拍劇撻着 林保怡 周家怡 當街攬啜
1 :
GS(14)@2016-08-09 08:06:132016-07-27 EW
五十歲的林保怡和三十七歲的周家怡，本來看似風馬牛不相及，但就是因為ViuTV的劇集《瑪嘉烈與大衛系列綠豆》，讓兩人結片緣之餘，更疑似真的因而撻着結良緣。
日前晚上，本刊發現林保怡和周家怡，與朋友於大坑一餐廳吃飯飲紅酒三個鐘，離開時半醉的周家怡竟當街攬着林保怡狂啜，面對連環擒啜，林保怡卻十分受落。
朝夕共對
ViuTV劇集《瑪嘉烈與大衛系列綠豆》播出以來得到不少好評，口碑不俗。當中兩位主角林保怡及周家怡更是合作無間，由於劇集是一邊拍一邊播，所以一眾演員自然就要朝夕共對，身為男女主角就更是連續對着四個月。兩人早年在無綫已經因拍劇而認識，至此更是Friend過打band，劇集雖然於七月初煞科，但仍無損兩人的親密關係，更疑似戲假情真，締結情緣。
性向成疑
只是五十歲的林保怡，到底愛男還是愛女，一直都是娛樂圈謎團之一。多年來與他傳過緋聞的，清一色都是男性。但自從離開無綫，到內地掘金之後，片酬三級跳撈到風生水起。早前他就自爆至今仍單身，甚至說不排除會找個內地美女拍拖，似乎有轉性傾向。
今年他被ViuTV重金禮聘拍劇集《瑪嘉烈與大衛系列綠豆》，有樓愛揸林寶堅尼的林保怡在港人氣急升，即時成為筍盤，與他朝夕相對的單身中女周家怡，亦當然不會走漏眼，其實她自稱單身多年，缺乏愛情滋潤，身邊出現林保怡這樣的好男人，難免要發揮「餓女」本色，主動出擊以求得到美男歸。
興奮拖手
日前晚上十時許，《綠豆》男女主角現身大坑某西餐廳，與幾位友人晚飯飲酒聊天，總共三男兩女一行五人，開了紅酒白酒慢慢歎。初時周家怡和林保怡面對面坐，眾人有講有笑，氣氛甚佳。
期間，林保怡和周家怡曾先後多次走出戶外抽煙叉電，周家怡每次都跟實男方，把握時間與他二人世界慢慢傾。
飲至大約凌晨一時許，林保怡顯示男人風度主動埋單，然後眾人齊齊步出門口。飲到面紅耳赤的周家怡心情十分亢奮，離開時與一班女fans又拖又攬，又高興地貼頭影相，又笑又叫。約十分鐘後才再會合林保怡，跟住他去附近便利店，這時兩人竟然公然手拖手，多次行出行入便利店都未有鬆開，周家怡一直緊拖男方穿梭便利店，充滿情侶拍拖的感覺。
主動耳語
之後周家怡走回自己座駕附近，即主動攬實林保怡，先熱情箍實對方頸，挨近耳語又掃背，男方似乎並不反感，於是她更進一步當街迎面以雙手箍實男方頸，林保怡亦攬實其腰，兩人細聲講甜甜笑。
周家怡繼而「突襲」錫錫男方，主動親吻林保怡並在其耳邊喁喁細語。二人當街親熱，引來旁人回望，只是周家怡當正林保怡是男朋友，對其他人眼光全不理會。興奮攬拖一輪後，最終周家怡返回自己座駕，上後座做乘客，找了一位圈外男友人到場做司機，林保怡則坐前座，同車但各自返家。
感情生活低調
入行多年、感情生活非常低調的林保怡，早年多次被拍到與落選港男彭冠期出雙入對，其後曾被傳媒拍得帶嫩男助手跟爸爸飲茶、兩年前秘會年約二十五歲的精壯嫩男等，但從來未有公開承認自己性取向。
入行二十年的周家怡，多年來唯一緋聞，就是一四年被爆曾與動作演員林國斌暗交七年，而對方一直有同居多年的正印女友。
彭冠期
○七年林保怡母親喪禮，彭冠期更曾現身靈堂。
林國斌
周家怡被指與現年五十五歲的林國斌拍拖多年，但她一直否認，指自己向來單身。
撰文 娛樂組 採訪 張詠森、李維隆、梁志明 設計 李浩然
【撻着拍檔】舒淇王力宏遊日揀戒指
1 :
GS(14)@2016-09-04 18:03:38黎明
影壇上得獎無數的舒淇，感情生活同樣精采，當中最刻骨銘心的莫過於與黎明的7年情。
黎明
1998年與舒淇合作《玻璃之城》時撻着，但身為天王的黎明一直不肯承認戀情令舒淇死心，2005年分手。
鄭伊健
與舒淇多次合作拍攝電影，1998年傳過緋聞，二人2006年跟另一半分手後，於泰國因合作拍戲出雙入對而傳出愛火重燃。
李明文
2001年舒淇與剪接師李明文撻着，舒淇憑《薔薇的名字》角逐康城影后，與李明文前後腳到當地宣傳。
王力宏
2006年《第一個清晨》MV找舒淇做女主角時傳緋聞，二人曾被發現十指緊扣同遊日本揀戒指，之後男方被發現到舒淇家短敍，傳因王媽媽反對而於2012年分手。
彭于晏
2011年拍攝電影《愛 LOVE》曾傳緋聞，當時男方否認，直至去年二人合作《剩者為王》時再傳緋聞，並被傳媒拍得男方攬住舒淇親暱照片。
來源:
http://hk.apple.nextmedia.com/entertainment/art/20160904/19759206
傳撻着3個月 齊去尼泊爾做義工小方做兵 超蓮嗌攰：佢幫我按頸
1 :
GS(14)@2016-10-20 08:05:32■小方在李蘊囡囡的百日宴上，已對超蓮獻殷勤。資料圖片
賭王三房千金何超蓮去年底甩拖，傳失戀半年的方力申加入觀音兵大軍，日前傳出二人暗撻三個月，上星期更去尼泊爾做義工兼拍拖，其間被影到一支水兩份飲，小方更在機場為超蓮掃背摸頸調情。超蓮昨日受訪時，對此表示她當時好攰：「所以佢幫我按一按個頸」，之後否認二人相戀，但又讚小方好可靠。
賭王三房最索千金、25歲的何超蓮去年12月與台灣歌手吳克羣淚斬四年情，單身後追求者眾，先後有「富三代」霍啟山和台灣男星柯震東等。與星特別有緣的超蓮，近月被指與鄧麗欣分手半年的方力申撻着，有指超蓮的閨蜜鄧紫棋（G.E.M.）及李蘊大力做媒人撮合，本報亦直擊李蘊8月尾為女兒搞百日宴時，與超蓮齊齊坐的小方大獻殷勤，不過當時二人否認緋聞。
■方力申半年前才喊住與拍拖十年的鄧麗欣分手，想不到已視超蓮為對象。
■超蓮去年底甩拖後桃花旺盛，短短一年已有不少追求者。資料圖片
「佢好照顧我」
有指超蓮與小方的「超力戀」已三個月，二人日前藉着去做慈善兼拍拖。事緣小方一向有幫「點滴是生命」做探訪，過往亦帶過當時的女友鄧麗欣情侶檔出力，今次他邀請了香港泳隊師妹歐鎧淳及超蓮去尼泊爾探訪災區，昨日有報道拍到二人在當地機場與大隊返港途中，安檢時小方當眾與超蓮一支水兩份飲，又幫她掃背摸頸，一時又離隊睇相調情。超蓮昨日回覆本報否認與小方拍拖：「其實真係唔係真，唔係拍緊拖，係朋友，一支水兩份飲都唔係，其實喺山區都係各自一支水，臨入閘大家想飲埋最後一啖水，佢只係遞我支水畀我，唔係一支水一齊飲。」問到小方當眾為她按頸，她解釋：「我哋喺山區做義工係體驗人哋生活，由朝早5點，做到夜晚7、8點，真係好攰，我都唔係同佢講緊嘢，只係同一堆人講，話好攰，一陣仲要坐凌晨機返香港，所以佢幫我按一按個頸，唔係男女朋友。」問到對小方感覺，超蓮大讚他好可靠，但只承認二人是朋友關係，沒有戀情：「佢好照顧我，但唔係男女朋友，我都講過好多次我係單身，希望可以專注事業同讀書，唔諗咁多呢啲嘢，唔係真㗎。大家都係朋友，去尼泊爾並唔係拍拖，真係做慈善去探望，如果我阿媽覺得我係去拍拖，佢都唔會畀我去！」小方也透過經理人公司代回覆：「今次他們二人都是以大使身份為『點滴是生命』到尼泊爾探訪，他們只是朋友關係。」
■超蓮上星期去了尼泊爾，有在Ig貼上在當地的探訪相。
■李蘊是超蓮的閨蜜，指老友與小方未有發生戀情。資料圖片
李蘊唔係媒人
閨蜜李蘊昨否認做媒人：「超蓮而家真係冇拍拖，上個禮拜佢返香港，我問佢，佢都話冇，佢一定唔會呃我。小方出席囡囡百日宴係恭喜我，佢本身鍾意細路仔，唔係追女仔先去百日宴。」提到超蓮與小方在相中有親暱動作，她繼續解畫：「咁佢哋都係單身，普通朋友都有機會做呢啲動作，所以唔覺得奇怪，唔會覺得過份親熱，人哋做義工，唔好將個焦點扭咗去男女感情上，同埋佢同小方係冇可能，我知超蓮鍾意邊一type嘅男仔，所以係冇可能。」採訪：唐如、小米、皓騫
來源:
http://hk.apple.nextmedia.com/entertainment/art/20161020/19806004
笑到最後：教你如何撻着牛市
1 :
GS(14)@2017-03-22 00:30:35下個星期日係行政長官選舉，距本欄見報日仲有足足一個星期，任何事情都可以發生。選舉對股市嘅影響，今年可能係史無前例咁大，因為舊年英國脫歐同特朗普當選兩件「黑天鵝」事件，其實並唔係黑天鵝，因為結果二揀一已經寫咗喺選票上面，只係世人傾向以黑天鵝形容事件。如果要夾硬喺兩件事中擠少少黑天鵝出嚟：呢兩件事其實係好事，股市歌舞昇平，而非事前講到天跌落嚟咁壞。先講英國脫歐公投，事前政客已警告脫歐會令經濟有幾大影響，股市又會跌幾多，諸如此類。6月23日結果開出嚟，除咗即日英國股市有少少波動，當日英國富時100指數至今升17%，今年3月16日仲創歷史高位7442點，相比冇公投脫歐嘅法國，同期股市升13%，喺「我討厭政治，只係講經濟」嘅國際趨勢下，脫歐完勝留歐。至於另一個更嚴重嘅就係特朗普對奧巴馬2.0希拉莉，選前政客同華爾街例牌大合唱，講到唔選奧巴馬2.0就會世界末日，奧巴馬2.0當選就會繼續牛市之類，結果一如脫歐，11月8日美國總統投票日出現小爆冷，美股隨後接連創新高，道指期內升14%。弔詭嘅係華爾街嘅市場人士事後解釋，係特朗普減稅同基建政策刺激股市上升，奧巴馬2.0牛市之聲已經消失。金融財俊把口話要2.0，到英國脫歐、特朗當選，最快將資金倒入股市又係同一班金融財俊。高明相信，同樣嘅股市走勢應用喺香港效果會更強，因為外資錢過去冇大舉湧港，係擔心香港會因北京一個政策，突然變成中國其中一個城市，喺呢方面，中國嘅民間資本會更加明白。香港特首再選出2.0，即係股市現況不變，繼續睇住美英大牛市，香港上落市無限輪迴。香港如果選出一個堅持一國兩制嘅人，突顯兩制差異，令到北水知道將錢放喺香港同中國有唔同，股市或有生機。近期千億成交重臨，市場覺得大時代會重臨，但大牛市一定有觸發點，英美已經教曉世人點樣撻着股市，唔講政治，只講股票，想食大茶飯，選委應該知道點做。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20170320/19963505
基斯派克撻着Sofia
1 :
GS(14)@2017-04-17 07:20:16美國年度大型戶外音樂節Coachell已經展開，不少圈中情侶都拍拖睇騷，當中「卻克隊長」基斯派克（Chris Pine）則被指與《皇家特工：間諜密令》（Kingsman：The Secret Service）「刀片女」Sofia Boutella於音樂節出雙入對，傳出撻着消息。
■蜘蛛仔Tom Holland亦傳戀上同片女星Zendaya Coleman。
報道指基斯與Sofia大前日現身音樂節時拖手又攬腰，態度相當親密。兩人曾於去年上映的《星空奇遇記：超域時空》（Star Trek Beyond）合作，於宣傳活動上已曾作出曖昧舉動。另外，嫩版蜘蛛俠Tom Holland亦盛傳於拍攝《蜘蛛俠：強勢回歸》（Spider-Man：Homecoming）期間，戀上拍檔Zendaya Coleman，他還已經搬進女友在洛杉磯的寓所同居。撰文：程芬
來源:
http://hk.apple.nextmedia.com/entertainment/art/20170417/19992013
50歲李澤楷撻着港姐郭嘉文戀情全記錄
1 :
GS(14)@2017-05-27 00:06:50今年50歲嘅小小超李澤楷向來低調處理感情事，而且保密功夫做得好好。小小超自11年同梁洛施分手後，雖然身邊女伴不停轉，但係都少有高調公開。不過小小超最新一段戀情，同15港姐出身，24歲嘅郭嘉文經常被影到，似乎「疏於防範」。先係舊年嘅情人節，有讀者喺日本東京銀座博物館影到小小超同一名長髮黑絲口罩女一齊，二人平玩電動模型車，只係花咗45蚊就換取到20分鐘嘅快樂。當時都未知呢位長髮黑絲口罩女就係郭嘉文。到舊年7月，郭嘉文身份曝光，雖然記者多次追問小小超，都係換嚟：「Work has been very busy lately感情事暫不想提了，謝謝你關心。」更有指戀情曝光後，大台雪藏郭嘉文，過咗1個月後，郭嘉文終於「被解凍」，出現喺《東張西望》。到今年3月，有報道指郭嘉文以個人名義，購入九龍塘逸瓏天池屋，當時成交價1.068億元，呎價近5萬元。及後《蘋果》記者向李澤楷查詢係唔係同郭嘉文交往中，並送贈1億豪宅？李澤楷以短訊回覆：「Have a good evening!Richard!」到今年4月，小小超被影到現身中環，揸住架09年出廠、價值186萬元嘅保時捷戰車，親自做柴可夫接郭嘉文。當時《蘋果》向小小超查詢戀情會否公開時，小小超只回應：「今個週末難得可以不需要外地工作，you have a good evening! Richard P.S. switching phone off now.」難道言下之意係難得唔使開工，就同郭嘉文過二人世界，仲講明要熄電話避打擾？到本月14日，小小超被影到揸戰車，載住郭家文現身灣仔合和中心附近，期間小小超輕撫郭嘉文臉龐，真係冧到爆。之後二人到大潭黃泥涌峽道的香港木球會，二人落車後手拖手，又攬攬腰，真係sweet到爆，兩人之後進入木球會會所餐廳，直至個多小時後離開。
來源:
http://hk.apple.nextmedia.com/entertainment/art/20170526/20034009
Next Page