@2017-06-25 09:31:27■黃婉曼有二十四孝老公陪同掃嬰兒用品，兩口子非常溫馨。攝影：陳順禎
現年33歲的「天氣女郎」黃婉曼（Icy），大前年嫁給會計師兼馬主馮柏基，兩人今年初宣佈造人成功，Icy已懷孕8個月，預產期今年8月，距離生產仲有一個多月，Icy竟一直嘆慢板未買嬰兒用品，二十四孝老公馮柏基日前趁放假就陪老婆到銅鑼灣狂掃嬰兒用品。黃婉曼產前24吋纖腰，但陀B喪食，8個月身孕，肚圍已40吋。兩公婆是新手父母，明顯準爸爸馮柏基較細心，掃貨前列出購物單，到店即照執，全程有商有量，謹慎看產品物料。
■黃婉曼產前24吋纖腰，現時已有8個月身孕的她，肚圍達40吋。
準爸爸親揀奶嘴
Icy與老公首要準備「走佬袋」，因Icy擔心囡囡急不及待提早出生。而挑選嬰兒手推車，Icy則讓馮柏基負責，兩人快手執滿整車嬰兒用品，其間馮柏基又買了一個寫上「PaPa The Best」奶嘴，準備送給囡囡做見面禮。肚大如籮的Icy，行動尚算自如，她說：「日前去產檢話仲有一個月左右，我先意識到好快。呢排一直忙工作，未得閒買BB嘢，真係臨急抱佛腳，今日買咗走佬袋、奶樽同衫仔。」Icy表示現在跟時間競賽，要安頓麵包學校未來數月生意計劃。
■黃婉曼與丈夫為囡囡挑選BB車（圖）及床仔等用品。
日食8餐重20磅
非好動型的Icy，腹中囡囡卻異常活躍：「囡囡成日波浪咁踢，半夜成日喺我肚中打拳，一餓就係咁踢，可能叫我畀嘢佢食，係為食妹。」Icy自爆陀女後一日吃8餐：「呢段時間點食都得，變成一團肉，重咗20幾磅，體重有成130磅。」Icy透露產後會餵人奶，問她會分配老公掃風嗎？她說：「老公要返工，我怕半夜餵奶，爸爸冇覺好瞓，囡囡起居我搞掂，教育同學習就交畀佢。」採訪：陳杰場地提供：荷花親子中心
來源:
http://hk.apple.nextmedia.com/entertainment/art/20170624/20066555
Next Page