知己知彼：莎莎已不是港女最愛
1 :
GS(14)@2017-06-18 21:42:31香港經歷兩年的零售寒冬，近期開始有人吹奏零售要回春。本港的零售銷售數據連跌24個月後，終於在3月份有所反彈，零售業總銷貨價值按年升3.1%，4月份數字亦微升0.1%。究竟零售市道真的復蘇還是迴光返照呢？事實上，佔零售最大比重是珠寶首飾、鐘錶及名貴禮物方面的銷售已有改善，周大福（1929）截至3月底的上季同店銷售亦終錄得增長4%，謝瑞麟（417）早前亦表示，今年三四月銷售有所改善。作為藥物及化妝品方面龍頭的莎莎（178），似乎尚在谷底觀望。然而就算整體零售改善，一早被打沉的莎莎要翻身，仍然面對巨大的挑戰。首先，隨消費者消費模式改變，莎莎正面對線上線下的雙重夾擊，市佔率慢慢被侵食。線下，近年內地豪客已轉戰日韓，以平價貨品為目標的內地客又搶不過藥房及水貨舖。經常訪港的內地客大多已熟路，知道買同樣的產品，在藥房買通常會較莎莎平。而且藥房的採購靈活，更易追緊日韓藥妝品潮流。線上，IG shop、團購網站、網購平台等網店湧現，莎莎快要連本地客的市場都不保。網購方便，又不用和內地客逼，港女買化妝品一早轉移陣地到網上了，雖然莎莎都有網上銷售，但比人慢，下單後需要9至10日才收貨，有甚麼優勢可言？莎莎今日公佈全年業績，港澳地區零售額可以說沒有增長，全年更少賺了15%，跌至3.27億，港澳地區同店銷售跌1.8%，而且派息大減，只派末期息8仙，去年同期末期連特別息派14.5仙。業績令人失望，加上今年沒有特別息，股民當然不滿了，股價應聲急挫8%。總言之，莎莎銷售無跌已很好了，完全缺乏增長動力。收入不增，莎莎選擇減省人手及搬舖來支撐盈利表現，不過削人手的同時，影響了依靠員工推銷的獨家高毛利產品的銷情，難道只可以寄望租金重返人間？風吹知
http://www.fb.com/windknows/本欄逢周五刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170616/20057346
知己知彼：抽居屋似買六合彩
1 :
GS(14)@2017-06-25 10:09:55當你要用277萬才買到深水埗新盤Ava61150呎「劏房」單位，而用248萬就買到369呎彩虹居屋單位的時候，還可以輕鬆造9成按揭，你就會明白為甚麼抽到居屋的人，就好似中了六合彩頭獎般興奮。昨日是新居屋攪珠的大日子。「第一個幸運號碼係36號！第二個係17號…21號…」聽到這裏都不中，如果是六合彩攪珠，你或者還會想聽下去，但求中個安慰獎。不過，這是新居屋攪珠，手持白表的你已無希望，就算之後中了也沒有意義，根本無機會揀樓。頭10個號碼順序為36、17、21、43、84、47、24、26、85、71。今期居屋推出2,108個單位給10.4萬人搶，相當於50人爭一個單位。不過由於有一半配額屬綠表人士，只有1,054個單位留給92,126個白表申請者，競爭更加激烈，情況就似87人玩爭櫈仔，櫈就得一張。不要以為白表抽中頭三個號碼就淡定，只有36號幸運兒才可鬆一口氣。92,126張白表，假設平均分100個組別，每組約921張，供白表申請者的單位1,054個，理論上在36號組別揀完後，17號組別只有133人有機會揀樓。今年的單人申請者有福了，因為有100個單位是他們的，雖然要595個人爭一伙，都叫有個希望。值得一提的是，今期居屋的單人申請者比家庭申請者多出超過14,534個，相信有部份是來自家庭成員拆開以單人提交申請，增加中獎機會。昨日就有一個18歲女中大獎，她白表單身申請，成功抽中第一粒珠「36」號，陪女觀看攪珠的媽媽話「好似發緊夢」。風吹知
http://www.fb.com/windknows/本欄逢周五刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170623/20065332
知己知彼：賈躍亭衰在FF太多
1 :
GS(14)@2017-07-09 03:53:13樂視債台高築非一日之寒，財困的消息有如連續劇，日日新鮮，高潮迭起。最新發展是賈躍亭夫婦及樂視系公司的部份資產被司法凍結，令小債主上門馬拉松式追數。本欄4月尾曾寫《樂視High-tech揩嘢》講到，樂視之所去到今日的地步，是拜電動車業務所賜，今日再探討該業務究竟遇上了甚麼困難。樂視旗下的電動車初創公司樂視FF（Faraday Future），今年1月初發佈首款SUV設計的量產電動車「FF91」，聲稱加速度快過Tesla Model S，電池能量及續航能力也是電動車之最，配備自動駕駛及自動泊車功能。不過發佈會當天，賈躍亭示範自動泊車功能就當場失手，亦有人懷疑當天的示範車是被遙控的。明年能否如期交付FF91仍是未知之數。樂視汽車最大的問題是想得太美，俗語係「FF太多」，半途出家能力不足，還想閉門造車。自動駕駛及電動車市場都是兵家必爭之地。自動駕駛背後是需要強大的大數據收集分析應用，樂視在這方面必不夠Google、Apple鬥。在電動車硬件方面，Tesla已擁有成熟的技術及車廠設備，樂視的車廠現時還是只聞其聲不見其影。說近一點，內地科網公司百度亦積極開發自動駕駛技術，但與樂視的方法不同。百度想做自動駕駛的Android平台，希望通過與不同企業合作，共同建立開放的自動駕駛系統。百度CEO陸奇曾說，在智能駕駛領域單打獨鬥是行不通的，通力合作才是行業趨勢。雖然樂視在電動車業務已投入了幾百億，但見不到盡頭，更拖累整個樂視系陷入財困。賈躍亭現時是騎虎難下，不再投放資金，則血本無歸，所以一直不肯放棄汽車。他是在賭，賭樂視FF可以令他一舖翻身，不過輸了的後果可能車毀人亡。風吹知
http://www.fb.com/windknows/本欄逢周五刊出
來源:
http://hk.apple.nextmedia.com/financeestate/art/20170707/20081366
知己知彼：iPhone賣得差賴香港？
1 :
GS(14)@2017-08-04 06:36:24蘋果近日交出第三個財季成績表，盈利與收入都有增長，盈利按年增11.9%，收入升7.2%，係近7個季度最高增長。不過，大中華地區收入曾經係蘋果業績嘅亮點，今天卻變成被人抽秤嘅黑點。該區收入按年下滑一成，蘋果CEO Tim Cook解畫，指香港「陀衰家」，拖累整個大中華地區業績。蘋果2015財年第三財季，來自大中華區的收入達到168億美元，但兩年之後，收入跌到得80億美元，都唔夠當時嘅一半。不過關香港咩事？上季蘋果出業績，大中華地區收入都係差，Tim Cook都話係香港累街坊，因為內地人減少來港旅遊同消費，今季又話香港累事。雖然呢一兩年人民幣轉弱，的確對銷售有影響，不過唔可以賴晒呢個因素。點解內地人對iPhone熱情退卻？原因有三。首先，大家唔好再停留內地人個個都用小米嘅時間，內地手機品牌近年開始進攻高端市場，大大提升智能手機質素及外型。iPhone失寵，華為、OPPO、vivo跑出。就以呢三間最新型號手機以例，全部強調手機鏡頭質素。HUAWEI P9配備著名德國鏡頭廠Leica生產嘅鏡頭；OPPO R11 Plus有前後2,000萬像素；vivo X9配前置2,000萬像素柔光拍攝。第二，蘋果從來唔燒錢做鋪天蓋地嘅宣傳，相反，內地手機品牌最鍾意做「洗腦式」宣傳，而且不惜工本，以天價請內地一線明星做代言人，實行粉絲經濟。另外，內地唔同嘅綜藝節目大行其道，手機品牌又燒錢贊助節目，爭取爆光率。清高嘅蘋果都係保持一貫風格，孤芳自賞。最後，亦都係非常重要嘅原因，蘋果iPhone6同iPhone7外型冇重大分別，除咗iPhone7 Plus有雙鏡頭之外。內地人買iPhone係為咗咩？用佢地嘅用語：炫富，即係曬命啦，係身份嘅象徵。如果買咗iPhone7，人哋睇唔出係新機，點解要買？不過如果iPhone8好似市場預期咁有個全屏巨芒，或者可以救返大中華市場疲弱嘅銷售。蘋果喺內地市場不斷被蠶食，係對手變強，加上自己不思進取，查實唔關香港事。市場調查機構Canalys上月發表數據顯示，今年第二季度，蘋果喺中國智能手機市場嘅市佔已跌至第五位，排名分先後前四名係，華為、OPPO、vivo、小米。風吹知
來源:
http://hk.apple.nextmedia.com/financeestate/art/20170804/20110820
知己知彼：誰在爆買比特幣？
1 :
GS(14)@2017-08-18 08:32:01朝鮮半島局勢陰晴不定，金正恩8月9日揚言要射飛彈攻美國領土關島，特朗普亦冇被拋窒，擺出一幅放馬過來的姿態。戰事似乎一觸即發，雖然話金仔出口術前科多到數唔晒，但寧可信其有，環球資金都係要避一避。講到避險，黃金都唔夠佢威，就係比特幣，近年成為資金新寵，過去一個月已大漲近一倍，年初至今更飆升超過三倍。面對北韓危機，日圓唔會係我哋最好的避險工具。因為低息、融資成本低、流通性大等因素，日圓一向係環球市場嘅避險貨幣。但日本有機會捲入美國與北韓嘅戰爭中，本國貨幣會面臨貶值風險，可能會抵銷避險資金帶來嘅被動升值。好簡單，日本人都買黃金同比特幣避險，你仲會唔會去買日圓？喺日本，黃金需求一直好大，但係因為消費稅8%及黃金入口限制，黃金價偏貴，而比特幣則唔受以上因素影響，因此大受歡迎。近期比特幣的升勢，就是由日韓資金湧入所帶動。虛擬貨幣分析網站CryptoCompare的統計數據顯示，近期日圓購買量佔比特幣購買總量的42%以上，四分一為美元交易，其餘大部份是人民幣和韓圜交易。比特幣喺日本除咗可以用嚟避險之外，仲係可以真係當錢使。今年4月起，日本政府唔單止正式承認比特幣為法定支付方式，仲為比特幣交易所引進了新嘅消費者保護要求和審計要求。日本陸續有零售商，甚至航空公司接受比特幣支付。所以比特幣由4月起，短短兩個月，已經由1,100美元水平炒到上2,500美元，升值1.27倍。留意返，比特幣雖然話可以避險，但都幾高風險，價格波動可以好大。金仔前日一話唔射飛彈打關島，比特幣即急跌一成，從4,400美元歷史高位，曾回落至4,000美元附近水平。風吹知
https://www.facebook.com/windknows/
來源:
http://hk.apple.nextmedia.com/financeestate/art/20170818/20124639
知己知彼：度縮公司冇發圍
1 :
GS(14)@2017-09-17 13:48:09近期有朋友向筆者訴苦，講到香港某start-up做嘢做到好無癮，公司一味想同員工講心唔講金，講到底同剝削冇分別。話說A公司係幾出名嘅fin tech公司，成立咗兩三年仲叫自己Start-up。據朋友所講，A公司辦公室係就係整到幾靚，不過金玉其外，敗絮其中。老闆度縮，明明有錢賺，仲想打住start-up旗號，喊住冠冕堂皇嘅口號，叫員工一齊捱。有google咁嘅辦公室又如何，但留唔到人才。友人大數A公司幾大罪狀。首先，請人一定請啱啱畢業嘅新鮮人，方便壓價，入職已低過行業平均水平。第二，年尾遲出花紅，而每年四月的薪酬調整，實行拖字訣，為乜？等啲人錯過跳槽最佳時機。好啦，去到七月終於加人工啦，加咗仍然跑輸大市。最後係，公司永遠唔會請夠人，一個人奉旨頂兩個人嘅工作。成日諗住點將員工使到盡，想透過壓榨員工而賺錢嘅公司係唔會發圍。因為留唔住人才，有能力嘅一定會跳槽。友人訴完苦第二日就炒咗老細魷魚，遞信嗰陣，個老細仲喺度講公司將會係下一個google以挽留員工。想做google？首先睇下google點對員工先啦。風吹知
來源:
http://hk.apple.nextmedia.com/financeestate/art/20170908/20146147
知己知彼：iPhone X打救中國市場？
1 :
GS(14)@2017-09-17 17:38:11近年中國智能手機市場競爭激烈，iPhone開始失寵，蘋果市佔率逐漸被國產手機品牌蠶食，2015年尚守住三甲之位，今年第二季首次跌至第五位，更被小米爬頭。而今次適逢蘋果十周年，iPhone X隆重登場，究竟可唔可以令疲弱嘅大中華市場鹹魚翻生？蘋果曾經係內地市場的寵兒，由2012年起，一直穩佔中國智能手機市場的嘅頭三位，銷售增長強勁，但依家大中華市場的嘅業績就變成「陀衰家」。要翻身首先知自己衰啲乜，正所謂喺邊到跌低就喺邊到企返起身。原因有好多，但喺呢個咩都睇樣嘅世界，蘋果最主要衰在iPhone6、iPhone6s、iPhone7外型太相似。大陸人搶新iPhone係為乜？當然係為炫富，錢唔係問題，越貴越好，但係買左新iPhone冇人睇得出就係問題。傳咗咁耐，千呼萬喚始出來，新鮮出爐嘅iPhone X外型有重大突破，摒棄Home鍵，採全螢幕設計，邊框幼窄，係現時螢幕最大嘅iPhone，令人眼前一亮，仲比iPhone7甚至iPhone8更輕更薄。雖然售價分分鐘上萬，香港人可能唔捨得買，但大陸咁多土豪，一萬幾千蚊對佢地嚟只係散紙。正式開賣時，中港兩地勢必掀起新一輪炒iPhone熱潮，到時iPhone X就唔止一萬，炒高幾成仍會有價有市。相信iPhone X可以拉升蘋果大中華地區的銷售，只要出貨量保持平穩，在今年第4季或明年第一季，蘋果有望重返中國智能手機市場的三甲。風吹知
https://www.facebook.com/windknows/
來源:
http://hk.apple.nextmedia.com/financeestate/art/20170915/20153260
知己知彼：上車走捷徑
1 :
GS(14)@2017-10-09 00:02:05梁振英教曉我哋一個萬能key，一切嘅社會問題都源於土地問題。所以林鄭一上任，第一時間就係先幫市民解決住屋問題，特別一班無殼的年輕人，「首置上車盤」計劃係第一炮，先塞住你把口。「首置上車盤」有讚有彈，有傳首置上車盤的定位介乎居屋與私樓之間，收入限額定為5.2萬至7萬，對於一啲自稱搵5、6萬一個月都上唔到車嘅年輕人，可能係好事；但對於搵2至4萬一個月嘅人，公屋又冇、居屋又抽唔到，諗住今次實冇死，點知一班月入5、6萬嘅中產又嚟爭飯食，真正嘅夾心依然被夾。點樣上車係一個永遠嘅話題，中秋佳節，親朋戚友聚頭難免會傾到買樓問題。每個成功置業嘅人都會有自己嘅上車經歷，有人死慳死抵儲首期，有人靠慈父慈母，有人借到盡都要買樓，筆者分享最近聽到嘅一個上車經歷。
A君到18歲就和家中一位老人開始排公屋，讀書不多的A君月入萬零蚊，一開始沒有超額，排了四、五年，隨着工作年資增長，入息也過了限額，於是佢開始轉工。但A君志不在公屋，而在差不多獲分配公屋時，佢向房屋處申請綠表，一年前以綠表資格買入一間二手居屋，借九成半，首期只需廿幾三十萬，成功上車。佢冇理人點講，總之過咗海就係神仙。風吹知
來源:
http://hk.apple.nextmedia.com/financeestate/art/20171006/20173850
知己知彼：樓市唔跌要偷笑
1 :
GS(14)@2017-10-09 03:17:41美聯儲宣佈在10月開始縮表，不少專家都表示對本港樓市影響輕微。由於縮表將歷時數年，即時影響會比加息較不明顯，市場流動資金仍然充裕，但影響將慢慢顯現。時下股市暢旺，經濟增長速度可持續，政府將全年經濟增長預測上調到3%至4%，樓市暫時沒有下跌的誘因。即將開賣的將軍澳日出康城晉海近日開放示範單位，由準買家反應來看，樓市仍未見轉勢，就算樓價依然居高不下，仍不乏入市的勇者，而只要發展商開價平少少，積存的購買力就會湧現，為樓價提供承托力。新地（016）的晉海平均呎價近1.28萬，以將軍澳鄰近堆填區的樓而言，無疑是貴的，貴絕日出康城，反映發展商對銷情的信心。為何如此自信，皆因早前荃灣西全‧城匯為樓市打了支強心針。華懋想試水溫，全‧城匯貴為荃灣西站上蓋物業，部份有海景，首批平均折實呎價只需約1.4萬元，平過海之戀一成，算是近期筍盤，即成為今年票王。不過雖然晉海呎價不算平，但入場費低，最平的單位500萬樓下有交易，正合上車人士胃口，首日暫收1,000票，超額逾3.8倍，成績理想。正如我早前講過，現時樓市仍不會大跌，大量積存購買力仍未消化，而且股市節節上升，在財富效應底下，樓市會在高位橫行。不過以現時股市的走勢，牛軍又怎會放過攻頂的機會，28588點不遠矣，而一旦破頂成為，將可再創高峯，所以樓市暫時難跌。但說到樓市要進入另一個大時代？是在平行時空嗎？風吹知
來源:
http://hk.apple.nextmedia.com/financeestate/art/20170922/20160191
知己知彼：強積金又想「老強」
1 :
GS(14)@2017-10-09 03:31:16強積金基金收費及開支高，蠶食投資回報率，一直為人詬病，故經常被調侃為「強逼金」、「老強」。被批評了數年的積金局，終於肯踏出一小步，今年4月起推出預設投資策略（DIS），堵住眾人之口。不過積金局昨日提到，根據每四年一次的檢討，或計劃調整供款上限，每月供款上限有機會由1500元提高至2250元。積金局表示，由2000年12月至今年7月，強積金年率化回報是4.3%，跑贏同期1.8%的通脹。不過強積金基金收費高，介乎1.5至2%。追蹤恒指表現的盈富基金（2800）年率化回報是3.9%，而且每年還有2次息收，股息率2.7%，經常性開支僅需0.1%。「強逼金」收費高，但不擔保有錢賺。雖然說新推出的DIS設有收費上限，0.75%的每年費用上限及0.2%的每年實付開支上限，相比之下，盈富的收費仍然相當平，只是DIS的八分之一。然而你會問，大家都是基金，為甚麼強積金的收費零舍貴？而為甚麼強積金不能買盈富基金？積金局拋出官腔的回答，盈富只需跟貼恒指走勢，強積金基金管理人有其他額外工作，例如向僱主追討拖欠供款等，而且現時市民可以透過12個成份基金投資盈富。他們當然不會跟你說，所謂100%投資盈富的基金，年費比盈富貴8至10倍。一句到尾，不能用強積金供款買盈富，要不基金經理誰來養？現在政府還想「強逼」市民多供50%？我不如用那750元月供盈富基金，還有息收，何樂而不為？風吹知
來源:
http://hk.apple.nextmedia.com/financeestate/art/20170929/20167498
Next Page