【馮仁昭四圍超】老婆風雨同路Alex、囝囝 最好手足
1 :
GS(14)@2017-06-23 01:44:39現年55歲嘅杜德偉（Alex）日前橫風橫雨之下，陪細24年嘅老婆到中環超市買餸，同行仲有Alex嘅助手，全程由杜太負責揀選新鮮生菜、蔬果同少量肉類，Alex就買咗麥包，睇嚟兩公婆平日都好注重健康飲食。
■杜德偉喺微博晒新相，感謝囝囝畀佢一個幸福嘅父親節。
對App感新奇
戴黑超嘅Alex喺超市星味十足，初時都有跟喺老婆後面陪買餸，但冇幾耐佢就掛住同助手研究扮動物變面嘅手機app，似乎係助手教緊佢點樣玩，Alex即刻變身大細路覺得好新奇，表現得好有興趣，最後仲玩到黑超都除埋，對住手機忘我玩自拍，其間杜太問老公買呢啲好唔好？掛住玩嘅Alex只係hea答咗兩句，睇嚟佢返到屋企之後，應該會搵囝囝做model玩餐飽。噚日父親節，即係初為人父嘅Alex第一個父親節，佢喺微博分享同八個月大囝囝Alex Junior溫馨合照，留言：「習慣每天醒來看見你甜美可愛的笑容，一切心滿意足，如果女孩們都是爸爸的前世情人，你這個小男孩便是我上輩子最好的手足！謝謝你來到我們家讓我有一個幸福的父親節。」撰文：馮仁昭
來源:
http://hk.apple.nextmedia.com/entertainment/art/20170619/20060339
克勤買波谷囝囝運動
1 :
GS(14)@2017-06-25 11:26:56李克勤、王灝兒（JW）及Dear Jane昨日在旺角麥花臣場館出席「太陽計劃2017——同行抗毒強者本色」活動，克勤的兒子最近愛上打籃球，所以克勤趁到旺角幫囝囝買小童籃球，他說：「暑假小朋友多啲戶外活動好啲，好過打機，打機同毒品一樣，?家限佢哋每日玩半個鐘，不過永遠都唔聽。」他指兩子有手機，會放相上網，他只好叮囑兒子不要將肖像放上網，兼不時監察他們的網上賬戶。克勤日前和太太盧淑儀一起為李嘉欣補祝生日，他透露間中會與對方聚會。同場的JW明顯發福不少，但她解釋只是穿了細碼衫，並指平時除了與男友及朋友一起健身，也會和男友食健康餐。採訪、攝影：馬建華
來源:
http://hk.apple.nextmedia.com/entertainment/art/20170625/20067638
周汶錡囝囝開動物P
1 :
GS(14)@2017-07-05 03:49:37■周汶錡昨日替大仔Jacques預祝兩歲生日，大搞動物派對。互聯網圖片
周汶錡（Kathy）日前替細仔Avner搞完百日宴，昨日就輪到替大仔Jacques預祝今日的兩歲生日，出席派對有壽星仔阿姨周麗淇（Niki）、Kathy一班好友上山詩鈉、侯維德等。
Niki昨日在Ig上載了一張與Kathy左右夾攻錫錫Jacques的合照相，Jacques戴了小皇冠生日帽，而二人錫到他面珠仔凹了，他都只是專心玩手上的恐龍公仔，不為所動，Niki就留言：「Happy birthday my dear！錫晒你」。Jacques的生日派對大玩動物主題，見他的兩歲蛋糕上，擺滿了大象、獅子、馬騮及兔仔等，認真可愛。撰文：唐如
來源:
http://hk.apple.nextmedia.com/entertainment/art/20170703/20076636
李嘉欣囝囝讀男拔學紀律
1 :
GS(14)@2017-07-09 03:55:27■李嘉欣曾表示自己對兒子獎罰分明。資料圖片
李嘉欣與許晉亨的6歲獨子許建彤（Jayden）今年幼稚園畢業，9月將會開始讀小一，原來二人已為囝囝考入本地名牌傳統小學男拔萃小學。昨日就有報道指Jayden將會跟隨爺爺許世勳讀同一學校，又指他以正常途徑申請入學，有參加入學試。上年11月，一家人曾去過男拔舉辦的賣物會，幫囝囝評估學校。
Jayden一向做運動，學球類與水上運動瓣瓣精，而李嘉欣早前曾在活動上提過，亨亨主力陪囝囝玩，自己就嚴厲教仔，對囝囝獎罰分明。有知情者透露，李嘉欣希望囝囝入讀男拔學習紀律及禮貌，積極培養家族第四代的未來接班人。撰文：唐如
來源:
http://hk.apple.nextmedia.com/entertainment/art/20170707/20081244
張名雅囝囝哭鬧百日宴
1 :
GS(14)@2017-07-09 12:16:08張名雅和餅碎楊愛瑾（Miki）同於今年3月底榮升媽咪，兩人都誕下囝囝。張名雅去年嫁給律師老公蔡錦豪，前晚兩公婆為B仔蔡浚鏗（Mario）辦百日宴，還貼相Instagram晒溫馨，張名雅昨回覆傳媒分享派對上的趣事：「現場好熱鬧，大家親友傾偈好開心，可能有啲嘈，囝囝要抱住，但一企定佢就喊，要行番個圈?佢。」
■Miki大讚囝囝Luken是甜心寶貝。互聯網圖片
而Miki前晚在Instagram貼出抱着囝囝Luken肉緊錫臉相，公告Luken已一百日大，她稱讚囝囝是甜心寶貝，Luken躺在床上，笑到擘大口，雙眼變成線形，Luken長得勁似爹哋、永安太子爺郭永淳。採訪：陳杰
來源:
http://hk.apple.nextmedia.com/entertainment/art/20170709/20083392
黎諾懿囝囝被封型B姚樂怡囡囡愛玩水
1 :
GS(14)@2017-08-02 06:15:05有「神之馬壯」之稱嘅黎諾懿昨日喺IG貼同囝囝「小春雞」嘅合照，囝囝個樣較似爸爸黎諾懿，細個已經眼大大、面尖尖，絕對係一個型B，連網民都讚「小春雞」係靚仔。而另一個湊B大過天嘅，就係廿四孝媽咪姚樂怡，前年生咗囡囡「小雞髀」Gaibe，囡囡已經一歲幾，姚樂怡亦喺IG貼出一條游水片：「小雞髀好喜歡游泳。」見囡囡有媽咪靚靚遺傳，尖面、嘴細同鼻高，樣子相當可愛，原來佢哋一家過咗大海玩，囡囡仲細，落水要戴手袖同用水泡，樂怡成程睇住，仲忍唔住同囡囡咀嘴。
來源:
http://hk.apple.nextmedia.com/entertainment/art/20170801/20108072
丁子高收囝囝蛋糕感動
1 :
GS(14)@2017-08-02 06:15:16楊千嬅前晚出席《建軍大業》首映禮前，先替老公丁子高舉行生日會。昨日是丁子高的38歲生日，前日5歲囝囝Torres特別有心，一早起來就請媽咪教他整蛋糕孝敬老爸，本來千嬅見他年紀太細，想幫他準備材料，協助他攪拌雞蛋和麵粉後才讓他放進焗爐，但想不到囝囝堅持自己一個人完成。
■楊千嬅讚囝囝越大越懂性。
當Torres捧着插了蠟燭的生日蛋糕送給爸爸，並送上生日歌，丁子高十分感動，千嬅表示：「Torres越大越懂性，好乖，佢好想媽咪同爹哋能夠多啲留喺屋企陪佢，一見我哋出街食飯，佢會投訴屋企咪有飯，點解要出街食飯呢？」採訪：鍾國仁
來源:
http://hk.apple.nextmedia.com/entertainment/art/20170801/20107628
Next Page