速評新鴻基地產一六認股權證 朱泙漫屠龍記
http://johnchrysostom.blogspot.hk/2014/04/blog-post_24.html2014年4月24日，新鴻基地產(00016：HK)的認股權證(01441：HK)正式上市。根據當天新鴻基地產(00016：HK)收市資料及其『上市文件』披露其條款如下：
- 認購價：港幣98.60元(可予調整)
- 收市價：港幣97.50元
- 股息：港幣3.35元(3.44%)
- 發行股數：225,378,231股
- 流通股數：906.07百萬股
- 到期日：2016年4月22日
- 每股資產浄值：港幣148.831元
- 收市價/資產浄值：65.51%
- 主要持有人：HSBC Trustee (C.I.) Limited (31.52%)及Credit Suisse Trust Limited (7.40%)共38.92%
倘若在到期日前新鴻基地產一六認股權證(01441：HK)成為價內兼被全數認購，則發行股數佔擴大後總流通股數19.92%，比例甚高。根據當天十二個月Hibor收報0.86%(根據中銀香港(02388：HK)所報2016年12月6日到期香港外匯基金息率亦只是0.77%)，筆者以自己的期權計算機推算其引伸波幅(Implied Volatility)約為15.85%。以2014年4月23日港交所(00388HK)，新鴻基地產(00016：HK)期權綜合引伸波幅為20.00%，而最遠期的2015年3月認購價港幣97.50元的期權引伸波幅為14.00%。以引伸波幅為14.00%和20.00%推算，新鴻基地產一六認股權證(01441：HK)合理值分別界乎港幣4.83元和港幣7.87元。
值得留意的是近日引伸波幅或VHSI均處歷史低位，以2014年4月24日計VHSI收報14.14。倘若未來新鴻基地產(00016：HK)股價和相關期權引伸波幅同步上升，新鴻基地產一六認股權證(01441：HK)應有不俗回報。另外新鴻基地產一六認股權證(01441：HK)是可以認購新鴻基地產(00016：HK)正股的認股權證，一旦升穿認購價港幣98.60元則每股資產浄值會攤薄至港幣118.52元。因此若新鴻基地產(00016：HK)股價升穿認購價港幣98.60元(如接近港幣118.52元)，持有正股者有極大動機沽新鴻基地產(00016：HK)正股轉為持有新鴻基地產一六認股權證(01441：HK)，這令新鴻基地產(00016：HK)未來兩年股價更添不明朗因素！
2226 老恆和發認股權證目的猜想 Edward Lee 發掘十倍股
來源: http://edwardten.blogspot.hk/2014/08/2226.html
有睇開我個Page都會見我久唔久講下呢間公司,無他,因為ipo寫過,俾人懷疑做假個陣又睇左好多資料,所以呢一年花得較多時間o係佢身上,近排,又有消息,就係發認股權證,認股權證是什麼? 簡單講下,公司發認股權證俾A(今次係CHAN CHI HUNG先生),用外星人既條文說法係發1億股認股權證,價格$0.1,行使價$8,限期12個月,用普通人既說法係A俾1000萬公司,獲得1億股兌換卷,就可以O係12個月內以8蚊買入最多1億股2226,即是最多佢要俾8億公司去買1億股股票,佢可以用/唔用,唔用佢就蝕左1千萬,因為兌換卷變哂廢紙,如果股價低過8蚊,理論上佢唔會行使,因為無錢賺,股價高過8蚊佢行使左就可以沽出黎賺錢,當然佢可以唔沽,即係A現時係賭公司一年後股價高於8蚊,咁佢一年內行使就會有錢賺,咁當然佢睇好公司先會買啦,公司同A點解要咁做,就係我今次要探討既原因
先戴頭盔,以下內容皆本人猜想,並非經證實的事實,亦沒有事實根據,當故仔聽下好了,至於如果最後俾我講中,你就當我開口中,撞中,我並不是有什麼內幕消息,純粹猜測。
對於老恆和黎講,佢今次發證可以集資8億返黎,為咩呢? 老恆和本身做料酒,IPO集資時招股書寫係為左買米,擴大料酒產能，但如果有跟開/研究開公司就會發現,公司最近多了豉油新品,只要上淘寶搜尋老恆和,就會見到百幾二百蚊人仔一支150-200毫升既豉油竟然好賣過料酒。新品O係淘寶出現係5-7月出，其實太油早於上年已經有,380人仔500毫升(每毫升0.76人仔),但而家有個自稱舌尖上的中國總監的食家沈爺開鋪賣,200人仔150毫升(每毫升1.33人仔)貴左75%,當中貴左既地方除左個包裝之外,就係貴在沈爺個名。
而家有祖傳太油同蝦子豉油,如果我係主席陳衛忠,我會點樣攪大壇生意? 本身IPO個度講明攪料酒就唔會郁佢,雖然事實佢可以改IPO D錢既用途,唔犯法,有通知就得,但料酒係本業,亦都要做,如果想快手攪豉油,一係問銀行借,發債,一係發股集資,咁明顯公司揀左搵人入股，所以8億好有機會用黎增加豉油產能(公司未講增什麼產能,純猜,但唔係料酒,唔係豉油,仲可以係咩?),至於策略上點解要搵宣傳高手入股,公告話陳生係攪推廣,就睇你信唔信佢喇!當然我無得唔信,因為我諗唔到其他原因要搵佢,我又唔識佢又唔知佢乜來頭。而豉油係好普通既產品,人人都做到,做出黎無大分別,十蚊同七蚊一支,同樣500ml,係人都會揀平個支,一樣味,所以做好品牌係最重要,如果要做品牌,搵人幫手建立品牌係一個方法,點解公司唔搵員工做宣傳?好明顯自己做唔掂啦,或者無資源,與其自己做,不如搵拍檔,俾股佢入黎坐埋同一條船!其實公司上市已經搵左蔡瀾o係路演出現,之後見蔡生攪飲食旅行團遊覽公司添!搵食家黎做係一個方法,上飲食節目推係另一方法,要讓全中國都認識,上電視一定係最快,但公司無全國性銷售網絡,睇返招股書就知,要做到間間超市都有,要好大產能,亦都要好多銷售費俾分銷商食,所以我估開頭係用網購推至全國都有得賣,而家其實已經做緊,天貓超市有,做起左先再慢慢搵超市幫手賣,但公司走高價路線,一兩個分銷商已經OK,繼而搵餐廳食肆入貨用,當然會係高級餐廳食肆。豉油唔同料酒,料酒少地方人用(通常北方人),豉油市場大好多,而且佢做百幾蚊支,市場雖然細但我估點都大過料酒,競爭對手唔會多,起碼無鬼佬會整豉油整得好過佢,頂多臺灣日本商爭,我見淘寶賣得貴既豉油真係一隻手數得哂，外國入口要俾稅,個價自然貴,競爭力就弱左,本土做高價牌子真係唔多,小型家庭式會多d,但集團式真係唔覺,應該都係1隻手數得哂,所以係藍海市場,毛利率易KEEP得高,因為附加價值高…所以呢間公司前景係十分豐厚…但做做下會唔會有人爭,面對競爭公司有幾大能力同人爭,係一個未來需要面對的問題
好喇,講到好似好好咁,又講下有冇衰野,如果A唔用D兌換卷佢就蝕左1000萬,點樣賺返? 佢本身只有11萬8千股,值幾十萬,升到8蚊佢都賺唔返,但要留意1月28日公司上市,6個月後即7月29日禁售期完,大股東可以散貨,公司有2個主要股東,主席(5X%)+何X女士(2X%)(當初借錢俾主席攪生意而分到既,唔係佢老婆),有冇可能係大股東想出貨,特登攪壇野出黎等市場有憧憬,再推高股價之後慢慢套現? 好有可能,因為認股權證買方可以唔行使,佢蝕1000萬姐,但如果股價升1-2蚊,沽1千萬股出黎,已經賺返有凸,不過為左賺多少少錢攪壇咁既野,可能性又大唔大? 如果我係大股東,我就唔會咁麻煩,所以我覺呢個可能性唔高
至於有冇其他可能事情發生,要靠大家的想像力,這是我對這間公司的了解而作出的猜想,當然現時資料來看,我會是看好的,至於這間公司值不值投資? 要靠各位做下功課,我已經寫左幾篇,大家可以睇返,希望下次再寫呢間公司既時候,係寫上面一樣既野~
我知有人對呢間公司無咩好感,我寫低今次既猜想係怕如果我無寫,而又真係估中左既時候,我會後悔,為左唔想後悔,所以寫低,唔中又唔會蝕,但中左會後悔嘛:D
1990年3月14日: 中信發行認股權融為買香港電訊融資
根據一些文獻資料，當時中信香港其實只得名氣，資產不多，國內對這次收購也不願亦不能提供融資，但因為中國的神祕感，導致很多人為之著迷，確實能空手套白狼。
中科礦業(0985)以接近零代價授予Och-Ziff Capital認股權證
1 :
GS(14)@2010-10-30 09:15:52http://www.hkexnews.hk/listedco/ ... TN20101026165_C.pdf
The theoretical value of these warrants is about $0.05 - about 500 times the issue price of $0.0001 per warrant. What does the company expect in return - that OZ will pile into the stock? Companies should not buy their shareholders, because it comes at the expense of all other holders.
該等認股權證的理論價值為5仙，大約是購股權價格0.0001元的500倍。公司預期要要甚麼回報，即是OZ行使購股權證轉為股票?公司不應該這樣選擇他們的股東，因為這是要所有其他股東付出代價的。
2 :
david395(4434)@2011-06-19 09:11:21985 中國科技 供股招數
[ 莊家招數 ] 26-Feb-2009
今日想同朋友們講一講細價股, 點解熊市要遠離細價股? 因為不怕佢業績差 ,亦不怕要等, 最怕佢供股兼幕後不務 正業專搵小投東笨 !!
所以近期傳媒大吹電盈私有化最搵笨, 幕後玩財技昆小股 東等等! 呢d指控亦算成立,但係香港以財技搵食既莊家,實 在太多, 尤其在細價股 ! 因此,電盈幕後比起細價股, 算係 小巫見大巫! 不講電盈 ,講一講細價股....
尋日公布大比數供股既(985)中國科技, 在之前把股本25合1 後, 再宣布 1供5, 每股供股價係合併後 0.15元. 等小弟計一計 如何搵笨!
首先, 中國科技係2007年9月左右巨額批股集資近20億元收購 金屬礦 之類, 然而股市形勢有變,及時懸崖勒馬,終止收購,令公 司持有大量現金 , 可以話係純現金公司! 以當時持24億元現金, 已發行股本 132億股, 相當於每股0.18元, 亦是純現金!!
及後, 公司管理層把三分一資金投資, 最後梗係輸到一大截,去 年9月止上半年, 虧損4.2億, 但仍然持有現金等值近15億元,加 埋未套現既投資,應該扣減債務有17億元左右! 08年7月,公司發 左一張總值1億元CB , 行使價0.1-0.12元/股. 這等於以0.1元可 以買到價值0.128元現金 . 當時股價仍然低於CB 0.1元換股價, 因 此不會被行使,但股價卻因大市下跌,及基金清貨而急跌至最低 0.016元! 去年10月尾市況回穩,股價回升至0.066元, 如果低位買 入都幾和味, 有3倍利潤! 可惜及後公司以一招 "削減股本",把股本 產生的虛擬盈利,扣減累計虧損, 因為要派息需要把累計虧損變 為正數 ! 相信這亦是正面做法 ......削減股本後,再把股份25合1 , 把總股數由132億股濃縮至5.3億股左右! 去到呢一點, 唔出陰招 係值得吸納此股!! 因為以1月中高位0.066元, 25合1後, 1.65元, 每股現金水平亦有3.2元, 截止08年9月及未計入1億元CB. 所以非常超值 !!
不過, 俗語話股市係一個老千集散地, 弱肉強食既地方, 一隻咁肥 既雞,咁容易減便減折送俾人? 所以聰明既管理層尋日公布1供5, 總要以合併後每股 0.15元 供, 折讓達87%.....! 計一計上次發CB 1億元, 合併後每股等於2.5元, 現時以 0.15元 , 哈哈....如果以1股 比1股計 , 3.2元現金, 大優惠以0.15元賣出去! 但咁計係唔公平, 要 以1供5股計, 如果持1股合併股, 就供5,每股0.15元 , 總股數等於 5.28億股 X 5 = 26.4億股 , 額外資金投入 = 3.96億元, 如果計攤薄 股權已佔總股本 83%. 再計番未計入供股3.96億元, 新股已佔去 公司原有17億現金的83% , = 14.11億元 ! 等於用 0.15元換取0.534元. 如果以總股本及總現金計 , 1供股0.15元等於佔去0.66元 !
呢個可以出豉油換雞既方法, 真係只有香港散戶獨守, 可惜散戶是 肥雞ONLY ! 以今日(985)中國科技 收市 未合併股 0.031元, 合併等 於0.775元 ! 如果以理論除權價, 周一收0.049, 25合1 =1.225元, 除權價 = 0.329元 , 由於合併要等待下月5日,所以除番25合1 = 0.013元! 今日收市 0.031 元......除權去到 0.013元 ....中間仲有0.018元, 你估 莊家會唔會食左佢呢?? 另外,唔供股 以除權價 相對周一收市, 蝕讓 0.049元-0.013元 =0.036元 (73.4%) , 而1供5股既 , 1股要俾多 0.03元, 所以呢一個係典型既昆水格!
再計番之前發CB 1億元, 以0.1元可換股10億股 , 咁現時成本只需由 0.1元急降至0.006元, 換取10億股=600萬元 , 未計供股, CB 可佔總 股本已攤薄 7%, =1億元! 現時CB相信不合被行使, 如以1億元可換取
未合併前的166億股, 可以買左成間公司! 但佔已合併已攤薄的21%! 所以在熊市買入細價股真要三思 , 可以把1萬元, 最後得 幾元都得!!! 因此, 股災最怕係揀錯股, 買中昆人股,真係永不翻身!!!
所以朋友們, 小弟以 (985) 這一隻股作參考, 幸好佢係一隻現金股, 但如果買D 無業務,財務狀況又差既, 會咩結果呢??!! 要自己三思啦!!
註: 以上數據只是取自聯交所文告, 非絕對真確無誤,只供參考而已! 以及只是小弟的個人意見及睇法!
http://bigluckluck.blogspot.com/search/label/%E8%AB%96%E8%82%A1
3 :
GS(14)@2011-06-19 13:25:041.財技運作的事寫錯了，換股價在合併及供股後是63.5仙
再計番之前發CB 1億元, 以0.1元可換股10億股 , 咁現時成本只需由 0.1元急降至0.006元, 換取10億股=600萬元 , 未計供股, CB 可佔總 股本已攤薄 7%, =1億元! 現時CB相信不合被行使, 如以1億元可換取未合併前的166億股, 可以買左成間公司! 但佔已合併已攤薄的21%! 所以在熊市買入細價股真要三思 , 可以把1萬元, 最後得 幾元都得!!! 因此, 股災最怕係揀錯股, 買中昆人股,真係永不翻身!!!
http://www.hkexnews.hk/listedco/ ... TN20090605202_C.pdf
2. 供股有權賣，除非唔肯賣，否則可能獲得較多，因為價細嘛
http://www.hkexnews.hk/listedco/ ... TN20090224002_C.pdf
4 :
GS(14)@2011-06-19 13:27:23http://webb-site.com/dbpub/hpu.asp?issue=5776
當年的權證假格在5仙至7仙不等，計算合股後效應，可能都有合股前大約1仙下袋
吾知政財 - 吳仁 認股權證是甚麼？ (2012年09月07日)
1 :
GS(14)@2012-09-07 09:45:34http://www.am730.com.hk/article.php?article=120566&d=1838
認股權證俗稱窩輪，可分認購證(call)及認沽證(put)；兩種證均賦予持有人權利，若認購證被持有人行使，可按該認購證內附帶的價格購入相關股份或資產；相反，若認沽證被行使，則可以既定價格沽出相關股份或資產。
認股權證可以是上市公司自己發行，也可以是其他公司(常為投資銀行)發行。
由上市公司自己發行的，通常為認購證，分為上市類(即可於港交所進行買賣交易)及非上市類(即只可於場外交易)。
以Call輪來做例子。假設現在有一些M記優惠券(假設可以輕易在市場上買賣)，使用一張，便可以用10蚊(認購價)買M記售21蚊的套餐，請問此券值幾多錢？
我估大約是11蚊左右吧。
但是，如果改變銷售方式，轉為可用21蚊，買M記的特價餐，而有效期為5年，那麼這張券又值幾多錢，你才會願意買呢？
總不會是零吧？如果是零，我會即以0.01元買下，博M記於未來5年內加價幾蚊，那這就是幾百倍的回報。
人同此心，這張券最後可能要用2蚊以上(發行價)才能買下。這多出的部分就叫做溢價。
回到窩輪市場來看的話，注意：溢價不是輪商的錯，過多的溢價才是他們的錯。正如買輪無問題，買超貴的輪才是問題。如果是平價輪(好似上面所說的M記券)，發行商唔出價的話，我都唔驚，大不了等到期。
此外，因為此券在M記減價時可以唔用，這也是所謂蝕有限、賺無限的特性。而當價外輪(用22蚊買21蚊的特價餐)就快到期時，這張券的價值會跌得好快；相反，當M記餐價格上升時，優惠券價格就會升得好勁。這些就是窩輪和牛熊證(牛熊證類似不用補倉的期指或孖展)最大的分別。
從上面所說的窩輪基本原理，很多人都會明，但對於計算窩輪的定價模型，對於一般散戶來說，就不太容易理解，也就是說，一般散戶好難分得出，咩叫平咩叫貴，發行商自然將理論值0.01蚊的輪賣作0.1蚊，若不幸買咗，就只能睇住個價慢慢回覆正常，最後就造成只有好好運才能賺錢的情況了。
大部分散戶買窩輪/牛熊證是買來「賭」，而不是買來投資，從賭錢的角度看，賭牛熊證對比賭輪明智，當然不賭可能更明智。但是，不要誤以為認股權證作為一種金融工具，只是一種用來賺散戶錢的賭具咁簡單，吳仁將來會和大家分享上市公司和市場莊家怎樣使用認股權證來作向上炒或向下炒的工具。
80後的財經blogger，以80後的眼光看今日的財經政治。
Next Page
