查金庸 What’s Up? 特首夫人妹乃著名公關
1 :
GS(14)@2015-01-02 09:46:26http://www.metrohk.com.hk/index.php?cmd=detail&id=260639&search=1
有一日，查金庸同一位金融界的朋友食晏，朋友忽然彈了一單料過來﹕「你知唔知阿特首夫人唐青儀有個妹妹？」邊個？朋友施施然地說：「咪以前好出名嗰名女人，唐端儀囉。」查金庸想起了，原來是一位著名公關，還做過一間叫「英發」的上市公司董事?，聽聞有一輪，仲搵了好多錢?！乜原來特首夫人個妹就係佢，真係一個無人知嘅秘密喎，但查金庸作為新聞界中人，都要核實一吓資料來源㗎，朋友說：「百分之一億正確，絕無花假。」
這位朋友和唐端儀並不熟悉，但卻和「英發」的創辦人馮廣發父女是buddy buddy的好友，對於這間公司的來龍去脈，以及後來的爭產風波，他熟到不得了。不過他和唐端儀就只是點頭之交而已。換言之，當年的「英發」爭產風波，這位朋友是站在唐端儀的對立面，究竟他所言有沒有代表性，讀者自己諗嘞。
查金庸 What’s Up? 亞洲資源另類賣殼
1 :
GS(14)@2015-01-02 09:47:22http://www.metrohk.com.hk/index.php?cmd=detail&id=260639&search=1
前排查金庸同朋友北上去書城，無論搭車定係食飯，身邊嘅同胞都係講緊股票，於是好奇問吓佢哋對A股有咩睇法，個個都認為大升市即將來臨，而且身邊好多家人朋友都去證券公司開戶，仲要「融資融券」﹙即係孖展﹚。唔係親身去到大陸都唔知原來而家個狀況咁瘋狂，所以讀者認真要注意風險，爺爺有事，港股豈能獨善其身？
講返隻心水股票先，查金庸等咗隻亞洲資源﹙899﹚好耐，終於落番來。亞洲資源從事生產同銷售藥品，又做埋採礦、證券投資等。吸引查金庸嘅唔係佢嘅業務，而係幾個月前集團配售咗三批可換股債券﹙CB﹚，行使價0.38元，三位承配人行使 CB後，將會合共持有48.34%股權，原先三位主要股東持股將會由42.22%降至21.81%，係賣殼先兆。近幾個月集團班董事不斷行使認股權﹙行使價0.35元﹚，同埋今個月詹先生辭去公司主席同執行董事個位，一連串行為令人聯想到大洗牌後將會有大動作。現價同班董事認股價同埋CB行使價相若，非常值博。
查金庸 What’s Up? 殼王的伎倆（下）
1 :
GS(14)@2015-01-18 02:28:36http://www.metrohk.com.hk/index.php?cmd=detail&id=262683&search=1
早前講到中國大亨飲品（209）以配股、認購新股同埋發行大量可換股債券（CB）嘅方式賣殼。究竟咁做有咩好處？非常明顯地，咁樣係為咗避開收購超過30%股權，新殼主就唔需要等兩年之後先可以注入資產，亦唔會觸發全面要約，唔需要收購埋其他小股東啲股份。
讀者可能會有疑問，咁樣做唔係會大幅攤薄原先大股東嘅股權咩？點解大股東孫粗洪又會肯呢？答案呼之欲出。試諗下，如果孫先生直接將股份賣畀新殼主就只可以賺取殼價，但係如果引入強勁嘅新股東，注入優質業務，踢高個股價，再喺市場沽出，唔係賺得更盡咩？此外，大亨亦都授出購股權畀現有嘅董事，認股價0.305元，唔排除新殼主會炒高個股價畀班舊人退場賺一筆，呢個好可能係今次班舊股東同埋董事肯以另類方式賣殼嘅條件。
講開殼股，不得不提寰宇國際（1046）。上年3月，主要股東林小明將手頭上1.7億股，以每股0.248元賣咗畀中國手遊文化（8081），完成後，前者持股由20.93%降至11.02%，後者成為第二大股東，持股9.91%。之後6月同埋12月更加配咗兩次股，加埋7.57億股，配股價0.1元，完成後林先生持股降至7.61%。假設真係賣殼，過程又咁鬼祟，有心人應該煮緊一餐大茶飯，未食得。
查金庸認為今次賣殼方式極有可能模仿近日升到啪啪聲嘅中國星文化產業（8172），即係發行新股畀新殼主認購，而早前瘋狂配股可能係為咗批啲貨畀莊家遲啲炒高佢。用得呢種方式嘅話，新殼主來頭一定好猛，否則原先股東唔會肯咁樣賣殼。而新殼主最有可能係一直同集團傾緊合作嘅貴州多彩，多彩係國資委旗下企業，主要喺貴州推動文化產業，最出名係個多彩貴州城，集文化、休閒、旅遊、商業同埋娛樂於一身。阿爺成日都話要搞起中國文化產業，呢門生意食正條水，如果賣殼成功，集團股價隨時好似中國星文化咁踢高幾倍。
查金庸 What’s Up? 跟任德章 買長飛
1 :
GS(14)@2015-01-18 02:29:18http://www.metrohk.com.hk/index.php?cmd=detail&id=263171&search=1
今日查金庸搵咗隻半新股分享畀讀者作中線投資，佢就係長飛光纖光纜﹙6869﹚。長飛上個月頭上市，定價7.39元，點知一上市就潛水，到而家都無咩起色，不過查金庸就睇好佢長遠發展。長飛係中國最大嘅光纖預製棒、光纖同埋光纜供應商﹙全球第二大﹚，具有龍頭地位，過去幾年收入同埋利潤都穩步增長。最重要係公司嘅垂直整合業務模式，包攬整個上、下游，可以有效控制成本同議價能力。光纖行業同時亦受到國策支持，中國政府計劃喺2020年前投入2萬億去改善互聯網基建，同時各大電訊商加快對4G網絡投資，亦都拉動光纖嘅需求，利好集團長遠發展。
另外一個推介原因就係股壇名人任德章都入股，睇返股權分布，任德章喺上市時分到約2,490萬股，之後喺6.56元同埋6.7元再掃多7百萬股，而家手持約3,190萬股或9.41%股權。有跟過任德章炒股嘅都應該知佢嘅威力，今次都不妨跟少少。
查金庸 What’s Up? 一隻無間道的股票?
1 :
GS(14)@2015-01-18 02:29:53http://www.metrohk.com.hk/index.php?cmd=detail&id=263171&search=1
近期在發掘潛力股的同時，亦發現有不少殘股，至今已停牌超過兩年的創益太陽能(2468)近日剛有公布，指現正採取適當行動以落實委聘核數師以開展尚未刊發的財務業績的準備工作，似乎又是一個無間道的故事。
中環茶友話，通告話明，股份將繼續停牌，避談復牌時間表，換言之，係無期! 茶友繼續發炮，自創益停牌以來，當中是非、傳聞不斷，當中包括涉嫌在關連交易轉移資金、收入及稅務等數字上造假。若是事實，管理層可能已屬違法，應該怎麼處理? 目前要否考慮委派臨時清盤官的安排，凍結公司資產，保障投資者基本利益。
茶友面露兇光，雖然未有明言，但相信絕有可能是小股東之一。不論如何，創益2010年10月在新股熱潮中以超購493倍的亮麗「成績」登陸港交所，惹人遐想，相信有眾多上錯車的朋友，感同身受希望有關監管當局能正視事件，在進一步調查事件，查出事實真相，給廣大小股東一個交代。
查金庸 What’s Up? A股一副 試底格局
1 :
GS(14)@2015-02-13 11:30:48http://www.metrohk.com.hk/index.php?cmd=detail&id=267204&search=1
阿爺上周三預告咗經濟唔多掂突然出手下調銀行存款準備金率，A股不升反跌、內地數據又得人驚(內地進出口總值按年減少咗10.8%)，呢個禮拜仲有萬億新股上市，又啱啱推出可以沽空嘅ＥＴＦ股票期權，似乎一副試底格局。
諗深一層又唔使咁灰！各國放緊水爭取貨幣貶值去促進出口、刺激經濟。晌咁嘅環境下可以預計到中央面對經濟疲弱，減息、降準、令人民幣貶值呢幾招仲會陸續有來。處於呢個全球貨幣戰爭大環境下，阿爺係要焗放水，但係又唔想股市、樓市大升，所以會有一邊放水、一邊出招降溫呢個情況出現，始終晌放水大前提下，資金仍然會比較充足，毋須睇得太淡。
大家都知港股主要係受內地股市影響而唔係受美股或本地因素影響，上證走勢似乎係想下試一吓2,900呢個大關口，如果你做淡友反而去沽空就要慎防大市出現反彈，因為A股跌得多，H股都開始顯現唔跟跌嘅情況。暫時係橫行市格局又係挨年近晚，入貨時要比較審慎，不宜過分積極。
點都好啦，如果你手頭上係高風險衍生工具投機嘅話就定必要嚴守止蝕，如果係實貨數量又唔多的話，即使現時出現些少虧蝕都仍然可以守住，個市上上落落好快可以見到家鄉！
查金庸 What’s Up? 榮暉賣殼 只欠東風
1 :
GS(14)@2015-02-13 11:31:22http://www.metrohk.com.hk/index.php?cmd=detail&id=267204&search=1
最近查金庸留意到有隻賣殼意圖非常明顯嘅股仔，有一定值博率，就係榮暉國際（0990）。榮暉主要喺台灣做成衣零售，基本上都係蝕本生意。大股東王力平先生已經無心戀戰，舊年11月委託金利豐證券配售手頭上12億股或32.82%股權，每股作價0.2元，王先生減持後失去控股股東地位，只持有29.25%股權。點知唔夠三個月，集團上星期又宣布配售7.3億股新股，配售價0.161元，集資用途係發展借貸業務，完成後，王先生股權進一步攤薄至24.38%。
今次嘅配售代理同樣都係金利豐證券，查金庸絕對有合理懷疑，「金仔」已經幫佢搵緊又或者搵到新殼主，睇返上次配舊股加埋今次配新股，總共有44%股權落入一眾「人頭」手上，相信等時機成熟就會正式宣布賣殼，讀者不妨密切留意，近日資金重新流入細價股，有賣殼概念嘅股仔應該可以吐氣揚眉。
查金庸 What’s Up? 查金庸 What’s Up? 一句講晒 繼續打老虎
1 :
GS(14)@2015-02-13 11:31:58http://www.metrohk.com.hk/index.php?cmd=detail&id=267563&search=1
呢個禮拜港股只能夠用個悶字去形容，歲晚收爐局成交銳減至700億樓下，大家有無悶親呢？
滙控（005）繼續受助客逃稅事件影響，但查金庸相信對滙控股價影響有限，因為事件早晌2007年時已「曝光」，而多國政府晌2008年時都已掌握相關資料，滙控亦已經努力改善內部監控及相關措施，有助紓緩日後監管風險。參照同類型案件，預計滙控或會被罰10億至20億美元，70蚊大關恐勢危。喜歡博反彈、又或者滙控粉絲們可以留意吓嘞！
講開金融股就要提吓我國總理李克強晌廉政工作會議中強調要嚴管公帑、監管資金運用……(下省數千字)，總之一句講晒，繼續老虎、蒼蠅一齊打，話畀大家聽金融領域反貪腐已經正式開幕啦！行動正進入私營、公營部門齊抓並進嘅新階段，體現習總所講「無禁區、全覆蓋、零容忍」嘅反腐要求。
不禁諗吓買中資金融股又多咗個變數。查金庸又忽發奇想會唔會搞特赦呢？喂，香港廉記啱啱成立時都有特赦啦、美國對非法移民又有特赦啦，因為如果真係要捉去坐監都未必有咁多位！再者如果你被查期間仲會唔會有心機做嘢呢？咁樣搞落去對經濟影響會好大，問題就好似中學生應否談戀愛咁，難搞！
金庸迷與時間競賽換髓續命
1 :
GS(14)@2016-03-13 02:27:15【本報訊】初叔曾是餅乾廠少東，其後工廠結業外出打工，去年患上急性血癌，令平靜生活翻起巨變，他接受化療積極抗病，但接受4針後未有好轉，醫生建議改試5針特效自費標靶藥治療，正籌措42萬元藥費。今年5月是初叔結婚34周年，他希望成功抗癌作為送給太太的禮物。記者：劉秀蘭現年60歲的初叔讀至中五便到家人開設的餅乾廠工作，負責文職會計管數，其後生意不景，餅乾廠於1997年結業，那年初叔39歲，他放下身段外出找工，做過散工等工作。數年前他在西貢科技大學找到一份速遞工作，由大學實驗室送文件及實驗品到科學園，生活尚算安定。去年3月，初叔突感頭暈，胸口不適，求醫發現白血球過低，其後終確診急性血癌，他聽從醫生建議即時進行化療醫治，先後接受4次化療，可是效果未如理想，身體更出現大瘡，今年1月他接受最後一次化療治療，但效果未如意，令他十分失望。不過早前傳來好消息，院方已替他找到合適骨髓，若他能在短時間內成功控制癌細胞，便可盡快進行骨髓移植，而且他年紀不輕，醫生希望在他11月的61歲生日前移植骨髓，取得一線生機。他引述醫生指，現時化療藥無效，建議接受一項新的自費標靶藥治療，該藥需連續5日每日注射一針，但藥費達42萬元，現時停工無業的初叔坦言無力支付。初叔木訥寡言，平日愛看武俠小說，金庸的《射雕英雄傳》及《神雕俠侶》都是至愛，云云角色中他最愛郭靖，似是自己寫照。1982年5月18日，初叔跟妻子結婚，他指去年的結婚周年在醫院度過，未能跟妻子慶祝，十分失望，他盼望今年結婚周年當日已展開新藥治療，再為健康奮戰。「蘋果日報慈善基金」派出關顧主任了解「初叔」的情況後，得悉他無力負擔自費標靶藥費，正協助他籌措治療費用。亟待善長發放愛心支持「初叔」，讓他繼續活下去！「初叔」暖流編號：C4029網上捐款：
http://bit.ly/applecharity蘋果日報慈善基金電話：29908688傳真：23076307電郵：mailto:
[email protected]
WhatsApp：98627828網址：
http://charity.appledaily.com.hk蘋果基金facebook專頁：
http://bit.ly/facebook_adcf蘋果基金YouTube頻道：
http://bit.ly/youtube_adcf蘋果基金接收捐款戶口滙豐銀行：580-198836-001恒生銀行：368-006565-001中國銀行：012-898-00067655東亞銀行（往來戶口）：015-514-68-01678-5如捐款至指定個案，請於入數紙／支票背面寫上其捐款編號，然後電郵／傳真／WhatsApp訊息／郵寄予本基金。「蘋果日報慈善基金」於一九九五年成立，乃根據《稅務條例》第88條獲豁免繳稅的慈善機構。基金除接受市民捐款外，《蘋果日報》亦捐出1%盈利予基金，以幫助有需要的人和資助有意義的社會及教育活動。基金一切行政費用由《蘋果日報》支付，善款的一分一毫，將全數用於受惠人所需。「蘋果日報慈善基金」務求按照捐款人意願，把善款送交指定受惠人。然而個別受惠人可能因長期離港及搬遷等情況以致失去聯繫，甚或受惠人已經逝世或拒收捐款，有關善款將撥入基金作其他慈善用途。
來源:
http://hk.apple.nextmedia.com/news/art/20160312/19526836
Next Page