藝人投資：無殼蝸牛張國強 唔諗就冇事
1 :
GS(14)@2012-07-28 15:02:12http://hk.apple.nextmedia.com/financeestate/art/20120728/16554046
加國回流 賣樓輸清光
張國強1988年結婚，89年長子出生，由細到大，都是九龍仔公園球場常客，買樓租屋也在附近。九十年代初香港爆發移民潮，加拿大、新加坡都對演藝人的移民申請有分加，「我兩邊都申請，最後揀加拿大。」回歸恐懼症？他沒有，只是潮流興移民，「其實同搬屋差唔多吧！」
這一走，以為無回頭，於是把樓賣了，在加港兌換價約一兌七的時期，買入溫哥華物業，「我以為生活好簡單，可以趁移民完全轉型，改行做小生意，先由老本行開始。」他口中的老本行，是體育用品公司，「我踢波時已跟朋友合作在波鞋街開舖頭，但最終因意見不合拆夥。」
也有想過飲食業、中文學校等，但一直得個諗字，「眼見好多移民朋友，做生意失敗居多，搞到我唔敢郁。」開始後悔放棄年開三百套戲的香港電影市場，領悟到要享受外國的月光，始終有不少竅門，艱苦之處不為人道，「你不能因為看見別人開花結果，以為『黐埋去』就得。」
經過逾十年的太空人生活，他在2004年舉家賣樓回流，滙率時為一兌四幾，未計樓價，單是紙水已經輸得夠慘，「計埋供樓利息，基本上係輸清光。如今兌七幾，升番晒。」難得地，他說時仍然笑笑口。
入市失機 無悔移民
對物業投資者來說，04年的入市時機大概五十年一遇，可是， KK又錯過了，只是租樓住，至今仍是租客，「當時我未定去留，唔想買樓。點解個個有樓，我就一定要有樓先？租樓都可以吧！況且家樓價太貴，買唔起，諗多無謂。」
兜兜轉轉，失了真金白銀也失了時間成本，他矢言沒有後悔移民，「你想種蘋果，於是落蘋果種子，誰知天冷失收，就算收成了，但原來市場興芒果，那也沒辦法。」
2 :
GS(14)@2012-07-30 11:26:46無得唔開心啦
3 :
肥B(18468)@2012-07-31 15:00:44有起有跌, 這才是正常的人生嘛~~ 歌都有得唱:「笑亦要做人, 喊亦要做人」
4 :
GS(14)@2012-07-31 17:34:21
5 :
GS(14)@2012-07-31 17:36:10
呢段長D
志雲大師主持App節目 「唔諗住再做管理層」
1 :
GS(14)@2018-01-28 15:06:00【明報專訊】天開數碼媒體旗下嘅OpenSky.tv（天開電視），舊年12月底推出OpenSky.tv應用程式，用戶可以到天開電視嘅平台上面收睇海外節目、直播節目同埋自家節目。天開數碼媒體創辦人兼行政總裁袁耀輝話，應用程式推出100日，已經錄得超過66萬次下載量，公司會向內容供應商收費，幫手推廣節目，用戶可以免費睇到平台節目。
天開電視第一個自家娛樂節目《大開眼界》，搵咗資深傳媒人陳志雲（圖）做主持，志雲大師話自己冇諗住再做傳媒管理層，反而想多方面發展，除咗接拍亞視嘅《百萬富翁》，今年仲會有3個舞台劇演出，暫時唔會想接更多節目。電視行業需要面對新媒體嘅競爭，志雲大師覺得新媒體為市民提供咗更多選擇，令近年TVB收視亦開始下滑，不過免費大氣電波仲係有優勢，因為市民撳個掣就可以睇到節目。政府會喺2020年檢討終止模擬電視廣播，將電視變成數碼化，志雲大師覺得到時競爭會更大，可能會打破傳統電視台嘅慣性收視。
email:
[email protected]
[小琴密語]
來源:
http://www.mpfinance.com/fin/dai ... 9841&issue=20180124