📖 ZKIZ Archives

【馮仁昭四圍超】周董夫婦遊日賞櫻

1 : GS(14)@2016-04-12 18:16:40

四月天，正值係櫻花盛開嘅季節，唔少人都專程飛到日本賞櫻。周杰倫最近就帶埋老婆昆凌浪漫遊東京，雖然兩公婆沿路戴住黑色口罩，但都輕易俾網民野生捕獲。相中見周杰倫一貫周董look，一身黑衫黑褲再加黑冷帽，拖住紮起馬尾嘅昆凌漫步新宿街頭，十分甜蜜。事後昆凌仲喺網上分享咗一張櫻花相，留言話：「燃起久違的少女心。」撰文：馮仁昭





來源: http://hk.apple.nextmedia.com/entertainment/art/20160412/19567038
PermaLink: https://articles.zkiz.com/?id=299113

【馮仁昭四圍超】AGA乘勢攝位錄歌

1 : GS(14)@2016-04-12 18:16:41

AGA噚日喺新城宣傳首張個人唱片《Ginadoll》，暫時喺唔同唱片店銷量榜佔據冠軍位置，令佢好開心：「好感動，因為知道而家做音樂好難，今朝收到Kary（吳雨霏）訊息恭喜我，佢好sweet。」Kary話今年唔諗住出碟，AGA會唔會把握機會攝上位？佢話：「應該唔會喇，反而要攝製作人嘅期錄歌。」撰文：馮仁昭





來源: http://hk.apple.nextmedia.com/entertainment/art/20160412/19567046
PermaLink: https://articles.zkiz.com/?id=299114

【馮仁昭四圍超】洪卓立怕女友破相

1 : GS(14)@2016-04-12 18:16:42

洪卓立噚日喺新城宣傳新歌《痛》，提到最近有女藝人參加格鬥節目，佢就話唔忍心女友湯怡拍呢類真人騷，佢話：「始終係演員，破相就唔好。我見過節目中嘅人操練好甘，相信我位女人弱質纖纖未必承受到，如果整傷我會心痛。」佢仲話女友好斯文，見到曱甴仲會驚到喊。另外洪卓立早幾日同2007年一齊出道嘅歌手聚會，佢話明年眾人出道10年，諗緊一齊搞音樂會。撰文：馮仁昭





來源: http://hk.apple.nextmedia.com/entertainment/art/20160412/19567051
PermaLink: https://articles.zkiz.com/?id=299115

【馮仁昭四圍超】趙薇寫文賀女生日

1 : GS(14)@2016-04-12 18:16:43

趙薇囡囡小四月噚日5歲生日，佢喺微博貼出母女合照兼寫文送畀囡囡，講笑話如果囡囡生日只係收到篇文應該會扁晒嘴。趙薇又講到13歲時收到哥哥送嘅《唐詩三百首》，哥哥仲好有心思喺尾頁題咗首詩，不過趙薇話：「今天很想給四月寫首詩，還好我不是那款人。那就陪她睡個覺吧！」趙薇仲話今年終於出席到囡囡生日，仲陪佢食咗飯慶祝。撰文：馮仁昭





來源: http://hk.apple.nextmedia.com/entertainment/art/20160412/19567071
PermaLink: https://articles.zkiz.com/?id=299116

【馮仁昭四圍超】黎燕珊行善唔嫌多

1 : GS(14)@2016-04-12 18:16:44

雖然亞視已經喺免費頻道消失，但由一班亞姐搞嘅仁美清叙仍然繼續行善，主席黎燕珊日前率領副主席陳綺明同幾位會員，去到錦田出席同樂日活動，同近百位基層家庭一齊玩遊戲摘士多啤梨，之後一籃籃送畀小朋友。黎燕珊話今次活動希望促進天水圍家庭和諧，佢仲話雖然亞視熄機，但會員都有共同理念，唔受影響，傳承亞姐精神繼續慈善工作，今年仲會有籌款活動。撰文：馮仁昭





來源: http://hk.apple.nextmedia.com/entertainment/art/20160412/19567056
PermaLink: https://articles.zkiz.com/?id=299117

【馮仁昭四圍超】馬浚偉選角要公平

1 : GS(14)@2016-04-12 18:16:44

馬浚偉早排成立製作公司，頭炮係馬仔自編自導自演嘅舞台劇《偶然．徐志摩》，徐志摩夢中情人林徽因呢個角色，會用選拔方式去搵角。馬仔話：「我係參加歌唱比賽入行，坦白講的確係有黑幕存在，所以今次選拔，我一定要以公平、公正、公開去執行。」自從公開招募後，馬仔話收到唔少應徵信，香港、內地、海外都有，下個月18、19號兩日會進行面試。撰文：馮仁昭





來源: http://hk.apple.nextmedia.com/entertainment/art/20160412/19567064
PermaLink: https://articles.zkiz.com/?id=299118

馮仁昭四圍超：伍姑娘跳K-pop肉誘天堂鳥

1 : GS(14)@2016-04-13 17:09:03

■伍姑娘噚日為咗谷新節目，着住黑喱士透黑bra上陣跳K-pop。








伍詠薇最近為有線主持節目《伍姑娘真識食》，為咗呢個節目，佢碌盡人情卡，廣邀圈中好友為節目擔任嘉賓。噚日伍姑娘就邀請咗排舞師Sunny同組合BOP（天堂鳥）上節目，人到中年學跳K-pop嘅伍姑娘，豁出去以黑色喱士透黑bra性感上陣，展現誘人體態及魅力。


■BOP對住性感嘅伍姑娘，好坦白話唔夠膽直望。

老公讚好

喺節目度伍姑娘同Sunny排咗隻舞一齊表演，摸頭、批踭、扭腰、走步、坐椅子擘腿都難唔到伍姑娘，佢笑笑口話：「我都喘晒氣，四十幾歲先第一次跳K-pop，之前零跳舞經驗，今次用咗兩個零鐘去學，算快上手。」講到性感舞衣，伍姑娘話：「平時展現女人味，今次要配合K-pop，又唔可以扮少女，要有大人態度，少女就騷長腿，我就騷啲打晒底啦。」性感獲得老公練海棠御准？伍姑娘話：「佢唔會介意，仲好支持我，何況今次跟天王排舞，我係癲后，有晚着住bra同底褲跳，咁先可以睇到體態，老公煮晚飯一路睇住我，佢話跳得幾好。」首次同火辣人妻伍姑娘合作嘅BOP就話：「我哋有啲怕醜唔敢直望，佢啲眼神仲好凌厲有電力㖭！」撰文：馮仁昭





來源: http://hk.apple.nextmedia.com/entertainment/art/20160413/19568364
PermaLink: https://articles.zkiz.com/?id=299232

馮仁昭四圍超：莫文蔚戒甜養聲

1 : GS(14)@2016-04-13 17:09:07

莫文蔚同意大利品牌Ruco Line合作出鞋，噚日喺金鐘舉行發佈會，莫媽媽何敏儀、琦琦、馬詩慧同代理虞茱迪（Judy）都有現身撐場。莫文蔚瘦咗好多，佢話因為忙緊巡迴演唱會，加上要戒食甜品養聲：「嚟緊去歐洲開騷，老公會幫手招呼親友同分飛，奶奶都會嚟睇。米蘭嗰站會同鬼才歌手Mika合唱。」撰文：馮仁昭





來源: http://hk.apple.nextmedia.com/entertainment/art/20160413/19568366
PermaLink: https://articles.zkiz.com/?id=299242

馮仁昭四圍超：仙樂都睇拳賽發噩夢

1 : GS(14)@2016-04-13 17:09:07

仙樂都（右）同趙哲妤噚日喺銅鑼灣出席一間武術健身館開幕，曾學泰拳嘅佢哋，就大呻練得好辛苦，不過趙哲妤笑話好欣賞肌肉男。講到ViuTV有個格鬥真人騷，佢哋都話冇勇氣參加。問到如果酬金吸引會唔會考慮？趙哲妤話：「唔夠膽，冇勇氣，呢啲錢落唔到我袋。」仙樂都就話：「好驚，見到佢哋話打到有飛蚊症，我好怕睇拳賽，會驚到發噩夢。」撰文：馮仁昭





來源: http://hk.apple.nextmedia.com/entertainment/art/20160413/19568368
PermaLink: https://articles.zkiz.com/?id=299243

馮仁昭四圍超：張家瑩潛水最耐兩粒鐘

1 : GS(14)@2016-04-13 17:09:08

張家瑩（Grace）噚日去到旺角帝京酒店，出席爸爸佢舉辦嘅福州自貿區推介會，家瑩細佬張溢豐及未婚妻Janice亦在場幫手。
Grace話日前順利考獲潛水牌照，今日就要飛到菲律賓拍攝潛水特輯，Grace話：「考試潛到10幾米深，最耐潛咗2個鐘，要完成好多動作。」家瑩原先要為今次活動擔任司儀，因為冇時間準備，最後搵亞視舊同事蔡梓銘幫手。撰文：馮仁昭





來源: http://hk.apple.nextmedia.com/entertainment/art/20160413/19568372
PermaLink: https://articles.zkiz.com/?id=299247
Next Page
ZKIZ Archives @ 2019