【情人節冧到】Lady M首推玫瑰千層蛋糕 花香濃厚試得過
1 :
GS(14)@2017-02-05 10:49:14情人節還有十多日就到，各位追求者、男朋友、人夫準備好未？被譽為港女最愛的Lady M又出手喇！今次趁情人節首推伊朗玫瑰口味，是品牌首個以花香味道作主題的千層蛋糕。班戟之間均勻地塗上玫瑰忌廉，面層是淡粉紅玫瑰箒喱，再撒上可食用的玫瑰花瓣，未吃前亦聞到陣陣玫瑰花香，吃起來的味道相對其他口味較為清淡，備有九吋及六吋大小。各位男士們，你要識做呢！
記者：李泳烔攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
伊朗玫瑰味道幽香並不刺鼻，吃起來非常順口。
漂亮高貴的粉紅色，相信能成功得到不少女生喜愛。
來源:
http://hk.apple.nextmedia.com/su ... t/20170204/19917201
【港人在韓】粗豪導遊整蛋糕 最難忘：頂！港產片講國語
1 :
GS(14)@2017-02-07 05:15:58River因為做導遊而定居韓國二十年，佢話十年前韓國上映《少林足球》，終於有套講廣東話嘅戲令佢好興奮，點知原來講國語，都忍唔住講句：「頂！」
【尋找首爾的香港】「頂！《少林足球》講國語！」住咗喺韓國近二十年嘅River講返十年前喺當地睇《少林足球》非常激動，「十年前，諗住終於有得睇講廣東話嘅戲，點知原來講普通話，臨尾真係想界刂爛凳呀！」說話粗魯、外表粗豪嘅River，前身係一位導遊，誰不知竟然為興趣裸辭，轉行做細心嘅烘焙師，透過網上平台賣自家製蛋糕！River講嘢相當直接，自嘲自己唔係生得靚，又唔係溫柔體貼，「當一個咁粗魯嘅人，畀件咁溫柔嘅蛋糕人哋嗰陣，佢哋就會諗：『嘩！係咪你整o架？堅定流呀？』」
說話粗魯、外表粗豪嘅River，原來係一位細心嘅烘焙師。
呢啲蛋糕全部出自River雙手。
為咗唔好食死啲朋友，所有蛋糕少糖、天然，唔落防腐劑。
採訪當日，記者見證River親手整出鬆軟嘅柚子蛋糕，枱上亦放滿佢一早整好嘅朱古力、紫薯小蛋糕，非常精緻。River話當朋友見佢整蛋糕都會話：「頂！點解你咁闊太嘅整蛋糕！」River就解釋背後其實花咗好多功夫、時間同金錢，「為咗研發無防腐劑嘅柚子蛋糕，我整咗100個先成功！」故事要講返River做導遊嘅日子，當時帶完團可以休息兩三日，咁啱好朋友送咗一箱柚子畀佢，食唔晒，就試下用嚟整蛋糕，結果出奇地夾。身邊嘅朋友開始成為River研究蛋糕嘅白老鼠，「為咗唔想食死啲朋友，我研究到唔落防腐劑，用新鮮食材，但係賣出去要考慮保存問題，於是試真空包裝。」
兩年前，River決定唔做導遊，全職整餅，靠網上平台接訂單。
生意初起步，接單、整餅、包裝、送貨、宣傳等River一手包辦。
當時日日做足21粒鐘，客源又未穩定，難捱嘅日子好彩有朋友同屋企人支持。
當整蛋糕整到十個朋友十個like，River兩年前決心裸辭，咬積蓄，搏一舖！正所謂萬事起頭難，初初得River一個人，接單、整餅、包裝、送貨、宣傳等一手包辦，加上未有足夠客源，喺體力和資金上都非常難捱。River坦言有掙扎過想放棄，「當頂完一陣積蓄之後，就要諗繼唔繼續呢，如果返去帶團，頂！好悶呀！同條鹹魚無分別！」好在得朋友撐住，「佢哋話試吓啦，最多你無飯食，我請你食飯，你無錢睇戲，我請你睇戲，一路捱到唔得嗰日為止！」River講到呢度，都忍唔住喊出嚟。
買工具、材料等，成本100萬港元，做咗九個月返本。
River仲考咗咖啡師牌，沖得一手靚咖啡。
River咬緊牙關四個月，每日做足21個鐘，先開始有錢賺，請到第一個員工。慢慢開始有回頭客，就租餅房，River話因為自己係外國人，喺韓國搵餅房都唔容易，「業主唔知我呢個外國人租地方嚟做啲乜，就算解釋咗都唔信，咁我咪敲兩次門、敲三次門、打多幾個電話，講到人哋怕咗我囉！」River仲話o依家同業主熟咗，有得減吓租添！目前，River嘅蛋糕生意已經上軌道，請咗五個員工，有餐廳、酒店、cafe shop等向佢訂蛋糕，客源亦有唔少香港人，River就將蛋糕空運回港。計下數，呢門蛋糕生意成本約一億五千萬韓圜，約100萬港元，九個月已經回本，未來打算物色店舖開蛋糕店。
River話深信如果當日無去韓國，留喺香港嘅話，今日就唔會有自己嘅生意，「首先唔好計搵錢先，做人要新鮮啲，要喺未死之前做自己開心嘅嘢。」就係韓國呢個地方畀到空間River搵自己嘅興趣，有機會令興趣變成事業，「我覺得定居韓國係無揀錯！」
Mephistopheles Le Pastries
https://www.facebook.com/mephistopheleslepastries/?fref=ts記者：鄒倩婷（阿仙）攝影：陳家文、李錦鏵剪接：Roy_theme_kdrama,_kstar_hkinseoul,_mt_娛樂,_mt_韓流
來源:
http://hk.apple.nextmedia.com/entertainment/art/20170207/19920226
李施嬅易追：冇樓整蛋糕
1 :
GS(14)@2017-02-19 13:59:55羅霖、李施嬅、汪詩詩、汪圓圓及葛民輝等昨日在上環出席廚藝學校剪綵活動，李施嬅笑言懂下廚的男士易結識異性：「第一個男朋友當年就係整咗個蛋糕，再喺廁紙上畫咗個公仔，就成功追到我。」有樓會否更受歡迎？她說：「冇樓咪勤力啲整多幾個蛋糕畀我囉！女人應該有自己嘅事業，咁樣會多啲選擇。」同場的汪詩詩透露剛過去的情人節，老公甄子丹負責下廚煮大餐：「佢今年進步咗好多，由第一年拍拖開始煮波士頓龍蝦，一年一次OK嘅。」羅霖則指細仔對下廚有興趣：「佢自己上網學整牛扒，可惜我唔食牛試唔到，不過睇佢嘅手勢係有板有眼。」採訪、攝影：曹家誠
■汪詩詩（左）讚老公甄子丹的廚藝越來越好。
■羅霖戒牛，試不到細仔所整的牛扒。
■葛民輝（左）昨日跟一班靚女出席學校剪綵活動。
來源:
http://hk.apple.nextmedia.com/entertainment/art/20170219/19932873
鄧萃雯拉隊切蛋糕
1 :
GS(14)@2017-03-04 10:18:38鄧萃雯前日51歲生日，雖然要在工作中度過，拍攝內地劇《你的名字我的姓氏》，但依然十分開心，因她與同劇男主角楊玏及張超竟然同一天生日，劇組送上蛋糕為三人慶生，令雯女大感驚喜。雯女前日拍攝告白戲，笑言自己很久沒拍過同類型場口，所以有點緊張，但她在現場很快便投入其中，絕對駕輕就熟。此外，雯女早前接受內地媒體《ELLESHOP》訪問和拍攝靚相，訪問中她透露期待與黎耀祥再度合作，笑言去年為無綫台慶頒獎禮任嘉賓，全靠祥仔令自己安定下來：「看到他很安心，因為我們有一種如老朋友般的默契，遇到這樣的對手是一種幸福。」撰文：魯吉
來源:
http://hk.apple.nextmedia.com/entertainment/art/20170304/19946670
「印尼撈」蛋糕你接唔接受到？
1 :
GS(14)@2017-03-22 00:31:29生日蛋糕一定要甜的？印尼最近有餐廳打破傳統，創作出用撈麵砌成的鹹味生日蛋糕，再加入醃牛肉、芝士、雞肉絲、墨魚和肉丸，一樣大受歡迎。印尼營多撈麵是不少人的至愛之一，耶加達北區的卡拉巴加丁（Kelapa Gading）餐廳「TOT.AW」就想到利用撈麵做成鹹蛋糕，香味四溢的麵條加入豐富配料，令人食指大動。餐廳負責人之一威廉（William Sudhana）向「羅盤報」（Kompas）表示，餐廳的5名股東中有兩人具備製作麵包糕點的經驗，所以要用撈麵砌成生日蛋糕並不難。撈麵蛋糕的底座直徑有18厘米長，需要十幾包撈麵當材料；蛋糕有兩層，上層加有醃牛肉和芝士，下層的頂部和外圍則搭配雞肉絲、墨魚和肉丸。撈麵蛋糕推出後相當受歡迎，售價為12萬印尼盾（約70港元），顧客也可要求辣還是不辣，但由於蛋糕太受歡迎，餐廳現在只接受預訂。中央社／Instagram
來源:
http://hk.apple.nextmedia.com/international/art/20170320/19964228
【飲食籽】蛋糕鹹點配搭花心思
1 :
GS(14)@2017-04-08 19:40:38甜品師製作的無麩質蛋糕，口感特別。
【飲食籽：識飲惜食】對麩質敏感者而言，除了外出用餐無啖好食，連生日也不能吃生日蛋糕，對於小朋友而言這可是天大的事呢！不過，相信他們看見眼前造型精緻的無麩質cupcake，一定不會失望。 The Cakery創辦人郭小菱（Shirley）：「有媽媽向我說現在很開心，因為孩子從小到大未吃過生日蛋糕，而現在終於有得吃。」Shirley本身從事金融行業。數年前開始經營網上餅店，期間遇到不少客人詢問有否無麩質或無糖蛋糕，「覺得需求越來越大，便開一間特別的cake shop。」該店出售的產品，沒有紫薯綠茶，只有無糖、無蛋奶及無麩質等食物。或許有人疑問，此類食品口感欠佳？但記者試了一口芝麻口味的無麩質cupcake，當然比起傳統蛋糕，初入口確較乾身及欠鬆軟，不過當咬到中間的芝麻蓉，除了味濃，似吃芝麻糊外，質感巧妙地彌補上述黏性不足之處，而且忌廉口感軟滑，作為茶點非常好。
無麩質香脆燕麥配椰奶奇亞籽布甸 $40
無麩質烤番薯三文治配雞心豆醬及醃漬甘筍和菠菜 $48
黑芝麻口味cupcake $38
蛋糕鹹點配搭花心思
除了蛋糕，鹹點的配搭亦花心思，如顏色豐富的番薯三文治，廚師先將粉紅色的雞心豆醬，塗在自家製的麵包上，其後搭上番薯、醃漬甘筍絲及菠菜，最後將另一塊麵包蓋上，切半即成。無麩質的麵包，口感雖黏性較低，不過三文治的食材配搭卻十分清新，而且飽肚。另一樣推介，是羅勒青醬無麩質意粉沙律配日曬番薯茄，有意粉、芝士、菠菜等材料，以羅勒青醬混合，配上番茄條，十分開胃。此外，還有無麩質輕食之選，當中以無麩質香脆燕麥配椰奶奇亞籽所製的布甸，無奶類，只有啖啖椰香，配上紅莓，口感清新。不過記者建議，作為飯後甜點的話，可與友人分享，皆因奇亞籽易飽肚。另外，想簡單的話，不妨試試烤鷹嘴豆配希臘優格醬。甜品師先將鷹嘴豆糰搓成一口大小，再放入焗爐焗大概30分鐘即成。乾身的烤鷹嘴豆，配上濃稠優格醬，口感特別。
羅勒青醬無麩質意粉沙律配日曬番茄 $78
無麩質全素烤鷹嘴豆配希臘優格醬 $38
The Cakery創辦人 郭小菱
The Cakery利園二期124號舖
記者：湯珮然攝影：鄧鴻欣、林栢鈞、鄧永發、王國輝編輯：蕭家慧美術：利英豪
來源:
http://hk.apple.nextmedia.com/su ... t/20170407/19981911
【飲食籽】生日主題餐廳 送蛋糕藏禮物
1 :
GS(14)@2017-04-08 20:45:29餐廳為每位壽星準備火燄雪山蛋糕
【飲食籽：識飲惜食】每個人也有生日，但每年的生日都想搞搞新意思，就令一眾男士們非常苦惱。Heiti's House的老闆林嘉輝（Kyle）擁十多年西廚經驗，開設了一間以西餐為主的生日主題餐廳，並設計了一連串的驚喜，希望為別人的生日送上一個難忘的晚上。
「這裏提供的驚喜，大部份男士都未必會做。選擇來這裏慶祝生日某程度因為很多男士表示唔使諗，而女士們亦能感受到對方頗有心思，肯花時間去搵特色餐廳慶祝。」Kyle說。生日套餐有不少噱頭，這裏更可以找到懷舊的紅雞蛋。「細細個有紅雞蛋食已經好開心，以前敲碎雞蛋寓意祝福。」奈何現時的餐廳普遍也不會親手染色，可能只是以玻璃紙包裹代替，所以堅持親手製作，希望令客人重拾童年回憶。他亦感嘆從前的相片，影完會沖曬出來留念而不是只留在手機或電腦內存檔，所以加插了贈送相片的環節，並附上相架即時給客人DIY。生日主題不只有噱頭，食物亦相當有質素，二人套餐盛惠$598，包括前菜、頭盤、主菜、甜品和飲品，價錢合理。其中記者推薦兩款主菜，第一款是炭燒美國黑毛豬鞍架，賣相精緻，吃下去肉質嫩滑、完全不乾身還帶點肉汁，配上老闆自家製的蘋果醬汁更相當配合。第二款主菜是意式風情燒春雞拼菠菜牛油汁意粉，燒春雞需要以香料醃製一晚，即叫即煎再即焗，意粉很香牛油味卻不肥膩，味道剛好，難得的是就連伴碟的瓜菜亦十分新鮮爽脆，值得一讚。
餐廳佈置了不同裝飾，增添慶祝氣氛。
餐廳設有拍照區，四周的佈置亦十分浪漫。
親手染色的懷舊紅雞蛋
師傅為壽星寫上祝福的字句。
於蛋糕淋上碘酒，點火後呈藍色火燄。
蛋糕內藏了一個小樽，樽內盛載了一份神秘禮物。
火燄雪山蛋糕 內藏神秘禮物
最驚喜的環節莫過於餐廳為每位壽星所準備的火燄雪山蛋糕，蛋糕由師傅親手攪拌蛋白再鋪上朱古力味雪糕蛋糕雪藏，步驟繁複每日新鮮製作。甫上枱，店員還會關掉場內燈光換上LED的雷射燈光，隨後於蛋糕淋上碘酒，再點火，配合輕快的生日音樂，洋溢着浪漫情調的氣氛。惟蛋糕上的藍色火燄只可持續大約七至八秒，壽星們影相便要趕快。當你切開蛋糕還大有驚喜，原來蛋糕內藏了一個小樽，樽內盛載了一份因應各壽星喜好而即時製作的神秘禮物，至於禮物實際的內容，Kyle希望暫時保持神秘。有食客更曾與餐廳合作藉此蛋糕作求婚之用，把求婚的戒指放進樽內，令女方切開蛋糕時隨即被求婚，場面十分感動。開業四年，現時基本上每日都有人來慶祝，但回想起剛開業，帶給人歡樂的生日餐廳亦曾經十分冷清，試過全晚只有一枱客人，沒有人拍掌亦沒有人助興。Kyle：「就算一枱客人，他們都是生日的，我們也需要令他們有難忘的晚上。」始終生日餐廳講求新鮮感來吸引客人，當人到此慶祝完一次，已知道甚麼葫蘆賣甚麼藥，亦未必再次回頭光顧，皆因不再驚喜。Kyle表示：「很老實！坊間有很多不同的菜式選擇，一間餐廳的食物再好吃顧客亦唔會經常光顧，我認為做到幾多就做幾多，帶到幾多嘢畀人就幾多。」他冀望客人首次光顧可笑着離開，下次再帶新朋友捧場。
為客人留下回憶，餐廳設有相片環節，並附上相架即時給客人DIY。
當生日歌響起，餐廳會換上LED雷射燈增添氣氛。
意式風情燒春雞拼菠菜牛油汁意粉
炭燒美國黑毛豬鞍架
Heiti's House新蒲崗仁愛街48號地下
記者：吳業紅攝影：鄧鴻欣編輯：梁浩維美術：楊永昌
來源:
http://hk.apple.nextmedia.com/su ... t/20170408/19983055
Next Page