📖 ZKIZ Archives

【馮仁昭四圍超】王梓軒望Bob帶挈拍戲

1 : GS(14)@2016-03-28 14:16:16

王梓軒、亢帥克前晚喺九展擔任歌唱比賽表演嘉賓，梓軒話最近有幾個廣告客戶想攞佢首《碰不上會更美》做廣告歌，其中一個客戶要求佢扮韓劇《太陽的後裔》男主角嘅軍裝look。另外，佢老友林盛斌（Bob）有電影主角做，梓軒笑話：「我成日問佢幾時幫吓細佬，點解佢成日咁多嘢撈，唔喺手指罅漏啲畀我。我知佢唱歌好聽好感人，我諗住寫歌同佢交換啲電影拍。」撰文：馮仁昭





來源: http://hk.apple.nextmedia.com/entertainment/art/20160328/19546928
PermaLink: https://articles.zkiz.com/?id=298660

【馮仁昭四圍超】黎明東京開工被捕獲

1 : GS(14)@2016-03-28 14:16:17

黎明（Leon右）早前答應參與拍攝江蘇衛視真人騷《非常撘檔》，與鄭元暢（中）、林依晨等去阿拉斯加取景，又上載喺洛杉磯街頭食薄餅嘅照片。不過噚日有網友喺日本東京塔附近發現Leon蹤影，當時佢同其他藝人各自孭住背囊，喺度等緊出發，網友仲開心留言：「黎明、鄭元暢、林依晨在東京塔錄影節目，相信內地的小伙伴們過一陣也會見到，我就先睹為快了！」撰文：馮仁昭





來源: http://hk.apple.nextmedia.com/entertainment/art/20160328/19546936
PermaLink: https://articles.zkiz.com/?id=298662

馮仁昭四圍超：顏仟汶為老友出山

1 : GS(14)@2016-03-30 14:42:09

顏仟汶曾經拍過一系列三級片，近年鮮有喺幕前曝光，專心幫老公阿Lo打理餐廳生意。近日顏仟汶應好友梁焯滿邀請出山，為微電影《變身愛》做女主角。顏仟汶噚日回覆時話，認識老公前已經拍過三級片，所以今次拍親熱戲唔使備案，梁焯滿就話同顏仟汶一向都熟，見角色啱佢所以誠邀對方幫忙：「佢演一間公司嘅大老闆秘書，同海俊傑有一段戀情。」撰文：馮仁昭





來源: http://hk.apple.nextmedia.com/entertainment/art/20160330/19549361
PermaLink: https://articles.zkiz.com/?id=298754

馮仁昭四圍超：吳若希箍新歡夾八字

1 : GS(14)@2016-03-30 14:42:09

■吳若希噚日笑住出席ifpi唱片銷量大獎頒獎禮拜神，唔通真係蜜運中？








吳若希嘅緋聞真係停不了，最近有報道話佢失去有米uncle「十哥」林棣權照顧，但好快已經搵到澳門才俊Alex Ho補位，呢位Alex年約30幾歲，喺澳門代理洋酒、搞團購網，仲入股某眼鏡品牌㖭，報道又話吳若希為咗箍實Alex，帶咗Alex見相熟嘅玄學師傅陳定幫夾八字。消息話Alex係吳若希嘅粉絲，聚會上識咗女神後展開追求，又請佢為澳門眼鏡新店剪綵，早前兩人俾傳媒影到相，吳若希就喺社交網貼兩人玩視像相避嫌，問到吳若希係咪同Alex拍拖？佢喺電話度講：「唔想影響人，所以唔回應。」



■吳若希自揭同Alex玩視像通話。

■陳師傅（左）話吳若希帶過Alex搵佢睇八字。微博圖片



努力會有夫妻緣

不過，陳師傅接受電話訪問就承認：「佢（吳若希）話介紹個客畀我識，帶佢上嚟搵我，跟住佢走咗。」問到係咪夾八字？陳師傅話：「都有幫佢哋睇吓，佢哋做friend幾好吖，佢又冇透露係咪情侶關係，Alex主要問事業居多。」問到兩人八字夾唔夾？陳師傅話：「OK嘅。」咁有冇夫妻緣？佢話：「佢哋性格都幾配合，但當然要睇佢哋嘅緣份，夫妻緣如果努力啲我諗可能會有啩。」撰文：馮仁昭





來源: http://hk.apple.nextmedia.com/entertainment/art/20160330/19549356
PermaLink: https://articles.zkiz.com/?id=298757

馮仁昭四圍超：Stephy佛偈講分手

1 : GS(14)@2016-03-30 14:42:10

資料圖片








鄧麗欣（Stephy）日前返港落淚講分手，否認戀上TB教練鄧衍敏，噚日佢喺社交網貼文：「一加一是一，像一滴水落入一滴水，也像一滴水落入一杯水，或是一滴水落入海中，在它融入的那一剎，就是永恒？」有網友留言睇唔透，安慰愛情只係生活一部份，Stephy回覆話：「是佛理，看書看到的，只是分享一下。」撰文：馮仁昭





來源: http://hk.apple.nextmedia.com/entertainment/art/20160330/19549359
PermaLink: https://articles.zkiz.com/?id=298759

馮仁昭四圍超：莊端兒遊日變雙失

1 : GS(14)@2016-03-30 14:42:15

莊端兒上星期六出發去日本沖繩參加大前日舉行嘅「Minions Run日本小小兵歡樂路跑」，點知落機嗰陣發覺唔見咗副眼鏡，搵唔返之餘再發現有件行李原來仲喺香港。到比賽當日，端兒着住套Minions服飾，相當興奮，佢又以為比賽係馬拉松，但到場先知係步行，枉費之前日日練跑！撰文：馮仁昭





來源: http://hk.apple.nextmedia.com/entertainment/art/20160330/19549365
PermaLink: https://articles.zkiz.com/?id=298780

馮仁昭四圍超：JW怕咗G.E.M.尿片褲

1 : GS(14)@2016-03-30 14:42:16

王灝兒（JW）噚日喺新城宣傳新歌，講到佢好友G.E.M.早前以高腰尿片褲look現身內地頒獎禮，劣評如潮，JW維護老友話：「我有睇新聞，呢啲好難去comment，大家對衫嘅口味都唔同，我覺得有自信咪OK囉！」問佢敢唔敢着？JW即刻表示唔得。問佢會唔會向對方畀啲意見？JW話：「我哋冇乜傾衫。」撰文：馮仁昭





來源: http://hk.apple.nextmedia.com/entertainment/art/20160330/19549363
PermaLink: https://articles.zkiz.com/?id=298782

馮仁昭四圍超：陳展鵬祝福謙謙楊怡

1 : GS(14)@2016-03-31 14:49:00

陳展鵬噚日同區瑞強、劉丹等喺粉嶺出席「保良局慈善哥爾夫球賽」，講到無綫小生花旦流失，楊怡又約滿賺人仔，展鵬話：「唔知，希望佢同羅仲謙開心快樂。其實而家栽培好多新人，阿怡、鍾嘉欣同胡杏兒都搵到好歸宿，男人就以事業為上。」另外區瑞強話最初係同曾志偉、譚詠麟、陳百祥學打波，志偉健康好咗，唔使成日飲醉俾人抬走。撰文：馮仁昭





來源: http://hk.apple.nextmedia.com/entertainment/art/20160331/19551117
PermaLink: https://articles.zkiz.com/?id=298883

【馮仁昭四圍超】馬國明大嗌冇假放

1 : GS(14)@2016-04-12 18:16:11

互聯網圖片








台灣傳媒前日發咗一篇《大馬羽球賽李宗偉奪冠馬國明放假1天》嘅報道，好多香港網民將呢段新聞瘋傳，皆因佢哋以為藝人馬國明今日無啦啦可以放假。其實馬國明噚日喺內地開緊工，同佢一齊拍戲嘅何浩文喺Ig上載咗條片，問馬國明點解要返工，馬國明笑住話：「我都唔知，要問吓劇組。」旁邊嘅黃浩然玩埋一份話：「除咗馬國明，黃浩然嚟緊都要放假。」撰文：馮仁昭





來源: http://hk.apple.nextmedia.com/entertainment/art/20160412/19567042
PermaLink: https://articles.zkiz.com/?id=299094

【馮仁昭四圍超】坤哥自爆赤裸陪Kay

1 : GS(14)@2016-04-12 18:16:39

吳業坤噚日喺商台宣傳新歌，佢話預計10月會出碟，之後再開音樂會，但就唔急於喺紅館開騷，希望之後可以慢慢進步。坤哥繼續賣口乖，狂讚自己有份演出嘅無綫劇集，又話會赤裸上身坐喺謝安琪（Kay）旁邊，問佢有冇信心幫公司提升收視？佢話：「希望可以啦！絕招都出埋，我咁樣脫都唔升，公司以後唔搵我。」佢話將來拍戲如果劇本需要，唔介意全裸。撰文：馮仁昭





來源: http://hk.apple.nextmedia.com/entertainment/art/20160412/19567034
PermaLink: https://articles.zkiz.com/?id=299111
Next Page
ZKIZ Archives @ 2019