張繼聰開心又心痛謝安琪陀女 害喜嚴重
1 :
GS(14)@2016-09-18 10:51:48■張繼聰昨日在Ig公開謝安琪巨肚相，宣佈已懷孕三個月。
恭喜恭喜！39歲人妻謝安琪（Kay）今年4月開完紅館個唱宣佈暫休後，屢傳有喜，上月Kay與老公張繼聰被本報影到出街吃飯，孕味好濃。昨日Kay終於承認陀B女，與9歲囝囝張瞻剛好湊成一個「好」字。張繼聰昨早於Instagram貼了老婆巨肚相，寫道：「成日俾人問到口啞啞，終於可以好正面咁宣佈一件好正面嘅事！我又做爸爸啦，我會繼續愛錫太太！多謝大家嘅祝福！期待與我的小公主見面。」
■謝安琪和老公張繼聰上月被本報影到出街食飯，當時已孕味濃。資料圖片
■謝安琪指囝囝張瞻（右）對於即將有妹妹都很開心。資料圖片
■謝安琪今年4月開完紅館個唱宣佈暫休後，屢傳有喜。資料圖片
懷孕三個月
懷孕三個月的Kay昨在電話中開心到聲都震：「多謝大家呀，係呀係呀！因為我呢真係唔知講乜好，而家心情好開心，真係……開心到……係喇，就係識笑同埋眼濕濕嗰隻。」Kay感恩老公、家人朋友，甚至路人都給予鼓勵，最後更講到喊：「年紀大咗啦，要事事小心，大家都戥我咁開心，多謝你哋！」又說：「我小朋友都好開心，但佢可能仲未感受到做哥哥係乜嘢一回事，暫時表面非常之平靜，可能到時見到妹妹會唔同。」
白只爭上契
張繼聰亦難掩興奮之情說：「過咗三個月，終於可以講得，因為屋企好多老人家，呢胎係囡囡，好開心！太太始終陀第一胎時年輕啲，今次辛苦啲，害喜情況嚴重，作嘔、腰痛、好攰情況比上次明顯好多，好多謝佢好乖，成日卧床休息，做媽咪真係好偉大，過咗三個月，而家情況好好多。而家一個好字，我會努力工作搵錢，輔導小朋友做哥哥，佢好開心，始終獨仔嚟講會呷醋，好似畀人分走嘢。」而麥浚龍和白只亦爭做B女的契爺。
Kay於facebook轉貼老公的留言，表示生孩子是為了參與一個生命的成長，參與意味着付出與欣賞，孩子不求完美，又不用替她爭面子，只要健康快樂，一起同行感受生命的可貴便可。採訪：皓騫
來源:
http://hk.apple.nextmedia.com/entertainment/art/20160918/19773648
張繼聰輔導囝囝要讓位
1 :
GS(14)@2016-09-29 08:05:38■張繼聰陪謝安琪去產檢，感覺與十年前一樣興奮。
張繼聰、周柏豪、雨僑和林敏驄等前晚在銅鑼灣出席電影《西謊極落之太爆太子太空艙》煞科宴，林敏驄對雨僑講有味笑話，將雨僑講做「乳巢」。張繼聰則透露太太謝安琪懷孕期間，二人比以前有更多拍拖時間：「如果唔使開工會陪佢，頭3個月佢唔係好食到嘢，如果突然想食對面海嘅車仔麵，會過兩條隧道去，大家好開心，享受呢個時間。」張繼聰笑指兒子張瞻看中醫被指肝鬱：「可能囝囝要將天皇椅讓位，自己成日同佢做輔導，同佢講話屋企多隻狗仔你會唔會唔錫佢？等佢有個心理準備。」
■林敏驄叫雨僑做「乳巢」。
另外，周柏豪有份參加下月8日於中環舉行「電動方程式賽車錦標賽香港站」明星賽，他表示已自備頭盔和頸鎖確保安全。採訪：張俊銘攝影：陳順禎
來源:
http://hk.apple.nextmedia.com/entertainment/art/20160929/19784816
張繼聰已婚 AV女嘆可惜
1 :
GS(14)@2016-11-24 07:39:36■沖田杏梨大讚港男比日男士親切細心。
張繼聰昨日與擁L級上圍的日本AV女優沖田杏梨及模特兒Sora，到中環出席遊戲「人中之龍6生命詩篇」的發佈活動，戴上單眼眼罩cosplay遊戲主角造型的阿聰，在台上跟性感打扮的沖田玩拗手瓜，其間沖田相當投入，不停烏低身兼踎低露底。
■AV女優沖田與張繼聰拗手瓜時，相當投入不慎露底。
不過阿聰笑稱：「今日得一隻眼，所有睇嘅嘢都係2D，完全冇立體感。」問到阿聰可曾欣賞過沖田的作品？他笑說：「冇㗎，我中學嘅時候比較多睇日本電影，之後已經冇睇，脫晒節啦。」至於沖田則大讚港男：「比日本男士更親切和細心。」當沖田得知阿聰已經結婚後，她即表示：「Oh！No！」採訪：曹家誠攝影：沈健程
來源:
http://hk.apple.nextmedia.com/entertainment/art/20161124/19843518
林二汶激減60磅張繼聰變完美body震波王
1 :
GS(14)@2016-12-21 23:41:58潮流興做gym減肥，唔少藝人都操埋一份，令自己身形firm啲上鏡好睇啲！林二汶雖然大家見二汶好似仲係一個肥妹仔，不過其實佢俾咗好多心機減咗60磅，而且仲解決咗膝頭痛嘅問題，真係一個好勵志嘅例子！張繼聰近排喺大台曝光率增加嘅張繼聰，仲有「震波枚王」呢個朵。其實佢為咗呢個body下咗好多苦功，喺佢instagram經常都見到自拍佢副完美body俾大家睇，真係睇到人流晒口水。鄧月平(Larine)擁有35F逼爆上圍嘅鄧月平，係唔少宅男心目中嘅女神，只得19歲嘅佢有樣貌有身材，真係好多人都恨唔到。雖然佢攞唔到ViuTV美選冠軍，不過身材還是要Keep的，所以佢都有打拳做運動。
來源:
http://hk.apple.nextmedia.com/entertainment/art/20161221/19872011
張繼聰讚大肚Kay省鏡
1 :
GS(14)@2017-01-08 19:02:45張繼聰、唐寧、朱凱婷及胡諾言等昨日在金鐘出席「第4屆童跑同樂馬拉松」，對於日前大肚謝安琪（Kay）在facebook上載尖面相，並留言指現時好肥很難影到正常相，其老公張繼聰說：「唔算走樣，我好主觀，覺得佢冇變過，仲好省鏡。」談到Kay日前穿厚底鞋出街，他說：「成隻鞋都係同一高度，好安全，加上老婆行得好慢，佢朋友或者我都會扶實佢。」
■唐寧昨帶兩歲囡囡「嗡嗡」一起到場。
唐寧攜同女兒「嗡嗡」到場，她指女兒快兩歲，現時與大仔同讀一間幼稚園，對於大仔升小學，她說：「遞咗表，冇特別考邊間。」採訪、攝影：黃曉妍
來源:
http://hk.apple.nextmedia.com/entertainment/art/20170108/19890019
結婚十年再發表愛Kay宣言 張繼聰：繼續搞笑令你快樂
1 :
GS(14)@2017-01-22 02:17:14「由我開始玩音樂嗰日開始，我都係追尋我夢想。有時行過嘅路呢，就好似越努力，跌得越痛。今日呢個獎話俾我聽，我冇做錯到。」「我想多謝我嘅父母。你哋係最好嘅父母，令我識得去做人哋父母。」「最後，我想多謝我太太，同埋我個仔。……喺過去嘅一年，我聽過好多祝福嘅說話，都聽過好多，好難堪嘅說話。我記得有一晚，我睇住我太太瞓覺，係一個好大壓力嘅晚上，我好難過。我唔知我可以講乜嘢說話去安慰佢，但我同我自己講，我一定好好照顧我太太，照顧我個仔。」「就算時光倒流幾多次，我都會娶你做老婆。我愛你。」2007年1月20日，張繼聰謝安琪奉子成婚，當時女方事業發展領先，好多人就話「女尊男卑」乜乜乜。後來BB出世，兩人初為父母，壓力更大。但老土啲講，佢哋冇放棄到。2008年1月1日，那個時候，張繼聰仍然被冠姓謝，唔係姓張。嗰年叱咤，佢拎咗作曲人大獎，同唱作人銀獎。喺領取作曲人大獎時，張繼聰哽咽發表以上愛妻宣言。2017年1月20日，兩人結婚10周年。已經由謝繼聰變番張繼聰嘅張生，於社交網再次發表愛妻宣言。佢話：「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿。」寫到這裡，張繼聰貼了一個唇印emoji，並寫道：「我會繼續喺我哋嘅婚姻生活裏面搞笑，令你繼續成為快樂的太太，Happy10th anniversary, I love you honey。」仲有個幾兩個月就生得嘅人妻Kay就仲未有愛的回應。題外話，想問下點解啲明星但凡結婚周年貼圖，都係貼傳媒報道嘅相咁奇怪嘅？
來源:
http://hk.apple.nextmedia.com/entertainment/art/20170121/19904419
愛妻陳豪三年抱三 張繼聰時光倒流都要娶Kay
1 :
GS(14)@2017-01-24 03:00:16黎諾懿前日(21日)就拖住腹大便便嘅老婆李潔瑩，去到中環睇BB床，為呢個雞年BB做好一切準備，愛妻之情表露無遺。而其實圈中亦有唔少出名嘅「愛妻號」藝人。
張繼聰
07年1月20日，張繼聰同謝安琪奉子成婚，當時好多人都話男方襯唔起女方，仲叫佢做謝繼聰，但日前係佢哋結婚十周年，張繼聰就喺fb到再發愛的宣言，留言話：「就算時光倒流幾多次，我都會娶你做老婆。我愛你。」冧死人咩！
陳豪
陳豪同陳茵媺13年結婚，之後三年抱三，誕下梓燁、浩鋒同凱婷，兩仔一女，一家五口好幸福咁生活，陳豪呢個多個公，仲不時咁做埋湊仔公，咁帶埋老婆仔女去行街Shopping。
杜汶澤
阿澤同田蕊妮結婚多年，兩夫婦不斷互相扶持，阿澤患上香港極罕有病症米勒費雪症候群時，阿田對老公不離棄。而阿澤亦大讚老婆，所以周不時都會送啲驚喜俾佢，好似阿田36歲生日時，阿澤就親自下廚，煮九大簋冧老婆同宴請朋友。
胡諾言
胡仔同陳琪結婚多年，婚後先後誕下兩女，但喺14年，陳琪不幸流產，差啲連子宮都要切掉。幸好陳琪之後養好身體，去年成功懷有第三胎，當時記者問陳琪，佢老公係咪錫晒佢，陳琪答得好開心：「梗係啦！我話晒喺屋企都好重㗎。」日前佢哋仲為小王子搞咗個百日宴㖭，認真Sweet爆！
來源:
http://hk.apple.nextmedia.com/entertainment/art/20170123/19906229
Next Page