智取大市：慢升股可愛之處
1 :
GS(14)@2017-11-05 17:06:34細心睇恒生指數，發現8月至今一個現象，以日線圖計，出現一支大陽燭後，短線升勢就差唔多停落嚟，唔會有第二支大陽燭接住上，然後冇幾耐之後就出現大陰燭震倉，相反亦然。呢種趨勢遲早有一日會停落嚟，轉變為一個新方向，只不過，唔知幾時出現。未來嘅日子，偏向chok住整固機會較高。除非今日繼續大升幾百點，打破一支大陽燭升完、一支大陰燭跌完嘅格局，否則呢種單日扮轉向，暫時唔需要太在意。由於恒指累積升咗7,000點途中冇大調整，如果恒指出現單日大陰燭，亦好難去搵同大市關連度高嘅股去博撈底，萬一向下急插，多條命都冇命陪，如果繼續糾纏喺熱炒股度，真係人都癲之餘，過一排銀包隨時會少咁截。離開激烈嘅炒上落戰場，另一個出路係搵慢升股介入，慢升股嘅特點係每日波幅唔大，可以趁回吐時上車，正正因為每日波幅細，股價轉弱亦容易察覺，可避過大市上落嘅雜音。情況一如內地女裝零售商江南布衣（3306）同海底撈湯料供應商頤海國際（1579），幾個月內股價無風無浪翻一倍。小弟鍾情嘅電動車概念股德昌電機（179）亦係慢升狀態，可以睇位上車揸一排，分析後補。晉佳
http://fb.com/advanceguy1
來源:
https://hk.finance.appledaily.co ... e/20171102/20202135
智取大市：改名轉運係真的
1 :
GS(14)@2017-11-13 03:31:14繼嘉能可（805）之後，Coach（6388）都想取消第二上市。正常取消第二上市，大概有兩個好處，第一，可以面對少啲監管，第二，可以慳番維持上市地位嘅開支。不過，對千億、幾百億市值嘅公司嚟講，上市開支算得啲乜？加上香港監管機構向來行事被動，取消第二上市似乎多此一舉。背後意義，就係唔想你買到佢嘅股票。
Coach呢間上市公司喺10月10日已經改名做Tapestry，呢個字咁深咁難記？解釋係「掛毯」，內地投資者對此反應最大，「掛」呢個字好大吉利是，一致劣評，當然，品牌「Coach」係絕對不會改名。由一個家喻戶曉、入屋嘅名，改做一個低調難讀難記嘅名，都係嗰句，搞咁多嘢係唔想你買。喺2015年3月，賽得利改名做唔知點讀嘅BRACELL，趕完客，年半後溢價私有化。合生元今年6月改名做H&H（1112），一樣為咗令你忘記佢，然後股價幾個月內升咗1倍。咁今次Tapestry又會點？留意番，佢11月7日將會公佈今個財年首季業績，而呢隻股要去到美股市場先有成交畀你買賣。近年佢啲產品少人買，股價圖咁落後，咪以為實冇運行，分析稍後再續。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171106/20205987
智取大市：二三線股仲未癲
1 :
GS(14)@2017-11-13 03:55:12港股周一小奇蹟日之後，今日再大升近400點，強勢毋需多說。睇小時圖，恒指向上突破之前，10日內喺28100點至28600點上落足足4次，仲要上落速度越嚟越快，可見好淡友對峙相當激烈，9小時RSI當時亦形成咗擴散三角形，反映市場情緒不穩定，如今恒指明顯直衝29000點仲要下晝繼續企得穩，市場情緒自然由不穩定轉趨亢奮，既然亢奮無耐，短線值博率仍高。話說星期一至星期二中午，恒指由低位升近800點，但升勢由騰訊（700）、手機設備股同內險股帶動，唔少股份只係微升，但講到明亢奮，就無理由只升幾隻強勢股，於是下晝二三線股亦蠢動。咁究竟係買落後股，定之前顯著調整嘅熱炒內房、商品股？呢一刻小弟建議博後者，熱炒股調整20%後，真係唔信喺市場亢奮之際彈都唔彈吓，甚至有機會遲來先上岸，揀股，幾隻龍頭就算。上期講Coach（TPR），執筆時正等待新一季業績，下期分析。Coach喺海外充其量算中檔次，今年5月，收購死敵Kate Spade，Kate Spade喺東南亞受歡迎程度遠勝Coach，但竟然冇乜錢賺，相信Coach長遠有能力改善Kate Spade盈利能力，如意算盤睇吓打唔打得響。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171108/20207965
智取大市：港股又小奇蹟？
1 :
GS(14)@2017-12-05 00:38:43莫非噚日又係小奇蹟日？恒指近期每次恒指9小時RSI跌落20左右，就係短線見底回升之時，噚日午後最多跌成351點，當時睇落風頭火勢，少啲定力、又或者揸重牛證Call輪都就嚟被震走。呢個時候，9小時RSI正正落到20，跟住又再一次快速反彈。回顧返前一次恒指9小時RSI跌到20，就係11月6日嘅小奇蹟日，跟住恒指V彈一去冇回頭，今次情況係有啲似。港股目前仍然係中長線升市途中，仲要進入全民皆股嘅白熱化階段，走勢應該係最易估算嘅一段，毋須吓吓猜忌做緊假突破，揸實強勢股、做簡單的事就最划算。領袖股騰訊（700）同平保（2318）目前波幅相比11月6日時更大，趁勢炒上嘅話，未來幾日可能出現比之前更大波幅。其中，騰訊之前四連陰，調整時陰燭身比較細，而今日拗腰反彈，又出現較長陽燭，動力仍然強勁。對於今年升咗超過一倍、市值4萬億嘅巨無霸嚟講，呢種動力確實唔講得笑。佢嘅好處係，走勢少有呃人，係轉強就轉強，冇技術陷阱就自然較易坐得穩，只要12月上旬港股趨升，騰訊始終難以捨棄。12月4日恒指換馬，騰訊比重降至10%，會引嚟潛在沽壓，但對短期超強趨勢難有改變。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171129/20229284
智取大市：政治市焗縮注碼
1 :
GS(14)@2017-12-05 01:09:18稅改引發美股換馬，美國科技股大跌拖累港股？其實只係藉口，更重要係內地公募基金不能淨賣出A股，令A股有風吹草動，就選擇喺港股掟貨。即市A股彈、港股就有得彈；即市A股唔升或跌，港股就要跌。如果A股出現人為慢跌嘅話，港股就跌得更甘。而家大家面對嘅對手係A股大戶，終極big boss當然係中央。上述因素下，打破咗年尾前港股進入安全期嘅美夢，市場風險胃納下降之下，被逼減倉至舒服水平。要等A股陰霾過去，或港股夠超賣、估值吸引，先係進取好時機。港股由突破3萬點回落一個星期多啲，以大陸政策轉向嘅往績計，通常一浸搞你三幾個星期，典型例子係2015年港股大時代，由6月初跌到7月8日，牌面睇今次情況相對輕微，原因係A股今浪升勢成交遠低於2015年時，沽壓自然細啲。不過，恒指形成突破性下跌裂口，要幾個交易日保持不跌，先確認解除風險。風眼位置會係升幅多、成交量大嘅股，變數大咗，自然用倉位調節風險。騰訊（700）競價時段398蚊樓上近6,000個買盤，成咗近5,000個。平保（2318）競價同樣有過千買盤於77蚊食晒貨。散戶積極參與接飛刀，今次會贏定會做燈呢。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171201/20231520
智取大市：強弱洗牌新機會
1 :
GS(14)@2017-12-11 00:03:20港股兩個星期跌近2,000點，係咪初步回穩都係未知數，而跌浪底部有幾高，就取決未來恒指嘅高度，道理好簡單。保守估計，即使恒指最終跌到27000點，稍後都有機會反彈接近3萬點水平。如果28000點就見底，情況當然可以樂觀一啲。港股噚日靠騰訊（700）、平保（2318）等等一批藍籌頂住，其他二三線股繼續受壓，但喺A股偏軟嘅同時，港股下晝終止咗不問價拋售，情況有點兒好轉，可花多一日時間觀察，繼續回穩嘅話，不妨喺優質股之中建返正常倉位。估計跌股多過升股趨勢會一直保持，少數強股估值仍有上升空間，就會繼續強落去，毋須太介懷市寬問題。噚日升嘅股騰訊、平保、舜宇（2382）、瑞聲（2018），前兩隻係靠佢哋頂住指數，累積跌幅唔算深，未掟散之下就有條件繼續保持喺高位一段時間。至於估值有點fully valued、面前憧憬因素較少嘅吉利（175）就繼續跌，反正累積跌幅唔多、唔係靠佢頂住指數，基金就搵佢嚟開刀。總括而言，每隻大股進入目前階段，都各有處境，經歷大調整後，洗完牌會出現新嘅兩極化形勢，大家到時要重新識別強弱股了。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171208/20238599
智取大市：騰訊關鍵一件事
1 :
GS(14)@2017-12-18 04:10:08阿里加上騰訊（700）截至最新季度嘅一年收入係4,123.65億人仔，除以4G用戶數字9.67億名，即每年每名內地4G手機用戶平均負擔426.4人仔嘅騰訊、阿里收入，相當於2016年中國城鎮人均可支配收入33,616元嘅1.27%。睇落數字好細，但講緊騰訊、阿里2017年市盈率48至50倍，大概已經反映到中國網民每100蚊有差唔多3蚊落喺騰訊、阿里個袋度。每個大陸人使喺騰訊、阿里身上嘅錢，每100蚊畀三幾蚊應該接近極限。長遠股價仍有上升空間，但可見將來單靠內地收入，要出現幾何級股價升幅，應該冇乜可能。長遠騰訊增長有乜出路？舊年騰訊成功入股Supercell逾八成股權，另一單就係入股Snapchat母公司12%股權。需知道騰訊要成為Snap大股東，人哋未必肯賣之餘，染紅亦分分鐘令個個唔用Snapchat，於是小試牛刀最實際。當時消息一出，Snap股價先升後跌，大家似乎對交易不厚寄望。海外市場將會係騰訊最大樽頸位，倚賴收購滲入海外市場一着，路途絕不平坦，Snapchat同Supercell以至其他潛在收購能否產生1＋1＝無限的效應，就係騰訊長遠關鍵嘅劇情。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171213/20243100
智取大市：港股二度升浪條件
1 :
GS(14)@2018-01-08 00:28:45上期講到港股會有反彈，噚日A股都未算企穩，港股縮住成交先來個小彈，但升勢並不全面，主要由部份大藍籌帶動。呢刻強勢大藍籌守穩10天線之後，短線有條件升至吸引散戶再度雀躍買牛仔嘅水平，希望言中。不過，要注意一件事，融創（1918）配股第二日已經跌破配股價31.1元。呢隻由港股通持股達到已發行股本24.67%、由北水主宰程度最勁嘅股，配售接貨投資者亦幾可肯定都係大陸佬為主，配股價不堪一擊亦反映北水胃納有所減弱，希望呢種胃納減弱，亦只限於內房股。論中線調整，估計尚未完結。原因係上證50指數3,000點作為公募基金要沽嘅水平，最老土都係要兩個元素其中一項出現改善，先能夠扭轉沽貨預期。第一，價錢變平，簡單啲講係透過股價下跌去令估值變得吸引、值博；第二，重燃盈利增長預期。因此，後市要再出現升浪，必然係透過改善盈利預期。港股暫時見一見頂，原因係經過一年嘅工業restocking浪潮，以及內地樓市爆升過後，內地經濟開始未接到軌，步入增長放緩。11月工業增加值按年升6.1%，為年內第二低，商品類、工業相關股份近兩個月早已跌到反艇。不過，稍後要留意各工業產品銷售情況，可能係經濟小陽春嘅訊號，例如11月內地銷售挖掘機械產品13,822台，開始有回升，睇吓情況明年初會否持續。人行調高MLF利率之後，人行噚日進行3,000億人仔逆回購，淨投放2,600億，拆息偏高之下，內地仍然想維持資金寬鬆，呢種環境下，中央要催谷明年某個時間最低限度出現經濟小陽春，難度唔算高、機會亦唔算細，於是港股明年仍然有多一浸上升嘅機會。由於內地新住宅價格升勢放緩已成定局，更有可能催化成樓換股局面。不過，一切一切要等時間發酵，中線調整，仍需時。晉佳
https://www.facebook.com/advanceguy1/
來源:
https://hk.finance.appledaily.co ... e/20171219/20249210
智取大市：一個聖誕小確幸
1 :
GS(14)@2018-01-08 00:42:16港股喺低成交爬格仔爬上去，趁大家以為收爐拋售意欲低，正好有機會慢慢爬上3萬點。嚟緊聖誕假期前後，股市風險唔算大，照計能夠維持呢個軌道上行，有兩件事值得留意，第一，暫時上證50成份股大多數都未重返上個月高位水平，相信距離公募基金新一輪拋售潮仲有水位，有利後市。第二，日本假期復市嘅1月4日打後，股市風險程度同埋波幅預計會加劇，如果呢個日子之後，恒指、上證50同埋個股股價都比現水平明顯上升，到時就要審慎返少少。上證50成份股當中，少有目前相比11月高位明顯破頂嘅股，其中一隻係日用品消費股伊利，強勢亦反映喺同概念嘅蒙牛（2319）、康師傅（322）、恒安（1044）之上，A股炒乜？港股咪炒乜咯。其中，蒙牛同康師傅相比2016年低位都升超過1倍，股價由落後變成與大市基本同步，原本被今年最強嘅科網股拋離得超遠，但落後板塊升，強勢板塊跌，距離都有所收窄，相信兩個板塊嘅優質股都有條件出年再創高位。至於平保A股同H股（2318）走勢都係比較靚仔，都有機會上返上月高位甚至輕微破頂。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171222/20252445
智取大市：大媽炒經濟升級
1 :
GS(14)@2018-01-08 01:32:552017年港股一大特色，就係大媽進化成為超強投資者，往往先知先覺，喺搵到利好因素前幾個月，已經開始炒高某啲復蘇股份板塊，亦喺未見負面因素之前已提前沽貨獲利。你睇A股市場，大陸電子股份遠遠早過外資基金愛股舜宇（2382）、瑞聲（2018）以至台灣大立光見頂，可見呢群投資者觸覺敏銳，香港投資者再唔進化，就好容易成為北水嘅點心。茅台可以出年狂加價18%，股價升8%，返去《新華社》發文叫投資者理性看待茅台嘅水平，曲線話過各位聽，內地消費市道較官媒預想強得多。今時今日，A股唔少舊經濟股炒到㷫烚烚，絕不讓前排強勢嘅醫藥股、消費股專美，只要同經濟相關、非向下潛行業，配合龍頭或優質企業身份，就有得炒，係乜玩法？相信係炒定內地經濟升級潮。只要想像到如何受惠內地經濟復蘇，加上日線圖、周線圖走勢理想嘅股票，都具備持有價值。假設內地經濟再起飛，電力需求一定上升，但傳統電力股股價向下深潛，與此同時風電股金風（2208）強勢破頂，光伏股信能（968）向上收復3蚊阻力，兗煤（1171）更加係走勢超強，究竟乜嘢葫蘆賣乜藥，下期再講。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171229/20258761
Next Page